shop & ship

[matso]

السلام عليكم ورحمة الله وبركاته


مادري إذا في موضوع رسمي لها .. لكن فعلا محتاجين له .. لطرح بعض التساؤلات على الشباب الخبرة بهالشغلة ..

طبعا اهي الشراء عبر الإنترنت .. بدون مقدمات زيادة .. عندي كم استفسار فقط ..


انا طلبت الحين كم شغلة من أمازون .. و خلصت كل الإجراءات و ارسلوا لي الإيميل ..

الحين بعرف .. متى بيوصلون ؟ علما بأني مشترك بأرامكس ..

سؤال ثاني .. متى يتم خصم الفلوس من بطاقتي .. ؟

 

[G7Ga7]

شكراً على الموضوع.

سؤال: الآن لما اروح لآرميكس ابي اشترك بهالخدمة , وش المطلوب مني بالضبط ؟ (أوراق , وفلوس)

ووش راح يعطوني لما اسجل عندهم بالضبط؟ يعني بيعطوني ورقة عليها العنوان ولا بطاقة ولا كيف؟

وهل اقدر اخذ منهم بطاقة فيزا مسبقة الدفع أو لا؟

 

[Snake-87]

وعليكم السلام ورحمة الله وبركاته

بالنسبة لآمازون يتم خصم المبلغ أول ما تنشحن السلعة من محلهم إلى صندوقك بأمريكا , وإذا اشتريت شيئ من آمازون ولكن من بائع ثاني (في آمازون) تنخصم بطاقتك خلال وقت قصير جدا .

الحين بعرف .. متى بيوصلون ؟ علما بأني مشترك بأرامكس ..

على حسب سرعة الشحن إلي اخترتها و ايام العطل الموجودة عندهم (السبت والأحد) وايام العطل الي بديرتك وآرامكس عندهم طيارتين بالاسبوع .
اغلب الاحيان يأخذ 10 ايام ولكن إذا كنت محظوظ 6 ايام اسرع شي ممكن , واسوء شي يصل اسبوعين .
وتدفع سعر الوزن عند الباب طبعا , لا تنسى إذا شريت من عدة بائعين من آمازون يمكن يوصلون صندوقك متفرقين وهذا يرفع سعر الشحن من آرامكس طبعا .

سؤال: الآن لما اروح لآرميكس ابي اشترك بهالخدمة , وش المطلوب مني بالضبط ؟ (أوراق , وفلوس)

بطاقة مدنية , قيمة المبلغ , عنوان بيتكم , لعبتك المفضلة (&) .

ووش راح يعطوني لما اسجل عندهم بالضبط؟ يعني بيعطوني ورقة عليها العنوان ولا بطاقة ولا كيف؟

ورقة الممنوعات وورقة عليها عنوانك بأمريكا وبريطانيا .

 

[matso]

عفوااان ..

بما اني تخطيت المرحلة اللي انت تستفسر عنها فراح أجاوبك ^ ^

سؤال: الآن لما اروح لآرميكس ابي اشترك بهالخدمة , وش المطلوب مني بالضبط ؟ (أوراق , وفلوس)
الملطلوب رسوم الإشتراك 10 دنانير كويتيه ( مادري عندكم كم تصير .. ) + بطاقة فيزا للإنترنت .. ( او الماستر كارت ) .. تطلعها من البنك اللي انت مشترك فيه ..

ووش راح يعطوني لما اسجل عندهم بالضبط؟ يعني بيعطوني ورقة عليها العنوان ولا بطاقة ولا كيف؟
يعطونك ورقه فيها رقم بريدك بأمريكا و ببريطانيا .. و انت لما تجي تطلب من آمازون مثلا .. الأمريكي .. تحط رقم بريدك اللي هم معطينك إياه بأمريكا .. فالموقع يرسلها للبريد هناك بأرامكس .. و هناك يرسلونها لأرامكس هنا .. كمان بيعطونك نموذج تعليم كيف تطلب من موقع امازون .. وكمان يعطونك قائمة بالأشياء اللي ممنوع تطلبها .. مخدرات مأكولات .. ... إلخ

وهل اقدر اخذ منهم بطاقة فيزا مسبقة الدفع أو لا؟

لاع ما في .. لازم بطاقة الفيزا تكون من البنك ^ ^


بالنهاية .. هذا النظام بالكويت .. مادري إذا في اختلاف بينا وبينكم .. لكن ما اعتقد ..

 

[matso]

وعليكم السلام ورحمة الله وبركاته

بالنسبة لآمازون يتم خصم المبلغ أول ما تنشحن السلعة من محلهم إلى صندوقك بأمريكا , وإذا اشتريت شيئ من آمازون ولكن من بائع ثاني (في آمازون) تنخصم بطاقتك خلال وقت قصير جدا .


