hussien-11

عجبني النقاش الي بينكم ( حسين وعمر )
جاي ابدي اعجابي فقط ... زيلدا ممكن ما قدمت قصة قوية لكنها في النهاية قدمت جيم بلاي راقي وهذا هو العنصر الاهم لاي لعبة
على العموم ادعوا الله انه يجيني 3 دي اس عشان العب زيلدا :sadwalk:

رسالة تفعيل العضويات؟ فعلتهم من يومها

هلو حسوني
شفت فيري تايل او شيكي ؟؟ انطباعات
وكيفها تجربة فف 12 معاك حاليا

المقطع الي اقصده هو اللحن الي من الثانية 00:13 إلى الدقيقه 01:07 :

http://www.youtube.com/watch?v=35VFOZnA-Kg

:

هلا حسين .. انا سافرت لامريكا اكمل دراستي فعشان كذا ما عندي وقت ادخل المنتدى الا اقل من 5 دقايق يوميا لوول ..

اخبارك انت ..؟؟

ها يا حلو مجهزين منسف وملفوف وورق عنب بس تعال الكاست عشان تاكل 😀

رائعة ! وقليل فيها بعد , ياخي الاوريجنال تقطر من هـ اللعبة , حركة الاسلحة اللى تحطها في C [ العصاية والاوكرينا والاشياء هذه ] ماتوقعت إنها أول لعبة سوت هذه الحركة :O.

قبل سنتين وانا جالس العب داركسايدر أنبهرت بيها بما بالك بشخص شافها قبل 13 سنة ؟ T__T طريقة قتال الزعماء , الالغاز الرهيبة [ تولع العصاية بالنار وتحرق شبكة العنكبوت ] هذه كلها أمور أمور أقتبست من زيلدا ونحجت ألعاب بسببها.

هذا اللى أقدر أقوله , عارف إني في البداية ولسه .. لكن شيء محزن 🙁 للاسف ماسنحت لي الفرصة وانا صغير إني العابها [ مع إني كنت مدرك شخصية لينك وإنه هناك لعبة إسمها زيلدا + إعلان ميراند على الMBC لول ] ..

الموسيقى في زيلدا لَا تُصَدَّق T___T واصل اللحين في قصر زيلدا , مستمتع فيها على الاخر ; )

انت اللي لا تحاول جالس تطيح من قيمة اللعبة باي طريقة p=
لا انا لعبت فف7 ولا انت كملت ربع تيلز اوف ابيس على ما اظن ايش رايك نأجل الحرب الشعواء هذه لين ما كل واحد فينا يخلص واجبه الفيديوجيمزي p=
تيلز اوف ابيس فيه شخصيتين او 3 بالكثير يرفعوا ضغطك ، لكن 6 او 7 غيرهم ما يطاوعك نفسك حتى تمشي اي سطر لهم لما يتكلمون...جايد مثلا شخصية جديدة وما تقليدية ابدا واسلوبه الكوميدي الساخر خلفه كتابة متقنة وذكية من كاتب السكربت باللعبة..

تيلز اوف ابيس غير صدقني...القصة من روعتها انعمل لها انمي كامل ، فكرتها حلوة وتطبيقها ممتاز والاهم تطورها اثناء التقدم جدا متقن ويبقى مشوق حتى النهاية ، بصراحة الشخصيات باللعبة اجبروني اهتم لهم ولمصيرهم بعكس العاب فف p=
ومعلومة جديدة ، كيف بتميز الاكشن ار بي جي اذا ما بهالطريقة ؟

هي اللعبة صعبة ولا انا مهاراتي بالفيديوجيمز صارت بالحضيض من ورا هالجيل التعس @@
ضايع بنفس المكان من الصبح .. من الملل رحت لذيك البنت اللي معاها الحصان وعزفت له وما قام يفر مني..بس ما قادر اركبه -_-
باخذلي فترة راحة ارجع الحيوية شوي لدماغي الميت p=

هو مقطع معين في بدايته جدا جميل صراحة اما الباقي احسه عادي

حاليا حبيبنا لينك ناسي هموم الدنيا وانقاذ العالم و جالس يطارد الدجاج ويرجعهم للحظيرة p=
باقيلي دجاجة وحدة + حصلت سبيمفونية الشمس + ضايع بالمدينة بدون هدف مع ان المفروض احصل البوس عشان يعطيني التصريح اصعد للجبل واجيب الحجر المطلوب..🙁
فيه غرفة مظلمة بالقرية وقيها عناكب مصابة بلعنة..مدري اسمها غرفة شاكيرا ولا شيخة ولا شي كذا p=
المهم ارجوك ما تغششني شي لأني مستمتع جدا بمحاولة حل الالغاز بدون مساعدة..اللعبة فعلا بكل خطوة تحسسك بالضياع..

ايه ياعم حسين بس زعلتني منك
بقالي يومين كاتب انطباعاتي ومراجعة لمجس 4 في موضوع مراجعة الاعضاء وانت ماقلتليش رايك ولا جاوبت على اسالتي نهائيا 🙁

بس اللعبه مافيها دم 🙁

aha .. صارلي إسبوع من شغلتها .. بشغلها باجر إن شاء الله مرة ثانية ^_^

فيه عدة اخبار هناك P:

افتقدناك هناك >_>

حبيت اقول لك اني عملت موضوع تكريم و عطيتك وسام على جهدك في فترة معرض E3 ^_^

موفق ان شاء الله ~

خلاص بكمل فيها اليوم..تعرف الالعاب القوية تخاف تلبعها وانت ما بكامل حالتك العقلية والمزاجية المناسبة لها عشان ما تظلمها بحكمك مستقبلا وتحصل كل انواع التحقيق والصدمات منك p=
على فكرة جالاكسي عجبتني بكل ما فيها الا سهولتها "بالشكل العام"..ما اقصد النجوم السريين...بس لا زلت استشيط حماس للجزء الثاني من الهوايل اللي سمعته عنها
يعني بتراهنني كمان ان زيلدا بتكون افضل من لعبة يعتبرها البعض افضل لعبة له بالتاريخ "جالاكسي 2" ؟

النقطة الأخيرة: لاحظ كلنا نتكلم عن اذواق شخصية, وهذا شيء مش ضروري يقنعني او يقنعك. لكن ابغاك تشوف النظرة الخاصة اكثر وتقسّم كل لعبة تلعبها للأساسات هذي: قصة, جيم بلاي, قتال, موسيقى. ولا تدخل هذي العناصر سوا, احكم عليها بموضوعية تامة من دون ماتجمعها سوى وتنظر للعبة بمنظور عام زي ماسويت مع زيلدا. زيلدا برأيي قدمت بلاتفورم خورافي واساسات وكل شي. لكن كـ قصة, مُجرد قصة بسيطة زي باقي قصص نينتيندو الكلاسيكية اللي هدفها ابراز الجيم بلاي لك بدون تشتيت او تعقيد قصصي. وهذي ميزة وجود الشركات, كل شركة تقدّم لك وتحترف لك في مجال مُعين. علشان بالنهاية يصير عندنا خيارات عديدة نختار منها ونعيش تجارب مُختلفة. زيلدا جيم بلاي مُذهل والغاز وقصة بسيطة حالمة, فف قصة عميقة جدا تعيشك عالم ثاني حرفيا وباتل سستم مجنون, مدري.. ريز مثلا تعيشك الخوف على اصوله وتخليك تنفجع كل ثانية وقت لعبك فيها...ألخ كل شركة والمتميزة فيها. لكن بتقولي زيلدا الكاملة؟ بقولك مرة ثانية "روح نام". انتهى P:

نروح للنقطة الثانية: تقولي اللعبة اصلا اساسها الجيم بلاي ولا فيه اي لعبة كانت تركز على القصة؟! طيب بسألك سؤال: هل كان الجيمنج سابقا يُعامل على أنه "فنّ " ؟؟ إذا اجابتك بـ لا. فـ انا اتفق معاك واقولك برافوا. لأنك جاوبت على نفسك P: سابقا الجيمنج كان مجرد تسلية, لذا الجيمز كانت كلها بس جيم بلاي, لكن مع التطور, صار الجيمنج فنّ, حتى له جالريات اللحين ويُدرّس ووظيفة مُهمّة ولها ميزانها في الأندستري العالمي! ادري انك تدري عن كل هذا, لكن اللي ابغى اوضحه للمرة المليون " كل شي يتطور " والجيمنج تطور وصارت القصة مطلب اساسي, لو نينتيندو مازالت تقدم جيم بلاي وترضي الناس, انا ماترضيني 100% لو مااحصل لعبة تدخلني بأجوائها. اوكي زيلدا ملونة واجوائها رهيبة, لكن هل تحرّك شيء داخلي وانا ألعبها؟؟ لا.. ابتسم, انقهر, احس بشعور الإنجاز؟ أوكي, لكن هذي مشاعر محدودة بشكل كبير لما تقارنها بحجم المشاعر اللي تحس فيها لما تلعب فف10 ومشهد تلاشي آرون لوحده خلاني اصرخ من البكاء زي الطفل. هل هذا شيء تقدمه لي زيلدا؟؟ بغض النظر عن كونها ملائمه لكل الأعمار لأن هذا سبب مايدخل مجال نقاشنا الشخصي بحُكم اننا كلنا أعمارنا فوق 20

