TG Exclusive : Hurricane Wilma In Miami (Pics &Vids)l

[Ginko]

اولا اقول الحمد لله ..الله كفاني والي معي شهر هالكارثه المهوله..

ثانيا اكيد بعضكم شاف بالاخبار اعصار Wilma القاتل الي وصل لمستوى 3 من القوه (هالمستوى يعني قوي مره!) وهو ضرب فلوريدا وبالاخص ميامي واطراف فلوريدا الثانيه..

اكيد بعضكم يعرف اني ساكن في ميامي حاليا للدراسه..فانا واحد من الالاف الي عاشوا هالكارثه القاتله والي طلعت منها الحمد لله باذنه..

المهم..احكيلكم القصه والتقرير الي جبته خصيصا لكم يا منتداي منتدى ترو جيمينج



كنا في يوم دراسه عادي والاسبوع الجاي عندي ثلاث اختبارات..نشوف الاخبار..ونلقى اعصار Wilma فيه احتماليه يضرب فلوريدا ..

انا قلت ودي يضرب (اعوذ بالله) على اساس تتكنسل الدراسه الاسبوع الجاي ومعها الاختبارات..

ويوم ورا يوم والاخبار تقول هالاعصار جاي فلوريدا يعني جاي..وانا قلت ياهلا فيه لووول..

والله واول يوم له..انا وصديقي (نواف يا خالد :razz: ) قاعدين سهرانين قبل في شقته قبل لا يضرب ميامي (ضرب قبلها اطراف فلوريدا) وحنا مبسوطين بتتكنسل الاختبارات..

المهم والساعه 7 صباحا .. انقطعت الكهرباء!!..ويدق واحد من الشباب ويقول ان عمارته قاعده تهتز (عمارته على البحر) ..وحنا انقلبت وجيهنا ..ونطلع البلكونا (عمارتنا مو على البحر لكن قريبه منه) ونشوف قدامنا براحه بناء وفيها رافعات البناء (ألة بناء معروفه) تدور في الهواء ومحد راكبها ..واصوات مرعبه تخلي قلبك يوقف من الخوف..ومطر يضرب في العماير تحسه راح يهدها..والله ما اقدر اشوف بعد عمارتنا كيلو..ما اشوف الا اطراف المنطقه..عماره اخوياي (الي بالعاده اقدر اشوفها) معتومه 100% وما اقدر اشوف منها ولا شيء..ابدا!!!..هنا بدأنا نخاف..

انا رحت شقتي (بنفس العماره) وحاولت انوم..طبعا ما قدرت..الشباك يخبط بقوه تخليك شوي وتبكي..تقول انه بينكسر في اي لحظه..المهم..رحت عند شقه ثانيه ..اخوياي ثانين..ساكنين بنفس العماره كمان..المهم قاعدين نتفرج من الشباك على الاهوال الي قاعده تصير برى..وفجأه..سكة اليترو الي امامنا بدأت تهتز!!!..وفي لحظه رعب..انكسرت السكك وتهششت اطرافها !!..اللهم المستعان..

وبعدها بلحظات..الا وعامود كهرباء بدأ يهتز..وفجأه!..طلع انفجار كهربائي نور الحي كله!!..وطلع صوت تخليك تمسك راسك من الروعه!!..انفجار كهربائي لو انك حوله كان استويت على 10000 واط...


بعدها رحت لشقتي وحاولت انوم..وحاولت..وحاولت..واكيد ما قدرت..قعدت انا والروميت حقي مع بعض بعيد عن زجاج الشباك..

ما نقدر ندق على احد مافيه شبكه..الكهرباء مقطوعه..مافيه مويه..نناظر من الشباك مره ثانيه من شقتي..ونشوف شيء مرعب ايضا..الجسر الي يربط بين ميامي وجزيره صغيره اختفى!!..المويه مغطيته تماما!!!..والامواج راح تهده يعني راح تهده!!..لا حول ولا قوه الا بالله..


بعدها نمت انا وبصعوبه..وقمت..والحمد لله..وبأذن الله..نجونا كلنا وبسلام..وبدون اضرار ايا كانت..وكل الشباب نجوا وباضرار طفيفه منهم الي سيارته خربت والثاني شقته دخلها مويه وهالاضرار الطفيفه..

بعد هذا كله..قلت انا مستحيل اقعد بالشقه..ابطلع اجيب تقرير EX(B)LUSIVE ترو جيمينج :razz:

اليكم الصور والفيديو من كاميرتي الخاصه..مع التقرير

انقذنا هالسياره وقلنا لهم حنا من السعوديه عشان نحسن السمعه

فندق الFour Seasons مكسره شبابيكه التحتانيه كلها..وبعض العليا..

