أبي فلم - الموضوع الرسمي لأفلام هوليود

[Black]

^
زيد عليهم dispicable me .. شفته للمرة الثانية امس ! تحفة

 

[NiGhTMaRe]

-% تــجربــة سينــــمائـــية %- ثري ديه !

Despicable Me

اوكي شفته .. فلم ممتاز كـ انميشن وكوميدي .. بس للأسف ماشفت تجربة الثري دي الي كنت اتوقعها .. كنت متحمس لتجربة هالتقنية بس ماشفت شي منها فعلا !! قررت اني ماشوف اي فلم 3d هالفترة ذي الى ان تتطور فعليا لاني اليوم ماشفت ولا لقطة حسيت انها تفرق عن العادي .. عموما فلم كوميدي عائلي ممتاز وانصح الكل به


8.5

متأكد شفت الفلم في قاعه ممتازه؟؟ الشي الثاني هل كنت قاعد في الوسط؟ يعني لا شرق ولا غرب؟؟
انا شفته في سنما الجراند في ابن بطوطه مول وكان ممتاز لدرجه اني اوصفه افضل تجربة 3D حتى الآن!!

 

[Al Pacino]

شفته في سينما قراند وكنت جالس فالوسط حتى القاعه كانت فاضية والصف حقي فاضي فقعدت بأفضل نقطة بوسط الصف .. اذا هذي فعلا تعتبر افضل تجربة 3D للكثيرين فـللأسف كنت معطي ال3D اكبر من حجمة ومتخيله شي افضل من كذا .. عفوا حسبته شي وطلع ولا شي !!


تــجربة سينمائية << مش لازم زبركة الحمد لله وصلت الرياض قبل دقايق وهالرد كنت كاتبه من الامارات بس يوم جيت اعتمد الرد خلص وقتي بالنت هناك -_-"

Knight and Day


زي ماقالو الشباب هنا .. فلم اكشن خفيف .. بس خفيف بزيادة -_- .. قصته سطحية .. فيه كوميديا اقرب لأستخفاف دم يعني ساعات تحسها كوميديا سخيفة .. توم كروز ماغير رأيي فيه لازلت اكرهه .. Cameron Diaz ماعجبتني كـممثلة يمكن دورها ماكان لها .. مدري الفلم ماكان مناسب لي بس كان حليو عموما ..

تعديل : اوح توم اكبر من كاميرون بـ 10 سنوات !! اوكي توم ادري انه شايب بس كاميرون حسبتها اكبر منه !! طالعها عجوز بالفلم ..

7


مقنفست صدفة حلوه ناوي على الفلم هاليومين .. وردك حمسني عليه ..


G4mer متاكد من كلامك ؟ لان الفلم بقائمتي واحتمال اشوفه هالشهر فأذا الموضوع فيه ارتباط بسلسله وحوسه فـ انتبه من الحين افضل ..

 

[Nintendo]

لول محد شاف فيلم Tekken غيري ولا ايش؟ لا يفوتكم

 

[BioMario]

لول محد شاف فيلم Tekken غيري ولا ايش؟ لا يفوتكم

ههههههههه, انصح الكل يشوفة وهو نعسان

 

[X-SRI-X]

لول محد شاف فيلم Tekken غيري ولا ايش؟ لا يفوتكم

لي نية اشوفه بس للامانة حاس اني امام عمل سينمائي سخيف
فهل كلمة : لا يفوتكم , ساركازم ولا من جد ؟ :

 

[Nintendo]

لول شوفه بنفسك خالد ورد علي

 

[Black]

Grown Ups
فيلم كوميدي كثير والقاعة كانت فل تقريباً .. لكن الي خرب الفيلم علي هو ان في شخص كان جالس وراي وعلى ادنى لقطة يضحك بصوت عالي (ما ادري هو يضحك كذا من جد او انه يستهبل >.>) .
B

 

[BLACK KN1GHT]

The A-Team
فلم كوميدي اكشن عجيييييب .. فيه حركات موش مومكنة ابداع الفلم
B

 

[Dr.MoDmEn]

sin city

فكرته جديده والاخراج رائع لكن المشكله القصص ماحسيتها ذاك الزود

الفلم ثلاث قصص مختلفه مدموجه بطريقه احترافيه بفيلم واحد ,, من اوله لاخره ابيض واسود

يعيب الفلم انه مافيه ولا بنت فيه لابسه زي الناس >< ,, تقييمه له 6 من 10 وما انصح فيه

 

[Painkiller Q8]

لول .. عزمت 8 من الربع على فلم في السينما !!!

