hits counter

أخيراً بديل لأرامكس من شركة محترمه (DHL)

C

CyberMaster

True Gamer
en.-Par-0020-ImageRef.MC4w.gif

اخيراً راح نفتك من ارامكس الزبالة :yuck::
اليوم اطلقت DHL بشكل رسمي خدمة مشابة لخدمة ارامكس شوب ان شيب واسمها EasyShop
الخدمه الحقيقه انا كنت عارف عنها قبل تنطلق رسمياً (وسجلت وحصلت على عنوان بدون ما ادفع شي لأني طحت في موقعهم قبل يعلنون عنه رسمياً :laugh:🙂 لكن ماحبيت اتكلم عنها قبل اتأكد انها مدعومه رسمياً من DHL ولأني لما راسلتهم قالو راح تنطلق بداية 2009 في السعودية
لكن الأن خلاص ممكن تشتركون فيها عن طريق فروع DHL في السعودية او من خلال موقع DHL الخاص بالخدمه
وهو http://www.borderlinx.com/dhl/sa/en للسعودية و http://www.borderlinx.com/dhl/kw/en/ للكويت
طبعاً يمكن تستغربون من اسم الموقع مهو بسم DHL والسبب هذي الشركة هي الي تدير الخدمه لـDHL في امريكا
والي يبي يطمن ويتأكد ممكن يدخل موقع DHL السعودية الرسمي
http://www.dhl.com.sa/publish/sa/en.high.html
راح تلقون شعار الخدمه ورابط التسجيل يحولك الي الموقع الي ذكرته فوق

نجي للمهم رسوم التسجيل تدفع اول مره فقط 100 ريال من خلال الفروع او 26$ عن طريق الموقع بالكردت او الـPaypal
اسعار الشحن:
نصف كيلو : 70 ريال
1 كيلو 105 ريال
2 كيلو 175 ريال
3 كيلو 245 ريال
4 كيلو 315 ريال
5 كيلو 385 ريال
6 كيلو 455 ريال
7 كيلو 525 ريال
8 كيلو 595 ريال
9 كيلو 665 ريال
10 كيلو 735 ريال
يعني اول نصف كيلو بـ70ريال وكل كيلو زايد بـ35ريال
ويعني الفرق بين سعرهم وسعر سيئة الذكر ارامكس حوالي خمسه ريال فقط
وطبعاً شحن DHL راح يكون Express يعني خلال 3-4 ايام يكون واصلك طلبك (مايوصلون للبيت لازم تختار فرع تستلم شحناتك منه)
هذا مثال للعنوان الي يعطونك اياه:
Address Line 1: Borderlinx DHL Bldg 10
Address Line 2: 3435 Airborne, # 05XX-2XX9
City: Wilmington
State: OH
Zip: 45177
Country: U.S.A
Tel: 001 937 353 7943
أنقر للتوسيع...
والعنوان في اوهايو يعني بتفتك من Tax نيويوك في امازون وغيره :wink::
والعنوان هو لمبنى الشحن الدولي لـDHL امريكا جمب المطار يعني شحناتك راح تطلع سريع سريع 😎:
وهذا رقم DHL الي مذكور في الموقع للي عنده اي استفسارات : 8003450000 وهذا بريد الخدمه :[email protected]

طبعاً في نقطة متخوف منها يبلي اتأكد منها وهي لاحظة في موقعهم في حاسبة لكلفة الشحن لما تحط قميت السلعه ينظاف ضريبه تختلف حسب سعر السلعه لكن مدري هالضريبه تشمل السعودية ولالا لأن موقع الشركة هذي يقدم الخدمه لدول مختلفه بعظها اوربيه فيمكن الحاسبه تحسب بشكل غير دقيق لأنها موجه لكل الدول لذلك انصح الي تهمه النقطه يسألهم قبل يسجل هل السعر الى راح يدفعه فقط سعر الشحن ولا فيه ظريبه ثابته لأن بكذا راح تخسر الخدمه ميزتها التنافسيه في السعر رغم انه يبقى جودة وسرعة الخدمه !
 
مشكور لو تسوي الطريقه بالشرح بالصور

يكون افضل شي
 
* فيه خدمة الـholding عندهم .
* اسعارهم اغلى من آرامكس بنصف دينار
* يوصلون الشحنة من أمريكا لي الكويت خلال 3 ايام (بس ما ادري عن الجمارك)

سلبية كبيرة :
volumetric weight

For example, a delivery can have a 1kg dead (or actual) weight, but the dimensions of the delivery are 14 x 12 x 6 inches: 14 x 12 x 6 inches multiplied together = 1008
1008 divided by 366 = 2.75kg volumetric weight
The shipping charge will be based on the volumetric weight of 2.75kg, not the 1kg dead weight.
أنقر للتوسيع...
 
