TG EXCLUSIVE : XBOX 360 NIGHTMARE

[Ginko]

كيف الحال شباب..لي يومين ما دخلت المنتدى..وكما وعدت البعض ..ان انطلاقه الاكس بوكس راح اغطيها يعني راح اغطيها ومع ان كان عندي اختبار بنفس اليوم!!

اليكم التغطيه مفصله بالصوت والصوره والتعليقات..

تنبيه:قللت حجم الصور والفيديو عشان يصير سهل تحميلها!!
------------------------------------------------

طلعت من البيت ومعي شنطتي وفيها الدي اس و2 سنيكرز و1 ساندوتش جبن وكتاب الجيوغرافي (للاختبار) والكاميرا ...

5:00pm وصلت بيست باي والزحمه كانت ماليه الشارع وطبعا كانوا موزعين كروت للي بيضمنون لهم جهاز..انا كنت ال10 في ترتيب الي ما معهم كروت (مو مضمون لهم) ..عموما جلست وادعي..

6:00pm رقيت فوق عند Target ابشتري مويه كنت عطشان ..شفت ناس متجمعه عند المحل مادري وش عندهم..عموما سحبت عليهم وشريت مويه ونزلت..ويوم نزلت وقعدت في مكاني..جت قناة channel 4 تسأل وش صاير هنا..قلنا لهم..قالوا نبي نقابل احد..قلت لهم انا ما عندي مانع..المهم وطلعت في التلفزيون وقابلوا وسألتني ليش قاعد وووو الخ

7:00pm سوو بيست باي تشييك على الناس الي معهم كروت..لان لو لقوا واحد منهم مشى على طول يعطون الكرت للناس الي وراهم والي ما معهم كروت (الي انا ال10 منهم ) عموما طلع 4 مو موجودين..انا صرت ال6 في لستة الي ما معهم كروت(يعني لسه مو ضامن واحد)..

8:00pm حسيت اني مطول هنا..لان قالوا فيه 20 نسخه بكره الساعه 9 اصبح..فقلت انا بنوم عند بيست باي عشان اذا ما اخذت حقت الساعه 12am فراح اخذ حقت 9am ..فرقيت عند Target ابشتري كرسي..المهم ولقيت عدد الناس الي متجمعين فوق كثروا !!..فرحت وسألتهم وش صاير..قالوا Target بيجيب 40 نسخه من الاكس بوكس 20 بريميوم و20 كور..سألته "هل اضمن لي واحد لو صفيت معكم؟" قال " ايه باقي 17 جهاز لسه مافيه احد حجزهم..بس كور مو بريميوم" المهم قلت شيء افضل من لا شيء..واسجل اسمي واصف معهم..

الكرسي حقي هو الزيتي (الاخضر)...

9:00pm بدأ البرد !!..المهم وانا ما كنت لابس شيء..فدقيت على صديقي يجيب لي ملابس..المهم قال ابشر وجايك..وقعدت اسولف مع الجنبي (3 شباب امريكان فله) ..

10:00pm جت قناة channel 10 فوق عند تارجيت..وطلبت مننا نصارخ ونقول "XBOX 360 YEAAAAAAAAAAAH "...عموما انا والي جنبي قلنا اوكي..صوروني انا وياه وحنا نقول "XBOX 360 YEAAAAAAAAAH " ومسوين بيدينا حركت روك اند رول..

11:00pm جى صديقي وجاب ملابس واكل زياده..عموما لبست وتدفيت..على باقي بتكفيني هالملابس..والله واقوم واصور والزحمه الي تحت (بيست باي) ..اليكم الفيديو..

اللينك الاول: http://www.megaupload.com/?d=NYYAWMSD
اللينك الثاني : http://s48.yousendit.com/d.aspx?id=35II6KNTPGMIZ2GSB9YIPOU1Z1

وهذي صوره للشباب الي جلست معهم..الي قاعد على الكرسي حقي (الكرسي الاخضر) هذا صديقي الي جاب لي الملابس..ابو ذقن وفنيله حمراء هذا هو الي صارخ معي XBOX 360 YEAAAAAAAH

11:30pm الناس بدأوا يصارخون على بيست باي..لانه وعدهم بيبدأ البيع الساعه 12am ..والوقت قرب جدا والعالم يلعبون فوتبول من الملل..اليكم الفيديو ..

