Resident Evil 5 -- العرض ومناقشة احداثه (صور جديدة)

[Khalid-S]

في مؤتمر مايكروسوفت تم عرض فيديو جديد للعبة. عرض قصير جداَ لكن احسن من ولا شي ..

في البداية هذا العرض للي ما شافه .. HQ حجمه 33 ميجا
http://www.gametrailers.com/player/21514.html

واضح ان احداث اللعبة في افريقياَ .. وواضح ايضاَ ان في مشكلة داخل المدينه .. والشعب يقتلون في بعض .. وهذا طبعا يذكرنا في RE4 وسكان القرية الاسبانيه .. متوحشين ولاي سبب يموتون بعض.

لكن هنا في شي مختلف ... شي اكبر .. شعب القرية الاسبانيه جميعهم مصابين بالمرض .. لكن هنا .. احساسي انا ان البعض منهم فقط .. وهذا سبب قتلهم لبعض.

عموما هذي سكرين كابس اخذتها .. بعضها بعلق عليها والبعض اشوفه ما يحتاج.

اهالي البلده متعايشين مع بعض ... قبل ما تجيهم المشكله ...

هنا اعتقد ان بعض السكان صابهم شي ... وبدا تطرأ عليهم اعراض .. واهل السكان الباقين يتعاملون معهم بهذي الطريقه عشان يوقفونهم ..

هو واضح ان الشخص هذا مرسل مو داخل عرض .. ومرسل من قبل مكان رسمي .. طبعا مو ستارز لانهم في افريقا وماله دخل .. لكن قلت يمكن اليونايتد نيشن بما ان في مشكلة في المنطقه هذي وتحتاج مساعده .. ويمكن طبعا ولا وحده من هذول .. لكن واضح انه مرسل.

الشخصية في الخلف هي الجديدة وقدامه واحد مهلوس .. تذكرت اول مقطع في RE4 لمن ليون يقابل المهستر .. اعتقد بنشوف شي مشابه هنا.

لول جماعات واحزاب ؟؟ ما تدري .. بس الي تعرفه ان هذول عندهم عقل اكثر من حقين اسبانيا .. والي بالخلف الي حاط كيس على وجهه رسمياَ يخوف اكثر من ابو منشار في RE4 ..

ابو مطرقه مره ثانيه ... مرعب.

لول في واحد ابيض ورا داخل غلط ... هذول بالفيديو واضح انه في شي مو عاجبهم مسوين مظاهره او يايدون شي حاصل ..

هنا في شي غلط ... في احد في المشنقه .. والي كان معاه المكرفون هو الي فوق طبعا .. والشعب (مؤيد - غير مؤيد) موجود ايضاَ .. الي لاحظته (مو متاكد) هو ان الاشخاص قاعدين يرمون شي على الي فوق .. بس لمين متوجه ما تدري لول .. للمشنوق او الي بيشنقون .. مع اني اعتقد الخيار الاول.

واضح انه الفايروس ... وهذا الي شنقوه (؟) ما تدري ..

عموماَ ويسكر اعتقد خلى القرية هذي تجربه ..

في تقريباَ خمس او ست لقطات جت بسرعه .. باخذ لهم سكرين كاب بعد شوي.

 

[king zell]

خالد ليش مسوي زحمة و الشارع فاضي

لول.. أحس التريلر هذا ما يستحق التعليق.. في تريلر محترم مخبينه عننا اللي بينزل يوم 26 يوليو و بيكون فيه الشغل الصح

 

[Ash]

ههههه خالد ما خليت شيئ , العرض كان جيد , و أعتقد انه كريس غيروا شوي بشكله ؟ عموما بانتظار العرض الكامل ب 26 يوليو .

و أتمنى اللعب ما يكون أغلبها الصبح , الي يميز بايو هازرد أتموسفير الليل المرعب مع أصوات الزومبيس/قرويين او وات ايفير .