التعديل الأخير:
اللي بيطلب آلعاب (أنا مثلا) مابيفرق معه الحجم.


مشكور سايبر ماستر. ما قصرت على التفاصيل. : )
 
Isaac قال:
اللي بيطلب آلعاب (أنا مثلا) مابيفرق معه الحجم.
أنقر للتوسيع...
بس مشكلة الألعاب إنها ما تاخذ وزن فلازم تطلب كمية عشان تحلل قيمة الشحن >.>
أحلى شي مرة طلبت ألعاب وإختي كانت طالبة كتب.. طبعا الوزن كله عالكتب فما دفعت شي للشحن :laugh::
 
أرامكس مش سيئين من تجربتي الطويلة معهم، لكن أسوأ ما فيهم هو السعر لما زادوه. ما دام DHL أغلى من أرامكس ما أشوف في داعي أني أسجل معهم حالياً.
 
*تنبيه: اقتراب نووب في هالامور!*

الآن اذا اراميكس توصل , وبسعر انزل من هذا تقريباً .. وكلهم نفس الخدمة - اتوقع - .. ليه ممكن اخلي اراميكس واتّجه لهذي ؟

يعني غير السعر .. هل توصيل DHL اسرع من غيره ولا شلون ؟
 
G7Ga7 قال:
الآن اذا اراميكس توصل , وبسعر انزل من هذا تقريباً .. وكلهم نفس الخدمة - اتوقع - .. ليه ممكن اخلي اراميكس واتّجه لهذي ؟

يعني غير السعر .. هل توصيل DHL اسرع من غيره ولا شلون ؟
أنقر للتوسيع...

العنوان مو في نيويورك (راح تفتك من الـ tax)

وتقدر تسوي Hold للصندوق حقك
راح تفيدك كثير خاصه لو كنت من زباين eBay
 
هولد ؟ وش الفايدة بالضبط ؟
 
أغلى من أرامكس من الأرقام اللي أشوفها .

للشباب اللي دايما يطلبوا من برا ، 5-6 ألعاب تزيد على نصف كيلو ؟ إذا ما تزيد تمام .
 
G7Ga7 قال:
هولد ؟ وش الفايدة بالضبط ؟
أنقر للتوسيع...

Kingsize قال:
وشلون هولد؟
أنقر للتوسيع...

آسف على التأخير ..

الـ Hold بشكل عام هو خدمة تجميع الشحنات وإرسالها مره واحده

سألت واحد قبل شوي قالي مو متأكد إذا عندهم هولد أو لا
بس على كلامه انك لا جيت تسجل تختار متى يتم الشحن
كل اسبوع او كل شهر او كل 45 يوم وهاكذا

مو متأكدين .. اصبرو لمن يسجل عندهم كم واحد وناخذ انطباعات
انا راح اتصل عليهم اليوم واشوف


تعديل: ما يشحنون المستندات >.>"
 
آراميكس ما فيها هولد ...لكن أنت تحدد الموعد
مرتين في الشهر .....أو كل نهاية شهر
إلى الآن الميزه الوحيده إنه عنوانهم خارج نيويورك ....يعني بدون ضرايب
شباب آحد يعرف كيف نظام الضرايب ..حسب اللي سمعت على كل سلعه وحسب سعرها ياخذون زياده ؟؟
إذا تفرق كثير ...الDHL يكون أفضل
 
5-6 ألعاب تزيد على نصف كيلو ؟ إذا ما تزيد تمام .
أنقر للتوسيع...
تزيد، يصير حسابها كيلو ..


DHL أول نص كيلو بـ3.5 والزيادة بـ6 دنانير (أرامكس 3 و الزيادة 2.5) عموما امازون بريطانيا ممتاز ويوصل بسرعة ..
ومافيه ضرائب على ما اتذكر ..
 
شباب بعد التدقيق
الDHL ياخذون بعد غير قيمه الوزن ...تكاليف تعتمد على نوع السلعه ( ديفيديات تقريبا ٢١ ريال ...الكترونيات ٥٦ ريال ) ...جربو الحاسبه اللي لهم وشوفو
 
التعديل الأخير:
أرامكس صاروا يستهبلوا فعلاً! الشحنات تاخذ وقت طويل حتى تطلع من امريكا او بريطانيا و صارت تاخذ اكثر من 7 أيام في الطريق و خدمة العملاء عندهم زي الزفت (اتكلم عن فرع مصر) ..
راح اشوف موضوع DHL لو لقيتهم اسرع ممكن اشترك معاهم!
 
