Windows Vista : الموضوع الرسمي

[Rockman]

السلام عليكم:

بما ان الفيستا توه نازل وماله موضوع رسمي + اكيد الاستفسارات بتزيد
وانا عندي كم سؤال

المهم

انا الحين شريت وندوز فيستا التميت وسويت الباك اب وناوي اسوي انستال جديد مع الفورمات

الحين مستعملين فيستا الموجودين (( ما اتوقع لكن لعل وعسى )) :yuck: هل واجهتكم مشاكل معينة ؟

انا تقريبا كل البرامج الضرورية جهزتهم اللي تتوافق مع فيستا لكن ما زالت برامج اخرى ما ادري شنو حالتها
الحين انا عندي رام 2 جيجا وهارد دسك 250

هل راح احس ان الفيستا ابطئ من اكس بي ؟ ولا ماكو فرق ولا شلون ؟

عموما شكرا على كل حال ..

تعديل : بكرة بالجامعة عندنا فيه حفلة اللنش الاكاديمية وسجلت فيها راح يكون فيها الفيستا والاوفيس
جنه بالكويت والاردن والامارات ...

PS : مين اللي يرسل اخبار TG-mobile :yuck:

 

[Dark Man]

السلام عليكم

انا ركبت وندوز فيستا على الـD من فتره و جربته ,
أولا راح تنبهر بالستايل و الانميشن و الأصوات و المأثرات , ثانيا راح تنبهر من المميزات و الأضافات و الخلفيات و السكرين سيرفر , ثالثا راح تنبهر من السرعه و السلاسه في التحكم , و رابعاً راح تنصدم من التعقيد الي صار في الملفات -.- وطريقه عرضهم , و راح تنصدم لين تكتشف ان كثير من البرامج و الدرافرات ماتشتغل معاه , علشان جذي رجعت للأكس بس لحين مايتم تحديثه و تعديل اخطائة

 

[itachi]

لاه صحيح من صج تعقيد زياده ....والله جانا كومبيوترين HP في جرير والناس اللي فاهمه أبتعدت عنه وعن بلاويه لأنها عارفه سالفته هذا غير المشاكل اللي يتكلمون عنها

 

[Rockman]

السلام عليكم :

اممم يعني المشكلة الرئيسية بالدرافيرات ؟ انت ما سويت الوندوز ادفايزور ؟ انا ما طلعت لي مشكلة الا بدرافير واحد وما احتاجه اصلا

واخوي ايتاشي وشنو هي المشاكل بالضبط ؟ وما اتوقع اي نظام اول ما ينزل ما يكون له مشاكل لازم له مشاكل

 

[Xavi]

الحمدلله قبل مدة شريت الأب جريد للألتميت وماشي معي زي الحلاوة ، كل شي تفوق على الXp فيه سواء من سرعة أو ديزاين أو مميزات أو اضافات كل شي ماشاء الله فيه توب ، المشكلة الوحيدة اللي واجهتها هي إن ال Fn اللي في اللاب توب ماصارت تشتغل لكن بإذن الله راح ألاقيلها حل أما الباقي كله بيرفكت الحمدلله .. بالنسبة للبرامج كل البرامج شغالة ماعادا النورتن مو راضي يتثبت على النظام بحجة إنه لازم XP فأضريت أتصل بشركة Symantec و لكن بدون أي جدوة الخلل من مايكرو ولازم أرسلت لهم ايميل وفي انتظار ردهم .
أما إختلاف طريقة العرض والإستخدام فهذي تعودت عليها في أقل من 5 ساعات يعني يمكن فقط أول ساعة واجهة مشاكل لكن مع الوقت كل شي راح يسير تمام التمام ..

