SONY: الـ PS3 في ماراثون

[Ash Storm]

Sony officials said on Thursday that their soft selling PS3 is in a "marathon" not "sprint" race in a statement made to GamePro.

"We developed the PS3 as a hardware that lasts for decades and believe we are in a marathon rather than a sprint," company spokesperson Nanako Kato said when asked by GamePro why the system was being outsold by rival Wii 6 to 1 in Japan.

"With that said, SCE will accelerate the expansion of the PS3 platform over the next several months by offering a rich lineup of attractive software titles and pursuing own promotional activities as a platform holder."

Regarding said promotional activities, Kato said the company would be increasing demo spaces at retail stores and proposing joint advertising with third-party developers. The company also added that almost 1.8 million PS3 users have registered on the PlayStation Network to date as compared to the reported 6 million on Microsoft's Xbox Live.

Sony has sold an estimated 3.6 million PS3s worldwide since first launching last November.

هل هذي هي سياسة سوني الي احنا ممكن مش مقتنعين فيها؟
معروف ان الي في الماراثون يبدؤون شوي شوي و ما يضغطوا على نفسهم من البداية و لكن بعدين هم الي يقدروا يستمروا و ينافسوا و يكون ’نفسهم اطول‘ زي ما يقولوا ..
عموماً مبيعات البلايستيشن3 مش مرضية ابداً للأن, و لكن طبعاً احتمال انها تزيد في المستقبل ماهو مستحيل, و كويس انهم راح يضاعفوا من الديموز, لان منافسة اللايف ماهي سهلة كمان ..

 

[NSider]

كل شي ممكن، لكن الأكيد هو أن لو سوني قدرت تقلب الطاولة وتاخذ المركز الأول هذا الجيل، راح يكون أقوى comeback في تاريخ سوق الألعاب ever. خصوصاً لو حطينا في الاعتبار أن الجهاز يبيع بشكل أبطأ بكثير من المتوقع وفي نفس الوقت نزل متأخر بسنة عن منافسه المباشر الـ360.

 

[Final Fantasy]

هذا الي فعلا قاعد يصير ... كل الي تحتاجه SONY الوقت و بالنهاية راح يبدأ الي تركها أو ابتعد عنها يرجع لها تدريجيا ... و راح يي اليوم الي أذكركم فيه بكلامي هذا واثق كل الثقة 100% مثل ثقتي أن اسمي محمود

 

[mario0o]

مممممممممم

الين ما سوني تبدا تمشي اسرع .. كد مايكرو وننتندو تقدمو اكثر واكثر وواضح ان ننتندو بتتقدم بشكل سريع جدا

اللي يبا يوصل بعيد لازم يرتب وضعه ويصحح اخطاءه بسرعه

 

[Humam]

والله كل شيء جائز.. قبل يومين مقابلة مع موظف في نوتي دوج يقول احنا الآن مستخدمين 30 % فقط من قدرات الCell, وقال بالحرف الواحد مع مرور الوقت اتوقعوا قفزات كبيرة..

سوني صرفت كثير على مشروع الPS3 و تبغى تطلع بدل كل قرش صرفته 10 .. أحس سوني تقول فرطنا في سوق مشغلات الموسيقى وماراح نفرط في سوق الفيديو جيمز.

أنا شخصيا مازلت مؤمن ان الPS3 راح يحط علامة مميزة جدا.. الصبر جميل.

 

[Futrus]

مهما يسوون مابيقدرون ينافسون غير ال360 الوي خلاص خارج المنافسه مستحيل تنافس جهاز بنص السعر

 

[mario0o]

مهما يسوون مابيقدرون ينافسون غير ال360 الوي خلاص خارج المنافسه مستحيل تنافس جهاز بنص السعر

رددينا على موضوع السعر :laugh:

خلاص اللي يريحك .. الوي ما يبيع كفكره ولا كجهاز من ننتندو ولا كجهاز عليه دعم محترم من الشركات

الوي يبيع كجهاز سعره رخيص فقط

 

[king zell]

هذا أمل و منى سوني الوحيد في هالفترة

و الفرصة الوحيدة لهالشي هو 2008..


أما 2007 على قولتهم مستحيل يصير comeback.. سوني متأخرة على صعيد الألعاب و السعر هالموسم..

