وعرض جديد يستعرض الخصائص التي سيحصل عليها الحاسب.
Returnal قادمة للحاسب في 15 فبراير هذا العام
- بادئ الموضوع May-Be-Zig
- تاريخ البدء
-
- الوسوم
- returnal
hussien-11
Senior Content Specialist
واحدة من أكثر، إن لم تكن أكثر الألعاب التي كنت أنتظر قدومها للحاسب
شكلها ممتازة، ونسخة الحاسب تدعم تتبع الشعاع + تقنيات DLSS و FSR.
شكلها ممتازة، ونسخة الحاسب تدعم تتبع الشعاع + تقنيات DLSS و FSR.
شيطون
Fortnite Lover
ممتاز بعد هيدس صار عندي تعطش للروج لايك بنشوف كيف تمشي هذه واتمنى ما تكون صعبة زاكي لان مللت من ذا الاسلوب بالتحدي.
Veeto
True Gamer
صعبه جدا !
Valtr
Master of The League
مقارنة بهيدس فهي أصعب بشكل واضح، على الأقل في هيديس مع الوقت تطور تطويرات تقعد معك للأبد، أيضًا عامل الحظ فيها يقهر مرات.
Nostalgic
True Gamer
هيدس بالحقيقة من أسهل ألعاب الروجلايك/لايت اللي لعبتها إذا ما كانت الأسهل.
بالنسبة لريترنال فأخذتها على البلايستيشن 5 أول ما توفرت مخفضة ولحد اللحظة هذي ما شغلتها.
used2Bcat
True Gamer
دقيقة يعني مفيها تطويرات تقعد للأبد؟ اذا ايه فأصبح شراء اللعبة مستحيل بالنسبة لي خلها لهم.
Omni-Doom
The Last Quincy
Netero
True Gamer
بالنسبة لي كانت اسهل، واللعبة اصلا لا روج لايك ولا روج لايت، هي ٦ شباتر، وصلت شابتر ٣ مثلا، تقدر تسكب على طول من ١ ل٣ بدون تقاتل اي زعيم لشابتر ١ و٢، واذا وصلت لشابتر ٤ فخلاص هنا تشيكبوينت وراح تبدأ من شابتر ٤ مباشرة.
Kaido III
Lost Radiant
واحدة من أجود وأمتع تجارب الـTPS، أفضل حصرية على الـPS5 لحد الآن .
إِلَّا فيها..الـWeapon traits تعتبر جزء من تطويرك للأسلحة واللي تقدر تكسر فيها وزنية اللعبة بشكل ممتع لو كنت محظوظ.. بجانب يبقى معاك مفاتيح إختصار المراحل + مع التقدم تتوسع الايتمات/التطويرات اللي تقدر تحصل عليها، أيضا ether أحد الموارد المهمة باللعبة تبقى معاك حتى لو مت .
Valtr
Master of The League
للأمانة يا كايدو راح عن بالي سالفة الTraits... خصوصًا ان المقارنة في بالي مع هيديس كانت كيف أنك تبدأ بأي سلاح تبغاه وتقدر تطورهم وأيضا تختار غرض معين يساعدك من البداية وتطور عداد الصحة وأشياء ثانية تساعدك بشكل مؤبد في القتال. في ريتورنال الوضع يعتمد على الحظ بشكل أكبر ودائما تبدأ بنفس عداد الصحة ولازم ترفعه وقت تتقدم في الحلقة الحالية الي أنت فيها، أيضًا حتى إذا فتحت الTraits لسلاح ممتاز فممكن ما تحصل السلاح بدري وتحتاج تدخل غرف جانبية، والكلام بعد ينطبق على العملة الEther، مرات تلاقي شيء يسوى تشتريه ومرات مافي شيء تبغاه وفيها نظام مكافأة ومعاقبة وكيف يكون الوضع مراهنة يا طلع لك شيء كويس او تطلع لك "لعنة" تخرب عليك وتربكك.
سالفة الإختصارات من لعبي كنت أستفيد منها أني اقاتل الزعيم بشكل سريع وأتدرب عليه، لكن بعدين في الغالب ما أختصر الطريق وأمر على كل المناطق والزعماء الي قبله عشان اتجهز له صح.
طبعًا عشان محد يفهمني غلط، هذي مو عيوب، او على الأقل بنظري، أنا اشوف أنها لعبة تخليك تفكر كثير مع نظام العقوبات والمراهنة بس ما أنكر ان مرات كانت اللعبة ظالمة /:
Netero
True Gamer
ما أعرف متى لعبتها انت كوني لعبتها بعد التحديثات فممكن حاجات تغيرت، لكن أنا أنهيتها بدون أقاتل أي زعيم هزمته مرة ثانية، ولا عمري احتجت امشط مكان عشان الفل فالغالب بس كنت أدوّر سلاح ممتاز من أول منطقة مثلاً وبعدها أختصر لين آخر شيء، وراح ألقى هناك ايتم تاخذه من البداية يرفع مستواك لين اللي تحتاجه المنطقة.
وصراحة مسألة الاختصار تفك أزمة كوني أكره جينرا الروج لايك/ت وفي ريتيرنال ما عدى خامس منطقة، مشطت كل منطقة بزعيمها في أقل من 5 محاولات، فما تحس بتكرار حتى. المنطقة السادسة حتى أنهيتها من أول مرة وأعتقد هذه تجربة شائعة للكثير، أشوف التجربة بشكل عام أسهل من هيدس وديد سيلز، ومافيها غثى الجينرا.
Veeto
True Gamer
ما اكذبك .. لكن هالطريقة ما تنفع مع ريترنال .. او انك فنان باللعب !
خصوصا للمنطقه الثالثة تحتاج ترفع طاقتك يعني بتحتاج تمشط المنطقتين الاولى والثانية
يمكن ردي سوداوي .. بس اللعبه صعبه وبدون حس (( تطوري ))
مبنية بالكامل (( حسب رايي )) على مهارتك اولا .. وحظ
اذا توفقت بسلاح مناسب .. المحاولة كلها بتكون غير
بس بشكل عام مثل ما يسمونها هالايام .. لحظة اللعب .. moment to moment gameplay .. خيالي .. ممتع سلس انسيابي .. ما ان تمسك الكنترولر الا وانت تلعب بس
وتلعب شي ممتع
اضافة البرج الاخيرة .. اضافه للمغبرين امثالي .. اللي عايشوا العاب البوليت هيل الاريكيدية من الزمن الغابر
اللعبه كلها غريبة عجيبة .. لعبه اندي بس AAA بمعنى الكلمه
ما اعتقد بنشوف شي مماثل ليها بهالجيل او حتى بالعقد القادم حتى !
KhalidOwaAlha
True Gamer
وداعا "16جيجا رام تكفيك 8سنين قدام"
Zhuge Liang
Feo Fuerte y Formal
Veeto
True Gamer
ما اتذكر ولا اظن ان اللبس ليه دور او تاثيربما انك الخبير . هالملابس موجوده في اللعبه تفتح بشكل طبيعي مع القصة ؟
شي جمالي بس اتوقع
Netero
True Gamer
الخامسة هي الصعبة فعلاً مدري ليه الثالثة ماخذة كل السمعة، أقل منطقتين في كامل اللعبة مت فيهم الثالثة (مرتين) والسادسة (ولا مرة) بينما الخامسة نسيت العد حتى.
هو لو بقارن، جميع زعماء ريتيرنال أسهل من زعماء ديد سيلز وهيدز وما أعتقد أي شخص لعب الثلاث ألعاب ممكن يختلف، أما من ناحية الأعداء العاديين والميني بوسسز هنا ريتيرنال تصير أصعب، لكن كونك ما تحتاج تعيد مناطق بأكملها يخلي اللعبة خفيفة عالقلب أكثر من غيرها في جينرا الروج لايك.
btw ياخي لما تختصر على طول يجيك ايتم يلفلك ويرفع قوة سلاحك، الشيء ممكن ما كان موجود أول؟ لأن بسببه مو قاعد امشط المناطق الأولى فممكن اضافة جديدة
Veeto
True Gamer
موجود اعتقد من البداية .. المشكلة عندي مو بالاسلحة
عداد الطاقه تحتاج ترفعه من جذي تحتاج تمشط المناطق
Netero
True Gamer
هو فالنهاية لما تروح للاختصار أصلاً غالباً مجبور تمر بعدة مواجهات فيعني كنت بالحظ أحصّل تطويرات في طريقي أحياناً، يعني مو 0% تطويرات قبل أخذ الاختصار.
والله حيرتونا 