والناس اللي فاهمه أبتعدت عنه وعن بلاويه لأنها عارفه سالفته هذا غير المشاكل اللي يتكلمون عنها

عن نفسي إلى الآن ماشفت أي حاجة من اللي تتكلم عنها .. أتمنى منك توضحلي المشاكل اللي تكلموا عنها الناس لو ماعندك مانع

 

[Rockman]

واو
اخ زافي شكله الفيستا عجبك

وتوي طالع من اللنش مال فيستا للأسف الحضور قليل لأن الاعلان كان قليل وكان فيه سحب وما ربحت شيئ لول... المهم
صراحة البريزنتينش روعة خصوصا الجاديتس واو فيه للصلاة وتقدر تسوي وحدة بنفسك اما سالفة الوول بيبر المتحركة
WOW (( حملة مايكروسوفت لول ))
اما الاوفيس 2007 صراحة اعجبني كل شيئ فيه جديد ومتطور خصوصا انا بصراحة صار لي سنة من فتحت اوفيس
واخر واحد كان 2003 البيتا لول ....

بس هذا اللي عندي

تعديل : على البركة ركبت فيستا

باختصار شديد جدا جدا

واو !!!! روعة روعة بس ممكن احد يعلمني شلون اشغل الareo 3d والخلفية المتحركة ؟

 

[BioMario]

انا مجربة حمود ..
و مركبة على الـ Laptop حقي ..
و الرام حقة 512 وما شاء الله ممتاز لكن تحس ببطء خفييييييف او حتى ما بتلاحظة ..
لكن انت ما رح تعاني من هذا المشكلة وانا متأكد 100% ..

هذا لأن جهازي 512 الرام و مركب علية نسخة الـ Home Premium ..
ترى الفيستا يعتمد على الرام كثير علشان تحس بحلاوته ..

لكن يوم تحط ستايل النظام إلي Aero يلي هو سر الـ Vista او المخصص له
يخلي لك القوائم شفافة و غني عن التعريف ..

لكن الخلاصة :
الـ 2 جيجا ممتازة جداً جداً جداً ..
ورح تستمتع بالـ Windows Vista بأحلى حلاوة ..
انا بركبه على الـ PC حقي لكن بشتري لي قطعة رام 1 جيجا إضافية ..

بخصوص المشاكل الحمد لله ولا مشكلة واجهتني إلى الأن إلي مشكلة وحدة بسيطة ..
طريقة إيصال كمبيوتر مع كمبيوتر اخر اي الـ Network عقدتني وما زلت احاول ..
يبيلة تعود شوي لكن الصراحة نظام احترافي ..

غيرة ما وجهت اي مشكلة و اقولها للمرة المليون النظام جداً جداً جداً رائع

ملاحظة : كل ما تزيد الرام كل ما تحصل اداء افضل بكثير لكن 2 جيجا كافية تمام التمام ..

 

[BioMario]

واو
اخ زافي شكله الفيستا عجبك

وتوي طالع من اللنش مال فيستا للأسف الحضور قليل لأن الاعلان كان قليل وكان فيه سحب وما ربحت شيئ لول... المهم
صراحة البريزنتينش روعة خصوصا الجاديتس واو فيه للصلاة وتقدر تسوي وحدة بنفسك اما سالفة الوول بيبر المتحركة
WOW (( حملة مايكروسوفت لول ))
اما الاوفيس 2007 صراحة اعجبني كل شيئ فيه جديد ومتطور خصوصا انا بصراحة صار لي سنة من فتحت اوفيس
واخر واحد كان 2003 البيتا لول ....

بس هذا اللي عندي

تعديل : على البركة ركبت فيستا

باختصار شديد جدا جدا

واو !!!! روعة روعة بس ممكن احد يعلمني شلون اشغل الareo 3d والخلفية المتحركة ؟

محمد يوم تكون بوضع الـ Areo بتحصل إشارة مثل المربع صغيييير ازرق عند الـ Start
اضغط عليها و بيتحول لك 3D و استمتع ^^ ..

 

[Shanks]

بعد الكلام الكثير الي سمعته من بعض الشباب و الحش في الفيستا انصدمت لما جربته
فاق تصوري بشكل كبير إضافات رهيبه خصوصا بما يخص عرض الملفات و تجميعها و البحث عنها يعطيك خيارات كثيره غير الإستايل المريح للنظر ، و اشياء كثيره اخرى.

بخصوص المشاكل لحد الان ما واجهتني اي مشكله بخصوص تعريف الدرايفات كل شيء ماشيء تمام اشتغلت اغلبها بدون تعريف عكس الأكس بي.

ايضا فرمتت الجهاز اصبحت اسهل من قبل

على فكره كم تقييم الجهاز عندكم

و فالاخير الفيستا رهيب من جد و مبروووك للي شروه و اقولهم احسنتم الاختيار خخخ

------------------------------------
بخصوص الربط بين الاجهزه اعتقد اصبح افضل من قبل و يعطي خيارات كثيره تتناسب مع نوع الشغل المتعلق بالشبكه نفسها

 

[Xavi]

ههههههههههههههههههه درجتي طايحة مرة .. هو التقييم من 10 ؟
بالمناسبة الحمدلله قدرت أثبت النورتن من جديد بطريق غريبة ( تحمل برنامج من موقعهم وهو يثبت لك البرنامج ) .

أحد المميزات الجديدة هو طريقة البحث اللي تطورت للأفضل وصارت سريعة جدا وسهلة وعملية أكثر .

 

[Naif]

الالعاب اللي تشتغل على الاكس بي .. بتشتغل على الفيستا عادي؟

 

[Ash Storm]

ماشاء الله انطباعات حلوة صراحة, اتمنى انه يكون افضل من الي توقعته و سمعت عنه ..

 

[Shanks]

ههههههههههههههههههه درجتي طايحة مرة .. هو التقييم من 10 ؟

لا التقييم بين ال 1 إلى 5.9 و هو مفيد علشان تعرف الاشياء المحتاجه ترقيه
و ايضا في المستقبل راح يستغل بشكل آخر بحيث ما يحتاج يذكر لك السيستمر ريكوايرمنت بس السكور بيكون كافي للبرامج و الالعاب

الالعاب اللي تشتغل على الاكس بي .. بتشتغل على الفيستا عادي؟

جربت لعبت جوست ريكون و اشتغلت تمام

 

[Xavi]

لول بركة .. كنت راح أرمي جهازي

 

[itachi]

ما أذكر شنو المشاكل بالضبط ...بس من اللي عرفته من أكثر من واحد ومن الأنترنت ...أنه فيه ثغرات أمنيه مفتوحه للآن ما أنسدت ...وغير كذا قريت تقرير ثاني من النت أن بعض الألعاب يشتغلون أبطئ من الأكس بي ...والله العالم

أقل مواصفات للجهاز بذاكره 512 رام
المواصفات المفضله آهيه 1 جيجا وفوق بيطلع سريع وزي الحلاوه ...بس اللي بيركب برامج واجد وفوتوشوب وألعاب ينصح ب 2 جيجا أفضل
:slant:
حركه الثري دي لها أختصار ثاني : windows + Tab

 

[BioMario]

الالعاب اللي تشتغل على الاكس بي .. بتشتغل على الفيستا عادي؟

هيه نايف اعتقد تيي ..
لأني مركب على االابتوب لعبة C&C : ZH

 

[CyberMaster]

انا جربت الفيستا عند واحد من الشباب
الحقيقه من المميزات الجديده الى لفتت نظري خاصية رائعه خصوصا لعشاق الألعاب اسمها ReadyBoost
من خلالها ممكن تستخدم الفلاش ميموري USB على انها رام وراح تفيد اداء الجهاز كثير لأنها اسرع من الهاردسك خصوصا اذا كانت الرم عندك قليله زي 512 وممكن تشوفون هذا الأختبار الى سواه جيم سبوت كيف زاد الـFPS من 22 الى 72 بعد تركيب فلاش 1 جيجا
http://www.gamespot.com/features/6165439/p-2.html

وايضا من البرامج الجديده الى لاحظتها في النظام
برنامج Windows Mail اكثر تطور وافضل من الأوت لوك اكسبرس الى كان يجي مع الويندوز في السابق بشكل ممكن يغنيك عن اوت لوك الأوفس
وايضأ برنامج Windows DVD Make يصمم لك دي في ديات بشكل احترافي و في غاية السهولة
واحسن شي سووه انه نظام الـWindows Media Center صار يجي مدمج مع الفيستا (مع اصدار Home Premium و Ultimate فقط)

لكن افضل اني انتظر شوي قبل اركبه حتى يكون وقتها كل البرامج والتعريفات جاهزه ومتوافقه مع النظام

 

[Rockman]

الشباب النجدة !

انا نزلت ابديت لكرت الصوت
لكن حتى الان الصوت مش شغال عندي ابدا

فيه حل ؟

 

[BioMario]

صحيح كلامك اخوي Xing
اهم نقطة ذكرتها وهي اني انصح الشباب انكم ما تاخذونه الحين ..
على الأقل بعد شهر ..
علشان تظمن ان في برامج و تعريفات وكل شي جاهز ..

ولازم الكل يجربة و يحكم و خاصتاً إلي اجهزتهم قوية رح يستمتعون قمة الأستمتاع ..
و لا تنسوان اهم شي الرام ..

رح اركبة على الـ PC قريب جداً كل شي تمام إلى الرام لازم اخلية 2 جيجا بدل 1 جيجا ..

 

[AMG]

انا ودي اجيبه اصلي لكن المشكلة ان سعره غالي توعا ما ((400 دولار ال Ultimate ))كمان راح احتاج اجيب رام 1 جيجا لان الي عندي الان 1.5 جيجا

ممكن اجيبه على اخر العام او بعدها على حسب اخوي بيشتري ماك ولا لا

خاصية ال ReadyBoost الي ذكرها اخ Xing فكرتها حلوة و عملية

 

[BioMario]

الشباب النجدة !

انا نزلت ابديت لكرت الصوت
لكن حتى الان الصوت مش شغال عندي ابدا

فيه حل ؟

حاولت تنزل اخر درايفر للكرت ..؟

 

[Agent47]

الفيستا نظام تشغيل قوي و رائع, أتوقع الأبداع في هذا الجيل من مايكروسوفت, و أحسن خاصية عجبتني الى الأن READY BOOST هذي راح تساعد كثير في الألعاب اللي تتطلب رام قوي.
ان شاء الله راح اجيب الفيستا قريبا.

 

[Mario2]

اخذت اج بي جديد وكان الفيستا معاه .. فعلا ما اقدر اقول الا واوات .. تصميم شي ..
بديت احس الاكس بي مثل يوم تركب 98 وعندك اكس بي p: .. <<.. حش انت بس ما عندك سالفه ..

مبروك الرقابه ماتريكس .. ^^^^^^^^^^^^^^^^^^^^^^^^^^^^^^^^^^^^^^"

 

[BioMario]

مبروك الرقابه ماتريكس .. ^^^^^^^^^^^^^^^^^^^^^^^^^^^^^^^^^^^^^^"

موب رقابة
في الفريق التقني يعني الألكترونيات لول

الله يبارك فيك و عقبال الكل .. !!
اقولك ^^ ..
اي موديل HP اخذت ..؟
-----------------------------------
شباب ذكرت شي ..

قبل يومين تقريباً رحت مول في أبوظبي ( المارينا مول )
دخلت محل الكترونيات مشهور اسمة بلج - انس ..
المهم دخلت على اساس اشوف اخر التطورات في السوق العربية لول
حاطين دعاية ضخمة للـ Windows Vista و الـ Office 2007
المهم المحل جداً كبير و الدعاية كانت بعيدة وانا ماشي بالتجاه الدعاية و اشوف لكم
رف ضخم للـ Windows Vista و الـ Office 2007 تعرفون شو فيه ..؟
ولا حبة الرف فااااااااااااااااااضي مافيه Vista ولا Office ..
شفطوه شفط لووووووووووووووول ..

اول ما شفت الرف متت من الظحك والله و ربعي يشوفون لي مستغربين هههههههه ..

 

[Shanks]

الشباب النجدة !

انا نزلت ابديت لكرت الصوت
لكن حتى الان الصوت مش شغال عندي ابدا

فيه حل ؟

جرب تدخل على موقع الشركه المصنعه للماذربورد حقك او
اكتب اسم الشركه المصنعه و الرقم التسلسلي للماذاربورد

 

[Ginko]

موضوع ممتاز

انا جامعتي توفره لي ببلاش لكن مو الالتمت، توفر الهوم بريميوم، يعني لا بأس. انا ناوي اشتري الالتمت لكن مو الحين، اباخذه مع جهاز جديد كليا، او على الاقل اسوي ابجريد للي انا عليه حاليا.

الفيستا جيد وسريع، لاحظت حتى النت اسرعه، يعني مو الاتصال، قصدي رفع الصفحه لانترفيس الجهاز صار اسرع من اول، واستخدام الكاش احسن بكثييييير من الاكس بي. بالاضافه الى الخاصيه الي ذكرها xing فهي من جد قويه.

 

[H-Bomb]

شباب .. أحد يعرف سعر Nvidia GeForce 8800 GTX ?
وكم راح يكلفني رام 3 جيجا ؟

 

[Rockman]

شباب الحمد لله لقيت الدرافير للصوت واشتغل تمام
لكن فيه مشكلتين

1- ما اقدر ادش الكنترول بنل .... خليت الوندوز يسوي بحث لحل المشكلة قال لي المشكلة من درافير كرت الصوت
مع انه مكتوب انه الدرافير للفيستا ....
2- الوندوز مو راضي يشتغل الا لما يكون السيدي داخل !!! يعني لما اشغله بدون السيدي يطلع لي
كلام TMGR بعدين Is missing وخلاني اضغط كنترول والت ودليليت عشان اسوي ريستارت وكمان ما يشتغل الا لما يكون سيدي الفيستا داخل !

هل فيه حل ؟

تعديل : الموذر بورد من شركة Abit موديل KN8 Ultra
تعديل 2 : طلعت مشكلة اخرى لما ادش السيكيوريتي سنتر :slant: يطلع لي ان وندوز هوست بروسس (( rundll32 )) توقف عن العمل .... ولما اقول له شيك اون لاين ما يطلع شيئ

عموما لاحظت هالمشكلتين طلعت مع درافير كرت الصوت اما مشكلة تشغيل الوندوز الا من السيدي وهو داخل الدرايف فهذي قبل لا احط الدرافير مالت الصوت اصلا ...

الحين شنو نصيحتكم هل اشيل درافير كرت الصوت واشغل ملفات الميديا على الميديا سنتر ؟
عموما انا باسوي جذي الحين

تعديل 3 : لول ادري سويت وايد تعديلات شكله فعلا من كرت الصوت مشكلة السيكروتي سنتر والكنترول بانل
اما مشكلة السيدي مالت وندوز لين الحين ما انحلت :slant:

 

[BioMario]

محمد انصحك تسوي فورمات و تعيد الجهاز من البداية علشان يكون نظيف بدون مشاكل ..

 

[Rockman]

لول ترى سويت فورمات انا وهذة ثاني مرة

الحين كل المشكلات الا مشكلة وحدة انحلوا والسبب تعريف كرت الصوت
المشكلة اللي ما انحلت هي الوندوز مو راضي يشتغل الا مع السيدي داخل معاه...
وهذا السبب اللي خلاني اسوي الفورمات الاول...فما اتوقع فورمات ثاني بيحل المشكلة مرة اخرى