 

[Nintendo]

تاريخيا افريقيا وبعض الدول فيها اصابها اكثر من فيروس ( اشهرهم فيروس ايبولا ) عبر الهواء .. يمكن بشكل ما احد نشر فيروس معين سواءا لتجربته او من معمل كان يدار للابحاث للمنطقة وانتشر عن طريقه ..

مادري وش راح تكون القصة ولكن من الصور ... اللعبه شكلها بتكون اجوائها بعيده جدا عن ريزدنت ايفل ( اذا كان الرابع اجوائه بعيده عن ريزدنت ايفل اصلا ) .. عموما الكلام ذا من الصور والعرض فقط ..

 

[hussien-11]

العرض قصير لدرجة سخيفة ، بس بنفس الوقت يحمس بشكل عجيب خخخ

في لقطات بالعرض رهيبة ، مثل لقطة الي ينزل من عيونه دم ، فن :laugh:
​

 

[Khalid-S]

اوكي هذي صور من لقطه سريعه جدا جدا في العرض .. اللقطه ثانيتين فقط او ثلاث .. طلعت منها هذي الصور ..

واضح ان الشخصية انمسكت وقاعده تتشوت من الشعب .. وكمان واضح ان ان التواصل عن طريق المايكروفون (طريقه RE4 يمكن) عادت ...

السؤآل هو ... هذا كريس ؟؟؟ ما اعرف .. ولا احد يعرف وما طلع شي رسمي ان هذا كريس (حسب ذاكرتي) ... يمكن كريس بعد سنين ؟؟ لان هذا ملامحه غير .. شخصياَ اتمنى شخصيه جديده .. تكررت الشخصيات في السلسله كثيير.

في كم صوره ودي العب فيها بالفوتوشوب .. بحطها لكم هنا.

 

[Khalid-S]

لول نسيت اكتب في الموضوع (للفانز فقط) ...

العرض قصير مره لكن الفانز يطلعون منه استنتاجات وبلاوي .. .

وايضاَ صحيح .. يوم 26 بيكون في فيديو في الماركت بليس .. طبعا HD حقيقي 720p واعتقد بيكون اطول من هذا.

ننتظر معلومات من Capcom Booth .. اكيد عندهم مؤتمر بسيط (اتمنى).

بانتظار ارائكم ..

 

[hussien-11]

أنا أحس القصة بتكون تجربة ويسكر للفايروس الي حصله من الجزء الرابع بس بعد ما تم إدخال تطويرات معينة عليه
يمكن افريقيا تكون مقر أمبريلا الجديدة
و يمكن التسرب يكون حصل نتيجة أخطاء غير مقصودة
الشخصية أحسها بطل جديد
اللعبة بتكون دموية و مرعبة لسه اكتر من الجزء الرابع
واضح انو بعدها بمرحلة مبكرة من التطوير ، لسه مطوووووولة
اللعبة بالنسبة لي بتكون التوب بالنكست جين بكل شي
شي واحد ما عجبني بالعرض ، الموسيقى
​

 

[Ash]

هذا يشبه كريس لدرجة النخاع , نفسه بكل شيئ , ماعتقد هم بغباء يحطون شخصيتين بالبطوله يشبهون بعض بكل شيئ بالضبط .

 

[The Doctor]

للأسف ما قدرت أشاهد التريلر عدل...علق عليي المؤتمر لما طلعوها XD
أبنزلها بعد ما انزل تريلر متل جير مباشرة

هنا في شي غلط ... في احد في المشنقه .. والي كان معاه المكرفون هو الي فوق طبعا .. والشعب (مؤيد - غير مؤيد) موجود ايضاَ .. الي لاحظته (مو متاكد) هو ان الاشخاص قاعدين يرمون شي على الي فوق .. بس لمين متوجه ما تدري لول .. للمشنوق او الي بيشنقون .. مع اني اعتقد الخيار الاول.

هذا المشهد احسه من رواية ستيفن كنج Cell... في مشهد نفس هذا تقريباً

 

[Solay]

اهالي البلده متعايشين مع بعض ... قبل ما تجيهم المشكله ...