اللي بوصل له, ومن خبرتي الأدبية في المجال القصصي, انا درست على يد كاتب نوفلز ايام الثانوية وعارف أيش اتكلم فيه, لما تقارن قصة معقدة فيها الكثير من العناصر مثل المحتوى العميق, المحتوى الفكري السطحي, الباكجراوند للشخصيات, الباكجراوند للمناطق, الباكجراوند للفئة العدوّ, اسباب القصة, سلاسة التقديم, قابليتها لربط مشاعرك فيها..ألخ كل هذي امور تساعد اللاعب انه ينظر الصورة الكاملة, ويعيش التجرُبة "كاملة" وهذي ماتوفرت إلا بـ فف7-8-9-10. يكفي الإنفرادية الشخصية بين اعضاء الفريق باللعبة, هذا بحد ذاته يسوّي فيلم بكبره! والفيلم وصل وشفنا فيلم ساعتين ونص لـ "تكملة" فقط لـ فف7!! يعني القصة مُهمة في مجال الآر بي جي جداً وبغض النظر عن كون السلسلة بدأت بشيء وانتهت بشيء, القصة صارت جزء اساسي لا يتجزء من السلسلة!

بتقولي الغاز وووألخ اليمينتس وممكن يضيفون خصائص آر بي جي اكثر؟ اقولك يكفي شغل هايبرد وزيلدا جامعة كل شي الريدي -_- ماله داعي يغيرون شي من اساسه واللعبة تبيع لمُجرد الأسم وتغيير المناطق. مااقول ان هالشيء مايستاهل, بالعكس, لكن علشان اوريك كيف انا ممكن اكون انحيازي واقول "يغيرو كم منطقة وينزلوها" كأن اللعبة ولا شيء. انت سويت نفس الحركة لما قارنت بالقصة. هي اللعبة مافيها اصلا قصة تتطلب التغيير, وهم يعرفون ان جمهور الألعاب هذي مايبغى قصة وراضي بجيم بلاي متنوع. ليش يغيرونها؟ من الناحية القصصية, العاب مثل الآر بي جي, اللي كانت ماتقدم قدر جيد من الخصائص "المُبهرة" بالعين المُجرّدة من اول مرة يلعبونها, تتطلب منهم يبنون أسس تجذب اللاعبين, وكانت القصة احد الأمور الأساسية اللي كانت تخلي اللاعبين يكملون لعب 50-60 ساعة لإكتشاف احداثها. فـ لزوم التغيير شر لابُد منه. السلسلة ماقامت تبيع ابدا بعد اول 3 اجزاء, والسبب هو تكرار القصة السيء, لكن اللحين الأجزاء القديمة تُعامل كـ تُراث بغض النظر عن المحتوى القصصي الميت اللي فيها.

علما أنها اكبر من شركات تطوير الألعاب سواء تاريخيا أو فعليا, فـ شيء طبيعي تصير على ماهي عليه حاليا. الشيء اللي لازم تنتبه له هو الترفيع الزايد لـ زيلدا لدرجة ان قصص ماتناسب اطفال صارت ماتجي شيء عند هذي؟! علما اني لعبت فف8 وانا عمري 9 سنوات اعتقد. هذا دليل على ان اللعبة ماعمرها كانت مُوجهه لفئة مُعينة, اصلا هذي اللعبة فرضت قواعد جديدة للجيمنج وخلت فيه الرومنسية القصصية فيها لأنها تحتاجها علشان تقدم مُحتوي قصصي أعمق. أجل ينقذ الأميرة وأنتهينا؟ وش هذا اللي يشتغل عند ابوها XD ؟! زي ماانت شايف العالم يتغير, وزيلدا ثابتة, والعاب نينتيندو كلها ثابته بشكل عام, ولاحظ الرابط العجيب لما نقارن ألعاب البلاتفورم في ألعاب تعتمد أساسها على القصة؟! (آر بي جي) هذا مايعطيك الصورة الكاملة ان نقاشك إلى حد ما اساسه غلط؟! لاحظ العاب نينتيندو كلها بلاتفورمية, وش مُمكن تغير في اللعبة اصلا غير رسومها؟!

