Trine 2 وحدة من أجمل الألعاب الي شفتها في حياتي.

[G7Ga7]

السلام عليكم.

دائماً كنت أقول إن الآرت دايركشن والـaesthetics أهم ببليون مرة من القوة التقنية. عشان كذا أغلب الألعاب الي تكون واقعية، وقوة تقنية مذهلة تصير مملة وعادية بسرعة، وما تجذبني بنفس الدرجة إلي تجذبني فيها ألعاب الآرت حقها خرافي وفريد من نوعه. وقليييل جداً ما تلقى التقنية الجبارة و الآرت الجبّار يلتقيان في منتج واحد. و Trine 2 من الألعاب القليلة الي تفوّقت في الجانبين لأبعد درجة ممكن تتصورها. كفاية كلام، خلوا الصور تتكلم عن نفسها:

(اضغط على الصور عشان تشوفها بالكامل)



واو. ومراجعات اللعبة ممتازة برضو. اللعبة هذي يبيلها تنلعب.

 

[Al Pacino]

مراجعاتها ممتازة ولو ان مافيه غير جيم سبوت موقع معروف.

اللعبة رسميا قررت العبها عشان مظهرها + ساوندتراك .. أي واحد يقرا هالرد لازم يروح اليوتيوب ويسمع تراك Searock Castle .. كلام كبيييييييييير!!

الجزء الاول تحمست له بنفس الصورة .. عجبني المظهر ويوم نزلت اللعبة وجربت الديمو كنسلت شراءها، طبعا مو شرط يكون العيب من اللعبة بس انا مايستهويني جيم بلاي العاب البلاتفورمنج
لكن هالجزء بحاول أتغصب الجيم بلاي "لو ماعجبني" لعيون الرسومات الساحرة .. شي مذهل فعلا!


تعديل: هذا عرض للي مايعرف شي عن اللعبة، العرض قديم بس رهيب .. بشكل سريع يطلع لك المظهر الخارق وطريقة الجيم بلاي وأفكاره وتراك رهيب بالخلفية .. أستمتعوا:

[video=youtube;q7HPKfE9VMI]http://www.youtube.com/watch?feature=player_embedded&v=q7HPKfE9VMI[/video]

 

[Raziel]

ما أدري يا عبدالرحمن إذا كنت لاعب الجزء الأول؟ اللعبة عالم ساااااحر وخلاب بشكل عجيب (مع ost مميز للغاية)، والحلو في الموضوع الجيمبلاي منوع وفيه مجال للتطويرات والتحسينات لشخصياتك عن طريق اكتشاف أماكن الصناديق السرية. الجزء الأول بشكل عام تجربة شبه بيرفكت كـ2D بلاتفورمر مليانه ألوان وأفكار حلوة ومسلية لكن كانت فيه أخطاء مثل تكرار الأعداء، ومحدودية دور الفارس وتكرر صيغة المراحل الأخيرة.

الجزء الثاني بصراحة ماتوقعتهم يسوو أبجريد خرافي للبيئة، ألريدي أنا مسعبل على خلفيات وبيئات الجزء الأول وكيف كانت غنية ومرضيه لأي واحد يحب ثيمات الفانتزيه، متحمس لوعود المطورين بتحسين بعض عيوب الجزء الأول مثل دور الفارس، وإمكانية اللعب كو-أب أونلاين مع أصدقاءك .. بس قاعد أغص ألعاب حالياً وأمر بمرحلة تشطيب نهاية السنة فشكلي بشتريها إذا نزلت مخفضة (شاري الجزء الأول بتخفيض 50% = 7,5 دولار)

لو كنت بمنتدى ثاني بينط لك واحد: "بس أساسين كريد أحلى منها/ بس كود أحلى منها" .. على أساس تفسيره لـ"أجمل" = أفضل :laugh::

 

[soosi]

كأنها عالم الس في بلاد العجائب :inlove:

وقعت في حب الموسيقى

 

[صامد]

من محبي الجزء الاول, عادةً لا أميل الى الالعاب ثنائية الابعاد لكن هذه كانت حاله خاصه..ممكن بسبب اسلوب الرسم الساحر والموسيقى الخرافيه.

متحمس للجزء الثاني وان شاء الله اشتريه في اقرب فرصه.

 

[solo]

وحدة من أجمل الالعاب الي لعبتها بحياتي لكن مع الأسف فيها عيب شرعي في الجيم بلاي (خصوصا الكو اب). تقريبا كل شي في اللعبة ينحل بالساحر والصندوق, الشباب يوقفون على الصندوق, الساحر يشيلهم لاي محل يبغاه بعدين يبدلون ويسوي العكس أو صندوقين وساحر بالحالة

بس بكل صراحة انا العب اللعبة عشان مظهرها فقط وهو كافي للاستمتاع باللعبة

 

[Raulioo]

ختمت الجزء الاول وجبت البلاتنيوم فيه..الجيم بلاي كان فيه بعض النقص والرتابة لكن جمال الارت والسحر الخاص باللعبة من موسيقى وبيئات وغيرها يخليك تدور طريقة عشان تطول فيها قدر الامكان...
كلعبة بسن نادر تحصل لعبة بجودتها وما اعتقد بتحمل انتظر حتى اول تخفيض لها p=