الينك الاول : http://s48.yousendit.com/d.aspx?id=0J2XSA3ETLGLE32RVKSFZLT1PQ
اللينك الثاني: http://www.megaupload.com/?d=UFR78LUB

12:00pm ساعه الصفر في بيست باي!!..بيبدأ البيع عليه الحين..الناس قامت وضفت اغراضها:

وشوفوا البزر الي نايم على الكارت:

المهم انا وواحد ثاني رحنا لزاويه قويه للتصوير عشان نصور اول واحد يشتريه..اليكم الفيديو:

الينك الاول: http://s39.yousendit.com/d.aspx?id=0OLSRJGIOJTOZ0K5CY56F38E7N
الينك الثاني : http://www.megaupload.com/?d=VSD8BJH4


وهذا تكملة الفيديو

اللينك الاول: http://s37.yousendit.com/d.aspx?id=1J8KDVC82TD3H1V88C6EZ7IXZM
اللينك الثاني: http://www.megaupload.com/?d=LSVFE9AA

ومن هاللحظه بدأ البيع..ويدخلون واحد واحد ..كل واحد ياخذ جهاز واي شيء ثاني..

المهم وانا فوق اراقب..الا واشوف شيء يمكن بغيت اموت من القهر..شفت ان يوم كنت انا صاف تحت..كان فيه وراي واحد..هالواحد قدر ياخذ جهاز انا بغيت اموت من القهر..يعني كنت اقدر اخذ الجهاز الساعه 12am بدال 8am في تارجيت يلعن ام القهر!!!..والي باخذه من تارجيت هو كور مو بريميوم..يعني لو ما اخذت شيء من بيست باي الساعه 12am كنت راح اخذ بريميوم الساعه 9am يعني في كل الحالتين لو اني مستمر تحت افضل

1:00am بدأ البرد يوصل لدرجه عاليه..بديت اتجمد..من هاللحظه قلت ابروح اقعد في الparking عشان ادفى واذاكر جيوغرافي..المهم ورحت..

2:00am اكتشفت اني ناسي بعض الاشياء الي لازم اذاكرها في البيت..وطبعا ما اقدر اروح لانهم يشيكون على اللسته كل ساعه تقريبا وما يمديني..المهم قلت خلني اذاكر الي عندي ويحلها ربك..كملت مذاكره..

3:00am خلصت مذاكره والبرد صار لا يطاق..بدأت اكح وحرارتي بدأت ترتفع..الرجال الي جنبي قالي ما تسوى عليك روح البيت ولا ترى بيجيك شيء..قلت له ما انتظرت 9 ساعات عشان اخر شيء اروح البيت ..اليكم الفيديو ..

اللينك الاول: http://s40.yousendit.com/d.aspx?id=0Q23HEPW1L91G2VOVPNUI922R1
اللينك الثاني : http://www.megaupload.com/?d=T492JFGU


4:00am قام صاحب اللسته ورتب الصف حسب اللسته..وكلهم ضفوا اغراضهم لان بيوزعون الكروت حشب الطابور وعندهم 20 بريموم و20 كور..انا رقمي ال26 يعني كور..عموما صفينا طابور ووقفنا..

5:00am جو حقين تارجيت ووزعوا الكروت..انا حصلت على كرت كور طبعا..وقالوا تقدرون تروحون وترجعون الساعه 8am ..انا قلت اوكي..رحت البيت عشان اكمل المذاكره..

6:00am وصلت البيت ومسكت سطل وعبيته مويه حاااااره..وحطيت فيه رجولي..وقعدت اذاكر..المهم ركدت جوالي على 7:30am عشان يمكن انوم وانا اذاكر من كثر التعب والمرض..