طيب خلينا نفصل جُملك حبة حبة: لما تفضل قصة على قصة, هذي مسألة ذوق, ماتقدر تجي تقول هذي افضل. أنا عن نفسي أكره اني العب العاب مافيها قصة, وأنا واحد يلعب من أيام الصخر لعلمك. مسألة مهمة لازم تعرفها وارجع اقولها من جديد "كل شي يتطور" زيلدا تتطور بأسلوبها.. أو بمعنى اصح "نينتيندو" تتطور بأسلوبها, زي ماانت شايف بوكيمون/زيلدا/ماريو/دونكي كونج/كيربي...ألخ كلها ألعاب بلاتفورم وطبيعي تركز على البلاتفورم فيها والباقي مثل القصة يكون بسيط وغير مُعقد. نينتيندو بكبرها سياستها مع الجيمز كذا اصلا! لذا برجع اقولك: لو انا بلعب بلاتفورم, بقول ان زيلدا افضل شي شفته. لكن لما تجي تقرن "كمال" زيلدا حتى في القصة وتقول أنها خورافية وبساطتها تغطي على تعقيد وحبكات فف التاريخية؟! بقول لك "روح نام", لأنك انت صرت مثل شعب كود اللي يقول "اهم شي كود و اليونتشارتد" بغض النظر عن النظرة المنطقية. نينتيندو شركة تقدم لك جيم بلاي متنوع ورائع سببه ترويجي لأجهزتهم, لاااازم الشركة تفكر مليون مرة كيف تثبت جمهورها.

بكتب كلام كثير. اقلها 5 رسائل يالله تكفي P: اصبر لين اخلص كل كلامي.

أولا خلينا نبدأ مع كلمة "المفروض" اللي قلتها انت. كأني شفتك قلت "المفروض" اللعبة تكون مبنية على الجيم بلاي اولا؟! اومج. غلطت غلطة ياحسين XD اللحين انا اكرهك رسميا P: ياابني مش انت ولا انا اللي نحدد وش يبغى المُجتمع والجيمنج اندستري. لما تجي وتقول بأسلوب مُتحيّز "فف قصتها موجهه لفئة معينة وهذا مايخليها ممتازة, لكن زيلدا تمشي مع الكل" وإلا "فف قصتها فيها تعقيد كبير.. زيلدا افضل لأنها بسيطة وتقدم سحرها بصورة افضل" وإلا "الألعاب ولا عمرها كانت مبنية على القصص".

لوووول مسوي هايب غير طبيعي على اللعبه و مالعبتها لحتى الآن XD .. الله يكون بعونك 😀

يب 🙁.

يعني انا مااعترض كون زيلدا متميزة وقديمة وافكارها متقدمة على وقتها ومازالت اسطورية وافكارها روعة ووووألخ بنتعب وحنا نقول هالكلام. لكن برضوا سكوير إبداعها في المجال القصصي غطت على قصص زيلدا كلها! يعني لا تجي تقولي "بس زيلدا قديمة وهي اللي بدأت" بيكون نقاش عقيم لما ننظر للأساس ونتخلى عن كل التطورات. كأنك تقول "الفرن ممتاز, لكن الحطب اهم وهو اللي بدأ ووألخ" لول. كل شي يتطور.. وزيلدا نفسها تطورت في إصداراتها, لكن لسى ماتغطي على قصة فف7 اللي نازلة في عام 1997 وغيّرت اسس الآر بي جي ومفهوم السيناريوهات الملحمية في عالم الجيمنج وعطت معنى أعمق ومشاعر للشخصيات وووألخ. يعني كل لعبة لها فضل في تاريخ الجيمنج ومحد يقدر ينكر فضل زيلدا طبعا, لكن مااخليه يعميني عن الإبداع اللي اشوفه كل يوم في ألعاب ثانية برضوا. انا شخصيا أشوف قصص فف تغطي تغطي على زيلدا اوكارينا وغيرها من قصص زيلدا. كـ قتال اشوف KH تغطي بـ ديناميكية القتال. وكـ بلاتفورم وألغاز, مااعتقد أني شفت أي لعبة تفرض الإبداع والإبتكار والمُتعة اللي تقدمها بلاتفورم زيلدا حتى الآن. وكـ موسيقى, مازالت أشوف ألحان نوبو اويماتسو أول لستتي :]