Splice

3 عجبهم والباقي كرهوني .... عن نفسي اشوفه جيد .. ولاكن سينما الكويت ماقصرت في التقطيع .. خربوا ام الفلم ..

اعطيه 6\10

 

[Black]

^
٠ /١٠ .. حرام عليك انك دخلته 🙁
كان سيء مع او بدون التقطيع

 

[Painkiller Q8]

OMG!!!!!!

توني خلصت فلم Tekken

انا من فانز اللعبه .. وسويت جو للفلم وعزمت الشباب عندي وحدي متحمس .. ولاكن !!

الفلم بختصار .. مزيج من الجوسبلاي الرخيص وممثلين من الشارع واداء أقل من مقبول وسخافه وسذاجه وملل وفراغ لانهائي .. وهذا المزيج مزين بالتفاهات والبعض من سوء الاخراج المريض

اقسم بالله ان جاني شعور بكره اللعبه ونامكو بكبرها .. من ان اللعبه مالها علاقه !!

الممثلين: نووبز بالتمثيل .. مع البعض من عارضات الازياء الرخيصات .. وجوسبلي وازياء تافهه وبعضها مالها علاقه في الشخصيات لدرجة انك تقول منو هذا او هذي ؟؟ .. حتى كازويا عنده شنب ولحيه .. وجن ماله خلق يحلق شعر اباطه للتمثيل ... وستيف فوكس اصلع ولا يعرف شيء اسمه ملاكمه !!

القصه: قمه في التفاهه والاحداث السريعه .. وتحس المخرج ماله خلق الفلم وكل شي على السريع

الاكشن: فلم هندي

تقيمي 1\10 .. طبعا 1 بس لان الفلم يحمل اسم لعبه قويه مثل تكن .. EPIC FAIL :yuck:: :yuck:: :yuck:: :yuck::

ومن الآن لامزين من افلام الالعاب !!

 

[PS]

^^
لووول شو كنت متوقع غير هذا الشيئ ,أنا من شفت الاعلان قلت مستحيل أجوف الفلم.

شوقالولك الشباب بعد الفلم:laugh::

 

[itachi]

Despicable Me
مو طبييييييييييعي ضحكت ضحكت هههههههههههههه :laugh::
الفلم جدا جدا رهيب [

 

[Al Pacino]

Once Upon a Time in America



فلم .. ممتاز كمتسوى واداء واخراج وقصة وسيناريو وكل شي وكان ممكن يكون من الافلام الممتازة .. بس الفلم مليان مقاطع جنسية وفيها تعري " قوي " وهذا عيب الفلم الاكبر بالاضافة الى طوله " اكثر من 3 ساعات ونص " التصوير فيه من النوع الي يعطي كل مقطع حقه وزيادة فتلاحظ الممثل يتصرف بطريقة واقعية جدا وممكن تجلس دقيقة كاملة تشوف الممثل ساكت ويفكر .. الاداء فيه من افضل ما رأيت وممكن يكون قريب من قودفالز بمستوى اداء الطاقم .. قصة ممتازة وتصوير رائع للفترة مابين 1920 - 1960 في امريكا تحديدا في بروكلين .. الفلم فيه لحظات حلوه ومعبرة بس للأسف المقاطع المخلة عاقت الفلم من انه يكون ممتاز بالنسبة لي .


8

 

[Painkiller Q8]

^
هل فلم اعطيه 10

 

[Superx]

^
ياخي كمية الـNudity اللي فيه تسد النفس , وتخليك ماتكمل مشاهدة الفلم حتى ..

