Old Hunter
True Gamer
من قبل فترة وانا اسمع عن لعبة Zero Escape ، وكم هي لعبة روائيه عظيمه ، ولعبة الغاز معقده وكيفية مطالب الفانز بالجزء الثالث ،
عندما تم الاعلان عن الجزء الثالث ، كانت هناك فرحه كبيرة للاعبين ، في الانترنت وهنا في تروجيمنق ، جاني فضول كبير اني اعرف
وش السر ، ماترددت وقتها اني اطلب اللعبة ، بجزيئها ووصلوني ، بديت اللعبة اعجبني اسلوب التقديم ، واعجبني تقديم الشخصيات ،
في هذا الموضوع بسرد انطباعي واني كيف فهمت القصة حسب تدرج النهايات الي جاني .
.png/revision/20140311202219)
" من انا ؟ اين انا ؟ ليش انا هنا ؟ كمية الحقائق العلميه ؟ انا جالس العب لعبة ؟ فيه بشر تموت ؟ هذي مش مجرد لعبة ؟ هذي حياة
او موت ! " النوناري قيم بكل اريحيه تزرع هالتسؤلات براسك ، بديت اللعبة ، تائه ، الغاز لطيفه نوعا ما ، فيها تعقيد خفيف بنكهه لذيذه ،
تقابل اعضاء اللعبة الي معك ، يتكلم معكم زيرو بسرد شروط وقوانين اللعبة ، بدون توضيح ليش تم اختيارهم فقط كانه يقول مالكم اي
خيار ، بدت اللعبة ، لكن هيه ! هي مش لعبة ، العواقب حياة او موت ! وتبدء بالجريمه الشنيعه الي بالبدايه ، تستمر الاحداث ، وتحس
انك تثق في البعض والبعض يثير شكك بشكل " خفيف " فقط ، الالغاز تتدرج ، من العبقرية الى الخفيفه ، لكنها تدريب ممتاز للدماغ امانه !
مع تقدمي في اللعبة ، واقترابي للحقيقه ( كنت اعتقد للاسف ) ، فجاه الشخصيات يموتون ، واحد ورا الثاني ؟ وطبعا مقتولين ، لحظه ؟
يعني زيرو كذب علينا من البدايه ! وكان هدفه يقتلنا اساسا ؟! بس Seven كان هنا قبل ٩ سنوات ! وكانت هذي تجربه ! وتم اختطاف اطفل
ونجحوا في الهروب من السفينه ! والاعلام كان يغطي الحدث ( يتغاضى عنه ) ! اذا احنا بدينا نموت واحد واحد ، معناتها ان التجربه مختلفه !
وش هذا المرض الي خلى الشخص الي اسمه زيرو ينتقم منا ! انا متاكد اني شخص مسالم واغلب الي هنا ماجاه منهم اي شي !
وفي النهاية ، انقتلوا كلهم ، وانا اخر من انطعنت ! ولا اعلم وش السبب ومين القاتل ، ومين زيرو .. ولا شي ، تساؤلات مجنونه انتشرت
في دماغي ! كان اكتئاب خفيف ، كان عدم ثقه ..
باختصار تكره قراراتك الي اخذتك على هذا الطريق ، تسأل نفسك ، هل انا كنت طيب بزيادة ؟ هل انا وثقت في شخص ما يستاهل ؟ ليه فيه حزن خفيف وغريب، هل ابن ادم فعلا اذا تشبع بتساؤلات ، ومالقى جواب بالنهايه " ينخذل " ؟
يبتدء المشوار مره اخرى ، تلاحظ ان زيرو له حضور مره واحده فقط ، في البداية عندما يعطي تعليمات اللعبة ، الحين هل انا اهتم بهروبي
من هالسفينه ؟ ولا انقاذ الاشخاص الي معي ؟ ولا اعرف من زيرو وش الهدف من هذا الشي الي يسويه ؟ ( صداع ) .. في النهايه
تلقى نفسك قدام " الهروب من السفينه " ، وانقاذ انسانه تحبها من طفولتك ، June .. تتبع طريق مختلف عن الاول ، تحصل معلومات
جديده ، كانك تمسك القضيه من اكثر من طرف ، تعرف ان Louts مثلا ، خطفوا اطفالها قبل ٩ سنوات ، ومروا بنفس التجربه ، تكتشف
عن الخرافات بخصوص ال Coffin الي كان في التايتنك والي سبب لعنه عليها ، وتوقعوا انه موجود بنفس السفينه ، ويبداون يوضحون لك
هذا الحدث ، بمجرد انك تسمع هالشي اول شي يجي ببالك كلاعب تفتح الانترنت وتشوف هل هذا الي مصدق فيه فعلا! وتكتشف ان
الشي في الانترنت فعلا ! والعالم تكلمت فيه ! تكون حذر اكثر الحين في قرارتك ، ولا تتعاطف نسبيا مع احد ، لانك صرت تشك بجميع
الاشخص ، واحيانا ؟ الاصابع تتهم احد ، لكن مع تراكم الاحداث تتهم احد ثاني ، مهما كان الشخص لطيف ، او يبدوا طيبا ، صعب انك تثق
لان كل بشر في هذي الحياه له اسرار يخفيها ، كلن منا له الجانب المظلم مهما حاول ينكره ، اكثر شي يثير شكك فعلا ! التضحيات
المفاجأه ، لما شخص يقول انا بجلس وانتوا سووا الي تبون ، يعني خلاص خلوني وروحوا ، هذا الشي يضرب له الف حساب ، مين
يرضى بالموت ؟ مهما كان الشخص يبقى يخاف من الموت + تتوضح لك التجربه الي صارت قبل ٩ سنوات اكثر و اكثر ، والاهم بالموضوع
انك تقترب من الحقيقه اكثر . الضحايا كثير ، رقم ٩ ، سنيك ، وغيرهم .