 

[Kratos]

ههههههههههههههههههههههههه يا الله سوني لازم تشوف لها حل بالمهابيل الي يشتغلون بقسم الألعاب ..

We developed the PS3 as a hardware that lasts for decades and believe we are in a marathon rather than a sprint

أول شي قالوا 10 سنين .. الحين صارات عشرات السنين

طيب يوم يوصلون لنهاية "الماراثون" حقهم ذا المنافسين يكونون راحوا للمارثون الي بعده ..

سوني و قصتها مع الـ PS3 تصلح case لكورس Strategic Management أغلاط حتى تقول بس

 

[Ash Storm]

لو سوني فعلاً حابة ‘‘ تقلب الطاولة ’’ فأعتقد اول خطوة لها لازم تكون في الـ E3 ..
على الأقل تحمس الناس !!

سوني و قصتها مع الـ PS3 تصلح case لكورس Strategic Management أغلاط حتى تقول بس

خخخخخخخخخخخخخخخخ :yuck:

 

[Futrus]

رددينا على موضوع السعر :laugh:

خلاص اللي يريحك .. الوي ما يبيع كفكره ولا كجهاز من ننتندو ولا كجهاز عليه دعم محترم من الشركات

الوي يبيع كجهاز سعره رخيص فقط

ردك غبي الصراحه
مايهمني علشان شنو يبيع إن شاء الله أحسن الألعاب بس على الوي
جهاز ب600 مستحيل ينافس جهاز ب250 وخلاص

 

[mario0o]

ردك غبي الصراحه
مايهمني علشان شنو يبيع إن شاء الله أحسن الألعاب بس على الوي
جهاز ب600 مستحيل ينافس جهاز ب250 وخلاص

غبي !


.....

 

[Humam]

خلاص يا شباب الاختلاف في الرأي لا يفسد للود قضية لول

 

[AMG]

خلاص يا شباب الاختلاف في الرأي لا يفسد للود قضية لول

 

[ryo hazuki]

المكشله ان هل ال 360 + WII بيوقفون وينتظرون ال PS3 الى مايوصلهم ...مستحيل الى حاصل ان الكل يتقدم بخطوات سريعه و حتا لو ال PS3 يتحرك من وضعه الحالي ...صح فيه احتمال ينجح لكن انه يوصل لمستوى المنافسين صعبه

ردك غبي الصراحه
مايهمني علشان شنو يبيع إن شاء الله أحسن الألعاب بس على الوي
جهاز ب600 مستحيل ينافس جهاز ب250 وخلاص

عاد ماتوصل لدرجه استخدام الكلمه هذي

خلاص احمد انته كسبت حسنات من وراه

 

[Futrus]

ما كان قصدي هالكلمه تضايق احد أو أنتقص فيها من أحد لكن أشوف إنك مافكرت زين قبل لا تكتب الرد ومباشره طلعت إستنتاجات من عندك عن رأيي في الوي إلخ وردي اصلا كان واضح

 

[BioMario]

الـ PS3 جهاز موب مدته 4 او 3 سنوات !!
هذا رح يقعد 7 إلى 10 سنوات .. لأن التقنيات الموجودة في الجهاز تأهله للوصول إلى 10 سنوات قدام ..
هذا إلي اعتقدة يعني المشوار قدامة طويل ..
يقدر بعد 3 سنوات او سنتين يسوي عمايل مع صدور الالعاب القوية ..

 

[persona]

بـ 2008 كل شي يبين..

 

[Xeno]

الـ PS3 جهاز موب مدته 4 او 3 سنوات !!
هذا رح يقعد 7 إلى 10 سنوات .. لأن التقنيات الموجودة في الجهاز تأهله للوصول إلى 10 سنوات قدام ..
هذا إلي اعتقدة يعني المشوار قدامة طويل ..
يقدر بعد 3 سنوات او سنتين يسوي عمايل مع صدور الالعاب القوية ..

التطور التكنولوجي يجري بسرعة الصاروخ, بعد 4 سنوات الـ360 والبي إس 3 بيكون "أبو" الـdated.

أنا ممكن "أبلع" اللي يقول لي سوني مازال عندها واصبر وأشوف ووووو حتى لو يدخل ضمن التمني والأحلام الغير مبنية على أسس.

