Silent-Horror

دام الشيء اسباب خاصه < أجل أنسحب

السموحه منك كان ودي أساعدك لأن شرف لي أن أعمل مع شخص مثل حكيم

سؤال : بعد الأعلان عن رزدنت إيفل 6 .. شلون شعورك ؟ :laugh::

أولاً : شنو السبب اللي خلاك تكره الكره ؟ < أجباري جوابه :laugh::

بالنسبه للتصميم : قاطع عنه والله من زمان لكن الحمدلله ماشي حالي فيه

بخير الله يسلمك .. المنتدى فيكم منور

عسى تمام يا حكيم .. و تسلم على القبول

لكن شوي منبطه جبدي من الفارق بينا و بين مدريد صار 10 نقاط و أحتمال يصير 13 نقطه

لكن مانقول الا الله يعينا على الاتحاد الاسباني :

هلا و مليون مرحبا بحكيم

ياخي لك وحشه والله .. معاك اخوك محمد مبدع الجيمز

عساك للجنه .. كيف حالك بشرني عنك ؟

أهلا حكيم. كيفك أنت؟ إن شاء الله تمام.

للأسف ما عندي فكرة، ما أتذكر أني رسلت أكثر من ×3 SMS في حياتي كلها ولو تطلب الأمر زيادة رسلت دفعة أخرى.

كنت العب بوردلاندز اول مانزلت بس قبل اسبوع رجعت اطقطق عليها شوي
ومن اول ماشريتها ما اذكر واجهتني مشاكل بالتخزين ..

اختيار جميل 🙂 .. واحده من الروايات اللي خططت لقرائتها شفتها بموقع goodreads.com وكان واحد من اصدقائي يقرأها
ومدحها لي .. إلا من اي موقع طلبتها ؟ hardcover ولا paperback

ماشفت ردك إلا متأخر .. ليش راد بملفك >_>
المهم .. سألت عن فرع للمكتبه العربيه .. موجود بمكان ما في الكويت 😀
شلون كانت عاد ؟ الروايه ؟ الترجمه تحس مخربتها ؟

الله يخلي التورنت : )

الفرق الرئيسي عادة يكون في أجيال البوكيمونات الي تمسكها و تدربها
كذلك بلاك اند وايت سمعت انه فيها عدة تعديلات على الفورملا، لكن ما لعبتها

أي مكتبة جرير رائعة جدا .. في الكويت ما عندك فرع من المكتبة العربية للعلوم ؟؟ جميع الروايات الجديدة من ترجمتها و نشرها ..
بالنسبة للروايات اليابانية قرأت وحدة بالعربي اسمها البحر و السم مؤلفها شوساكو اندو تقريبا

بالضبط هذي مشكله السوق عندنا .. انا مكاني المفضل جرير ثم مجمع المكتبات الإسلاميه ومكتبه العجيري
مافيهم ولا كتاب لكاتب ياباني .. اصلا زين نشوف كتاب امريكيين واوروبيين

فيبالك شي معين من الثقافه اليابانيه ؟كتاب معين

يبيلي والله اطّلع اكثر على تاريخ الحشاشين شفت عنهم برنامج على الجزيره الوثائقيه وعجبني وشدني له
اقتنيت فيما سبق اشهر الجواسيس ومدري وين راح مني .. فعلا شي حلو انك تغير جو داخل المنتدى 😀

بالفعل وجدت متعه قصصيه في القرآءه عن الأخويات والمؤسسات السريه .. بني صهيون لعنهم الله مليانين اسرار
المؤلف مجدي كامل لأشرار التاريخ ... ماشاء الله فعلا رقم قياسي افادك الله بماقرأت 🙂

اكيد استاذي الكريم 🙂

بالنسبه للصبر انا صبور جدا وخلصت كتب تجاوز حجمها 500 صفحه لكن بشرط انها ماتكون ماشيه برتم ممل بزياده ، الروحه جت بشكل غير مخطط .. مشوار ماله دخل بالكتب تحول إلى رحله إلى جرير ، شريت الكتابين اللي قتلك عنهم لدان براون وكتاب اجاثا

