منتديات تروجيمنج

تبي تصير روبوت؟ روح ساعد في البحوث إلى أن تلقى طريقة.
تبي تصير إنسان؟ تصرّف مثل كائن حي وحاول تجاري الحياة.

الخليط هذا فعلاً يرفع الضغط لكن توه يبدأ وقت الصيام خلونا ساكتين!

عشان كذا حياتكم مبعثرة وتؤخذون على حين غرة
أشغالكم بالمجمل جودتها ضعيفة ومليئة بالثغرات
خط ، تنظيف ، بحث
عندكم صعوبة في الالتزام وبس الشي يلزمه
طولة نفس تنفرون منه ...

لاتفكين جراح ، غرفة أخوي
لايرتبها ولا ينظفها تاركها للشغالة
قسم بالله جاني وسواس
ومهما يكلمني تركيزي على اسلاك كمبيوتره
الي عباس في دباس

طيب؟ وين الخطأ باللي سواه أخوك؟

مافيه خطأ وصح هنا
انتي تنتقدين الناس المرتبة وتغفلين
انهم هم كمان ممكن ينزعجون منك
روبوت شغال ولا إنسان عاطل

قد خرجتي مع عفوي؟ يمين كل شي من حيث
لاتحتسب ويخلك ترجعين عالمكان عدة مرات
بينما المنظم طق طق طق واحد اثنين وخلصنا

مهزلة

يا عزيزي، الموضوع ماهو صح وخطأ قد ماهو طبيعة الحياة.
حتى لو انزعج المرتب مني، في النهاية هو يبذل جهد بينما أنا أنسدح في سريري وفي الأخير نحصّل نفس النتيجة، هل نفعه الجهد الشاق؟
هذي طبيعة الحياة قبل ما يبدأ المنظّرين بنشر فكرة إن الواحد لازم يضغط على نفسه بشكل إعتيادي ولا يصير ماله هدف في الحياة.

وشو مهزلة؟ لا تصير زعلت @@

هي مهي القصة هل نفعه الشغل الشاق اكثر من كون هذا الشغل لارضاء النفس
مهو لازم كل شي يكون ملموس

بالضبط. هو فعلاً شيء ماله فائدة على أرض الواقع بقدر ماهو إرضاء للنفس وعشان لو فشلت الجهود يطبطب على نفسه ويقول "شديت حيلي وسويت الي علي".

ههههههه لكل مجتهد نصيب ، ومايتساوى الراقد عالسرير مع المجتهد الي تعب على نفسه. الحياة
ماتعمل كذا ابداً ...

محد قالكم اكرفوا وموتوا بس أدوا الحد الأدنى
وتنظيف غرفة والتفات لأداء دراسي
هذا حد أدنى من المسؤوليات
ماتبغون تسوونه فاهمين بس لاتنتقدون
الي يأديه لأن هذا قبح على قبح
قال ليش عندكم جدول قال

انا من هذا النوع
احب اسوي كل الي اقدر عليه عشان اكون ارضيت نفسي في النهاية حتى لو كنت متأكد اني ما اقدر له

ياجماعة كيف ماله وقع واثر؟
الحين احد يقدر يتعلم لغة بدون جهد؟
يترقى في العمل من دون نتائج ومحققات وجهد؟
وش هالخرط الفاضي؟
قال زي بعض قال

أيوه عادي. ما تشوف الي يدرس لغة ليل نهار والي مجرد يحضر محاضرتين يكتسب معلومات هائلة وأكثر من الدافور المسكين؟
يعني خلينا نشوف الواقع، مب أمثال نرددها مجتهد ونصيب وهذي الأشياء.

نقطة مهمة ذي
بعض الناس ولدوا موهوبين

مِه غير صحيح. أنا أقل شخص لديه موهبة في الحياة وبصراحة مهاراتي الإدراكية كلها على الحد الأدنى، بس ما أضيّع جهدي صراحة.
ليه أذاكر طول الترم إذا أقدر أذاكر فجر الإختبار وأجيب درجة مثلهم؟

لاتخلطين الذكاء وهو عامل من عوامل التنبؤ بالنجاح مع المجهود (الي هو عامل آخر) ونعم رثاء
لو شخص ذكاءه مساوي لذكائي راح يغلبني دراسيا
ومهنيا لو اشتغل اكثر مني وانا تمسكت بالبطحة
والسرير

هذا اما تواضع او ان الاختبارات سهلة جدا

يا عزيزي، ما فيه أسهل من تغيير المسميات لكي نقنع أنفسنا بالاستمرار بشيء. الذكاء كل واحد يعتبره شيء يناسبه عشان يناسب الفكرة براسه ويمشيها.

لا ماهو تواضع بل حقيقة، حتى الي أقل من الآخرين بالفهم وبباقي مهام التفكير يدركون هذا الشيء.
بذل الجهد مجرد مفهوم متوارث، لو كان فعلاً ينفع عبر التاريخ لرأينا الفاشل يمدحونه ويقولون أووه مسكين بذل جهده، ويسبون الناجح ويقولون هذا كسول لكن ضبطت معه لحظ أو لذكاء.

الذكاء معروف ومحدد وله وسائل في القياس.
ماهو شي الناس تغير تسميته على هواها.
الإنسان الذكي يتعلم ويطبق ماتعلمه بشكل أسرع
من الأقل ذكاءً ..
لكن الله أعدل من إنه يوزع الذكاء ويجعله
بذاته سبيل للنجاح لازم تتعب لازم تجتهد
كثير قليل هذا راجع لك
في الي يتمنى ملايين في حسابه ويحب يعيش
قصة تحقيقها وفيه الي حلمه فيلم وسرير ونوم
مايحق لأحد يستحقر أحد كلنا أحرار في الطريقة
الي نعيش فيها هذا الي بوصله لك

بس ما استحقرت أحد أنا، قلت إن بذل الجهد مجرد ضغط نفسي عشان شيء وهمي وماهو موجود.
بالنسبة لوسائل قياس الذكاء، خلي يتفقون على "أنواع" الذكاء حقتهم بعدين نتكلم عن قياسها.