7:00am خلصت مذاكره..قلت انوم لي نص ساعه..ونمت.......

7:30am قمت .. وانا اقسم بالله ما اشوف الدرب..ابي انوم زياده..تحاملت على نفسي ورحت..وبرد يموت قاااارص..وصلت تارجيت..ودخلت ............واخيرا......اخييييييرا....انتهاء الكابوس؟؟....لا طبعا...صحيح حصلت عليه ...

لكن رجعت البيت وعلى طول على المستشفى وطلع فيني حراره تقريبا 40 درجه وازمه صدريه وكتمه وكحه وبلغم وجسمي منهد....

المهم رحت الاختبار وغشيييييييييته كله من الروميت حقي والحمد لله ان شاء الله زين...

قعدت يوم كامل مريض ما اقدر اسوي شيء..ابي اكتب الموضوع ما قدرت..اليوم مو تحنت شوي..كتبته لكم


لكن في الاخير..تعبي ماراح بلوشي..حصلت على التحفه الفنيه :

--------------------------------------------------------



لسه ما لعبته..بروح اشتري الHD كيبل والعب فيه الحين..يله شباب..نشوفكم

 

[Ginko]

زياده صور

 

[Khalid-S]

عبدالله يرحم امك ادخل الماسنجر , ثواني بس.

برد على الموضوع بعدين

 

[Final Fantasy]

سلامات ما تشوف شر >_<

شكرااااااا على التغطية الممتعه خليتني أعيش معاك الجو و تخيلت نفسي معاكم :bigSmile:

شكل الجهاز يشهي !

 

[king zell]

لوووول و الله عبدالله عاد مو لهالدرجة ما تسوا صدقني.. حرارتك 40 :jawDrop::

ما تشوف شر ان شاء الله.. لا تسوي كذا مرة ثانية و لا لجنة حقوق الإنسان في TG بتبلغ الوالدة :razz:


صراحة التغطية مرة حلوة و استمعت بالقراية مع إنها ما فيها و لا صورة لك eeved:


مبروك ال360 و الألعاب و يعطيك خيره و يكفيك شره

 

[Ash]

حمد الله عالسلامه عبد الله و لا تعيدها و لا ...

التغطيه أكثر من ممتاز يعطيك الف عافية عليها .

عقبال الاثنين الباقيين و عقبالنا الثلاث لول .

 

[Mr.3B]

...

الحمد لله على السلامة بو عبيد .. بس ما تسوى .. يعني كله 360 :razz: و ان كان على التقرير فانت اهم من التقرير .. ترلا لك من يغلونك ..

 

[Aoks]

الحمد لله على سلامتك ومبروك الجهاز ^^

كور ولا بريميوم ما فرت و غير كذا وفرت 100 دولار

نبي انطباعاتك عن PDZ!

 

[Old School]

مبروك على الجهاز ويعطيك خيره ويكفيك شره وفي إنتظار الإعلان عن هالو 3 لكي أنظم لقائمة الإكث 360

 

[ryo hazuki]

الحمد لله على السلامه و ماتشوف شر انشالله


1000 مبروك و نريد نعرف انطباعك الكلي عن الجهاز


و عندي سؤال بسيط ......هل تقدر تنزل فلم من الكمبيوتر avi او dvix على الجهاز و تشوف على التلفزيون ؟

 

[Golden_Sun]

وWOOOOOOO .. تجربه مثيره!!! .. والحمدلله عالسلامة O_O" .. ترى خطره حركتك!

بس مثل ما قلت حصلت على تحفة فنية ^^ .. للأسف ما نزلت الفيديو لأن قاعد انزل اشياء حالياً
بنزلهم بعدين!! .. ومبرووووووووووووك عليك الجهاز = ) .. بس بغينا نشوفك بالصور ،، المرة الياية ان شاء الله!

