Virtua Tennis 3

[Leon]

لو ما بدأتوا البطولة إلى يوم الثلاثاء سجلوني معاكم , ليا أسبوع مشتريها لكن للأسف الجهاز في الصيانة وما يرجع إلا الثلاثاء -_- ..

والله الموسيقى اللي في اللعبة جدا خياااااااااااااااس -___-" كنها موسيقى SNES ....

أقسم بالله موسيقى غبية إلى أبعد الحدود , شلت أبوها كلها و أصلا التنس يبغالها هدوء وتركيز وقت اللعب مو موسيقى ولا كمان مو أي موسيقى إلا الصجة بعينها ><

 

[Xavi]

لول اللي يبى يلعب معي يقول تراني جاهز في أي وقت :d

 

[hyuga neji]

لول امس لعبت مع حازم لاعب مالي سكه شاصي قام يضيع كور

اول مبارات فزت الثاني خسرت والثالثه بعد خسرت بس كان في لاق يبط الجبد:evil:

 

[Snake-87]

^
شرايك تباريني xD ?

بعدين يا بشر بحياتكم شفتوا ماتش تنس فيه موسيقى ؟! .... المشكلة اللعبة ما عطتك خيار لتوقيف الموسيقى اللي في المباريات

يصير منو يقول لك ما يصير ؟
دش الاوبشن وتحصل إلي تبيه طبعا وانا مجربها ^^"

 

[Colorization]

شريتها اليوم، الأسبوع الجاي بركّب 1 ميجا على أمل إنه الوضع الكئيب يتعدل وأحاول ألعب مع البعض.
overall اللعبة ممتازة، تقريبا ً أفضل لعبة تنس لعبتها، سيجا صلّحت غلطة سونيك لول

 

[king zell]

اليوم شفت أخوي راجع البيت و معاه كيس.. قلت له شجايب.. طلعت فرتشوا تنس 3

مدري أعطيها فرصة أو لا (الديمو قهرني)

 

[emperor-UAE]

اليوم شفت أخوي راجع البيت و معاه كيس.. قلت له شجايب.. طلعت فرتشوا تنس 3

مدري أعطيها فرصة أو لا (الديمو قهرني)

عطها فرصه..انا مثلك ما عيبني الديمو.. بس اللعبه ادمان....صار لي فتره طويييييله ما لعبتها...يبالي العبها اليوم...احس نسيتها كليا


و عن البطوله إلي ما تبا تبدأ :yuck: راح تلعبونها او لا؟

اذا فى حد حاب يلعب بطوله خبرونا و انا جاهز

 

[Colorization]

مدري أعطيها فرصة أو لا (الديمو قهرني)

ايه, تستاهل فرصة, لكن فيها عيوب كثيييرة لاحظتها (كنت أجربها عند Snake87 لذلك ما أدقق عدل)
أول شي، الموسيقى! يوم شفت الشباب يعلقون عالموسيقى مادري ما خذيتها بجدية، بس يوم لعبت أكثر؛ الموسيقى مصيبة، تحسها outdated حيل. أيضا ً، توزيعة المنيو وهالأشياء بالـWorld Tour مرات أحسها غبية، والكلام كله أحس فيه غلط (فرق يوم تلعبها عالـHD، فرق واضح)، وهذا اللي أقصده بالكلام:

يمكن ما تفرق عند البعض، أو يمكن إنها طالعة لي لأني أستخدم مونيتور كمبيوتر 19' (ما اتوقع هذا السبب)، لكنها تبط جبدي وايد لني أدقق على كل شي باللعبة

بشكل عام اللعبة ممتعة والجيم بلاي ممتاز، والميني جيمز مليقين لول ب_ب

 

[Colorization]

