hits counter

الموضوع الرسمي آخر مستجدات الهواتف الذكية (أخبار - نصائح - إشاعات - مقالات)

مشكورين كل الاعضاء اللي ردوا علي خلاص قررت وشريت نوت ٢٠ 5g الترا



Nostalgic قال:
الجالاكسي نوت 20 ألترا جوال جيد بس يعتبر قديم نسبيًا وما أنصح بشرائه إلا إذا لقيته بعرض مغري جدًا وبفارق سعر كبير بينه وبين الجالاكسي إس 21 ألترا. كما تعلم لم يصدر أي جوال من فئة النوت لهذا العام ويرجح أن السلسلة قد انتهت وتم تحويل مميزاتها إلى موديلاتها الراقية الأخرى وهذا اللي
أنقر للتوسيع...

هو فارق السعر فعلا مغري لاتنسى انه s مشكلته مايدعم الذاكرة الخارجية وعلى هالاساس راح اضطر اني اشتريه بسعته الداخلية ٥١٢ وصراحة مايستاهل هالسعر المبالغ فيه

ماعندي علم اذا سلسلة النوت انتهت لانه في اشاعة بيرجعوله في سنة ٢٠٢٢ ويكون اسمه نوت ٢٢

نعم الجهاز نوعا ماقديم بس كسعر انسب شي لي مو موضوع ميزانية اقدر اشتري اغلى تلفون لو كنت حاس انه الموضوع يستاهل بس بصراحة لا


Nostalgic قال:
سعره عند الإصدار راح يكون مرتفع ومبالغ به أكيد وما أظن بيرجعوا دعم الذواكر الخارجية
أنقر للتوسيع...
انت قلتها بنفسك لو انطر السعر اغلى ودعم الذاكرة الحارجية غير مضمون


Nostalgic قال:
نفسي راح أتوجه هذه المرة مع البكسل 6 برو لأني مللت من كل شيء متعلق بسامسونج وتجربتي السابقة مع الآيفون مش مشجعة (ما أحب الـiOS) رغم أن كاميرة وبطارية الجوال مغرية وقد تعتبر الأفضل هذا العام.
أنقر للتوسيع...

تقدر تقول نوعا ما مليت من اجهزة سامسونج لاني تعاملت مع فئة s و كان عندي s4 و s6

وممكن اميل له بس اغلب المشاركين في التعليقات على اليوتيوب يشتكون منه انه البطارية تخلص بسرعة مع تشغيل شبكة 5g والوضع افضل مع 4g

يعني حرفيا لما اكون بمجمع او بمطعم او في البيت شاللي يخليني احتاج اشغله مع هالشبكة واهي ابطئ

نعم المواصفات تميل بشكل ضئيل للبيكسل من ناحية الدقة
وبشكل افضل في الكاميرا
وحجم اكبر بشكل قليل للبطارية النوت ٤٥٠٠ والبيكسل ٥٠٠٠
بس مشكلته الرئيسية انه كسعر اغلى ونرجع مرة ثانية لعدم دعمه الذاكرة الخارجية


Nostalgic قال:
ودك بشيء مختلف حتى لو مكلف؟ الجالاكسي زي فولد 3.
أنقر للتوسيع...
فكرت فيه المشكلة عن نفسي ادري اني ماراح استعمل مميزاته بشكل كبير وحتى لو ضغطت على نفسي

الانحناء واضح وبشكل بارز راح تلاحظ خط في النص
صراحة اعتبر هالشي عيب في الوقت الحالي على هالتطور كانوا المفروض يقدرون يخفونه

الايفون كاستعمال كان جميل قبل كان عندي ايفون ٤

والنظام سلس وروعة وما لاحظت اي اخطاء في السوفتوير مثل بعض المشاكل البسيطة في الاندرويد تعليق الشاشة او فجاة تصير الشاشة سودة

بس بعد فترة اللي كرهني فيه كل شي بفلوس وماقدر انزل لعبة من خارج المتجر

وماقدر انزل افلام ومسلسلات من المواقع فحولت على الاندرويد

الايفون غير انه سعره اغلى من الاندرويد النوتش فيه بارز بشكل مقزز

انا النوتش بكبره ماني قادر اتقبله انه ماخذ حيز من الشاشة بس على الاقل في السامسونج وجوجل نقطة دائرية ارحم من الايفون وهواوي وبعض الشركات