لكن اللي يقول لي 10 سنوات والحين هذا يطلع ويقول لي "عقود"... خخخخخخخ مابي أستخدم كلمة شديدة الفكرة وصلت.

 

[persona]

هذا رح يقعد 7 إلى 10 سنوات

moore's law?

 

[Final Fantasy]

الي مستغربين أن الجهاز ممكن يعيش لـ 10 سنين .... أحط لهم البلاي ستيشن 2 كمثال راح يكمل الـ 8 سنوات و صدر بوقت مناسب لمواصفاته و قدراته .


الـ PS3 صدر قبل زمنه و التقنيات الي يحتويها لحتى الآن ما انتشرت و تحتاج عامين على أقل تقدير كصيغة الـ Blue Ray أو استخدام قدرات كافية من معالج الـ Cell ... فكيف الاستغراب أنه ممكن يوصل مثل خطة SONY الزمنية لـ 10 سنوات ؟


يمكن بعد 4-5 سنوات يكون 360 Outdated ... و لكن على وقتها يكونوا المبرمجين قاعدين يستغلون قدرات الـ Cell و يطلعون البلاوي منه

 

[Xeno]

الي مستغربين أن الجهاز ممكن يعيش لـ 10 سنين .... أحط لهم البلاي ستيشن 2 كمثال راح يكمل الـ 8 سنوات و صدر بوقت مناسب لمواصفاته و قدراته .

أول شي لازم تحدد أنت إيش فاهم من مسألة العشر سنوات!؟ أن الجهاز يكمل 10 سنوات "بدون" لاينزل بلاي ستيشن 4!؟ ولايكمل عشر سنوات كحياة فقط.
لأن الاختلاف كبير جدا... الآن البلاي ستيشن 2 يبيع أكثر من البلاي ستيشن 3 بس مايدخل ضمن المنافسة أبدا.

الـ PS3 صدر قبل زمنه و التقنيات الي يحتويها لحتى الآن ما انتشرت و تحتاج عامين على أقل تقدير كصيغة الـ Blue Ray أو استخدام قدرات كافية من معالج الـ Cell ... فكيف الاستغراب أنه ممكن يوصل مثل خطة SONY الزمنية لـ 10 سنوات ؟

مافي شي اسمه "قبل زمنه"... محد بينتظر البلاي ستيشن 3 يضبط وضعه فالسوق عشان ينزل جهازه الجديد.

أنت مش الـleader الآن حتى تتحكم... هذي نقطة مهمة جدا.

يمكن بعد 4-5 سنوات يكون 360 Outdated ... و لكن على وقتها يكونوا المبرمجين قاعدين يستغلون قدرات الـ Cell و يطلعون البلاوي منه

مش يمكن إلا أكيد... ياخي بالعقل وبلاش wishful thinking... عمرك شريت جوال ولا تلفزيون بقى معاك up to date لـ10 سنوات!؟ لول.

 

[Final Fantasy]

أول شي لازم تحدد أنت إيش فاهم من مسألة العشر سنوات!؟ أن الجهاز يكمل 10 سنوات "بدون" لاينزل بلاي ستيشن 4!؟ ولايكمل عشر سنوات كحياة فقط.

10 سنوات كحياة .. و مدة زمنية طويـــــلة قبل صدور PS3 .

مافي شي اسمه "قبل زمنه"...

صيغ الـ Blue Ray و تلفزيونات الـ HD غير منتشرة الى الآن .. و لا راح تنتشر بأي وقت قريب على الأقل محتاجه سنتين .. فلما جهاز يصدر مثل الـ PS3 و تكون الصيغ الي داعم لها ما تزال مبكرة و على الأقل بحاجة لوقت الى حين الانتشار و أيضا المعالج الي يحتويه الجهاز للحين ما استعملوا ثلث طاقته و يحتاجون سنوات حتى يخرجون لنا بألعاب و مشاريع تستعمل الـ Cell بشكل نقول أنه أظهر قوته ... هني نقدر نقول أن الجهاز سابق عصره تقنيا .