لول، اللعبة مليانة بلاوي ب_ب
الـreplay، هل آنا الوحيد اللي يقول إنه أبيخ نظام ريبلاي موجود فيها؟ العادة بالإعادات الرسوم تكون توب لكن هني الرسوم من جد فضيحة بس شيكوا على textures الأرضية وتفهمون! :O
الـWorld Tour بايخ حيل، ليش ما اقدر أجمّع فلوس وأشتري لي costumes وأشياء ثانية؟ هالإضافة كانت راح تعطي عمر أكثر للمود + الـRest موجودة 3 أشياء مادري شالفرق بينهم -تشرب مشروب طاقة \ تنام بالبيت \ تاخذ لك فاكيشن-، بس شكل يعني؟ مالها داعي إذا جذي :\ وحتى الكلام؛ بحاول أصوره بكرة بكاميرا واضحة مو كاميرا جوال حتى تشوفون شلون طالع؛ الحواف بالكلام مزعج حيل كأني ألعب لعبة جيل قديم -مو HD- وصاير لها upscaling معفّس كل الخطوط
الإيجابيات الجيم بلاي solid من قلب والجرافيكس لما تلعب روعة حيل -عكس الريبلاي-، والمولتي بلاير أكيد A++

صراحة بديت أستخسر الـ20 عليها، لو شاريها مستعملة أحسن لي ب_ب

 

[Leon]

الـreplay، هل آنا الوحيد اللي يقول إنه أبيخ نظام ريبلاي موجود فيها؟ العادة بالإعادات الرسوم تكون توب لكن هني الرسوم من جد فضيحة بس شيكوا على textures الأرضية وتفهمون! :

فعلا , ومو بس فالجرافيكس حتى زاوية الكاميرا غبية وبعض الأحيان ما تجيبلك الإعادة صح ..

الـRest موجودة 3 أشياء مادري شالفرق بينهم -تشرب مشروب طاقة \ تنام بالبيت \ تاخذ لك فاكيشن-، بس شكل يعني؟

لا أكيد في فرق وفرق كبير بينهم :
مشروب الطاقة : تستعيد لياقتك بدون مايروح عليك ولا أسبوع , لكن كثرته بتسبب لك أضرار فانتبه..
تنام في البيت : تستعيد لياقتك لكن يروح عليك أسبوع واحد فقط .
تاخذ إجازة: تستعيد لياقتك لكن يروح عليك 3 أسابيع .

فعلشان كدة لازم تشيك وتنسق على الجدول أو الكالندر علشان ما تفوت عليك بطولات خلال فترة إجازتك مثلا ..

 

[Mesharey]

اخذتها اليوم مع فورزا ^^
لحد الحين مالعبتها .. الديمو عجبني اكثر من توب سبين 2 .. والاثنين ماوصلوا للاسطورة توب سبين 1 بالنسبة لي..
اللي متحمس له فعلا اللعب مع صاحبي، المباريات بالتنس معاه تعذيب :laugh:

 

[Xavi]

و عن البطوله إلي ما تبا تبدأ :yuck: راح تلعبونها او لا؟

اذا فى حد حاب يلعب بطوله خبرونا و انا جاهز

لول انا جاهز .

2/8
باقي 6

 

[Mesharey]

إذا في مكان احسبوني معاكم ..

 

[Xavi]

ممتاز 3/8 اللعب راح يكون اليوم الساعه 9 بتوقيت السعودية أو بكرا بنفس التوقيت . ( اتوقع موعد ممتاز وكل ماعجلنا كل ماكانت احتمالية برود البطولة اقل )

 

[Mesharey]

ممتاز 3/8 اللعب راح يكون اليوم الساعه 9 بتوقيت السعودية أو بكرا بنفس التوقيت . ( اتوقع موعد ممتاز وكل ماعجلنا كل ماكانت احتمالية برود البطولة اقل )

اليوم ما اقدر -__-"

 

[Xavi]

لول طيب بكرا . ممتاز ؟

 

[Mesharey]

لول طيب بكرا . ممتاز ؟

اوكي تمام ..

 

[King Wario]

مي تو ......

 

[Xavi]

4

لول ليون , كنجي , سنيك , نيجي , ايزاك , زيل , نايف , خالد والبقية نحتاج اربعة منكم يشاركونا البطولة .

