hits counter

آرائكم عن شاشة LG مقبل على شرائها!

I

Inc0mp3rtus II

Hardcore Gamer
السلام عليكم


من فتره ادوّر عن شاشة محترمه وقليل الاقي شاشة تجمع كل المواصفات الي انا ابيها!
فا كنت لازم اضحي بميزه او اكثر، وكنت ابحث عن شركات معيّنه وتعبت صراحه.

الغريب اني مابحثت في شركة LG وهنا الصدمه، كل المواصفات الي انا ابيها في شاشه وحده اخييييرا ً !!! من LG!
قبل ما اتهوّر واشتريها حبيت آخذ آرائكم اللطيفه عن هذي الشاشة

http://www.lg.com/ae/home-entertainment/lcd-tv-led-tv-plasma-tv/LG-led-tv-37LE5500.jsp

المواصفات الي كنت ابيها وأكثر ، موجودة في هذي الشاشة :rockon:

LED و37" الكونتسرات فيها 5 ملايين، فيها ترو موشن (100 هيرتز) FULL HD
الريسبوند تايم فيها 2.4 فقط! وباقي المواصفات الاخرى الجميله.

وش رايكم فيها؟ او هل تنصحوني بشاشة مقاربه لها من شركه اخرى؟

الميزانيه كحد اقصى: 4000 واتوقع الشاشة هذي في حدود السعر
معلومات، نصائح اي شي مرحب به!

شكرا ً للجيمع، وكل عام وانتم بخير : )

EDIT: الشاشة استخدام شخصي وللجيمنج فقط!
 
التعديل الأخير:
بصراحه أنا معجب بمنتجاتهم ويهتمون "بالاسود" اكثر من غيرهم حتى في الled
ومتتميز شاشاتهم بإضائات رائعه وماتشوف اي عيوب او حتى الجهه الي طالع منها ضوء الled

لاتتردد الشاشه ممتازه
 
اصرف نظر افضل لك

روح على سامسونج او باناسونيك ....

مع الاستخدام بتبان عيوب في الشاشه خصوصا في السطووع

اسال مجرب وممكن ايضا يطلع لك خط اسود طولي او عرضي على الشاشه ( مشكلة متفشيه في ال جي ) صح يتحملها الضمان لكن شو الفايده بيتم التصليح وبيطيح في كبدك

انا عندي الانفينيا والحين مفكر اشتري شاشة جديده

روح للسامسونج على قولتهم حمار مكدة خخخخ او باناسونيك
 
التعديل الأخير:
أنصحك بسامسونج كأختيار أول و بعدها سوني لكن الأسعار غالية و تليهم بناسونيك
 
@Emirates

تعبت من كلام الناس، بينبي وبينك كنت ادوّر على سامسونج فقط ولاكنت ابي غيرها
بس مالقيت الي ابيه والكونسترات في شاشات سامسونج الـLED ضعيفه جدا ً وماتجي للمليون اصلا ً
وكثير مامدحوا سامسونج على قولتهم خراباته كثيره والوكاله عندنا سيئه في التصليح والضمان سنه موب زي ال جي 3 سنوات.

انا خلاص لازم أقرر الآن ولا ما اشتري شاشة احسن، لي فتره طويله وانا ادوّر على شي زين وأخيرا ً وقعت في هذي
واذا شريتها بتوّكل على الله وإن شاء موب جايها شي. شكرا ً لك ولـ بين كلير على إبداء رأيه 🙂

في إنتظار المزيد
 
@BioMario

وت! غريبه
LG ممتازه في الشاشات، كذا خليتوني اتردد 🙁

طيب ايش المشكلة في LG ؟ بعدين انت والاخ Emirates تقولون ان سامسونج أفضل
ممكن تعطوني شاشة كويسه قريبه من المواصفات الي ابيها من سامسونج؟ انا تعبت ومالقيت

واذا عندك من باناسوينك خلينا نشوف، يعطيكم العافيّه جميعا ً

PS: سوني حاذفها من مخي
 
ال جي حلوه شاشتهم في البدايه ونسبة الاعطال وارده حتى افضل ( في البدايه ) من سامسونج وسوني لكن ما اضمن لك الاعطال انا واخوي صارت لنا نفس المشكله

