RSX 65nm الشهر القادم.. الCell 45nm منتصف 2008

[Humam]

الخبر مترجم من B3D نقلا عن صحيفية Nikkei:

According to Nikkei, Toshiba begins the mass production of 45nm system LSI in the second half of 2008. RSX and chips ordered by Xilinks are among the first candidates. Toshiba already installed the latest manufacturing units in the Oita plant. 45nm samples are expected to be shipped in the first half of 2008. And one tidbit, the mass production of RSX in 65nm begins this December.

http://it.nikkei.co.jp/business/news/index.aspx?n=AS1D220A8 22112007

يعني سوني في بداية 2008 تكلفة الPS3 عليها راح تنخفض أكثر, وفي منتصف 2008 الCell ب 45nm ؟ لو هذا فعلا صار مع الPS3, سوني لها فرصة دراماتيكية انها تخفض السعر, انا صراحة ما استبعد بحكم التغييرات الكبيرة الي تسويها سوني من فترة لفترة لتصميم الجهاز الداخلي.. ويمكن نشوف PSthree في وقت أقل من المتوقع.. مين يدري.

MGS4 + PS3 300$ = BOOM

 

[ASWD]

هو حاليا السيل دخل مرحلة التصنيع ضمن نطاق الـ65nm او؟

لاني اذا ماخنتني الذاكرة كاني قريت ان الموديلات الجديدة وتحديدا ابو 40 جيجا تتضمن 65..خبر جيد خصوصا من ناحية التكلفة

 

[Humam]

هو حاليا السيل دخل مرحلة التصنيع ضمن نطاق الـ65nm او؟

لاني اذا ماخنتني الذاكرة كاني قريت ان الموديلات الجديدة وتحديدا ابو 40 جيجا تتضمن 65..خبر جيد خصوصا من ناحية التكلفة

السيل هو فقط الي 65nm حاليا, الRSX مازال 90nm.

 

[Final Fantasy]

أوه جود ... يعني لو على وقت صدور MGS4 سوني تقدر تخفض السعر لـ 299$ خلاص بس نقول ولكم باك لسوني الي نعرفها بالجيلين الي فاتو !!!!

 

[Humam]

أوه جود ... يعني لو على وقت صدور MGS4 سوني تقدر تخفض السعر لـ 299$ خلاص بس نقول ولكم باك لسوني الي نعرفها بالجيلين الي فاتو !!!!

مايكروسوفت, برايس كت لل 360 ب 100 دولار, تجهض أحلام سوني الوردية لاستعادة الصدارة.. سوني ممكن تؤدي أداء ممتاز الفترة القادمة.. لكن تكون قائد من جديد... خليها تروح تقشر بصل.. مافي أمل.

 

[Final Fantasy]

مايكروسوفت, برايس كت لل 360 ب 100 دولار, تجهض أحلام سوني الوردية لاستعادة الصدارة.. سوني ممكن تؤدي أداء ممتاز الفترة القادمة.. لكن تكون قائد من جديد... خليها تروح تقشر بصل.. مافي أمل.

راح يصير الـ360 بـ 199$ أرخص من الـ Wii :yuck: !؟

بالنسبة لبقية الكلام نشوف اذا راح يجي اليوم الي نشوف فيه الـ PS3 مكتسح الـ 360 و يظل يحافظ على الاكتساح و لا لأ :cooool:

 

[Khalid-S]

بامانه مليت من هذي الردود ...

 

[Colorization]

بامانه مليت من هذي الردود ...

2nded.

انا مو فاهم الفروقات بين الحالي والمذكور بالموضوع، بس اللي أعرفه إنه يخفض من تكلفة الإصدار..

 

[Nintendo]

بامانه مليت من هذي الردود ...

من جد ..

خبر ويجي همام يحط تحليل له ويجي محمود يحط رد بناءا على تحليل همام واوه ماي قود وخرابيط .. هذا الموضوع الكم عن الnm والبطيخ . من جد سوني تركز على الالعاب احسن ..

 

[Arsene Lupin]

MGS4 + PS3 300$ = BOOM

SOLD

لكن هل تتحمل سوني 100$ ثانية؟

امل سوني الأخير هو البلو ري عشان تتصدر هالجيل... لازم ينتشر زي الديفيدي الحين... لكن للأسف يبدو انه بدري جدا عليه.. حتى ال HDTV ماهو منتشر مره...

 

[Final Fantasy]

للمرة المليون ... ردودي متعلقة فيني و بس + تعبر عني و بس

 

[ASWD]

2nded.

انا مو فاهم الفروقات بين الحالي والمذكور بالموضوع، بس اللي أعرفه إنه يخفض من تكلفة الإصدار..

من الناحية المادية..

استهلاك طاقة اقل يعني حرارة اقل ناهيك عن اداء افضل طبعا وحجم اصغر للجهاز في اخر المطاف..مثل بلاي2 سليم وبي اس ون

 

[Colorization]

هذا إسمه منتدى، discussion board، إذا تحط ردود وبعدين تقول هذي ردودي كيفي مالكم شغل فيني اجل لا تنشر ردك عشان الناس ما تناقشك.


تسلم يوسف عالشرح.

 

[Final Fantasy]

"رجعت حليمة لعادتها القديمة" .