 

[NSider]

أول شي لازم تحدد أنت إيش فاهم من مسألة العشر سنوات!؟ أن الجهاز يكمل 10 سنوات "بدون" لاينزل بلاي ستيشن 4!؟ ولايكمل عشر سنوات كحياة فقط.
لأن الاختلاف كبير جدا... الآن البلاي ستيشن 2 يبيع أكثر من البلاي ستيشن 3 بس مايدخل ضمن المنافسة أبدا.
مافي شي اسمه "قبل زمنه"... محد بينتظر البلاي ستيشن 3 يضبط وضعه فالسوق عشان ينزل جهازه الجديد.

أنت مش الـleader الآن حتى تتحكم... هذي نقطة مهمة جدا.
مش يمكن إلا أكيد... ياخي بالعقل وبلاش wishful thinking... عمرك شريت جوال ولا تلفزيون بقى معاك up to date لـ10 سنوات!؟ لول.

فعلاً، يعني بعد 10 سنوات لو نزل جهاز جديد، البروسسر حقه راح يكون (حسب moore's law)ـ5 مرات قوة الـCell على الأقل وبنفس تكلفته الحالية. هذي الناحية التكنولوجية..

مافي شي اسمه "قبل زمنه"... محد بينتظر البلاي ستيشن 3 يضبط وضعه فالسوق عشان ينزل جهازه الجديد.

أنت مش الـleader الآن حتى تتحكم... هذي نقطة مهمة جدا.

وهذي الناحية التجارية (الأهم).

 

[Xeno]

10 سنوات كحياة .. و مدة زمنية طويـــــلة قبل صدور PS3 .

طيب إذا أنت تختلف مع سوني اللي تقول أنها مابتنزل جهاز إلا بعد "عقود" لول.

صيغ الـ Blue Ray و تلفزيونات الـ HD غير منتشرة الى الآن .. و لا راح تنتشر بأي وقت قريب على الأقل محتاجه سنتين .. فلما جهاز يصدر مثل الـ PS3 و تكون الصيغ الي داعم لها ما تزال مبكرة و على الأقل بحاجة لوقت الى حين الانتشار و أيضا المعالج الي يحتويه الجهاز للحين ما استعملوا ثلث طاقته و يحتاجون سنوات حتى يخرجون لنا بألعاب و مشاريع تستعمل الـ Cell بشكل نقول أنه أظهر قوته ... هني نقدر نقول أن الجهاز سابق عصره تقنيا .

طيب فرضا كلامك صحيح تلفزيونات الإتش دي غير منتشرة (هممم) وماستغلوا إلا ثلث القدرات وبعد سنتين بيكتشوفنه...الخ.
أنت شايف أن هذا شي إيجابي!؟
إذا سوني فماراثون فهي تجري "بروحها".

الشركات مابتنتظر سنتين حتى تكتشف الجهاز وتترك منجم ذهب فالـ360 والوي, وأعتقد هذا شي واضح من خلال فقد الحصريات وتصريح سوني بخصوص ألعاب الطرف الثالث واتجاه الشركات اليابانية للوي... الخ.

 

[Emirates]

همممم اذا الحين ما تلاحقت نفسها سوني

ما اعتقد اي من الشركات بترحمها .. كل شركه بتضرب لها حبتين منشطات وانطلق لول

الالعاب والسعر .. هو هذا هاجس سوني في الفتره الحاليه

السعر ينخفض .. الالعاب القويه تنزل بسرعه .. اكيد راح يركض بسرعه

 

[NSider]

بعد سنتين لو ظلت الأمور على حالها المطورين راح يتركون الـPS3 وبتصير سوني تفكك عقد الـCell لحالها.

وعلى فكرة التاريخ يبين أن المنتجات اللي مبيعاتها بطيئة لأنها "سبقت عصرها" ما يتغير وضعها حتى لما "يجي عصرها" بعدين، لأن قيمتها التسويقية تنتهي بهذيك الفترة والناس راح يفضلون عليها المنتجات اللي تنزل في هذاك الوقت. كيف لو كان المنتج فوق كذا يعتمد على شركات طرف ثالث راح توقف أو تقلل دعمها؟

الزبدة أن كلام 10 سنوات أو عقود كلام تسويقي من سوني للتخفيف من تأثير السعر. مستحيل يقعد الجهاز 10 سنوات بدون نزول الـPS4 إلا إذا طلعت سوني من سوق الفيديوجيمز (أيضا شي مستبعد)، حتى لو قدر الـPS3 بطريقة ما أنه يبيع أكثر من الكل. وإن شاء الله راح أكون موجود بعد 4 سنوات لما سوني تكشف الـPS4 في E3 2010 أو TGS أو whatever وبذكركم لو الله عطانا العمر.