احيانا ، الانسان لما يستقبل كمية كبيرة من المعلومات عن الحياه الواقعيه + يتشتت باحداث وقصص شخصيات ، يغيب عن الحقيقه حتى لو كانت بسيطه وواضحه قدام عينك ، اول مواجهه بين Juanpi و June ، كيف انكر صديقة طفولته لوهله ؟ الانسانه الي حبها ، وعاش معها الطفوله كلها ، هذي النقطة تحط تحتها الف خط ، توضح لك تساؤلات بعدين .
طريق اخر تاخذه ، التجربه الي صارت قبل ٩ سنوات ، هم ٩ اطفال في السفينه ، و ٩ اطفال في صحراء نيفادا ، لهم ارتباط ببعض ( اخوان
و اخوات ) ، تكتشف انها دراسة من ٤ اشخاص " مجهولين " بالنسبه لك ، كانوا يحاولون دراسة شي بالعقل ، ما اعرف المصطلح العلمي
بالضبط ، بس هو التواصل بالافكار او شي كذا ، باختصار الاشخاص الي بالسفينه يحلون لغر ، ويقدرون يتواصلون مع اخوانهم في المكان
الثاني بدون اي وسيله تواصل ، بحيث يحلون نفس الالغاز المتشابهه ، هي دراسة ، ارادوا هؤلاء الاشخاص اختبارها ورؤيه النتايج ، لكن
لانهم اضافوا عامل الخطر " الموت " للعبة ( عشان الSubjects غالبا مايعطي كامل الاداء ، الا اذا حس بخطر ! وهالخطر هو الموت ) هذا
هو كان الهدف من اللعبة ، لعبة ؟ يسمونها لعبة ؟ تجربه ؟ وادواتهم هي البشر ؟ اطفال ؟ اي قلوب هذه ؟ مين هالاشخاص الي قلوبهم
سوداء كذا ، طيب زيرو واحد منهم ؟ معقوله ؟ ما ادري ، هل هو اصلا شخص موجود زيرو ؟ هل زيرو هو عامل الخيانه الي بينا وعدم الثقه ؟
توصل لنهايه المشوار ، تلقى التابوت ... All-ice ؟ معقولة ؟ المومياء الي سمعنا عنها ! .. لكن كالعادة التابوت مقفل برقم سري .. وباب ٩
امامنا ، اخر باب ؟ وورا باب ٩ ثاني ؟ ايش ...... زيرو ؟ وش قاعد تسوي ؟ تتلاعب فينا ؟ مستحيل نفتح البوابة بالديجتل روت الي معنا ،
ولا التابوت ، وحن عالقين هنا ، بس لحظه .. سانتا ؟ ايش قاعد تسوي ؟ ( انقلب علينا ؟ خيانه اخرى ؟ معقوله ! ) ...
* صوت طرق يعلى شوي شوي .. *
من وين الصوت جاي ؟ * يمين يسار ، مافيه شي ..* لحظه .. التابوت ؟ ايش .. ! معقوله .. الطرق يعلى .. انتهت اللعبة ..
ياكاتب اللعبة ويالمخرج ؟ ايش قاعدين تسوون ؟ تلفت الاعصاب ! كمية التساؤلات بكل نهايه تزيد اكثر من قبل ، ابي اعرف ، بالبداية كان همي اعرف مين زيرو ، واطلع من السفينه ، الحين : تجربة ال ٩ سنين الي قبل ؟ ليه Seven فقد ذاكرته ؟ ليش سانتا انقلب علينا ؟ مين زيرو ؟ مين ال٤ اشخاص المسؤولين عن الجريمه البشعه الي صارت قبل ؟ .. كثيررررر ، تنجح اللعبة هنا بالتلاعب فيك كلاعب .. الحين مين صار يلعب في الثاني ؟
ال٤ اشخاص المسؤولين عن التجربه موجودين معنا بالسفينه ؟ ومقتولين ، ماعدا واحد منهم ، الي قتلهم شخص واضح مين هو ، الي
هو الشخص الي نجا منهم ، زيرو ما قتل احد ، زيرو اصبح عامل نفسي اكثر من انه شخص واقعي ، اسباب الخيانه الي قاعده تصير
هو الخوف من الموت ، والانتقام ، وان كل شخص له ماضي مع شخص بالسفينه ! التخاطر الفكري الي كانوا يبحثون عنه منذ فترة طويله
انا قاعد امر فيه ! انا مين اتشارك معه فيه ! لكن لحظه .. June ? ماتت في هالتجربه قبل ٩ سنوات ؟ جون .. ! الي جالس اتكلم معها
وهي معنا في السفينه من بداية اللعبة ؟ هل هذا سبب اني اول ماشفتها ماعرفت انها صديقة طفولتي ؟ هل زيرو يتلاعب فيني انا
بعد ! جون رقم ساعتها ٩ وانا طول الوقت احسب انه ٦ ؟ ايش قاعد يصير ، انا بديت ماعاد اعرف من انا اساسا ! التخاطر الفكري الي
يجيني ، من مين ؟ زيرو تلاعب الجميع .. تلاعب فيني .. تلاعب في اغلب الشخصيات ، تلاعب في Ace وخلاه يقتل كل الي بدوا التجربه
معه ، وعرف انه راح ينقتل او ينمسك في الاخير ! Zero كان رعب و خوف انزرع في قلب كل شخصيه ، رغم ان ظهوره كان خفيف !
هو الخوف او الشي الي نرمي عليه الملامه ، ولكن لو لاحظت لوهله ، في السفينه ، الاعداء هم الشخصيات ، هم اعداء بعض ، بافكارهم
وتوجهاتهم البشريه .
كانت مرحله بديت اوصل فيها لاني اتوه ، ماعاد اعرف وين الحقيقه ، رغم ان اغلب الاوراق انكشفت ، سانتا كان يخدم زيرو ، لكن انا اتشارك التخاطر مع مين ؟ ومين زيرو ؟ .. هل انا زيرو ؟ هل اكاني زيرو ؟ اكاني ماتت قبل ٩سنوات ؟ وش جالسه تسوي هنا .
بالنهاية ، عرف ان التخاطر الذهني كان يصير لي مع اكاني ، من الماضي او من المستقبل ، اغلب الاساله الي كانت براسي لقيت لها
اجابه ، بسرد الامور الي اشيد فيها باللعبة ،
- السرد القصصي من اجمل ما قرأت .
- طريقة تقديم الشخصيات تخليك صعب تنساها .
- فعلا اللعبة تلعب في مشاعرك من ناحيه الثقه والخيانه .
- انهيت اللعبة ٥ مرات في اسبوع واحد ، وهالشي عمره ماصار بحياتي .
- الترابط القصصي ايضا ممتاز .
- الالغاز صعبة ، بس بعضها احسه تعجيزي والله .
- الارت حق الشخصيات جميل .
- الموسيقى في اللعبة مناسبه لاجوائها ، مش الافضل بالنسبه لي .
- النوناري قيم+تجربة ال٩سنوات + زيرو + السوارات .. اشياء مستحيل تنساها بحياتك الفيديوجيميه .
- الحقائق العلميه المقدمه شي محترم .
- حس الدعابه في اللعبة موجود رغم حاله التوتر الي يعيشونها .
هذا انطباعي الي قدرت اكتبه عن اللعبة ، فيه امور كثير وتفاصيل صغيرة ماكتبتها ، بس الاهم النظرة بالمجمل ، اشكركم على القرائه ،
وشكرا لكل من نصحني العب هاللعبة ، @hussien-11 كان لي نقاش منه عن اللعبة من زمان ، قبل كم شهر ، ونصحني العبها بشده ،
واشكره من اعماق قلبي على هذه النصيحه ، فعلا من افضل مالعبت ، ببدء فلر بعد كم يوم اذا خف راسي شوي من الضغط الي سببته
999 ، اللعبة جميله وتستحق التجربه والاعاده ،
سؤالي الاخير ، Zero هو Akani ؟ طيب مين الي مات قبل ٩ سنوات ؟ وكيف اكاني معهم في السفينه .. يعني هالنقطه مافهمتها ،
هل هي شي خرافي ؟ لان اغلب احداث اللعبة تلمس الواقعيه بشكل ما ، فاستغربت من هالنقطه .