مخصصة فقط للسعودية والكويت ولا كل دول المنطقة؟
 
ASWD قال:
مخصصة فقط للسعودية والكويت ولا كل دول المنطقة؟
أنقر للتوسيع...
لحد الأن شكلها مخصصة للسعودية و الكويت, دورت في موقع DHL ما لقيت اسماء دول عربية اخرى ..
 
ممتاز بس انا شخصيا ما اطلب الا Video Games

و نادرا جدا اطلب اجهزة آخر جهاز طلبته iPod Classic الجديد.
 
ديفيديات افلام العاب ..اكسسوارات ..أجهزه الكترونيه صغيره ..كيابل..والأخوان ما قصرو بعد حتى ثياب وجواتي شرو ههههه .... يعني شغلات وايد اشتريها
بالنسبة لي اراميكس جدولهم معانا ..كل خميس من الشهر الجديد يشحنو اللي في أمريكا ...ويوم الأثنين توصل عندنا ( هذا إذا ما أخذوها الجمارك أو راحت الرياض يشيكو عليها ..تصنيفات عليهم)
 
Ash Storm قال:
لحد الأن شكلها مخصصة للسعودية و الكويت, دورت في موقع DHL ما لقيت اسماء دول عربية اخرى ..
أنقر للتوسيع...

لا الظاهر كل الدول
http://www.borderlinx.com/dhl/bh/en/index.html

المشكلة ما اتذكر جم كانو ياخذون ارامكس على اول نص كيلو..اما هني فهو 4 دينار ويوصلون الطلب في 3 ايام شي ممتاز

بس مني فاهم طريقة حسابهم لوزن الباكيج

يبغى لي استفسر منهم عدل
 
ASWD قال:
لا الظاهر كل الدول
http://www.borderlinx.com/dhl/bh/en/index.html

المشكلة ما اتذكر جم كانو ياخذون ارامكس على اول نص كيلو..اما هني فهو 4 دينار ويوصلون الطلب في 3 ايام شي ممتاز

بس مني فاهم طريقة حسابهم لوزن الباكيج

يبغى لي استفسر منهم عدل
أنقر للتوسيع...

شوف قائمة الدول في الجنب على اليمين, السعودية و الكويت, و الان انتهت للبحرين .. و دول اجنبية ثانية ..
توني كلمت خدمة العملاء هنا بمصر و قالوا لي انهم ما يعرفوا شي عن الخدمة لول!!
 
ارامكس في بعظ الدول والمناطق وضعها يمكن يكون مقبول لذلك الي مرتاح مع ارامكس ماله داعي يغير لأنها الأرخص

لكن بالنسبه لي ولكثير من الى يتعاملون مع ارامكس الرياض الوضع اصبح لايطاق وانا من زمان اتعامل معهم لكن حالياً خلاص حرمت اطلب شي عن طريهم
ماعد فيه امل طلبيتك تتسجل في صندوقك في امريكا قبل اسبوع من استلامها ثم بعد كذا اسبوع لين توصل وفيها ناس شحناتهم لها اكثر من اسبوعين ماطلعت من امريكا كله بس عشان يوفرون ويجموعون اكبر قدر ممكن من الشحنات في طياره وحده كنها نقل جماعي وطبعا انسى تلقى اي تجاوب من خدمات العملاء حقتهم هذا اذا ردو عليك اصلا واذا وصلتك شحناتك فمافي امل تلقى الصندوق سليم هذا اذا مالقيت طلبيتك محطوطه برى في الشارع من كثر الضغط عليهم وسمعت ان بعظع مكاتبهم في بعظ المدن قفلتها البلديه لأنها ماجددو الترخيص وشحنات الناس في الشارع
هذا غير الشحنات الى صارت تضيع بالهبل وسمعت كم شخص يشتكى من هالشي انا شخصياً كم مره يجيني شحنات على صندوقي بالغلط ماهي لي ومره جاني صندوق وزنه حوالي 7 LB كله ملابس قلت لهم والله ما استلمه ماعمري طلبت ملابس سوو فيه الي تبون بعد فتره من خلال رقم التتبع اكتشف انه طلع طلب لواحد امريكي في البحرين كيف جاء الرياض الله وحده يعلم
بختصار وضعهم مزري لما زاد الضغط عليهم ومن البخل ماعندهم نيه يزيدون عدد موظفينه (شركة عربيه وش تتوقع منها اهم شي الفلوس وطز في جودة الخدمه الي يبي الرخص يتحمل مايجيه)
 