 

[PS]

أنا الفلم أعجبني وايد بس بسبب المقاطع الجنسية الكثيرة ماأنهيت الفلم تسد النفس.

 

["a7mad"]

لوووول

كل اللي قلتوهم شايفهم الا كونفو باندا و مدغشقر (بكل الجزئين )

يعني من الممكن احملهم بعد شوي .. =)

مشكورين .. واذا فيه افلام ما اشتهرت او قديمه لكن مشهورة عطوني اساميهم لان اي فلم انميشن هاذي السنة شفته لووول

 

[iCrow]

لوووول

كل اللي قلتوهم شايفهم الا كونفو باندا و مدغشقر (بكل الجزئين )

يعني من الممكن احملهم بعد شوي .. =)

مشكورين .. واذا فيه افلام ما اشتهرت او قديمه لكن مشهورة عطوني اساميهم لان اي فلم انميشن هاذي السنة شفته لووول

صف افلام السنوات الاخيره ورجع الى ابداعات ديزني الكلاسيكيه

 

[m7787m]

عندك Coraline , Over The Hedge , Cludy With A chance With Meatballs , Monster House

 

[JOE]

The Karate Kid

عجبني بس توقعت افضل خصوصاً على نهاية الفيلم .... اداء جاكي تشان مزبوط .

 

[HAL-9000]

في الفترة الماضية شفت ثلاثية أفلام The Man with No Name و هي ثلاثة أفلام من نوع سباجيتي ويسترن و هي أفلام ويسترن ايطالية من بطولة كلينت ايستوود و كل جزء له قصة مختلفة تماماً عن باقي الأجزاء و حتى الشخصيات فيه مختلفة باستثناء شخصية كلينت ايستوود اللي مالها اسم

A Fistful of Dollars (سنة 1964)

الجزء الأول من الثلاثية و قصته عادية و الاخراج كان جيد و كان واضح إن ميزانية الفيلم كانت جداً منخفضة لأنه الفيلم فيه مشاهد مرة رخيصة و أكثر شيء يقهرني لمن يتظاهر الممثلين بالموت تلاقاه يتشقلب على الأرض و يسوي حركات ما ادري ايش تبغى و بعدها يموت و طبعاً ماكان في أي مؤثرات دم حتى. لكن أحسن شيء في الفيلم كان ايستوود اللي دوره في هذا الفيلم كان الأفضل مقارنة بأدواره في باقي الأجزاء

5/3

For a Few Dollars More (سنة 1965)

الجزء الثاني أفضل بكثير من اللي قبله و خصوصاُ من ناحية القصة و الشخصيات الجديدة و أولهم الممثل لي فان كليف و طبعاً نهاية الفيلم كانت رهيبة

5/3.5

The Good, the Bad and the Ugly (سنة 1966)

الجزء الأخير هو بلا منازع الأفضل و من أفضل الأفلام اللي شفتها. لكن للأسف المخرج كان يحاول يطول في تصوير بعض المشاهد بلا مبرر. يعني أنا يعجبوني المخرجين اللي يعتمدوا على الاخراج البطيء زي فرانسيس فور كوبولا و ستانلي كويريك لأنهم يعطوك أبعاد جديدة تقدر تشوف المشهد من خلالها و لكن في الفيلم هذا المشاهد الطويلة حسيت ماكان لها أي داعي و لكن في نفس الوقت أستثني بعض المشاهد الطويلة اللي عجبتني زي مشهد النهاية الملحمي بمعنى الكلمة. و الموسيقى التصويرية في الفيلم كانت رائعة مع إن أساساً موسيقى كل أفلام الثلاثية رهيبة و لكن موسيقى الجزء الثالث ماقد سمعت زيها و تثبت أن الملحن انيو موريكوني واحد من أفضل الملحنين على الإطلاق

5/4

 

[romyo]

OMG!!!!!!

توني خلصت فلم Tekken

انا من فانز اللعبه .. وسويت جو للفلم وعزمت الشباب عندي وحدي متحمس .. ولاكن !!

