hits counter

Take-Two: خدمات الإشتراكات غير مناسبة مع الإصدارات الجديدة!

Only games

Hardcore Gamer
ايش اسمه ؟؟؟؟ استغلال فانز اللعبة باقصى درجة ممكنة

يعني ريماستر جتا القادم غير يبيع ويستمر مسلسل الحلب

طبعا الحلقة الاخيرة من المسلسل الجزء جديد نهاية الجيل وغير يستمر معانا لثلاث اجيال قادمة
وين الاستغلال في الموضوع دام اللاعبين يشترون هذا الجزء أكثر من مره وانا ما ألوم روكستار دام للحين في ناس تشتري gta v الى يومك هذا
 

aboooood

True Gamer
وين الاستغلال في الموضوع دام اللاعبين يشترون هذا الجزء أكثر من مره وانا ما ألوم روكستار دام للحين في ناس تشتري gta v الى يومك هذا
هذا هو الاستغلال انا شخص شريت اللعبة ع جيلين عشان مافي غيرها بالسوق والشركة نايمة بالعسل

هذا هو الاستغلال عندك تعريف ثاني
 

mustafa12

True Gamer
ايش اسمه ؟؟؟؟ استغلال فانز اللعبة باقصى درجة ممكنة

يعني ريماستر جتا القادم غير يبيع ويستمر مسلسل الحلب

طبعا الحلقة الاخيرة من المسلسل الجزء جديد نهاية الجيل وغير يستمر معانا لثلاث اجيال قادمة
كيف جالس يستغلون الفانز؟ اللعبة من صدرت للان الارباح بتزايد، التحديث الاخير قبل فترة حقق اعلى عدد لاعبيين لاي تحديث من صدرت اللعبة للان! والتحديثات مجانية على مدى ٧ سنوات، اغلب اللاعبيين من يدخل للعبة اونلاين على الاقل بباله ان اللعبة عندها دعم مستمر وهذا الي جالس يصير.
الشي الوحيد الي ممكن تعتبره جشع هو البورت القادم، والي حسب كلامهم انه راح يحتوي محتويات حصرية بالجيل القادم، وللان ما نعرف اي تفاصيل واضحة عنه واذا كان شغل محترم او مجرد شغل رخيص.
 

aboooood

True Gamer
كيف جالس يستغلون الفانز؟ اللعبة من صدرت للان الارباح بتزايد، التحديث الاخير قبل فترة حقق اعلى عدد لاعبيين لاي تحديث من صدرت اللعبة للان! والتحديثات مجانية على مدى ٧ سنوات، اغلب اللاعبيين من يدخل للعبة اونلاين على الاقل بباله ان اللعبة عندها دعم مستمر وهذا الي جالس يصير.
الشي الوحيد الي ممكن تعتبره جشع هو البورت القادم، والي حسب كلامهم انه راح يحتوي محتويات حصرية بالجيل القادم، وللان ما نعرف اي تفاصيل واضحة عنه واذا كان شغل محترم او مجرد شغل رخيص.
انك تشتري اللعبة نفسها مرتين هذا الاستغلال واضح يعني خلينا نحكي اي لعبة اون لاين يتم دعمها بقوة تبقى مستمرة زي ما شفنا من فورت نايت ببجي الخ و جتا لعبة مستمرة بالدعم بالاضافة عنوان محبوب والاهم مافي عنوان زيه بالسوق يعني عندو كل الامكانيات انو يستمر وحتى ريماستر القادم غير يبيع الا لما ينزل جزء جديد
 

ASWD

True Gamer
نعم في منظور الشركة ما يسوى للحين خدمات مثل هذي تنزل عليها العابها من اول يوم او بعد فترة بسيطة من صدورها اللا او كانت خدمتها الخاصة..وهذ اللي استوعبته مايكرو وقامت بشراء اسطول هالفرق لانها هي وحدها من سيقوم بحمل هذي الخدمة على اكتافه لانجاحها في المقام الاول

لان الطرف الثالث خصوصا من وزن تيك٢ بعد هالميزانيات الضخمة للتطوير والتسويق وغيرها ماراح يفرطون بارباح خيالية من بيع عناوينهم بالشكل التقليدي اللا من خلال صفقة مجزية جدا

هذا هو الاستغلال انا شخص شريت اللعبة ع جيلين عشان مافي غيرها بالسوق والشركة نايمة بالعسل

هذا هو الاستغلال عندك تعريف ثاني
اي استغلال والجيمرز هم المسؤلين عن هالمبيعات ونجاحات المشتريات داخل الالعاب..كانك تقول بخلي بيتي مفتوح وبطلع عنه وما ابغى الحرامية يسرقوه..وش صاير في الدنيا!!!