 

[hussien-11]

الحمد لله على السلامة عبد الله ، و مبروك الجهاز و الألعاب
و شكرا على التغطية الحلوة ^^​

 

[Khalid-S]

هههههههههههه عبدالله كل ذا عشان ال360 !! لول لو سلوم كنت قلت ايه يمكن ,, كان خليت الانتظار والحوسه ذي على الريفو ولا البلاي 3 .. يالله اهم شي استانست وتقعد هذي الذكرى الى الابد ..

الحمد لله على السلامه ,, ومن جد آخر صوره تحمس , تحمست على الجهاز وفيرفكت دارك شكلها يحمس يا حظك والله.

على فكره عبود ,, ترى ميجا ابلود ويو سيند ات محجوبين عندنا -.-

 

[Uchiha Basem]

إذا عبد الله سوا هيك منشان ال360 ، شو بقول همام لكان ييوم إنطلاق البي اس3 في الاسواق:bigSmile:

شكرا عبد الله على التغطية ، إن شاء الله رح حاول يوم إطلاق البلاي ستيشن 3 روح بست باي عنا ، بركي الناس بتخزي الشيطان وبتروح تشتري شي يفيد (ساكن بمدينة كندية اسمها لندن!!!)

وسلامات إن شاء الله بتطيب وبترجع لنا

 

[Nintendo]

حمدالله على السلامه عبدالله وانا والله مثلك بس بعد ابره في " العضل " كل شئ يروح

الف مبروك عليك الجهاز ويتربى بعزك لفترة اربع سنوات قادمه . الجهاز شكله مغري للشراء ولكن مش متحمس له حاليا بالمره ( ولاكانه نزل جهاز جديد اصلا ) مع اني مشتري تلفزيون HD وتعب ..

يوم تقوم بالسلامه منتظرين مراجعاتك للالعاب ان شاء الله

 

[ASWD]

الحمد لله على السلامة عبد الله وما تشوف شر ان شاء الله

ماتسوى عليك ترى ..الحركة هذي خطيرة انت مو جالس في بلد مثل بلدانا البرد فيها كأنه فصل ربيع!!

ومبروك عليك الجهاز والعابه..يعطيك خيره ويكفيك شره

>>الانطباع المطول عن كل شي الجهاز وكل لعبة وألخ بعد ما تنهي اختباراتك طبعا

وعقبال ما نشوف تغطيتك لانطلاقة الاثنين الباقيين

اهم شي سطل الماي

 

[Mario2]

الحمدالله على السلامه ..لو سمعت كلام الريال كان احسن بدل ما تعبت ومرضت لكن الحمدالله عديتها على خير وما تشوف شر ..مبروك عليك الجهاز ..وما تقصر على التغطيه يا بو حميد ..
يااخي اللي راح تغريني هي بيرفكت دارك .. ولا الباقي احسها ما تنفع العاب انطلاقه ..-______-"

شكرا مره ثانيه عبدالله ..

 

[mario0o]

سلامات اخوي عبدالله ما تشوف شر

مأجور ان شا الله

بس لا تتعب نفسك مرره ثانية على شي ما يسوى .. قصدي لاحج عليه يعني <<< يا ويلي :razz:

مشكور على التغطية الرائعه ومبروك عليك الجهاز .. يا راعي النكست جينيريشن

مبروك مرره ثانية

 

[Koshiro]

عبد الله حرام عليك والله ماسوا عليك كل هذا..
نفس الشي لو انك ماخذه بعد فترة وما خذ نسخة الPremium Pack ومريح بالك ونفسك
بتقول لي عشان التغطية؟ والله ماتهم الاعضاء التغطية دامها بتسبب هالتعب والشقاء الف الحمد لله على السلامة
هذا وانت في ولاية جنوبية اجل لو انك في وحده من الولايات الشمالية ههههههههههههه بيصير اسمك الرجل القطبي
الف الف شكر عبود على التغطية الروعة ولا عاد تتهورp: وجاري الان تحميل الفيديوز

 

[dragonwarrior]

LOOOOL
ما تشوف شر عبدلله!
هههههههههههههههههههه
والله حدها ما تسوى و هذا اللي كان جالس بعدك ببست باي شنو دعا لك!
مبروك على الجهاز الله يعينك كيف راح تلعب كل هالألعاب!!

