hussien-11

انصح تبدا باوران اول واحد من الي ذكرتهن لانه بدايتة قوية ورح يترك انطباع عندك وتقدر تحكم من الحلقة الاولى وهية حلقة واحدة وانت مب خسران شي وجرب فقط 🙂

كيفك حسين ؟ ان شاء الله بخير 🙂

شاهدت Ouran High School ولا بعد ؟

كيفك حسون شخبارك
ايش عامل ويا العيد ؟؟
جربت لتل بيج بلانت نسخة بسب
على قولة عامر تنقط كيوتنس 😡

واللة جدا رهيبة والارت يفتح النفس ولا فوق هذي حملت 25 مرحلة اضافية من النت ( ناس تعمل مراحل وتقدر انت تعمل مرحلة وترفعها على النت حتى باقي لاعبين يحملوها ويلعبوها )
قمة الابداع :wow:
ان شاء اللة لمن اشوفك اشوفلكيها

ومست تقرا شابتر ون بيس 0 الان
ومتاكد انة بيكون من اقوى شابترات الي قريتهم حياتك

حسين أحمل Ef بما أني فاضي وما عندي شيء أحمله هاليومين؟ شكلي باحمله قريبا.

المهم شفت شيء من كلاند؟ T__T

ما هزا ؟

شفت الحلقة الأولى T_T

لووول يا اخي 90% منهم متعصبين لسوني بشكل عمي و ال10% حياديين ، حتى المواضيع الرسمية حق ألعاب الأجهزة الثانية ما تجاوزت الصفحة الوحدة ! و فوق هذا تشوف 3 ردود أو 4 تقريبا ، عموما خلص تحميل الانمي ef و ببدأ فيه اليوم ان شاء الله

صباح النور حسون 🙂 .. تعال إسمع الساوند تراك اللي ببروفايلي و لاتخاف ترا بتنساه قبل لا تنزل اللعبة .. روعة T_T

حسين أنت ليش معور راسك XD ؟ أظنك فهمت قصدي

قاعد أحمله كاملا حاليا بس لسه ما خلص ، المفروض اليوم يخلص بالكثير

ههههههههههه أحسن مما توقعت ، يللا عبد الرحمن وياك علشان تونسوا بعض P: ، اتمنى تسحبوا فيه .. الموسم الثاني بيكون من أفضل مسلسلات الأنمي اللي مرت عليك Ever.

ممتاز .. أجل بوقف و أنتظرك أحسن و نبدأ فيه مع بعض 🙂

لول .. ممتاز ، أجل نقدر أنا و أنت نبدأ في Clannad مع بعض ؟

^_^

إلا صحيح .. حسن قال لي أنك بتحمل Clannad ، صحيح ؟

أوه نسيت .. كل عام و أنت بخير و مبسوط دايماً حسون 🙂

تهئ تهئ T_T

لاااااااااااااا ... شفت أول دقيقة بس T_T

بس لما كانوا راكبين التنين و المشاهد الدرامية .. تفاصيل الوجوه واقعية بشكل رهيب و الشخصيات تتفاعل مع بعضها كأنهم بشر حقيقين T_T ... خلاص ماني مكمل أكثر من دقيقة T_T

هممم ... طيب بروح أشوفه 🙁 + يمكن فعلاً ما بتفرق معي طالما بلعبها في سبتمبر لول

الحين خليتني أحتار .. يعني معقولة أخرب صبري طول الفترة الفائتة الآن ؟ 🙁 .. خلاص أنا ضعفت و شكلي بروح أشوفه 🙁

لول .. أحس أنك بتوقعني بفخ كبير P:

حلو .. حبيت فكرة أنه فيها من FF8 يروقني كثير.

همم ما أدري .. تنصحني أشوف ولو شوية من أخر عرض أو لا ؟ 🙁

همم ... مو قادر أتخيل مثلكم لأنكم كلكم شفتوا العرض الأخير بينما أنا لا + توني خارج من صدمة بايونيتتا فما في أمل أتخيل إشي P:

بس الوصف صراحة رهيب .. نقدر نقول أنها مشابهة لخيال و عوالم FF10 و نفس الإحساس لما شفناها أول مرة ؟

عجبتني جملة * ألوان ثم ألوان ثم ألوان .. ثم ألوان ! * :crying:

طيب أنتا أوصف لي اللي شفته بدون سبويلرز >> أعذبك نفسياً لول

لول .. أعرفها و مع هذا خايف أني ما أقدر ألعبها 🙁

ليش أنا الوحيد اللي أخر عرض شافه عن FF13 هو عرض E3 عن اللعبة ؟ .. لول

ياخي كبرت في عيني أكثر لمن عرف إنك أعطيت هاف لايف2 بيرفكت سكور. مع كل السمعة الكبيرة للعبة أحس حقها مازال مهضوم من قبل اللاعبين.
وكل عام وانت بخير 🙂

لول .. ما نمت ليلتها ؟!!