في شغلة نسيت اقولها النوت ٢٠ راح يدعم السوفتوير ١٢ في الوقت الحالي وهذا مناسب لي يقدر يمشيني سنتين او ٣
 
كم السعر المناسب لتاب S7+؟
 
Valtr قال:
نعم من السعودية.
لا.
أنقر للتوسيع...
اخوي للاسف ماقدر افيدك لاني توقعت انه موجود بxcite بس لانه التلفون حيل قديم مو متوفر حتى بجرير ماتحصله

مالك الا تروح محلات التلفونات الصغيرة وتسال عن سعره اذا متوفر عندهم وتقارن سعره بالسعر الرسمي

او اذا في احد ساكن بنفس منطقتك يقدر يفيدك اكثر
 
  • أعجبني
التفاعلات: Valtr
fatal framer قال:
اخوي للاسف ماقدر افيدك لاني توقعت انه موجود بxcite بس لانه التلفون حيل قديم مو متوفر حتى بجرير ماتحصله

مالك الا تروح محلات التلفونات الصغيرة وتسال عن سعره اذا متوفر عندهم وتقارن سعره بالسعر الرسمي

او اذا في احد ساكن بنفس منطقتك يقدر يفيدك اكثر
أنقر للتوسيع...
لا معليك.
انا بحثت في المحلات لكن ما لقيته، وكنت قادر اطلبه ب2900 ريال وللأمانة حسيته كثير على تاب كمل اكثر من سنة وقلت اسأل هنا.
مشكور.
 
Valtr قال:
لا معليك.
انا بحثت في المحلات لكن ما لقيته، وكنت قادر اطلبه ب2900 ريال وللأمانة حسيته كثير على تاب كمل اكثر من سنة وقلت اسأل هنا.
مشكور.
أنقر للتوسيع...
شوف اخوي انا ماعرف سعره الرسمي علشان اقارن معاه

انا تلفوني note 20 ultra موديل 5g كمل سنة وجم شهر سعره شريته ب٣٣٠٠ ريال

بالنسبة لتلفونك يعتبر اغلى والسعر اللي انت حاطه مناسب

في تلفونات على ٤٠٠٠ و ٥٠٠٠ ريال سعر كمبيوتر مرة وحدة وصراحة استرخصت اني اشتري تلفون بهالسعر

قلت تلفون يدعم 5g وسعره ارخص من الباقي ومن سامسونج ثقة هالشي يؤدي الغرض
 
  • أعجبني
التفاعلات: Valtr
BETTER GAMER قال:
فضفضة،،
أنقر للتوسيع...

وضع سوقنا كسلع كارثي من يوم ما انوجد لأن هالاستغلال مندرج في كافة المجالات الاخرى كالسيارات كمثال، وله عوامل كثيرة تفسر مثل ان الوعي والثقافة الاستهلاكية عندنا معدومة + السوق محكوم من عصابة تجار كل واحد يحاول ينصب اكثر بدال ما يكسب الزبون مثل زي اي دولة ثانية.

الحمدلله البدائل موجودة مثل التسوق بالبريد الامريكي او توصية شخص يشتري من الامارات.
 
KitKat99 قال:
وضع سوقنا كسلع كارثي من يوم ما انوجد لأن هالاستغلال مندرج في كافة المجالات الاخرى كالسيارات كمثال، وله عوامل كثيرة تفسر مثل ان الوعي والثقافة الاستهلاكية عندنا معدومة + السوق محكوم من عصابة تجار كل واحد يحاول ينصب اكثر بدال ما يكسب الزبون مثل زي اي دولة ثانية.

الحمدلله البدائل موجودة مثل التسوق بالبريد الامريكي او توصية شخص يشتري من الامارات.
أنقر للتوسيع...
للأسف :pensive:
أرجو أن يتحسن وضع السوق في الفترة القادمة.
 
الاخوة المستمتعين بالهواتف الذكية الكبيرة او ما تعرف بالفابلت
شلوون ؟
معي اس 22 الترا له شهرين تقريبا عجزت أتأقلم معه ما أقدر استخدمه بسرعة وبيد واحدة تحس الحجم نقمة على الاستخدام واللي زاد الطين بلة هو أني حاط حافظ للجهاز case
وبخصوص القلم الصدق أحسه قيميك واستعراض ما استفدت منه بشي
 
إبراهيم 906 قال:
الاخوة المستمتعين بالهواتف الذكية الكبيرة او ما تعرف بالفابلت
شلوون ؟
معي اس 22 الترا له شهرين تقريبا عجزت أتأقلم معه ما أقدر استخدمه بسرعة وبيد واحدة تحس الحجم نقمة على الاستخدام واللي زاد الطين بلة هو أني حاط حافظ للجهاز case
وبخصوص القلم الصدق أحسه قيميك واستعراض ما استفدت منه بشي
أنقر للتوسيع...