 

[Final Fantasy]

الشركات قاعده تنزل الألعاب حاليا بشكل ملتي على كلا من PS3 و 360 لأن صدور لعبة وحده منهم على جهاز واحد بالوضع الحالي "كوضعهم في اليابان مثلا" تعتبر خسارة بسبب صعوبة تغطية أرقام المبيعات أرقام التكاليف ... لما يمر الوقت و نشوف الجهاز الي ثبت نفسه أكثر في السوق و قام ببناء قاعدة جماهرية أكبر راح نبدأ نشوف المشاريع الحصرية الي تكون مبنية لجهاز معين .

أما بالنسبة لابتعاد الشركات عن الـ PS3 بهالفترة فمنو الي يقدر يلومهم على خطوتهم هذه ؟

هو فعلا ابتعاد و لكنه ماراح يكون أكثر من ابتعاد "مؤقت" لحين تحسن وضع الجهاز و توسعة قاعده مستخدميه و هذا الي دفع بعض الشركات الى اصدار اعلانات كعدم اصدار الألعاب على الجهاز الى حين عام 2008 لأن وقتها أشياء كثيرة راح تحصل للجهاز راح تغير من وضعه مثل ارجاع خاصية الرمبل + توفر خدمة HOME و الألعاب المصاحبه له الي راح ترفع من الجهاز لفوق مثل LPB و لا ننسى أسماء حصرية نقدر نعتبرها سيسم سيلرز ... صعبة شركات الطرف الثالث تفرط في اسم البلاي ستيشن و تقاوم الامكانيات الي يقدم لها هالجهاز و غير متوفرة على أجهزة ثانية و تصنع فرق .. يعني بالعقل بعد سنة من الحين و اذا تحسن وضع الـ PS3 بشكل كبير راح يظل الوضع على نفس ما هو عليه اليوم (( استمرار ابتعاد شركات الطرف الثالث و تركيزها على ألعاب الملتي أو أجهزة أخرى ؟ )) !!


لول مستحيل و E3 للعام القادم باذن الله راح أذكركم بكلامي هذا

 

[Colorization]

صعبة شركات الطرف الثالث تفرط في اسم البلاي ستيشن و تقاوم الامكانيات الي يقدم لها هالجهاز

تفرط فيه إذا شافت إنه في غيره وضعه أحسن. الشركات ما تهتم بسوني عشان "إسمها"، الشركات وخاصة ً فالجيل الجديد تطوير ألعابها يكلفها مبالغ ضخمة، إذا ما قدرت تعوض هالمبالغ بالمبيعات فـ على الدنيا السلام. هذا اللي خلى أكثر الألعاب اللي المفروض تلزق بالجهاز تصير multi

ما راح أعلق عالبلاي ستيشن3 إلا بعد 2008، حاليا ً قاعد أظلمه (ويمكن أعطيه أكثر من حقه). بـ2008 يبين كل شي

 

[Final Fantasy]

تفرط فيه إذا شافت إنه في غيره وضعه أحسن

سؤال .. جم واحد تشوفه يرغب في الـ PS3 و لكن الي يوقف في طريقه ( السعر ) أو ( الألعاب ) الي يعتبرون مسألة "مؤقته" لا أكثر ؟

لو توفرو الاثنين و هذا الي غالبا الي راح يحصل بالعام القادم 2008 .. يكون فيه مانع من حصول الجميع على جهاز يعتبر وريث لأكثر جهازين كونسلز انباعو بالعقد السابق PS1 PS2 + امكانياته الي قد تعطي فرق للألعاب عن امكانيات الأجهزة الأخرى من مساحة الـ Blue Ray الضخمة و معالج الـ Cell .. الخ !!

طيب لو حصل كل هذا .. راح يظل وضع و سلوك الشركات مع الجهاز على نفس ما هو عليه الآن ... ؟




أظن أن نقطتي وصلت