Torpedo
Contributing Staff
وصلة لتحميل اللعبة : Download me
الشرح من نايف :
الشرح من نايف :
شرح بسيط ^^ :
طبعا معظمكم يعرف لعبة راجناروك اونلاين الكورية الاصل اللي اشتهرت بشكل كبير برسوماتها المستوحاة من رسومات الانمي و شخصياتها الظريفة .. الحين تخيلها ثلاثية الابعاد و بتكون عندك صورة تقريبا واضحة عن هذي اللعبة اللي من نفس مطورين راجناروك .
ROSE ( اختصار Rush On Seven Episodes ) لعبة اونلاين ار بي جي MMORPG ثلاثية الابعاد و اسلوبها مشابه بشكل كبير للعبة راجناروك ( و قريت انها تشبه لينياج 2 ..) برسومات مرحة و مليئة بالالوان و وحوش و شخصيات مضحكة .
التحكم فيها يتم معظم الوقت عن طريق الفارة .. تؤشر على المكان اللي تريد تروحه و تضغط بالزر الايسر و تتوجه شخصيتك للمكان .. و نفس الشي اذا تريد تقاتل وحش، تاشر عليه و تضغط و بيبدا القتال .. اللعبة فيها تقريبا كل شي تتوقعه في العاب الاونلاين ار بي جي الثانية .. تكوين فرق(اكبر فريق ممكن تكونه مكون من 7 اعضاء و يعتمد عدد اعضاء الفريق على ليفلك )، مهمات، بيع و شراء، اماكن واسعة، و اعداد كبيرة من الادوات و الاسلحة المختلفة ..
من الاشياء الجديدة (او المختلفة )في اللعبة انه فيها مركبات تتنقل فيها بشكل اسرع في مناطق اللعبة مثل السيارات و السفن الطائرة.. تقدر تفتح محلك الخاص في اي مكان تريده يقدرون الناس من خلاله انهم يشوفون البضايع اللي تبيعها فيه و يبيعون اشياءهم بعد .. و الكتابة في العربي ( على الاقل طلع عندي .. بعد شوي بجربه مع واحد ^^ ) .. ( و تقدر تسوي minimize للعبة بدون ما تسكر P: )
اللعبة مجانية لين الحين (BETA ) تقدر تسجل على هذا اللنك :
http://iroseon.com/member/join_age.asp
و تقدر تخزن اللعبة من هنا :
http://iroseon.com/Pds/Down.asp
صور لشخصيتي ( مع الكتابة بالعربي ^^ ) :
http://usera.imagecave.com/Mithos/rose2.jpg
http://usera.imagecave.com/Mithos/Rose1.jpg
http://usera.imagecave.com/Mithos/ROSE.jpg
انشا الله نشوفكم قريب ^^
التعديل الأخير بواسطة المشرف: