Windows 7 Beta بأداء أفضل من Vista و Xp

[Nemesis Zone]

^^

جربته ,, ومانفع ..

راح اظل على الفيستا لين ما اقدر اسوي بارتشن جديد ..

الفيديو يوضح كيف تعرف بارتشن ثاني من دون برامج تفضل


[YOUTUBE]EkJPoRxf9uk[/YOUTUBE]

 

[Agent47]

^^
هذي اول شيء سويته لم فكرت اقسم وطبعاً مانفع .. افضل طريقة نصحوني فيها انك تستخدم برنامج يسوي بوت بوت وتقسمه من خارج نظام التشغيل .. وبرضوا مانفعت ..

Agent47
لول والي يقولك اني اشتغل على لابتوب .. على العموم الفيستا بسحقه قريب وبنزل البيتا .. لانه ابتدا يعصبني شوي

لول للي عنده لابتوب اقله اصبر الله يكون بعونك.
استخدم الطريقة اللي قلك عليها amer لأني قريت عنها وبتمشي معاك ان شاء الله.

 

[Zulfiqar]

جربت البيتا لي ثلاث أيام بدون ماألتفت وراء, كنت استخدم الـXP قبل والحين حذفته .. فرق شاسع في الأداء وخاصة التشغيل و الريستارت .. إلى الحين منبهر بالفرق.

في مشكلة واجهتني, أتمنى احد عنده حل لها ..
المسنجر 9 بيتا يعلق بالجهاز أول ماأشغله .. تعليق كامل ماأقدر احرك الماوس ولا الكيبورد .. لازم اطفيه بالقوة. مع إني كنت استخدمه على الاكس بي بدون مشاكل.

 

[hussien-11]

جرب تمسحه و ترجع تثبته ، و تأكد انه عندك اخر تحديث من البرنامج لأنه شغال عندي بدون مشاكل .
​

 

[Cizer Shnider]

جرب الماسنجر الكامل الحين نزل

 

[Zulfiqar]

مسحته ونزلت الكامل ومازالت المشكلة مستمره ..

 

[Zulfiqar]

طلعت المشكلة في الـHardware Acceleration. بما إن جهازي قديم نوعا ًما, هذي الخاصية بدال ماتزيد جودة العرض حاست علي الجهاز. الحمدلله الحين شغال تمام.

 

[BioMario]

حالياً قاعد أجرب النظام ..
إلى الأن أشوف أن كل شي حلو فيه حتى الأستايل يفتح النفس و سريع ..
النظام بشكل عام خفيف و سريع جداً لكن مب لدرجة 15 دقيقة ريستارت -__- .. بس سريع أسرع من الأكس بي تقريباً ..

والأنترنت إكسبلورل صاير أسرع من قبل بكثير XD

رح أجرب الماسنجر قريباً ..

 

[xxamerxx]

عندي كم سؤال على السريع
الاصدار البيتا له وقت معين وينتهي او مفتوح ؟
هل استطيع تنزيل اي برنامج ابغاه ولا استخدمه محدود ؟
وش الفرق بين النسخة البيتا والنسخة الكاملة ؟

انا نزلت الويندوز على جهازي لكن حذفته كنت احتاج مساحه في اللابتوب
على العموم اتمنى تجاوبون على الاسئله لاني بحذف الفيستا وانزل 7 مكانه

 

[BioMario]

الاصدار البيتا له وقت معين وينتهي او مفتوح ؟

رح ينتهي البيتا أتوقع في شهر أغسطس

هل استطيع تنزيل اي برنامج ابغاه ولا استخدمه محدود ؟

اممم مادري والله لكن بالنسبة لي أستعمل أشياء وايد فيه عادي جداً

وش الفرق بين النسخة البيتا والنسخة الكاملة ؟

طبعاً البيتا ناقصة وأحتمال كبير فيها أخطاء برمجية كبيرة و كثيرة لكن يمكن مب أي واحد يستشفها
والكاملة النسخة إلي رح تكون شبه خالية من المشاكل

 

[Agent47]

هل استطيع تنزيل اي برنامج ابغاه ولا استخدمه محدود ؟


انا نزلت الويندوز على جهازي لكن حذفته كنت احتاج مساحه في اللابتوب
على العموم اتمنى تجاوبون على الاسئله لاني بحذف الفيستا وانزل 7 مكانه

أغلب الدرايفرز اللي ب7 من الفيستا, يعني البرامج اتوقع بتشتغل من غير مشاكل.
ماانصحك تنزل ال7 ويكون الرئيسي, لأن البيتا له فترة محدودة, بعد كذا لازم ترجع للفيستا.

 

[xxamerxx]

BioMario
مشكور على التوضيح يعني اشيل من راسي فكرة جعله اساسي

أغلب الدرايفرز اللي ب7 من الفيستا, يعني البرامج اتوقع بتشتغل من غير مشاكل.
ماانصحك تنزل ال7 ويكون الرئيسي, لأن البيتا له فترة محدودة, بعد كذا لازم ترجع للفيستا.

صراحة عجبني اكثر من الفيستا وكنت افكر اخليه اساسي لان بعد التجربة اقتنعت فيه وبقوة واول نظام من ميكروسوفت يدخل مزاجي ( انا استخدم انظمة ميكرو سابقا لسبب واحد لسهولة التعامل معها فقط )

 

[ABUALI]

شباب اللي حملوا النسخة العربية... فيه خيار يخليك تغير الانترفيس للإنجليزي؟
بالغلط اخترت عربي وحملت النسخة وما انتبهت اللا لما كمل التحميل، أمحق :xd: