حنا عندنا تقريبا الاكسبلورر والاكسبديشن والقراند ماركيز والكراون فكتوريا اكثر سيارات يستعملها الشعب لكن ايضا موجود عدد مو بسيط من edge وعدد بسيط من flex وfocus تشوفهم بالشوارع يوميا ,
وبخصوص تعديلات الرسميه للموستانج ...فعلا في تعديلات واجد للموستانج من الشركه نفسها وهذي مميزه لهذي الشركه (الشيلبي نفسه يعتبر تعديل) ....يكفيك اول مخترع سياره تسير على البانزين هو هنري فورد لول ,
وعلى فكره انا متعصب جداااا للسيارات الامريكيه لدرجه ان الوالد يوم رحت معاه نشتري سياره لي للدوام قالي مالك الا الكامري ...قلت اذا بتشتري كامري خلك بالبيت اروح مع تكسي وارجع ولا اشتري سياره يابانيه (وقعد يقولي محاضره بالسيارات اليابانيه وانا اسمع من اذن واطلع من الثانيه) .....وسيارات البيت كلها امريكيه : الوالد (شيفروليه تاهو 1999-انا تاهو 2001 -الوالده ميركوري قراند ماركيز 1999).....بس بصراحه اكثر سياره الى الآن عمرت معانا وماشيه زي الحلاوه هي القراند ماركيز (الي اصلها فورد) بصراحه شقول! تخيل سياره من 99 الى يومك هذا ما تغيرت فيها ولا قطعه من شريناها من الوكاله! ...وماشيه 200 الف كيلو متر يعني رقم مو هين