الي شاف فلم Transporter 2 راح يعرف هالعماره :razz:

شركه من الشركات راحت خبر كان. :jawDrop::

مواقف عماره ما غرقانه الى النخاع..شوفو الميتر كيف لووول





المهم..اليكم الخبر بالصوت والصوره!!..من مراسلكم في فلوريدا..ابو العبد..THE WIND

http://s40.yousendit.com/d.aspx?id=34MENM7ZWROTI1NHIXOBP98C5E

بس لازم يكون عندك Divx ...تمتعوا بالEX(B)LUSIVE :razz:

 

[Ginko]

شارع رئيسي في ميامي غرقان بالكامل

طريق مغلق كليا بسبب الاشجار المكسره والمهدمه..

بيت صقطت عليه الاشجار وكسرته

شجره مغلقه شارع عمارتنا..

شرطي مسكر الشارع بسبب الاشجار الي ممكن تضر المشاة..

نخله راحت فيها..

 

[Ginko]

زياده..

شجره جزت من الارض!!

نفس الشيء

قناة Local 10 تنقل الاحداث مباشر..

شباك طاير في الهواء :razz:

عماره تكسرت شبابيكها ..

الشارع نفسه غرقان بطوله وعرضه..

عماره ثانيه تروح فيها..

وكمان عماره راحت فيها معهم

سياره تعبر المياه في الشارع..

 

[king zell]

الحمد لله على سلامتك عبدالله

مشكور عالتقرير الحصري :razz:


أنا لو منك من يوم ما سمعت عن الإعصار ما قعدت في هالديرة.. و لو أرسل الصور هذي لأهلي كان جروني مع اذني و جابوني السعودية لول.. أتوقع أي واحد كذا بعد..

 

[Mario2]

الله سلم فعلا .. وان شالله ما تشوفون شر ..وما تشوفون اعصارات ثانيه خصوصا انه هاي السنه من اكثر المواسم فيها اعصارات من 40 او 30 سنه يمكن ..

نص العماير زجاجها مكسر + فيضان +فوضى ..+________+

اهم شي انت والشباب بصحه وسلامه ..
شكرا ..

 

[Final Fantasy]

.. والله صور مروعه جدا !!

شي كثير مرعب خاصة الانفجار الكهربي قاعد أتخيل كيف صار @_@

ما أقول غير الله يحفظكم من هالمصايب يالي قاعده تصير هناك .. الي صج راح ياكلها هم الأهل بخوفهم و قلقهم على عيالهم .. رحمتك يا رب .

 

[Golden_Sun]

واااو .. الحمدلله عالسلامة!! والحمدلله انك طلعت منها سالم

ومشكور عالتقرير الحصري!! .. تصدق اني احب هالاحداث! .. احب اعيشها مادري ليش XD -استغفر الله-

وجاري تنزيل الفيديو = )

 

[Naif]

0_0

حمد الله على السلامة .. و الله يكون في عونكم

انا بعد كنت بسوي مثل زيل لو كنت مكانك .. خاصة بعد ما شفنا شو صار في نيو اورلينز 0_0 ..

 

[SNYMA]

الحمد لله على السلامة يا ذا ويند
الله يكافيك الشر

 

[Golden_Sun]

نزلت الفيديو لول .. الاداء الصوتي في الفيديو روووعه! ترى تصلح تكون مذيع .. اتكلم جد صوتك اذاعي

والحمدلله على سلامة رجلك ^^ دست 5 جزازات!! .. >>> "يلعن ام الحظ" و"الزنوبه" كخخخخ XD


على فكرة شنو نوع الكاميرا اللي صورت فيها؟ ماشاء الله الصوت فيها واضح!

 

[Ginko]

الله يسلمكم جميعا

والله ياشباب كنت ابطلع من ميامي لكن الحماس اني اعيش هالتجربه خلاني اقعد.وما اقدر اقول ندمت لان الحمد لله طلعت سالم

لووول اريكادو :razz:

والله اغلب الي شافوا الفيديو يقولون تعليقك حلو :razz:

الكاميرا سوني ..هذي هي:

كان حجم الفيديو 90 ميجا لكن حولته الى اقل 7 ميجا..الصور كل واحده منهم 3 ميجا وخليتهم 50 كيلو تقريبا ..يعني كان الموضوح خياليييي لكن قللت منه عشان تقدرون تشوفون الفيديو والصور

 

[Aizmov]

الحمد لله على السلامه
الحمد لله إن الله نجاكم منها
انا حاس بشعورك لأني عشت شيء مشابه ... لكن ما كان غضب الطبيعه
كان غضب البشر و عمايلهم
الاحداث الارهابيه الاخيره في الدمام كانت تبعد عن بيتنا مجرد خطوات
و صوت طلق النار و الاسلحه الثقيله كان يدوي علينا لمده 3 ايام
محد فينا كان قادر ينام
و كنا خايفين إنهم يفجرون المنطقه بكبرها و نروح بخبر كان
بس الله ستر
يله ما تشوفون شر
و يله على قولتك افتكيتوا من الدراسه :razz:
على فكره الموقع إلي انت محمل فيه الفيديو محجوب بالسعوديه -.-
يعني ما شفناه