التعديل الأخير:
الخدمة ياشباب لبعظ الدول مهي كلها حالياً الدول العربيه المدعومه السعودية والكويت والبحرين فقط

على فكرة نسيت اذكر ميزة بالنسبة لـDHL ترا فيه بعظ مكاتبهم تشتغل جميع ايام الأسبوع حتى يوم الجمعه ولا يسكرون الا الساعة 10:30 الليل (مثل فرع السليمانية في الرياض) موب زي دوام مكاتب ارامكس الدلع الي مايمديهم يفتحون الا ويسكرون
طبعاً فيه بعظ الدول الصغيره مايفرق عندهم هالشي لأن ارامكس توصل للبيت لكن طبعاً ما اتوقع انه توصلك شحنتك خلال 3-4 ايام لكن الي ماهمه جودة الخدمة وسرعتها فيخليه مع ارامكس
 
التعديل الأخير:
اتصلت عليهم قبل شوي 1808345 واخترت اللغة العربية .. تكلمت شوي جان يقول لي اتكلم انجليزي قلت له انا اخترت عربي (&) قالي لي ايه بس ماكو احد موجود .. (بيني وبين نفسي قلت مو مشكلة اطقطق معاه) قلت له شنو الخدمة بالضبط ?.. قعد يتكلم بس انا بغيت اموت من الضحك .. يتكلم بالضبط مثل هذا :
Apu Nahasapeemapetilon
Apu.png


يتكلم انجليزي بلكنة هندية .. يموت من الضحك .. قلت له اوكي وسكرته xD
 
التعديل الأخير:
الخدمه موجوده عندنا لكنها حصريه لعملاء Citi Bank فقط🙁
 
السلام عليكم ورحمة الله وبركاته

لا Paypal في مصر والآن لا DHL في مصر لول XD

Ash Storm قال:
أرامكس صاروا يستهبلوا فعلاً! الشحنات تاخذ وقت طويل حتى تطلع من امريكا او بريطانيا و صارت تاخذ اكثر من 7 أيام في الطريق و خدمة العملاء عندهم زي الزفت (اتكلم عن فرع مصر) ..
راح اشوف موضوع DHL لو لقيتهم اسرع ممكن اشترك معاهم!
أنقر للتوسيع...

بكم تدفع على الشيء الي بتشتريه ؟ <<< عنده فضول شديد عن اسعار التوصيل في مصر :w00t:
 
Gohan قال:
السلام عليكم ورحمة الله وبركاته

لا Paypal في مصر والآن لا DHL في مصر لول XD



بكم تدفع على الشيء الي بتشتريه ؟ <<< عنده فضول شديد عن اسعار التوصيل في مصر :w00t:
أنقر للتوسيع...
بالنسبة لسعر الشحن فهو 62 جنيه مصري على اول كيلو, و 33 جنيه على كل نصف كيلو زيادة ..

هذا غير الجمارك الي تجي انت و حظك, بس غالباً تكون 145 جنيه مثلاً, و احياناً ما تدفع جمارك اصلاً! هم و مزاجهم (هم = الجمارك المصرية لول) ..


انت مقيم في مصر @@؟
 
Ash Storm قال:
بالنسبة لسعر الشحن فهو 62 جنيه مصري على اول كيلو, و 33 جنيه على كل نصف كيلو زيادة ..

هذا غير الجمارك الي تجي انت و حظك, بس غالباً تكون 145 جنيه مثلاً, و احياناً ما تدفع جمارك اصلاً! هم و مزاجهم (هم = الجمارك المصرية لول) ..


انت مقيم في مصر @@؟
أنقر للتوسيع...

يس مقيم في مصر ومصري لول XD

بس الجمارك المصرية يعني تدفعك على الجيم والا على جهاز مثلا؟ لول حالة والله الجمارك ومفيش ضرايب مثلا؟ لان انت تفهم انها "مصلحتك اولاً" والحاجات الجميلة دي XD وبتدفع كيف كريديت كارد والا Paypal ? >>> ما استخدم الانترنت للشراء ابدا :xd:

طبعا مهتم لان الاجهزة والالعاب اغلى من الي في السوق وهذا غير لا يتوفر انيمي او مانجا :annoyed:

على العموم ... حسب ما اعرف DHL هي شركة معروفة في مجال التوصيل ولها خبرة قوية ومشهورة لكن قد تكون هي اسعارها غالية او مختلفة نوعا ما هذا ما اعرفه لكن يحتاج احد يجربها بنفسه لكيّ تكون محدد هل هي افضل من ارامكس او لا
 
يجب تسجيل الدخول أو التسجيل كي تتمكن من الرد هنا.
عودة
أعلى