هذا تقريبا نفس المقطع في بداية ريزدينت ايفل4 اللي عند الحظيرة وبيوت صغيرة وواحد محرقينه

هنا اعتقد ان بعض السكان صابهم شي ... وبدا تطرأ عليهم اعراض .. واهل السكان الباقين يتعاملون معهم بهذي الطريقه عشان يوقفونهم ..

اتوقع العكس ان هذا ماجاه الفيروس واللي ماطلعت خشته جاي يقتله طبعا هذا اذا ماكانت مضاربه عاديه او انهم يحاولون يدخلون فيه الفايروس

هو واضح ان الشخص هذا مرسل مو داخل عرض .. ومرسل من قبل مكان رسمي .. طبعا مو ستارز لانهم في افريقا وماله دخل .. لكن قلت يمكن اليونايتد نيشن بما ان في مشكلة في المنطقه هذي وتحتاج مساعده .. ويمكن طبعا ولا وحده من هذول .. لكن واضح انه مرسل.

هو بالتأكيد انه مررسل بس من وين هذا اللغز^_^

الشخصية في الخلف هي الجديدة وقدامه واحد مهلوس .. تذكرت اول مقطع في RE4 لمن ليون يقابل المهستر .. اعتقد بنشوف شي مشابه هنا.

شكله مااعجبني

لول جماعات واحزاب ؟؟ ما تدري .. بس الي تعرفه ان هذول عندهم عقل اكثر من حقين اسبانيا .. والي بالخلف الي حاط كيس على وجهه رسمياَ يخوف اكثر من ابو منشار في RE4

لازم يزيدون الذكاء للأعداء في اللعبه عن اللي قبله(4)

ابو مطرقه مره ثانيه ... مرعب.

ابو منشار يقطع الرأس هذا وش بيسوي شكله رهيييب

لول في واحد ابيض ورا داخل غلط ... هذول بالفيديو واضح انه في شي مو عاجبهم مسوين مظاهره او يايدون شي حاصل ..

الأبيض من جد ماادري وش يبي اما ذولا يامستر خالد اللي بمكان الشنف بس من قدام^^

هنا في شي غلط ... في احد في المشنقه .. والي كان معاه المكرفون هو الي فوق طبعا .. والشعب (مؤيد - غير مؤيد) موجود ايضاَ .. الي لاحظته (مو متاكد) هو ان الاشخاص قاعدين يرمون شي على الي فوق .. بس لمين متوجه ما تدري لول .. للمشنوق او الي بيشنقون .. مع اني اعتقد الخيار الاول.

اول شي جا ببالي يوم شفت هاللقطه ان المشنوق انسان صاحي مو مجنون ومسوين مثل اللي محرقينه في الجزء الرابع او انهم بيدخلون فيه فايروس

واضح انه الفايروس ... وهذا الي شنقوه (؟) ما تدري

اتوقع مايشنقونه يحاولون يدخلون به الفايروس ونجحو طبعا ويمكن اذا جادلهم شنقوه بعدين واضح انه هو اللي كان معلق بالصورة اللي قبلها ماتشوف الحبل على رقبته؟!

وفي النهايه أقول الأعداء مااعجبوني ابداااا-_-

 

[Khalid-S]

عدلت شوي بس في الاضائه ...

وانا اعدل لاحظت ان المشنوق هو واقف جنب كريس (؟) على اليسار ... شكله جا يساعده لو شي لول .. او كان يراقب وانكشف ومسكوه.

 

[Solay]

مثل ماقلت لك بالرد اللي قبل ياهم يحاولون يدخلون فيه فايروس او انهم بيحاولون يقتلونه مثل ماقلت لك المحروق اللي في بداية4

 

[Khalid-S]

والله SOLAY في مليون الف احتما ل... لكن حقك هو الاقرب تقريباَ.