اهااااااااا .. طيب شلون أعرف متى يتم الشحن ؟ او هل تم ؟


على حسب سرعة الشحن إلي اخترتها و ايام العطل الموجودة عندهم (السبت والأحد) وايام العطل الي بديرتك وآرامكس عندهم طيارتين بالاسبوع .
اغلب الاحيان يأخذ 10 ايام ولكن إذا كنت محظوظ 6 ايام اسرع شي ممكن , واسوء شي يصل اسبوعين .
وتدفع سعر الوزن عند الباب طبعا , لا تنسى إذا شريت من عدة بائعين من آمازون يمكن يوصلون صندوقك متفرقين وهذا يرفع سعر الشحن من آرامكس طبعا .

امممممم .. يس يس ادري عن الشحن ..

 

[Yaz3D]

لول .. الموضوع هذا فيه لحسة ..


يا ليت أحد يشرح بالتفاصيل...

 

[megaman]

شباب ترى تقدرون تشتركون بـ shop & ship على النت مباشرة من موقع أراميكس باستخدام الكريدت كارد

أنا اشتركت بهالطريقة.

وهل اقدر اخذ منهم بطاقة فيزا مسبقة الدفع أو لا؟

لا لازم تاخذها من البنك.
فيه بطاقة ماستر كارد مسبقة الدفع من بنك الأهلي, هذي اللي أنا أتعامل بها الحين.

اهااااااااا .. طيب شلون أعرف متى يتم الشحن ؟ او هل تم ؟

كل خطوة راح تعرف عنها عن طرق الايميل

إذا اشتريت الغرض اللي تبيه راح يرسلون لك ايميل يأكدون لك انك اشتريته.

إذا انشحن الغرض لصندق البريد حقك راح يرسلون لك ايميل يأكدون لك إنه تم شحنه, وراح يعطونك
رقم خاص عشان تقدر تتبع الطلب (tracking)

مثلا أنا قبل كم يوم طلبت جوال من أمازون. بعد ما اشتريته ارسلوا لي ايميل, ومن بكرا ارسلوا لي ايميل ثاني يقولون تم الشحن عن طريق فيديكس للعنوان حقك, وعطوني رقم الشحن.

دخلت فيديكس وضغطت على tracking وحطيت رقم الشحن هناك وقدرت ااتبع الطلب خطوة خطوة حتى وصل لصندوقي حق آراميكس.

بعد ماوصل صندوقي بساعة يمكن ارسلوا لي اراميكس ايميل يقولون لي إن فيه باكيج جديد بالصندوق حقك.

والآن الباقي كله على أراميكس يوصلونه للسعودية.

طبعا تقدر تتبع طلبك من موقع أراميكس بعد.



إن شاء الله يكون شرحي واضح.

بالبداية راح تحسون إن الموضوع معقد شوي, لكن صدقوني ترى المسألة أسهل مما تتوقعون بكثير.


أنا هذا كان أول طلب لي وماحسيت بتعقيد بتاتا. مع إني قبل ما أطلب كنت متلخبط بالنسبة للطريقة ولا أعرف وش المطلوب مني بالضبط.

 

[Nemesis Zone]

سعر الخدمة في السعوديه 125 ريال مدى الحياه

لا لازم تاخذها من البنك.
فيه بطاقة ماستر كارد مسبقة الدفع من بنك الأهلي, هذي اللي أنا أتعامل بها الحين.

طيب بالنسبة للأجنبي شو هي الأجراءات الي يحتاجها ؟

 

[JOKER MASK]

سؤالين بس

يعني بطاقه كاشيو تنفع تشتري من امازون

وهل فيه بطاقه فيزا تنقبل من موقع امازون من غير بنك اهلي ( يعني فيزا يصدرها غير البنك اهلي من البنوك الموجوده في السعودية )

 

[megaman]

طيب بالنسبة للأجنبي شو هي الأجراءات الي يحتاجها ؟

ما عندي معلومة عن هالنقطة للأسف
لكن أتوقع ماراح تكون الاجراءات مختلفة .. جرب كلم على رقمهم المجاني وتأكد.

للمعلومية مايحتاج يكون عندك حساب بالأهلي عشان تطلع البطاقة.

تقدر تطلبها الحالها بس وتوصلك على البريد.

وهل فيه بطاقه فيزا تنقبل من موقع امازون من غير بنك اهلي ( يعني فيزا يصدرها غير البنك اهلي من البنوك الموجوده في السعودية )

فيه ببنك البلاد على كلام واحد من موظفيهم, لكن فيها شوية تعقيد.
مثلاً لو كان رصيدك بالبطاقة أقل من حد معين (2000 ريال على ما أظن) لمدة شهر كامل يجمدون لك البطاقة وماتقدر تستخدمها.

وعلى حسب علمي إن فيه بطاقة ثانية من سامبا تقدر تطلعها, بس ما أعرف عنها أي شي.

 

[TH3 PHENOMENA]

موضوع مهم مره ..يعطيكم العافيه شباب ..
ان شاء الله قريب بفتح لي صندوق ..

