أبي ريسيفر

[Snake-87]

السلام عليكم

شلونكم شباب؟

ما عندي خلفية كبيرة عن الرسيفرات والقنوات وودي آخذ لي ريسيفر وعندي كم سؤال .

- إذا خذيت لي رسيفر يدعم كمبوننت أو HDMI هل راح يفرق مع المحطات إلي تبث البث العادي بالجودة؟ وإلا لازم يكون البث HD ?

- شنو القنوات الي تبث HD?

- كم أسعار الرسيفرات ؟

- جهاز Tivo يشتغل عندنا ؟ يعني لو أطلبه من أمريكا يشغل لي قنوات مثل الدسكافاري HD وفوكس وانت رايح ؟ مافي خدمة مشابهة لهذا الجهاز عندنا ؟ لأنه الجهاز جدا حلو ولكن معقولة إلى الآن ما وصل جهاز مماثل عندنا ؟
(يعيد اللقات حتى لو كان مباشر ويسجل ويختار البرامج تلقائيا إلخ...)

- شنو أحسن الماركات ؟ وشنو قصة الـ (كرت) مثل الجزيرة ؟

يعطيكم العافية مقدما

 

[King Wario]

انا من فترة خذت ريسفر HD يستقبل ارسال من الانترنت .. ما اعرف اذا انت مهتم بهالنوع ولا لاء ؟

 

[Snake-87]

^
شلون نظامه وطريقة استخدامه ؟ ويعطيك المحطات العادية بصورة أنقى من الرسيفر العادي ؟

 

[King Wario]

من تجربتي القنوات العادية ما تفرق على تلفزيون ورسيفر اتش دي .. بالعكس تطلع بايخة بتلفزيون كبير ( احيانا اشك في ال LCD بس اتوقع حجم الشاشة هو اللي مخرب الصورة اكثر )

في قنوات بثها مب اتش دي بس ممتاز وصافي ، مثل قنوات شوتايم والجزيرة الرياضية .. خصوصا شوتايم بثهم ما عليه كلام ابد

حاليا قناة الاتش دي الوحيدة اللي اتابعها هي الجزيرة الرياضية ، والصورة رووووعة ( مع اني ما اشوفها فول اتش دي )

بالنسبة للرسيفر اللي عندي .. تقدر تقول انه مثل الكوبي في الالعاب .. هالرسيفر توصله براوتر عن طريق ايثر نت ، ومعظم القنوات المشفرة بتشتغل معاك بدون اشتراك .. بس اللهم ادفع 250 درهم للسيرفر في المحل حق 6 شهور .. طبعا هذا ولا شي بالنسبة للباقات اللي احصلها

اذا بغيت رسيفر اتش دي من هذا النوع ( يستقبل ارسال من النت ) .. عندك الاشهر هو دريم بوكس .. سعره غالي في حدود 3000 .. مب متأكد من المزايا اللي مخليه سعره غالي لهدرجة

انا اللي عندي اسمه HD.com .. سعره معقول 1500 .. يدعم 1080i بس

ما عندي خبرة كبيرة في الرسيفرات بس اذا عندك اي سؤال انشالله افيدك

 

[The Shadow]

ما عندي خبرة بتاتا في الرسيفرات ، بس انصحك مثل الاخ king بالـDreambox ( لاني حاليا ناوي على واحد )، و ما انصح بشراء الـhd لان الاسعار اشوفها مرتفعه وماراح تستفيد منها في الوقت الحالي ، يعني ما في الا الجزيرة !

بس اللهم ادفع 250 درهم للسيرفر في المحل حق 6 شهور

بس ياخي احس السعر اللي ياخذوه منك كل نص سنة يقهر 🙁 ! يعني زيه زي الدريمبوكس اللهم ان السعر صاير تقسيط لول

 

[King Wario]

ما عندي خبرة بتاتا في الرسيفرات ، بس انصحك مثل الاخ king بالـDreambox ( لاني حاليا ناوي على واحد )، و ما انصح بشراء الـhd لان الاسعار اشوفها مرتفعه وماراح تستفيد منها في الوقت الحالي ، يعني ما في الا الجزيرة !