( الله) و (عبقريه محمد ) للعقاد .. الخيميائي لباولو كويلو .. كتابين من سلسله الماسونيه لمنصور عبد الحكيم ، (ميكيافيللي الأمير ) كتابه هو المألفه عن نفسه .. اشعار قتلت اصحابها للقرني و شكرا ايها الأعداء لسلمان العوده ، لو كان بيننا لـ احمد الشقيري .. اشرار التاريخ ،، الحافه ،، سيره اينشتاين ،، العاده الثامنه لستيفن كوفي ، خارطه الطريقه للقرني .. نظريه الكم مبسطه

هالكتب اخر مادخل مكتبتي .. بعضها انتهيت من قراءته والغالبيه ان شاء الله يبيلي شهرين واخلصهم إذا انتظمت بوقت القراءه علشان جذي انا مكتفي .. بس احب اكدّس يعني ممكن اشتريهم بعد جم اسبوع

عبدالله ، لييش متأخر 🙁 جتك الفكره متأخره .. اليوم رحت وشريت 6 كتب وقبلها بعشر ايام بعد شريت 9
جبت روايه الأربعه الكبار لأجاثا .. وملائكه وشياطين وحقيقه الخديعه .. وكتب اخرى 😀
وشفت الروايه عند جرير حسافه .. بس راح احطها بقائمتي بعد ما اخلص اللي عندي

هلا فيك
انفتح المنتدى بس مافيه اي احد خلاص انتهى زمانه ههههه

الف مبروك حكيمو تتهنى فيه ان شاء الله...بالنسبة لالعاب الثري دي اس ما فيه غيرهم سوبر ماريو لاند/كارت وريميك زيلدا ما اظن بالسوق فيه شي يستحق ترمي فلوسك فيه غيرهم...لكن الميزة العظمى للثري دي اس هو انفتاح مكتبة الدي اس قدامك ، وكنصيحة شخصية اترك كل الالعاب المذكورة بردي او المحفورة بدماغك وجيب Ghost trick قبل أي شي ثاني..لعبة بتذهلك وبتبين لك ان المطور الموهوب ما فيه عقبة بتوقف بطريقه عشان يظهر عبقريته حتى جهاز محمول بامكانيات متواضعة مثل الدي اس @@
بخصوص بوردلاند حسب ما اذكر *وانا لعبتها مع بعض الشباب بجلستين ووقفنا وما كملنا* ان التخزين كان اوتوماتيكي..ما متذكر التفاصيل الدقيقة بصراحة بس ما كان فيه شي معقد...بحثت عن المشكلة بالنت اذا كانت منتشرة ؟
اما ماس ايفيكت بديت فيها شوية لكن لازلت احتاج ادفع وارغم نفسي عليها اكثر لين ما اندمج معها لأني ما متعود على الار بي جي الغربي...وهالفترة اساسا متكاسل وما املك الحيوية والنفسية عشان العب شي ثقيل بشكل متواصل بس كل شي ممكن يتغير مع الانسجام @@

اهلا اخ حيكم شخبارك ؟؟
يمكن ماتتذكرني كنت عضو معاك في جيم ماستر ههههه
توني قبل يوم مسجل في هالمنتدى وشفت النك نيم مالك
وبس حبيت اسلم عليك صديقي 🙂

ألف ألف مبروك ! الجهاز فعلا رائع يا حكيم، لما ألعب عليه أحس نفسي ماسك جهاز .. "ألعاب"
مادري كيف أشرح بس كل شي ملون و له صوت و يفتح النفس ، غير انه مكتبة ألعاب الجهاز خطيرة بشكل ! انتظر لما تلعب ماريو لاند و شوف الأفكار الرهيبة الي فيها كمان، اذا جربت ديمو ريزدنتايفل ريفلشنز أعطينا خبر !
و صحيح .. ايش قاعد تلعب حاليا ؟ ^_^

شفت الفلم "ملائكه وشياطين" لكن الكتاب لأ ... راح اشوف اذا حصلته ،، روايات اجاثا كريستي موكلها عندي وروايه وحده لشارلك هولمز وللحين ماقريتها 😀