نفس وضعك، شريت الNote 20 Ultra قبل سنة ونص رغم ترددي بخصوص الحجم، لكن كنت دائما أسمع كلام من قبيل "لما تجربه ما بتقدر ترجع للهواتف الصغيرة مرة ثانية" و "في البداية بتستغرب من حجمه ومع الوقت بتتعود عليه وبتحبه"

ظل معي حوالي سنة وما حصل لي أي من هالكلام :/ كل الي حصلت عليه جهاز بحجم awkward سبب لي ألم في مفاصل اليد. الشيء الوحيد الي عجبني كان القلم للأمانة.

قبل نص سنة صادف أن أختي كانت تبحث عن جوال جديد والنوت كان يلبي رغباتها، فعطيتها اياه بدون تردد والحين رجعت للS7 Edge أبو شاشة 5.5 انش ومستمتع بحجمه ::involve::

ولو أن الجهاز شاخ وشكله يبي لي أشوف له بديل. حاط عيني على البكسل6 أو الاس22 (الحجم الصغير).
 
إبراهيم 906 قال:
الاخوة المستمتعين بالهواتف الذكية الكبيرة او ما تعرف بالفابلت
شلوون ؟
معي اس 22 الترا له شهرين تقريبا عجزت أتأقلم معه ما أقدر استخدمه بسرعة وبيد واحدة تحس الحجم نقمة على الاستخدام واللي زاد الطين بلة هو أني حاط حافظ للجهاز case
وبخصوص القلم الصدق أحسه قيميك واستعراض ما استفدت منه بشي
أنقر للتوسيع...
من فترة طويلة وجوالي تحول إلى الجهاز الأساسي لاستهلاك الميديا وكبر حجم الشاشة يساعد أكثر في الاستمتاع والانغماس. هذا غير إنه الجهاز الأساسي للتصفح والتواصل كذلك.

بالنسبة للقلم فيعتمد على استخداماتك بالمقام الأول، أنا ما أشوفه ضروري بس في ناس تستخدمه لتدوين الملاحظات أو الرسم والخربشة أو حتى التوقيع على المستندات الإلكترونية، كذلك يقدم القلم مميزات بسيطة مثل نسخ أي نص (من أي تطبيق) أو إنشاء صورة متحركة gif.

تسمية الفابلت ولى زمنها بالمناسبة، الشاشات الكبيرة صارت القياسية.
White Soul قال:
حاط عيني على البكسل6 أو الاس22 (الحجم الصغير).
أنقر للتوسيع...
ما أنصح بالبكسل 6 عن تجربة مع نسخة البرو.
 
اللي مايحبون الشاشات الكبيرة عندكم one-handed مود. للامانة ما ادري اذا الخاصية موجودة ببقية الجوالات.. اكن اسنخدمها على الهواوي ميت ٢٠ برو.
 
السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)
 
تـأَمُّل قال:
السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)
أنقر للتوسيع...
لهالدرجة التلفون قديم محد حتى جربه (&)
 
تـأَمُّل قال:
السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)
أنقر للتوسيع...
بطاريته ممتازة مثل اغلب جوالات الشركة، ونعم يعتبر من اواخر الاجهزة الداعمة لخدمات قوقل
 
  • أعجبني
التفاعلات: Tohi
تـأَمُّل قال:
السلام عليكم.
حصلت على هواوي p30 lite هدية ، فيه أحد جرب هذا التلفون؟
كيف بطاريته ؟ وهل هو يدعم خدمات قوقل؟ (تقريبًا ايه لأنه نزل في 2019?)
أنقر للتوسيع...
وعليكم السلام،،،
كان معاي أخوه الأكبر P30 Pro،،، وهذا آخر اصدار من هواوي يدعم خدمات جوجل...
بالنسبة للبطارية مدري عنها،،، بس بطارية الأخ الأكبر كانت جيدة،،، والأهم من كذا الشحن سريع فيعوض أي نقص في البطارية...
 