ومن قال لك اشترها مرتين..من اللي اجبرك اصلا..فيه اطنااااان من الالعاب غيرها في السوق..قول مافيه عنوان يوازيها وانت واللي يشتريها مرتين وثلاث مسؤلين عن تصرفاتكم والشركات ماراح تقول..اووووه مساكين الجيمرز قاعدين يشترون لعبتنا كذا مرة وللحين نبيع بالهبل لازم نوقف دعمها ونطور لعبة ثانية عشان ما نصير استغلاليين..الشركة بتستفيد باللي قاعد يسويه اللاعبين ليس اللا
 
التعديل الأخير:

aboooood

True Gamer
اي استغلال والجيمرز هم المسؤلين عن هالمبيعات ونجاحات المشتريات داخل الالعاب
هذا كلام صحيح وفانز مسؤولين عن ذلك بس انا والحمدلله ما عمري شريت مشتريات من داخل اللعبة

ومن قال لك اشترها مرتين..من اللي اجبرك اصلا..فيه اطنااااان من الالعاب غيرها في السوق
طبيعي اشتريها مرتين وثلاثة في اطنان من الالعاب بس ولا لعبة زي جتا صراحة واللعبة من العابي المفضلة وحطيت فيها ساعات وساعات

بالاضافة اولاد وشباب العائلة بيلعبوها
 

ASWD

True Gamer
هذا كلام صحيح وفانز مسؤولين عن ذلك بس انا والحمدلله ما عمري شريت مشتريات من داخل اللعبة
فا احنا قاعدين ندفع ضريبة اعمالنا..انا وانت ما شرينها غيرنا ملايين يشترون..فا ما فرقت

طبيعي اشتريها مرتين وثلاثة في اطنان من الالعاب بس ولا لعبة زي جتا صراحة واللعبة من العابي المفضلة وحطيت فيها ساعات وساعات

بالاضافة اولاد وشباب العائلة بيلعبوها
والشركة قاعدة تستفيد من هذ وما ستغلت احد واجبرته على شرائها مرتين وثلاث..وهذ انتا قلتها*انت*اللي بتشتريها مرتين وثلاث والشركة وفرت هذ الخيار لك على كذا جيل طالما فيه ناس مستعدة لشرائها مجددا
 

عاشق 360

True Gamer
شي طبيعي , لا انت ولا شركتك تقدرون تتحملون الخساير الهايله في البدايه , هاذي يبيلها شركات ترليونيه مثل مايكروسوفت .
 

MD3

True Gamer
كلامه صحيح لكن الخدمة إذا فرضت نفسها على السوق بتتماشى شركات النشر معاها. وأولهم تيك تو. تقليل تكلفة الألعاب. أو مثلًا تقسيم المشاريع على حلقات حتى تفرض على اللاعب أطول فترة اشتراك ممكنة...إلخ.
ومع التساهل الغريب في نقد مستوى الألعاب الجديدة في الخدمة من باب إنها "مجانية" من اللاعبين. صوت الانتقاد الناعم والخافت هذا سيسرع من عملية "طبطب وليّس يطلع كويس" وبأرباح كمان من خدمات الاشتراك.
 

صـلاح

True Gamer
"عطني عناوين غيرها" لو الشركة عندها كونسل وما جالس تعطيك العاب فقط وحدة ممكن اتفهم هذه الجملة، بس شركة طرف ثالث؟ لا.
وبعدين ريد ديد الي تقريبا كل استديوهاتهم شاركت فيها صدرت بعد ٥ سنوات من gta تتوقع المدة هذه تصير اقصر؟
المغزى يا عزيزي
كنت اتمنى اشوف بولي 2 واعادة Agent
ودعم ألعابها الكلاسيكية كنسخ ريميك أو ريماستر
مثل ذا واريور، ومانهاينت وستيت اوف امرجينسي وأوني وكلاسيكيات ريد ديد و GTA ،، إلخ
 
التعديل الأخير:

ryo hazuki

True Gamer
هم حالبين العابهم حلب لاخر قطرة بس يدخلولك gta للجيم باس كم شهر و يسحبونها و يرجعون يكررون الموضوع مع red dead
هم ادرى بأمورهم المالية و شاطرين فيها
يعطينا بس bully 2 و انا اكون شاكر ومقدر له
 

Hugo

He who Does not work, neither shall he eat
ليش البعض زعلان على تيك تو ويقولون جشعين ترى شركة تجارية و تحاول تطلع ارباح عن طريق منتجاتها، يعني لازم تزعل علشان الشركة تربح من وراء عرق جبينها @@ بعدين خلهم يحلبون العابهم ما عندي مشكلة اطلاقا اذا عندك جمهور للعبة وما زال متعطش ويشتري زيادة هذا شيء طيب للمسثمرين و يقدرون يصنعون العاب اكبر في المستقبل يعني الوضع win win لنا ولهم (&)
 

Only games

Hardcore Gamer
شي طبيعي , لا انت ولا شركتك تقدرون تتحملون الخساير الهايله في البدايه , هاذي يبيلها شركات ترليونيه مثل مايكروسوفت .
الشركة الي تقول عنها تطلع مليارات من لعبة وحده فمابالك بكل الاستوديوات التابعه لها اتوقع حتى تتغلب على قسم xbox
 
أعلى