لا بس كان شيء متوقع، يعني نسخة البي سي (لو في) كانت بتنزل بوقت لاحق فما نزلوها من الأساس، على العموم الناس ما كانوا يبغوا نسخة بي سي إلا علشان الجرافيكس.
على العموم مايكروسوفت عندها ألعاب بالهبل ما نزلتها على البي سي وما يحتاج أعدد لك، أساسا الألعاب اللي بتنزل على البي سي من عدمها صارت واضحة وضوح الشمس حتى قبل الإعلان عن ذلك.
سنة ممتازة للـ360 ولجميع الأجهزة، اتمنى ألحق على الأشياء اللي تهمني بدون وجع راس.
هي فعلاً صعبة، لكن حط في بالك شي واحد: كل شي fixed، اللي راح يخليك تتقدم مهارتك ثم مهارتك ثم مهارتك، مو blind luck. اللي يخليني ألعب عدل هو إني ألعب ميجامان بشكل امممم ما أعتقد أحد عنده وظيفة منهكة يلعبها بهالشكل. حالياً ما صرت ألعبها مثل قبل كم شهر، تشبعت شوي لول، لكن أعتقد معدل لعبي لألعاب ميجامان الأربعة (1-2-3-9) من سبتمبر 08 إلى الآن يفوق 300 ساعة. يتني فترة كنت أخلص 9 خمس مرات بيوم واحد، سويتها أربع مرات (مرة لكل جهاز، لأنه فيه challenge يقول لك خلصها 5 مرات بيوم واحد وحبيت أييبه على كل النسخ، والمرة الأخيرة.... ملل خخخ).
كانت حياتي: أرجع من الدوام، أخلص ميجامان مرة أو مرتين، أنام. أداوم، أرجع، أخلص ميجامان مرة أو مرتين، أنام. الحين نفس الشي بس شيل ميجامان وحط Pokemon TCG، بس برجع ألعب عدل هالشهر تجهيزاً للعاشر. تقريباً ما عندي حياة إجتماعية عدلة بسبب الدوام بس ميخالف، شي يعوض شي.
Practice makes perfect. جملة صحيحة مليون بالمية 3>
ما ألعب ميجامان كلاسيك مع Charge Shot، سياسة ما قبل 15 سنة لكنها ما تغيرت
الرابع الوحيد اللي وصلت فيه بعيد وعجبني شوي بس التشارج شوت أكرهه، ما خلصت شي منهم، أنتظر إعادة إصدارهم عالـVC عشان أخلصهم.
شرح بس عشان ما تظن إني أكرهه من دون سبب: بالأول والثاني والثالث (والتاسع والعاشر)، لما تطق زعيم طلقة وحدة، "شخطة" وحدة من دمه راح تنقص. لما ضافوا التشارج شوت، صار يبيلك طلقة طلقتين ثلاث بعدين تنقص شخطة وحدة، كأنهم يقولون لك إستخدم التشارج شوت. كوني ما أحبها، ولو ما إستخدمته اللعبة تصير أصعب ثلاث مرات، تركتهم.
2 عجيبة :_( 3 خطيرة حيل، HIGHLY recommended لو ما لعبتها.
التقنيات مهمة ونص لكن اللي خلى الألعاب ممتعة قاعد يختفي تدريجياً: البساطة. كل لعبة الحين فيها ساعة كاملة توتريال وبصراحة آنا واحد يزهق بسرعة من هالأشياء. إقرا هذي وأكّد لنفسك للمرة المليون ليش ننتندو تسفط الكل تحت ذراعها.
أحسن ترتيب للزعماء في رأيي:
Galaxy > Jewel > Plug > Tornado > Magma > Hornet > Splash > Concrete
تقدر بكيفك تبدي مع سبلاش أو جالاكسي لأنهم أسهل أثنين بفرق واضح، ومن بعدها إمش بالترتيب عادي (كونكريت > جالاكسي وتعيد الدورة).
هل هذي الألعاب ليست للويي؟ صح. هل الويي مكتبته متواضعة بعض الشيء؟ ممكن، ولو إنه تكفيني. لكن، هل فعلاً يفرق؟ لو كنت تقارن بشكل إحترافي بقول أوكي، لكني أتكلم عن أكثر جهاز ألعب فيه، وأكثر جهاز أحبه، وأكثر جهاز أقضي وقتي فيه. هل بيفيدني المنطق؟ لأ. الويي، لما تحطه في يد اللاعب الحقيقي، واللي همه ليست فقط التكنولوجيا، بتكون عطيته أفضل هدية ممكن حتى ما يحلم فيها.
الويي هو الجهاز الوحيد بالنسبة لي اللي أعاد إصدار NES بشكل أو بآخر.
(كل هذا وآنا ما تكلمت عن ٩٩٪ من ألعابه الممتازة، لأنها أكثر ألعاب overlooked بالتاريخ.)
آنا بخير الحمدلله، الله يسلمك وإن شاء الله تكون مرتاح ومستانس.
آنا صار لي مدة طويلة حيل مليت من كل شي بالألعاب، صج إني مرات أشتري (ماقدر أقاوم الأسعار الرخيصة) لكن الموود قلب فجأة وصرت نادر أتحمس لشي. من بين كل الألعاب الممتازة بس ناطر ميجامان١٠ وبوكيمون غولد وفاينل فانتاسي١٣.
التاسع عجيب >_< راح تحس بحلاوته لما توصل قلعة ويلي، إبداع مو طبيعي وشي تحسه جديد حيل على ميجامان، أشياء وايد ذكية ومش بسيطة. آنا ودي لو يكمل ١١ و ١٢...الخ إلين يخلص أفكار وبنفس الوقت أبي X جديدة (١٦ أو ٣٢ كله حلو ما عندي مشكلة بس الفانز يبون ١٦).
كابكوم وننتندو هالجيل بس قاعدين ويرضون الفانز القدامى. صج تطق لهم تحية إحترام. إن شاء الله سونيك٤ تكون شي لأني مابي أتحمس عشان ما أتحطم، طراق Unleashed كان حار وللحين ما بردت منه. المشكلة كنت أدافع عنها لول، لأني لعبت ساعتين، بس بعد الساعتين اللعبة تموت تدريجياً.
شهر مااااااااااارس >_< >_< >_< شهر كل ألعابي اللي أنطرها!
هلا حسين ,, كيفك ؟
الـwii فيه نظام الـRegion تفس الموجود على الإكس بوكس ؟
يعني لو كان الـwii الي عندي أمريكي , و شغلت عليه لعبة اوروبية , بتشتغل ولا بيطلع Region Locked ?