الفلم بختصار .. مزيج من الجوسبلاي الرخيص وممثلين من الشارع واداء أقل من مقبول وسخافه وسذاجه وملل وفراغ لانهائي .. وهذا المزيج مزين بالتفاهات والبعض من سوء الاخراج المريض

اقسم بالله ان جاني شعور بكره اللعبه ونامكو بكبرها .. من ان اللعبه مالها علاقه !!

الممثلين: نووبز بالتمثيل .. مع البعض من عارضات الازياء الرخيصات .. وجوسبلي وازياء تافهه وبعضها مالها علاقه في الشخصيات لدرجة انك تقول منو هذا او هذي ؟؟ .. حتى كازويا عنده شنب ولحيه .. وجن ماله خلق يحلق شعر اباطه للتمثيل ... وستيف فوكس اصلع ولا يعرف شيء اسمه ملاكمه !!

القصه: قمه في التفاهه والاحداث السريعه .. وتحس المخرج ماله خلق الفلم وكل شي على السريع

الاكشن: فلم هندي

تقيمي 1\10 .. طبعا 1 بس لان الفلم يحمل اسم لعبه قويه مثل تكن .. EPIC FAIL :yuck:: :yuck:: :yuck:: :yuck::

ومن الآن لامزين من افلام الالعاب !!

غريبه اخوي اعطيت الفلم اكبر من حجمه

معروف أي فلم مقتبس من لعبة فاشل عندك مثلا ستريت فايتر

يا حسافة الجمعه بس معوضه

 

[Painkiller Q8]

^
ياخي كمية الـNudity اللي فيه تسد النفس , وتخليك ماتكمل مشاهدة الفلم حتى ..

أنا الفلم أعجبني وايد بس بسبب المقاطع الجنسية الكثيرة ماأنهيت الفلم تسد النفس.

صح كلامكم ياشباب .. في مقاطع كثيره و تسد النفس ... بس يضل فلم قوي جدا

المفروض تكمل الفلم واتطوف اللقطات ..

استخدم

 

[Zulfiqar]

Angry Men 12
ماكنت متحمس لفلم أبيض أسود أحداثه في غرفة وحدة, لكن مع هذا ماحسيت باالساعة الأولى مرت بسرعة خيالية.
البلوت والمحادثات محبوكة بشكل قوي وتحركات الممثلين في الغرفة وأدائهم من أفضل مارأيت.

تحفة فنية.

 

[Hironobu Sakaguchi]

لول محد شاف فيلم Tekken غيري ولا ايش؟ لا يفوتكم

مدري وين محل "لا يفوتكم" من الاعراب
بس جالس اشوفه حاليا في الدقيقة 24 ودخلت هنا قلت خلني اشوف الانطباعات قبل ما اكمل
شكلي بشوفه بس عشان امشي الوقت :tongue:

تعديل: لول على كازويا :xd:
شكلي باخذ بريك اشوف حلقة ون بيس وارجعله بعدين :razz::

 

[G_kirby]

يا ليت لو واحد يشرح لي نهاية the echo ما فهمت شصار :confuse:
احس اني كنت فاهم إلى النهاية بعدين

محتوى مخفي: نهاية الفيلم

بوبي يطلع من الشقة يحصل الزوجة تضرب زوجها الشرطي
وما تكلم او عصب مع انه يوم كان العكس كان يوقف الزوج ؟

 

[Jonas]

sin city

فكرته جديده والاخراج رائع لكن المشكله القصص ماحسيتها ذاك الزود

الفلم ثلاث قصص مختلفه مدموجه بطريقه احترافيه بفيلم واحد ,, من اوله لاخره ابيض واسود

يعيب الفلم انه مافيه ولا بنت فيه لابسه زي الناس >< ,, تقييمه له 6 من 10 وما انصح فيه

شلون ما تنصح فيه حرام عليك هالفلم رهيب رهيب رهيب جداً , قصته و غموضه و اجوائه الغريبه..