 

[Q8_DeViL]

موضوع ممتاز
الي بالكويت انصحكم تفتحون بطاقة master card اسمها vip مالت بنك برقان
ميزاتها :-
1- مافيها limit
2- عشر دنانير بالسنة
3- تطلعلكم بنفس اليوم
4- ما تنربط بحساب البنك
ولو بتحطون فلوس فيها لازم تروحون اي فرع بنك برقان وتسوون ايداع بالمكينة
والبطاقة تنفتح في virgin روحوا للمحاسب وقولوله ابي افتح vip بيطلب 10 دنانير والبطاقة المدنية
صارلي 3 سنين عليها والحمدالله تمام التمام

 

[matso]

موضوع ممتاز
الي بالكويت انصحكم تفتحون بطاقة master card اسمها vip مالت بنك برقان
ميزاتها :-
1- مافيها limit
2- عشر دنانير بالسنة
3- تطلعلكم بنفس اليوم
4- ما تنربط بحساب البنك
ولو بتحطون فلوس فيها لازم تروحون اي فرع بنك برقان وتسوون ايداع بالمكينة
والبطاقة تنفتح في virgin روحوا للمحاسب وقولوله ابي افتح vip بيطلب 10 دنانير والبطاقة المدنية
صارلي 3 سنين عليها والحمدالله تمام التمام

انا ببيت التمويل أحول على بطاقتي وانا جالس ببيتي ^ ^ مكالمة تلفون أقولهم حولولي عليها 20 لاو أي مبلغ .. يقولي ثواني .. تم التحويل ^ ^ هههههه



اخوي ميقا مان .. انا وصلني إيميل من أمازون .. Your Amazon.com order has shipped .. هل هذا اللي تقصده ؟

طيب معطيني رقم الشحن .. بس كيف بتابعه ..
انا دخلت موقع امازون .. ابي تاريخ Delivery estimate هذا تاريخ أيش بالضبط ؟

وشكرااااااان وعذران على الأسئلة الكثيرة مره

 

[Black]

اخوي ميقا مان .. انا وصلني إيميل من أمازون .. Your Amazon.com order has shipped .. هل هذا اللي تقصده ؟

طيب معطيني رقم الشحن .. بس كيف بتابعه ..
انا دخلت موقع امازون .. ابي تاريخ Delivery estimate هذا تاريخ أيش بالضبط ؟

وشكرااااااان وعذران على الأسئلة الكثيرة مره

يس .. الايميل هو الي كان يقصده ميجامان ..
و Delivery estimate تعني التاريخ المتوقع لوصول الشحنة لعنوانك ..

 

[matso]

لعنواني بالكويت ولا هناك ؟ اووووله إذا هناك يعني بتتأخر كثير لأن حاطين 24\1 .. يعني توصل هناك بهالتاريخ متى بتوصلي ><" ؟

 

[Magnificent]

ما دام الموضوع يتكلم عن صناديق اراميكس ... ما اقدر ابيع صندوقي عندهم ؟؟

 

[megaman]

انا ببيت التمويل أحول على بطاقتي وانا جالس ببيتي ^ ^ مكالمة تلفون أقولهم حولولي عليها 20 لاو أي مبلغ .. يقولي ثواني .. تم التحويل ^ ^ هههههه



اخوي ميقا مان .. انا وصلني إيميل من أمازون .. Your Amazon.com order has shipped .. هل هذا اللي تقصده ؟

طيب معطيني رقم الشحن .. بس كيف بتابعه ..
انا دخلت موقع امازون .. ابي تاريخ Delivery estimate هذا تاريخ أيش بالضبط ؟

وشكرااااااان وعذران على الأسئلة الكثيرة مره

زي ماقال black هذا هو الايميل.

بالنسبة للتتبع .. شوف الشركة اللي شحنوا فيها الطلب
يعني إذا كانوا شاحنينها عن طريق DHL فادخل موقعهم الرسمي ودور على كلمة Tracking واضغط عليها. بعدها راح يطلب منك الرقم اللي معطينك اياه بالايميل. حطه هناك وراح يتتبع لك طلبك.

بالنسبة للـ Delivery estimate فهو لصندوق بريدك حق أراميكس. بعدها لازم تنتظر إلى ما يصول عندك.
اصبر إن الله مع الصابرين :crying:

 

[matso]

كيف أعرف الشركة اللي شحنوا فيها الطلب ><" مو حاطين .. انا مشترك بأرامكس ..

حاس نفسي ضاااااااايع ..

 

[haMod07]

عطيني رقم تتبع الشحنة واشوف لك اي شركة نشنحن طلبك

 

[megaman]

أو انسخ لنا الايميل

أو سكرين شوت

 

[matso]

اهم حاطين لي هالجملة بالرسالة .. وتحتها رقم ..
هل يعني ان الشحن عن طريق usps ؟ مع العلم اني دخلت على موقعهم و حطيت الرقم هم ما طلع لي ><"

Shipped via USPS

 

[haMod07]

أتوقع ان انشحنت بالusps .. اعطيني رقم تتبع الشحنة .. وانا اشوفه لك ..