يمكن جا فايروس وسوا في اهل البلد مثل ما سوا في اهل القريه بRE4 .. وهذا الي عيونه قلبت حمرا ساعد كريس في شي .. مسكوهم الاثنين .. كريس تصفق مثل ما شفنا بالصور والثاني حطو فيه شي وحاطينه بالحبل ...

او هم الاثنين كانو بالحبل وكريس فك نفسه وهرب ..

كل الطرق تؤدي الى روما

 

[Hwoarang]

تتوقعوا هذا جرافيك اللعبة الحقيقي ؟

 

[Khalid-S]

واضح من العرض ان الجرافيكس إن جيم مو كمبيوتر جرافيكس .. لان في فرق كبير بينه وبين ال CG الي شفناه .. ولو كابكوم حابه تعرض CG مره ثانيه كان جابته بنفس ذاك المستوى.

اضمن لك ان هذا مو CG.

 

[Double T]

هذي اللعية احبها حب .. والله ان شاء الله نشوف شي رهيب لها نهاية الشهر

RE4 خلصتها 4 مرات ورى بعض .. و ناوي على جزء الWii كمان ( في جهاز اخوية الصغير خخخخخ )

 

[Solay]

والله SOLAY في مليون الف احتما ل... لكن حقك هو الاقرب تقريباَ.

يمكن جا فايروس وسوا في اهل البلد مثل ما سوا في اهل القريه بRE4 .. وهذا الي عيونه قلبت حمرا ساعد كريس في شي .. مسكوهم الاثنين .. كريس تصفق مثل ما شفنا بالصور والثاني حطو فيه شي وحاطينه بالحبل ...

او هم الاثنين كانو بالحبل وكريس فك نفسه وهرب ..

يعني بتصير مثل ليون والفرنسي ماادري الأسباني اللي بــ 4 نسيت اسمه!!!

خالد شف الصورة يوم البطل واقف لحاله بمكان فاضي مو نفس الشي يوم دقت أجراس الكنيسه بالجزء الرابع احس اللعبه قريبه من الرابع مثل ماقلت لك!!

 

[The Last Fantasy]

ممم ، اعتقد اللي صاير له علاقة قوية بالفايروس الي اخذه ويسكر في الجرء الرابع .
وهذا أقرب احتمال .. يمكن تجربة.

العرض حماس بالمناسبة ، الشي الوحيد اللي سوا لي صدمة وأنا أشوف المؤتمر لوول ، ما توقعت تكون ريزدنت إيفل في بداية العرض.

 

[Jizasu]

بالنسبة لي كفان للعبه, الاستنتاجات بتكون صعبه جدا...

بس بحط احتمالات..

ستيف برونسايد ممكن يرجع بهل جزء...و كلير ممكن تتواجد بعد...

ايدا مو معروف وضعها بس اكيد ويسكر بيكون موجود...

شيري احتمال كبير يغدر ويسكر بالعهد الي قطعه مع ويليام بريكين و يحقن فيها فايروس..بس يخليها مأهله بالقوى نفس ايدا كراوسر و ويسكر نفسه و ستيف

 

[ShinShadi]

و الله في ألف سؤال و سؤال .. و الكثير من الإحتمالات .. أنا في كم نقطة تدور في راسي بعد ما شفت العرض ..

* الأحداث في هذا الجزء فين موقعها بين الأجزاء السابقة ..
* من الشخصية الرئيسية ؟ كريس ؟ ممكن و ممكن لا ..
* هل المواجهة رح تكون بين إمبريلا و منظمات حكومية .. أم أنها صراع بين جهات جديدة لم تظهر من قبل بالسلسلة ؟ ..
* و هل سوف يكون للحرارة دور مهم في هذا الجزء ( نقطة أثارها العضو شينجي ميكامي بعد مشاهدة لرقم 5 في العرض .. )

ويسكر .. و جوده في هذا الجزء ضروري .. أو هكذا أتمنى ..