 

[Genocide Diego]

الآرت فعلا رهيب وساحر, شغل متعوب عليه بصراحة

عندي الجزء الأول من فترة بس لسة ما بديت فيه

ألعبه ولا أسحب عليه ؟

 

[T u R k I]

عجبني المظهر ويوم نزلت اللعبة وجربت الديمو كنسلت شراءها

نفسك بالضبط

 

[BioMario]

لعبت الجزء الأول كان روعة لعبة راقية جداً من نواحي كثيرة لكن ما خلصتها, بشتري الجزء هذا قريباً على ستيم

 

[alruqeishy]

واو اللعبة ساحرة جدا اكيد شاريها

 

[Golden Wind]

وااااااااااااااو
عالم احلام T_______T

 

[DarK_MenO]

تآثيرات الماء باللعبه من اجمل ماشفت

 

[ElianossT]

لعبت الجزء الأول و جبت البلاتينيوم فيه ... أجمل لعبة قابلة للتحميل لعبتها في حياتي .. الساوندتراك خرافي و رهيب و خصوصا حق مرحلة Fangle Forest ... الجزء الثاني بيكون أفضل بمراحل

 

[ElianossT]

لعبت الجزء الأول و جبت البلاتينيوم فيه ... أجمل لعبة قابلة للتحميل لعبتها في حياتي .. الساوندتراك خرافي و رهيب و خصوصا حق مرحلة Fangle Forest ... الجزء الثاني بيكون أفضل بمراحل

[video=youtube;FYxa4l1BwTo]http://www.youtube.com/watch?v=FYxa4l1BwTo[/video]

 

[Sniper OSnake]

سمعت تراكين و فيديو قيم بلاي
لازم اجربها !

 

[Naserano]

أهلاً وسهلاً.. متى آخر مرة شفنا لعبة فانتزي رهيبة؟

متحمس لها من المرة الأولى اللي شفت فيها الفيديو حق سعود واللي يا كثر ما شفته, من بعدها صرت بس اشوف الـ Making of لا أقل ولا أكثر.. حتى الساوندتراك محتمي عنه :laugh::


[video=youtube;A1uyQt9KHqA]http://www.youtube.com/watch?v=A1uyQt9KHqA[/video]

[video=youtube;MaxxTSWI49g]http://www.youtube.com/watch?v=MaxxTSWI49g[/video]

 

[Silent-Horror]

الجزء الأول أعتبره من أفضل الألعاب في الستور اللي لعبتها ، الساوند فيها خيالي جدا جدا
بانتظار الجزء الثاني حتى يصدر على الستور عشان أشتريه و ألعبـه !!
و شخصيا أنصح أي أحد ما لعب الجزء الأول ما يفوت الفرصة

 

[Sora Diersly]

الساوندتراك حق الجزء الأول كان اكثر سبب خلاني اشتريها, بعد تجرُبة الديمو. متحمس للأونلاين اللي في الثاني بشكل عجيب!

FYI اساسن كريد احلى منها, وكود احلى منهم ثنينتهم (&)

 

[MaxPro]

لعبت الجزء الاول بصراحة لعبة فخمة وراقية
ناوي عالثاني .

 

[Unknown]

الاول عشت جوها حتى قبل لا العب اللعبه كنت متحمس تنزل ولعبتها
وجبت بلاتينيوم "للحين اذكر الحلقه الاخيره طلعت ريحتي لين خلصتها لول"
اللعبه كانت روعه من كل الجهات لدرجه شوي وممكن اشم ريحتها ههههه

الان منتظر الثاني وانواع الحمااااس :rockon:

 

[Mista Koo]

من الجزء الأول واللعبة جميلة وساحرة، بس بالنسبة لي تجيب النوم. أشوفها بوتنشل ضائع.

 

[King Slime]

الآرت يذكرني بأودن سفير :inlove:

شكلها راح تكون ختامية السنة بالنسبة لي

 

[DONY]

الارت والاوست رهيبين بس مش كان البيئة مظلمة بزيادة ؟؟

 

[Al Pacino]

أعتقد هذا أسلوب الرسم الفانتزي .. الوان فاقعة منعشة "لاتسألني شلون "

 

[Boo22]

واااااااااااااو الارت شي خيالي !
تحس اللعبة منتج فخم

 

[Mista Koo]

الارت والاوست رهيبين بس مش كان البيئة مظلمة بزيادة ؟؟

يس، نفس المشكلة في الجزء الأول.

 

[Raziel]

FYI اساسن كريد احلى منها, وكود احلى منهم ثنينتهم (&)

هههههههه تباً لك

من الجزء الأول واللعبة جميلة وساحرة، بس بالنسبة لي تجيب النوم. أشوفها بوتنشل ضائع.

أوكي أفهم كونها تجيب النوم، لكن بوتنشل ضائع؟ العبارة محتاجه شوية تفسير ..

 

[i7asan]

من افضل واجمل العاب هذا الجيل بكل تأكيد
الجزء الاول كان ساحر ويجذب اللاعب يلعبها ويعيدها بدون ملل
في انتظار الجزء الثاني

 

[BADERX]

اللعبة نازل في ستيم في احد شراها او جربها 3d ابي انطباعات الشباب الي جربوها على ال PC