 

[emperor-UAE]

ما عندي اي مانع إنه نلعب بكره الساعه 9 بتوقيت مكه

بس باقي 4 اشخاص...وين الشباب؟

 

[Colorization]

البيت كله راح يسافر بعد 3 ساعات، يعني الكونكشن راح يصير ملكي بروحي 3 ايام وأخيرا ً!
إذا الدوري يخلص قبل الجمعة ما عندي مانع لول

 

[Leon]

أنا ماعندي أي مانع بكرة بالعكس متحمس للبطولة , لكن خليني أول أستلم الجهاز البديل من بيت الكومبيوتر بكرة إن شاء الله ( جهازي ماله شهر ونص وضرب الماذر بورد -__- ) , بكرة على المغربية أردلكم خبر بإذن لله ..

 

[King Wario]

احسن شي كلنا نتجمع في الوقت ونخلي الجهاز يرتب البطولة ... بس المشكلة اذا ما قدر يسوي كونكشن بين اللاعبين ( مثل ما يصير احيانا )

 

[Isaac]

شباب ضيفوني معكم بس فيه خبر سيء .. -__-"


طلعت لي الثلاث لمبات الحمراء :cryy:


ان شاء الله الله يشتغل بكرة



المشكلة طلعت لي مرتين في "سنترة" Ranked Matches في WE2007 للأسف وبعد ماكنت 2800 تقريبا في التريب العامرجعت لـ 4000 بسبب الDisconnects والله قهر

 

[Xavi]

5 اكيدين مع كنجي طبعاً . ليون و حازم نقول ان شاء الله يكونوا جاهزين ، المهم ان شاء الله على موعدنا

Snake-87 و hyuga neji محد فاضي فيكم الساعه 9 اليوم ( بتوقيت مكة ) ؟

 

[emperor-UAE]

ها شباب راح نلعب اليوم؟

و هل نخلي الكمبيوتر ينظم البطوله

و لا ننظمها بأنفسنا؟

ترا البطوله راح تخلص بنفس اليوم...كل امباراه ما راح تاخذ اكثر من ربع ساعه

اتوقع 2 ست و 4 تاي قيم اوكي؟

 

[emperor-UAE]

اسف شباب صار لي ظرف و ما راح اقدر اكون متواجد عل ساعه 9 بتوقيت مكه :embarrassed:

اذا تقدرون تخلونها عل ساعه 11 بتوقيت مكه راح اقدر العب معاكم...و اذا لا...موفقين فى اللعب شباب

 

[Xavi]

ها شباب راح نلعب اليوم؟

و هل نخلي الكمبيوتر ينظم البطوله

و لا ننظمها بأنفسنا؟

ترا البطوله راح تخلص بنفس اليوم...كل امباراه ما راح تاخذ اكثر من ربع ساعه

اتوقع 2 ست و 4 تاي قيم اوكي؟

ان شاء الله اليوم نلعب ، بالنسبة لتنظيم البطولة على كيفكم
هل تنظيم الكمبيوتر فيه سلبيات ؟ لأني ماجربته صراحة :slant:.

 

[King Wario]

بالنسبالي اي وقت عادي .. سهران للصبح p:

هل تنظيم الكمبيوتر فيه سلبيات ؟ لأني ماجربته صراحة .

اللي اعرفه ان فيه سلبيات احيانا ... بس اذا ضبط يكون حلو وايد ، التوزيع يكون random .. اذا خلصت مباراتك تقدر تدخل مباراة غيرك وتتابعها .. الخ

انا من زمان ما لعبتها بس يمكن نزلوا ابديت يعدل هذي المشكلة

 

[hyuga neji]

Snake-87 و hyuga neji محد فاضي فيكم الساعه 9 اليوم ( بتوقيت مكة ) ؟

المشكله هذا الوقت ماقدر اكون موجود بالايف خلوها باليل

King Wario
بالنسبالي اي وقت عادي .. سهران للصبح

انا بعد مثلك سلطان اي وقت بس يليت باليل::