 

[Bounty]

همممم انا اتوقع ..

# ان المشنوق هو اساسا فيه فايرس و هذا السبب الي بيخليهم يشنقونه .. و كل الشعب ما فيه شي ولاهم زومبيز ولا شي .. هم ناس طبيعيين بس هم من نوعية الشعب الي في بعض دول افريقيا الي يذبحون + يفجرون + جماعات ارهابيه ..إلخ ..

# كريس جاء عن طريق طلب رسمي من هيئة عليا ..

# اظمن لكم من الحين ان في شخصية بنت افريقيه (و راح اذكركم XD ) ..

# اتوقع ظهور كلير بنص اللعبه تقريبا ..

همممممممممم


اما عن العرض صراحه غامض .. بس الي استوعبته ان كريس جاء ينقذ الرجل المشنوق .. ليش؟ يمكن علشان يشوف شنو الفايرس الي فيه .إلخ

 

[Zero]

الأشياء اللي طرأت في بالي لما شفت العرض :
-شكل كريس تغير
-اها ، افريقيا وليست دولة عربية أو من الشرق الأوسط
-مساكين الأفارقة :cryy:
-الشمس تحسها حركات في اللعبة مو مثل الرابع اللي كانت أجوائه مادري كيف !
-بانتظار العرض الكامل

 

[Levithian]

العرض كتير كتير رائع
طبعا الكثير من التشويق
بس الشي الوحيد اللي مستغربه هو انه المراحل بوضح النهار (الشمس كتير قوية)
بتمنى يكون في مراحل باماكن مظلمة اكتر

 

[m7tram]

شالأيد @@ صك على كراوسر لوول .

انا صراحه مو متوقع اشياء بس الي ابيه اني العب بكلير .

 

[BioMario]

ما اعتقد انه فيه لقطة واحدة من الجيم بلاي ..
احسه على الفاضي -__- ..

إلي عرفناه انهم رجال افريقيين رح يكونون الزومبيز !!
احسها رح تكون ارعب جزء الله يعين لووول ..

 

[Final Fantasy]

بس أبي أعلق على ايد كريس ... ما قدروا يخلونها أكبر لأن هالحجم مو ضخم بشكل كافي و غير واقعي ..

 

[JOE]

هذه الصور الملتقطة بشكل عادي جدا توضح انه جرافيكس اللعبة قريب جدا من الصور الهاي ديف هذه:

إذن اتوقع انه رزدنت إيفل 5 وكيل زون 2 من الألعاب القلائل الي قدروا يوصلوا لمستوى الرندر القديم بكل جدارة

 

[Khalid-S]

اوكي شباب توني شفت تريلر اللعبه الي عرضوه في مؤتمر سوني .. الله يهديك يا محمد وهمام .. طلع انه اكستندد من حق مايكروسوفت .... فيه لقطات جديده ..

لتحميل العرض HD حجمه 22 MB (لول)
http://video.the-horror.com/re5/tr/Resident Evil 5 - Trailer 3 HD.mp4

هذي صور منه .... رووووعه .. وضحت امور كثيره.

هذا يشبه الي تحولت عيونه ....

*

الي ورى كانه هندي ..

مرعب ... تصميم الغرفه من جد تحسه حقيقي ... في العرض هذا شكله خطير.

لا تعليق ... ما ادري ..

كأني شايف هنود هنا لول ..

*

عضلات يده اليسرى داخله في الجسم .. مشكله من مشاكل كابكوم الي دايما تواجهها .. بيضبطونها اكيد.
واضح انه مو CG ..

بعد ما مسكوه .. الظل رووعه

هههههه يخرب بيته المرعب ذا في كل مكان ... الله يعين.

ايضاَ شعار اللعبه
http://www.the-horror.com/imagedisp...com/re5/tr/Resident Evil 5 - Trailer 3 HD.jpg

 

[Humam]

هههههههههههههههه أحلى شي الهنود.. دوبي اشوف العرض المطول, آآآه بس..