انا شاشتي Full LED واخوي LCD

اتوكل على الله عيل واخذ ال جي دامك على قناعه في الشاشه
 
توكل على الله واشترها ما دام نفسك فيها :]

بصراحة شركة LG تعتبر من الشركات الممتازة وراح تثبت نفسها في السوق في المستقبل القريب
 
أنا خذيت آخر شاشه LED 32 منسامسونج والشاشه روعه ..حطيت صورتها في اكثر من موضوع
انصح فيها بشده
لكن مو معناه انها افضل من LG
المشكله ان الناس ماخذين فكره ان الالجي اقل مستوى من غيره
لكن أنا أقولك رأيي ان الشاشه تجي بعد السامسونج مباشره
 
شباب، مواصفاتها مضبوطه للجيمنج ولا انا غلطان؟

ما احس فيه شي ناقص 🙂
 
عندي شاشة إل جي من ٢٠٠٩ إلى اليوم لها تقريباً سنتين ، ٤٢" وماشية زي الحلاوة تمام التمام .. مالي خبرة في الشاشات لكن إل جي شركة محترمة .
 
@Painkiller Q8

ممكن تعطيني موديلها اذا ماعليك امر؟
 
Inc0mp3rtus II قال:
شباب، مواصفاتها مضبوطه للجيمنج ولا انا غلطان؟

ما احس فيه شي ناقص 🙂
أنقر للتوسيع...

هو مافيه شي ناقص تقريبا عدا الرسبون تايم اللي من المفترض يكون 4/ث لكن جيدة بشكل عام خصوصا الموشن ممتاز لكن العيب بما أنك تبي تدفع 4000 خذ لك سامسونق أفضل .. بتلقى بأقل من هالسعر و LED بعد
 
سامسونج المركز الأول بالشاشات ودايما تقايم شاشاتها احسن من الباقين من التقنين ..مش شايف سبب يخليك تروح لألجي خصوصا انه مبلغ 4000 ريال يجيب شاشة محترمة
 
^
وش مشكلة الريسبون تايم؟
كل ما قرب الريسبون تايم من الصفر صار أفضل
 
@just me

ليش المفترض يكون4؟ مو كل ما قل كل ماصار أحسن؟

ودام انك تقول سامسونج ممكن تعطيني شي من سامسونج قريبه من هذي المواصفات؟ وأكون لك شاكر
 
الله يجزاكم خير عطوني شاشة سامسونج "محترمه" حول ميزانيتي؟

كل الي بالموضوع سامسونج ما شاء الله 😀
 
خذ سامسونج او سوني كلها ممتازة جدا

بصراحة ماجربت شاشة من LG بس اغلب المديح سامسونج او سوني فخلك على المضمون
 
D_SHEHAB قال:
عندي شاشة إل جي من ٢٠٠٩ إلى اليوم لها تقريباً سنتين ، ٤٢" وماشية زي الحلاوة تمام التمام .. مالي خبرة في الشاشات لكن إل جي شركة محترمة .
أنقر للتوسيع...

نفس الشي هنا عندي من سنتين 42 بوصة و سعرها كان مغري (2900 ريال !!)
 
شباب بخصوص الكونتسرات هل يفرق مرة مع الجيمنج؟

يعني لو كان مليونين او مليون أو حتى أقل، هل راح يأثر او يُلاحظ؟

لان بشاشات سامسونج مايكتبون في المواصفات كم الكونتسرات بالضبط، بس كلمه (تباين هائل) أو (تباين فائق)
 
سوني برافيا ما تنفع ابدا للجيمنق بسبب الاق الكارثي إلي في كل الموديلات المتقدمة.
أفضل شي من هالناحية من تجربة أكثر من موديل
1- شارب
2- إل جي
3- بناسونك
 
يجب تسجيل الدخول أو التسجيل كي تتمكن من الرد هنا.
عودة
أعلى