  • أعجبني
التفاعلات: Tohi
جالاكسي زي فولد 4 متى بينزل في الأسواق السّعوديّة ؟؟ احتمال يكون سعره 1800 دولار يعني 6750 بدون الشّاحن وبدون الكفر والشّاحن والكفر الظّاهر 600 والضمّان سنة 700 يعني المجموع 8100 ! ! !

بس ابي اعرف متى بينزل في السعودية ؟؟
 
Yoh Asakura Zero قال:
جالاكسي زي فولد 4 متى بينزل في الأسواق السّعوديّة ؟؟ احتمال يكون سعره 1800 دولار يعني 6750 بدون الشّاحن وبدون الكفر والشّاحن والكفر الظّاهر 600 والضمّان سنة 700 يعني المجموع 8100 ! ! !

بس ابي اعرف متى بينزل في السعودية ؟؟
أنقر للتوسيع...
الممتاز في سامسونج انها تراعي ضريبة الدولة ورسومها فسعره بيكون 6800 ريال وبيصدر 26 اغسطس ان شاء الله.
 
KitKat99 قال:
الممتاز في سامسونج انها تراعي ضريبة الدولة ورسومها فسعره بيكون 6800 ريال وبيصدر 26 اغسطس ان شاء الله.
أنقر للتوسيع...

الله يعطيك العافية تسلم يعني بعد 9 أيام بإذن الله ! ! ! جوالي الحالي نوفا 3e له الحين معاي 4 سنين وخلاص ما قصر معي بس بدا يتعب ولازم أغيره ! ! ! وقبله كان عندي htc one ونفس المدة جلس 4 سنين وضرب المسكين هههههه
 




سعره من 1500 الى 2250 ريال سعودي بس البطارية 5000 يشحن فول في نصف ساعة فقط يعني يحاكي سرعة النينجا ! ! ! والكاميرا الظاهر 40 ميغا بيكسل بس ماني متأكد ! ! !

للأسف متوفر فقط في الصين فقط ! ! !
 
الديكس جميل قاعد اجرب اشبك عليه كيبورد وشغال تمام صح لازم تعدل عشان تطلع لك الكيبورد العربي لكن عملي صراحة
برضو على طول شبكت يد الاكسبوكس وشغلت بعض الالعاب الخفيفة وشغالة تمام
 
عندي جلكسي S10 وصار لازم اخذ غيره، وافكر بآخر جلكسي S نازل هالسنه، وصلوا S25؟
ما اتابع اخبار الجوالات فما عندي فكره عن شي بالمره بس ودي أستمر على نفس الـseries لأن أريح لي.
سؤالي هو هل الـS الحالي تمام وبدون مشاكل؟
ناويه اشتري على رمضان او العيد باذن الله مع عروض ويكون صار عالجوال شهر شهرين نازل 3:
 
احب اقول أني حولت من آيفون إلى سامسونج ويا الهي على كمية الفرق شي مش معقول! شلون كنت مستحمل هالتخلف طوال ال١٥ سنه الماضية؟

حولت من آيفون ١٤ العادي إلى سامسونج فليب زي ٦
 
احب اقول أني حولت من ون بلس إلى ايفون ويا الهي على كمية الفرق شي مش معقول! شلون كنت مستحمل هالتخلف طوال ال١٥ سنه الماضية؟

حولت من ون بلس 7T إلى أيفون ١٤ برو ماكس

@Golden_Sun
giphy.webp
 
Golden_Sun قال:
احب اقول أني حولت من آيفون إلى سامسونج ويا الهي على كمية الفرق شي مش معقول! شلون كنت مستحمل هالتخلف طوال ال١٥ سنه الماضية؟

حولت من آيفون ١٤ العادي إلى سامسونج فليب زي ٦
أنقر للتوسيع...
اتطلع لرأيك بعد مدة من الاستخدام، انا انتقلت من الاندرويد للايفون السنه الماضيه (تلفوني مات فجأه ورحت اخذت iPhone pro 12 refurbished) افتقد اشياء كثيرة من اجهزة الاندرويد في امور الهاردوير وقوة الكاميرا والشحن السريع الخ.

لكن من ناحية تجربة المستخدم وال apps وخصوصا لين عندك iPad وتشبك بينهم ما اقدر افكر ارجع للاندرويد مهما كاتت المغريات. خصوصا ان خاطري في تلفون flip
 
يجب تسجيل الدخول أو التسجيل كي تتمكن من الرد هنا.
عودة
أعلى