 

[Uzumaki Naruto]

ما كان في بنات بالصف ؟ >.> ..

خخخخخخخخخخخ الف مبروك وحمدلله عالسلامه ^^ ..

 

[الــخــــارق]

هذا يعني ان
TG officially Enterd The Next Gen. of Gaming
التغطية ابداع كالعادة
الحمد لله على السلامة عبدالله
ومبروك عليك الجهاز..

 

[Mesharey]

ماتشوف شر إن شاءلله سلامات ^^

ماتقصر تعبت نفسك زيادة عن اللزوم .. لكن حصلت على ذكرى حلوة :razz:

التغطية أكثر من ممتازة .. قصة كبيرة P:

ننتظر الانطباعات بعد ماتخلص الاختبارات وتقوم بالسلامة إن شاءلله ^^

الف مبروك عليك الجهاز وإن شاءلله تستمتع فيه ^^

 

[calgary_dude]

لووووول...شكلها كانت زحمه من جد..عموماً الف مبروك عليك..و عندنا في كندا كانوا قاعدين يهددوا في الإعلانات التلفزيونية من قبلها بيوم ان الجهاز بيوصل 8 صباحاً عند الـFuture Shop و الـEB Games و غيرها من المحلات و بأن الطوابير بتكون مليانه..بس الكلام هذا طبعاً للي حجز الجهاز و دفع جزء من ثمنه قبل فترة..اما اللي ما حجزوا..فما بيقدروا يشتروا الجهاز من المحلات الرئيسية إلا بعد مرور أقل شيء شهرين بحسب ما قاله البياع اللي في الـEB games اللي جنب بيتي... و كل مواقع الإنترنت حق المحلات الثانية تقول بأنهم Sold Out ....عموماً يا ليت تعطينا إنطباعاتك عن الجهاز..و إذا اشتريت Dead or Alive 4 لما تنزل يا ليت تكلمنا عليها علشان في إحتمال ضعيف أشتري الجهاز إذا كانت اللعبة تستاهل....

أنا جربت الجهاز اللي في الDisply حق EB games و لعبت عليه King Kong و Call of Duty و Kamoe..الجرافيكس كان اقل مما توقعت بس المؤثرات الصوتية و البصرية كانت اكثر من ممتازة...

و شكراً

 

[dragonwarrior]

عبدلله أنطناعات بيرفيكت دارك لو سمحت :razz:
بعدين تعال ليش عندك أمتحان.؟؟؟!!؟؟؟
هالأسبوع عطله؟؟؟؟؟؟؟

 

[Hwoarang]

الحمد لله على السلامة أولا
ومبروك الجهاز ثانيا

 

[Shanks]

الحمد لله على السلامة عبد الله و ما تشوف شر
مشكور على تغطيتك الممتازه كالعاده مبدع
و مبروك عليك الجهاز ، يالله شد حيلك و قولنا إنطباعاتك عن الجهاز + الالعاب
و يعطيك خيره ويكفيك شره

Shanks

 

[BioMario]

مبرووووووووووووك
تستاهل ^^..

يله نبي انطباعاتك الأولية ^^..
كاملة

 

[rubso]

فنااااااااااااان the wind .. واحلى شي بالموضوع تعليقاتك بالفيديو THAT IS AWESOME DUDE !!!! O RLY ?!
والله يقومك بالسلامة ..
الحين انت جهازك اشبه بالبريميوم، بس ناقصك Headset و اشتراك لايف و HD Drive ..
وألف مبرووووك على الجهاز "وانا الى حد الآن ناطره يجي عندنا بالكويت لكن للأسف" احتمال الجمعة او السبت والله المستعان

 

[sir KoRn]

الحمد لله على السلامة عبد الله...
مبروك الجهاز يتربى في عزك :razz:
متى يجي دورنا