ترا الدريم بوكس ريسفر اتش دي .. انا انصح بالثاني صراحة بس قلت ان دريم بوكس هو الاشهر

بس ياخي احس السعر اللي ياخذوه منك كل نص سنة يقهر ! يعني زيه زي الدريمبوكس اللهم ان السعر صاير تقسيط لول

اشتراك الشوتايم سنة اغلى من رسيفري .. وقيمة اشتراك الاي ار تي اوزعه على اجار يكفيني سنتين عالبراد لول .. وانا احصل باقات اكثر من هالاثنين بس

 

[Justice]

شباب انا عندي دريم بوكس عادي ماخذه بس ب٦٠٠ ريال مع اشتراك او ٦شهور طبعاً عادي لكن فيه مخرج VGA
والصورة اااخ ياحلاوتها ممتازة جداً الي عندنا هنا HD ب٢٠٠٠ريال بس على حساب مخرج الHD مافيه اي ميزة عادية عن العادي
طبعاً فيه رسيفرات نفس نظام الدريم بوكس ارخص لكن يكون المودم خارجي يعني برى الرسيفر.

 

[Wild Fox]

يعتمد على استخدامك
اذا انت من هواه الدوريات و المسلسلات الامريكيه الكوميديه انصحك بالدريم بوكس
اشتراك رحيص و بس يلزمك دي اس ال (باي سرعه) و متوفر منه رسيفرات تدعم الـ hd
والتسجيل على الهارد

 

[The Shadow]

اذا دريمبوكس عادي يكون كافي ؟ سعره كم ؟ بين ال،600 و الـ800 ؟

معليش شيخ محمد اني انا اللي طبيت في الموضوع XD

 

[ABUALI]

الدريم بوكس حتى لو ما بغيت اشتراك فهو استخدامه ممتاز ومرتب، عكس بقية الرسيفرات.
اللي يبغي دريم عادي أنصحه بالموديل 500 المقلّد لإنه ما يفرق عن الأصلي في شي، لكن فرق السعر مهول من 70 إلى 20 دينار. وبالنسبة حق التسجيل في هذ الموديل بيكون عن طريق الشبكة في اللابتوب أو الكمبيوتر.
اللي ناوي على الـHD ما انصحه ياخذ دريم بوكس في الوقت الحالي لإن مشاكله لا تعد ولاتحصى (&)

 

[Snake-87]

يعطيكم العافية شباب ..
الحين آخذ شنو إحترت XD?

 

[Eario]

محمد انا راح اقولك خيارين الي اشوفهم ممتازين جدا ً وانت اختار الي يناسبك.

- رسيفر هيوماكس يدعم الاتش دي و يدعم التسجيل على هاردسك داخلي او خارجي مش متاكد (بتحصله بمحلات حولي, لكن انصحك تشوف الي بالغانم) بحدود ال 130 اتوقع او اقل, ما أدري اذا فيه مميزات تسجل برنامج و مشاهده اخر او ايقاف و اعاده البرنامج.

- رسيفر دريم بوكس 800, يدعم الاتش دي و التسجيل عن طريق هاردسك داخلي و فيه كل مميزات شو بوكس الي تطالع قناه و تسجل من الثانيه, توقف, تعيد البرنامج الي تطالعه يدعم الشيرينج. تحصله 100% بحولي (واحد من الشباب ماخذه منهم) بحدود ال 200.

بالنت موجود كل شي ارخص, لكن يمكن ما يدش الكويت (يمكن)

 

[Rare Games]

مادري اذا متأخر او لا

شخصياً ما انصحك تاخذ ابداً رسيفر اتش دي

شريت رسيفر هيومكس موديل HDCI-2000 استعمله مدة سنة وشهر يمكن

- جودة القنوات العادية اسؤا وقد تصل الى الكارثية برسيفر الاتش دي على شاشات LCD
- ما فيه الا الجزيرة اتش دي وهي الحسنة الوحيدة بالجهاز ( اذا كان لك اهتمام بالكورة )
- الرسيفر الي اخذته ما يحفط القنوات اصلاً كل 3 او 4 ايام تسوي بحث من جديد لكل القنوات
- مشكلة بالاقمار عندي عربسات ونايل سات و موراضي يلقط الا نايل سات
- قنوات الشوتايم وام بي سي جودتهم جيدة وخاصة الافلام

يمكن المشكله بالرسيفر الي شريته كان سئ جداً جداً لدرجة اني صارلي شهرين بدون رسيفر من شلته وحطيته في كرتونه يغبر 🙂

 

[The Shadow]

بالنسبة لي اشتريت رسيفر اسمه Link Sat مع قطعة لتسريع عمل الجهاز ( لعرض القنوات بسرعه ) بسعر 480 ريال سعودي . ويعمل بشكل راااائع .

 

[Snake-87]

يعطيكم العافية .. اجلت الموضوع شوي لما يتوافر موديلات جدد (&)

 

[Jonas]

انصحك بجهاز يشبه دريم بوكس , مدري وش اسمه لكنه بـ800 ريال و يطلع القنوات بدون الحاجه الى انترنت

توني اشتريته قبل اسبوع و بصراحه ممتاز جداً