يا ساتر أجل اللعبة الكاملة بتفقدك عقلك XD

نسيت أضيف شغلة .. إرفع البار يا عزيزي مثل ما بدك .. أنا واثق تمام الثقة أنه كلامك مابيختلف عن كلامي ولو ذرة : )

على فكرة نسيت أكتب لك أني أنا كمان فيني هذه العادة XD .. المرة هذه إنعكس الوضع ، أنا اللي عشت تجربة بايونيتتا و أنت لا ، أول ما تنزل اللعبة عندكم أبغاك تعيشني التجربة مرة أخرى و تقول لي كل اللي يصير معك خطوة خطوة ، مرحلة مرحلة .. آه ودي أسمع الواوات الكبيرة و الإنفعالات المصاحبة للدهشة منك XD

و أنا أوعدك من جهتي أني متى ما لعبت FF7 بحرص على دا الشي و بعيشك في واوات كبيرة مني XD

فعلاً .. المطور الياباني و حتى و هو بأضعف حالاته و أقل إنتاجية له قاعد يقدم أساطير و ما يكف عن إنتاج أساطير واحدة تلو الأخرى و تنحفر مثل ما قلت بذاكرتك و إلى الأبد .

لول .. أنا إكتشفت فيك عادة حلوة ، أنت تستمتع بسماع المديح في الأشياء اللي تحبها و أحسك تطرب جداً لما تسمع إنطباعات واحد عاش تجربة أنت سبق لك أنك عشتها لكنك ترجع تعيشها لما تسمع واحد ينهال مديح عليها .. تحس أنك أنت اللي تعيش التجربة هذه أول مرة مو محدثك اللي قاعد قدامك XD .

شخصية بايونيتتا رهيبة و طالعة مميزة .. ساحرة مستهترة و ما يهمها شي ( على قولتنا في السعودية ضاربة العالم بجزمة و أنت بكرامة و مو فارق معاها شي XD ) و راح تستمتع بالمحادثات اللي بتصير بينها و بين شخصيات اللعبة الأخرى بما فيهم حتى الزعماء .. بختصار شخصية عنيدة و مستهترة و ما يعجبها شي لكن بالرغم هذا راح تحب شخصيتها بطريقة عجيبة أنت بنفسك ماتتوقعها XD

في أشياء ثانية بكتب عنها حول شخصيتها لكنها تعتبر سبويلرز و لا ودي أقولها لك .. بايونيتتا صعب توصفها بدون سبويلرز XD

المقاطع السينمائية توحفة حسون ، ما أقدر أتخيلك كيف راح تتفاجأ لما تشوفها و تشوف الفن المغروس فيها .. مقاطع الأكشن ؟ تمزح حسون ؟ المفروض أنك ما تسأل هذا السؤال لأنه مقاطع الأكشن Beyond خيالك بكل حرف في الكلمتين هذه .. شوف أوفر عليك كلام كثير ؟ مهما قلت لك و مهما و صفت لك و مهما أنت حاط سقف للأشياء اللي متوقعها للعبة فيسعدني أني أقول لك أنت بعييييييييييييييد جداً عن اللي تتخيله تماماً عن اللعبة.

القصة رهيبة و عميقة و تقدر تفهم القصة بشكل سطحي لو حبيت و تخرج و أنت راضي عن اللي عرفته عنها و مع أني ما حللت كل الدوكمنتس اللي فيها لكن يظل هذا كافي لي أنا .. عامر اللي حلل الدوكمنتس كلها ما فهم القصة بشكل كلي و قال لي أنه يحتاج رواند أخر مع بايونيتتا عشان يفهمها فإيش تتوقع أكثر من كذا حسون ؟

ما أدري إلى أي مدى أقدر أوصف اللعبة الرهيبة هذه .. حدي في الوصف يوقف هنا T_T

أوبس .. نسيت أذكر القصة في إنطباعاتي ، القصة عميقة كعادة قصص كاميا .. فيها لحظات محزنة و لحظات نكتة راح تضحك فيها من قلبك ، ما تخيلت نفسي ممكن أضحك في لعبة زي بايونيتتا لول .. طريقة سرد الأحداث و الكت سينز استعرضوها بطريقة من أروع مايكون ما راح أقول لك كيف لأنها تعتبر سبويلر و حابب أنك تكتشف كيف شيميمورا استعرض الكت سينز بطريقة ذكية تقطر فناً.

الإخراج ؟ ... ممم الإخراج كلمة عامة ، تقدر توضح لي شوي إيش النقاط اللي تبغاني أتكلم حولها بالإخراج ؟