يعني لأنك قانوني .. مهتم بالروايات البوليسيه 😛 .. عموما ماتقصر وراح اأذيك في المستقبل كل شوي بنط اسألك عن الكتب
دام انك مؤلف وقارئ تحملني ^__^

شفت شلون الشعب الكويتي مهتم بالقراءه 😛 ولا بعد اميه سنه
بالضبط الجو في هالفتره ممتاز للقراءه المتعمقه والروقان تدخل عالم الكتاب حرفيا ,, والله يسهل عليك امور النشر

بالنسبه للروايات اهتمامي فيهم حديث .. من ثلاث سنوات بديت اقرأ روايات .. كانت قراءاتي تقتصر على كتب التنميه البشريه
والسير والتراجم وكتب علميه في مجال دراستي الأكاديميه وكوب المشايخ الدينيه .. ووإلخ

لكن ماني مطع على جديد الروايات البوليسيه تحديدا .. ولو اني توني انهيت الرمز المفقود لدان براون وكان جيد كسابقه دافنشي كود .. روايات آجاثا كريستي البوليسيه هي اللي تلقى عندي رواج .. وعندي كم روايه انجليزيه للحين مابديت فيهم game of thrones

بطلع للمكتبه قريب .. ابي نصايحك لثلاث كتب حلوين 😀

لان ثقافه الصوره والفيديو هي السائده .. الناس الحين مالها خلق تتأمل بالسطور وتقرا الجمله اكثر من مره ، صوره تعبر عن كل شي
وهذا للأسف يقتل الثقافه والإطلاع .. لاتقارن القراءه من على النت والقراءه من كتاب

ماشاء الله تبارك الله ! مؤلف بصراحه شي عظيم .. (تأليف الكتب أتعس تجارة في الكويت. خالد عبد القادر الرشيد) هذا الحال عندنا بعد .. طبعا إذا نشرت الروايه ابي النسخه الأولى مع توقيعك .. وإذا اشتهرت ان شاءالله ببيع النسخه بمليون :laugh::

ماشاءالله عليك .. شفت البيت بعد التدقيق في الصور فعلا القراءه متعه وثقافه واستفاده من الوقت ،، قارئ اليوم قائد المستقبل ^_^
الله يزيد ويبارك 🙂

اهنيك على مكتبتك .. اختيارات موفقه بالكتب ..
"أعز مكان في الدنيا سرج سابح وخير جليس في الأنام كتاب"

أوه أخيرا؟ الله يبارك لك فيه يا حكيم وتتهنى فيه إن شاء الله 🙂

أبجريد واضح عن جهازك السابق هاه؟ قلت لك. الجهاز بينفعك بشكل كبير جدا... خصوصا أنك من الناس اللي تحب تستهلك قدرات الأجهزة بأقصى حد.

الثري دي إس... ويش ناوي تاخذ وياه كبداية؟ أنا أخذت زيلدا أوكرينا أوف تايم وديد أور ألايف دايمنشنز بما أني أحب الفايت، وليومك ما أخذت أي شيء آخر.

اووه ، معاك حق هنا XD
ميزانية و تكلفة
عموما انا ما جربت، انت جرب و خبرنا ايش بيصير معاك

نصيحة لوجه الله يا حكيم
خليك مع الأصلي
الـR4 بيخليك تحمل مليون لعبة ( هذا لو زبط ) و ما تلعب منهم شي و لا تعطيهم حقهم
لو تشتري بين كل فترة و الثانية لعبة و تخلصها و تعطيها حقها بيكون أحسن بكثير ^^

عالبركة ان شاء الله ^_________^
شوف ايش بيصير معاك هناك ، أصحاب المحلات أدرى أكيد
منتظرين انطباعاتك حكيم!

يا هلا حكيم ^^
و الله ما عندي علم يا صديق ، على حد علمي فيه R4 لكن طريقة استعمالها صعبة لهيك ما انتشرت كثير ، هذا الي بعرفه