وين الي كلم خالد و قال (( راح أعطيه اقنور و خلاص بعد مالي شغل فيه )) ... أشوف كلام الليل محاه النهار ؟!

 

[Humam]

طيب شباب مافي خاصية في المنتدى تخلي أعضاء معينين ممنوعين من الرد في مواضيعي.. أحس مواضيعي ماصار لها قيمة.. أناراح اعتزل كتابة المواضيع اذا استمر الوضع على ما هو عليه.

 

[Colorization]

محمود إذا ما عندك كلام تقوله من جد وقف كتابة ردود عديمة الفائدة، شرايك أعطيك عضويتي وترد عني بعد؟ إنت بالإجنور من زمن جد جدي (عشان ترتاح) لكن [محمود] هذي ردودي كيفي مالك شغل فيها [محمود/]

الحمدلله والشكر من جد.


تحرير: آسف همام.

 

[Nintendo]

لول اسفين همام .. وش تسوي عاد هاذي ضريبة الشهره

 

[Final Fantasy]

أنا مادري ليش هالحساسية من همام تجاه ردودي !!!


ليش هالفكرة أن ردودي في مواضيعك قائمة على ردودك أنت و كلامك أنت !!


متضايق أن فيه ناس تفكر و تقول أن (( محمود يفسر كلام همام غلط و يحطهم في ردوده و يبين أنه و همام متفقين على هالكلام )) ؟


تفكيرهم غلط ... و أنا ردودي مالها دخل بردود غيري و هي تعبر عن نفسي و وضحت هالشي .


اذا همام ما تبي تشوفني في مواضيعك مو مشكلة قولها هني و قطها بوجهي و بعد ماراح تشوفني بأي موضوع بمواضيعك ما عدى المواضيع الرسمية للألعاب أو المؤتمرات .


هذه ماهي بحالة بين الفترة و الثانية أسمع منك هالكلام كأن ما عندي شغل و لا شاغل غير أدور على كلام لك و أخربه بردي !!


بالنسبة لمحمد فماني راد عليك لأن كالعاده "ضايع بالطوشه" و قصب تبي تتفلسف على راس غيرك يعني فاهم .. و على فكرة شكرا على الكلام الحلو الي سمعتني اياه من يومين

 

[sora]

بسكم هوااش >.<
محمود ومحمد في شي بينكم حلووه بينكم مو تخربون موضوع الولد هذا اولاا
وثانيا عندكم شي تبون تتفاهمون عليه تفاهمو بالصج مو من خلف الشاشة <<يحرش :yuck:

 

[Isaac]

\
وثانيا عندكم شي تبون تتفاهمون عليه تفاهمو بالصج مو من خلف الشاشة <<يحرش :yuck:

:normal: .

 

[Humam]

أنا مادري ليش هالحساسية من همام تجاه ردودي !!!

انت كنت تدري فتلك مصيبة وانت كنت لا تدري فالمصيبة أعظم.

ليش هالفكرة أن ردودي في مواضيعك قائمة على ردودك أنت و كلامك أنت !!


متضايق أن فيه ناس تفكر و تقول أن (( محمود يفسر كلام همام غلط و يحطهم في ردوده و يبين أنه و همام متفقين على هالكلام )) ؟


تفكيرهم غلط ... و أنا ردودي مالها دخل بردود غيري و هي تعبر عن نفسي و وضحت هالشي .

محمود ما يحتاج أقلك ردودك مو بس جالسة تخرب مواضيعي بل غالب المواضيع.. يعني حتى مش محتاجة اثباتات..

1- كل شوية تلت و تعجن في نفس الكلام.. لو وقفت على كدة معليش.. لكن ...

2- راجع ارشيف ردودك وشوف كم رد اقتبسته مني وحورته على هواك, وشوف كم أسلوب تشبيهي انت اخذته مني مثل ما هو حرفيا, هذا فيه ضرر شخصي مباشر لي, ياخي عبر عن رأيك بس لا تقحمني في آرائك بطريقة مباشرة أو غير مباشرة... للمرة المليون لا تقتبس مني شيء.. ما أدري محمود متى تقتنع ان اسلوبك في الردود الي فيها كلمات مبطنة مع استخدام سمايلي الغمزة أسلوب عقيم ولو تقعد به 10 سنوات اضافية ما راح يحقق لك أي مكسب ؟

3- منت ملاحظ ان مشاكلك في المنتدى صارت خارجة عن المقبول, مرة تتهم واحد انه اتخطى حدوده معاك وتستخدم اسلوب التهديد معاه ,و مرة تهاجم شخص لأنه وصفك بانك فان متعصب ومرة تتنصل من الردود, عاد الخروج على المواضيع عد واغلط, بالله محمود ما مليت ؟ انت في منتدى يعني لازم تتقبل مفهوم ان واحد ينتقد وجهة نظرك, اذا انت ردودك متعلقة فيك و بس اجل ايش الفائدة انك تشاركها معانا.. مو احسن انك تخليها بداخلك و لا يجي أحد يزعجك فيها..

المنتدى والمواضيع مفتوحة للجميع محد يقدر يمنعك من دخولها او التعبير عن رايك, لكن لا بد تغير من أسلوبك و تترك الأشياء الي ذكرتها, يعني معليش على الأسلوب الجاف بس كل يوم نقول ان شاء الله محمود يفهمها على الطاير لين جبتنا لهذا الوضع..