 

[Khalid-S]

لا حول ولا قوة الا بالله العلي العظيم

الحمد لله على السلامة عبدالله , اهم شي ما صارلكم شي والحمد لله ,, والله الاعصاير والزلازل تخوف -_- وهذي السنة كثرت من تسونامي للي في نيواورلينز وذيك المنطقة لباكستان والآن ويلما ,, كل يوم اشوف تحركاته في CBS News لكن ما كنت ادري انه بيضرب اليوم

الحمد لله على السلامة ,, وسلم لي على نواف
على فكره عبود ترى الفيديو محجوب ,, ارسلي اياه بالماسنجر عشان احمله على سيرفر سعودينت.

 

[TOM]

لا حول ولا قوة الا بالله , الكوارث الطبيعية كثرت بشكل غير طبيعي وكلها مدمره وقوية الله يعيننا عليها خصوصا زلزال باكستان كان مروع ومخيف .
حمد لله على سلامتك ياأخ Wind (عبد لله)
بس والله الانفجار الكهربائي مرعب :jawDrop::من وصفك ,,,,

 

[ahmed_cube]

الحمد لله على سلامتك ..

و مع كل هذه المصبية الكبيرة الا انك تصلح ان تكون صحفي مميز ....

 

[ASWD]

لاحول ولاقوة اللا بالله

الحمد لله على السلامة عبد الله وماتشوف شر انت والشباب اللي معاك

انا فكرة زلازل واعاصير تخليني اترك سالفة السفر الى هالبلدان

مو بعد اشوف الشي امامي وابقى

جاري تنزيل الفيديو نيوز

 

[Miyamoto]

حمد لله على سلامتك اخي
الصور والتقرير و التعليق و الزنوبه كله حلو
و اكثر شيئ اعجبني هو ماحولة تحسين السمعه لانه بصدق نحن كعرب و مسلمين بحاجه لان نورجي العالم حقيقتنا الجميله يعطيك الف عافيه
و جزاك الله

 

[Humam]

سلامات سلامات عبد الله ماتشوف شر ان شاء الله .. والله مناظر تقول كأنك في راكوون سيتي ..

 

[DONY]

حمد لله على السلامة وانكتبلك عمر جديد

. .. ويعطيك العافية على التقرير المباشر

.​

​

الحين السؤال المهم

.. امتحنت الاختبار ولا لسة

؟؟​

 

[m7tram]

حمدالله على سلامتك وسلامت الشباب والله

ها بشر وقفو الدراسه XD

 

[sehro]

...حمدالله على سلامتك ^^

 

[Nintendo]

حمدالله على السلامه عبدالله

 

[Koshiro]

ماشاء الله عليك عبد الله تمنيت اكون عندكم اشوف الاعصار على الطبيعة.....
ههههههههههههههههههههههههههههههههههههههههههههههههههههه بغيت اموت من الضحك يوم شفت الشباك الطاير ههههههههههههههههههههههههههههههههههههههههههههههههههه خاش عرضp:..

 

[Koshiro]

عبد الله انت الي تتكلم في الفديو؟؟

 

[Suzuki Yu]

لا اله الا الله ................ غضب ربك عاد أيش حنسوي , قضاء وقدر

أهم شي الحمد لله على السلامة ماتشوفون شر ان شاء الله

 

[Ginko]

الله يسلمكم جميعا وما قصرتوا

والحمد لله ان التقرير اعجبكم :razz:

ابشرك محترم عطونا عطله

ماعليك خالد ابرسله لك..

ايه ابو عابد انا الي اتكلم

ومشكورين جميعا وان شاء الله يحفظنا دوم جميعا باذن الله..

 

[King Wario]

ذكرتني بالاعصار مال ماريو بارتي ( twister ) --____________--

الحمدلله على السلامة ^________*

 

[mario0o]

الحمدلله عالسلامة

الله يحفظكم من كل مكروه ان شا الله

 

[dragonwarrior]

ها عبدالله حمدلله على السلامة و ما تشوف شر.
ديرو بالكم خصوصا هالأيام....
والله تقريرك الأكبلوسف عجيب!!!!!!!
أقول حول كالفورنيا أحسن لك بلا أعاصير بلا بطبيخ

 

[Ginko]

الله يسلمكم شباب

DW والله انا زمان ودي احول لكن ياخي وش نسوي استقرينا وما ودنا نضيع وقت