الموضوع الرسمي Resident evil 0 HD Remaster .. ماالذي حدث عند جبال آركلاي؟! (تم تحديث الموضوع)

[KAIN]

اللعبة أحداثها قبل الريميك... فعادي تقدر.

بلعبها على اكس 360 هل في دوانجريد كبير عن نسخة بلاي 4 ام قابله للعبه

 

[Quarrel]

وين ألاقي ثيم البي إس ٤ للعبة ؟

 

[hussien-11]

خلك صريح معي... تفضل أن يكون فيه خيار أنك ترمي الأدوات و بنفس الوقت الصندوق موجود لك كخيار آخرمتاح لتخزين كل أغراضك فيه..... و لا الخيار الحالي الموجود و المفروض علينا مع ازالة الصندوق تماما؟

أفضل كل جزء بمزاياه وبالشكل الي اختاره المطور وبنى التجربة عليه
غياب الصندوق في الجزء هذا ما خلاني أضطر أسوي backtracking أكثر من أي جزء ثاني، بالعكس جزء زي كود فيرونيكا مثلاً، يضطرني أروح وأرجع في نفس المكان مليون مرة وأكثر بكثير من هذا.

 

[The Praiseworthy]

بلعبها على اكس 360 هل في دوانجريد كبير عن نسخة بلاي 4 ام قابله للعبه

الوضوح يختلف بشكل كبير... نسخة الجيل السابع وضوحها 720p أما الجيل الثامن 1080p.

غياب الصندوق في الجزء هذا ما خلاني أضطر أسوي backtracking أكثر من أي جزء ثاني، بالعكس جزء زي كود فيرونيكا مثلاً، يضطرني أروح وأرجع في نفس المكان مليون مرة وأكثر بكثير من هذا.

أنا عكسك تماما... غياب الصندوق في الزيرو هو الي خلاني أعمل Backtracking أكثر من أي جزء و هو الي أزعجني.

بعدين يا حسين شنو نرضى و نقتنع بالي حطه المصمم و بنى التجربة عليه ليش احنا ما عندنا رأي ما عندنا كلمة و لا تفضيل؟

المصمم ماهو معصوم و يقدر يتخذ قرارات خاطئة و غبيه و كلامي هذا بشكل عام مش عن لعبة زيرو.

 

[AMA1983]

وين ألاقي ثيم البي إس ٤ للعبة ؟

شي غريب اللحين دخلت الأستور اتأكد لك كيف تحمله مالقيته موجود مدري حذفوه والا اش صاير؟

 

[ASWD]

شباب اقدر العب العبه بدون ما اكون لاعب الريميك , انا وصلت مرحله متقدمه بالريمك لكن ما ختمتها و التخزينه انحذفت

عادي.ولو انه الأفضل تاخذ نسخة الفيزيكال وتبدا فيهم بالترتيب اللي يعجبك

 

[HeNNeSSy]

غياب الصندوق الصندوق ماسبب لي أي مشكله اتذكر ايفل وذين ماكنت فيها صناديق أهوه صج أن رزدنت ايفل زيرو فيها أدوات أكثر من ايفل وذين الموضوع كله يعتمد على طريقة لعبك واختيارك الصحيح للاداة اللي لازم تحملها معاك فيها تحدي ولاتنسى انك تلعب بشخصيتين يعني عندك خانات كثيرة المسألة كلها شلون انت تقدر تضبط أمورك في حمل الأشياء

 

[W.W.W]

متحمس جدا جدا جدا لهذا الجزء ونفسي اكمله بس مشغول شوي حبتين هاليومين

ومتحمس ادخل نقاش مع نقطة الاخ محمود , هل بوافقه ولا لا ^^

خصوصا اني داخل على التجربه وانا بكون حذر جدا بنوعية الادوات الي بحملها

 

[Hekari]

الشباب الي مضايقنهم سالفة ترك الاسلحة ، جتني فكرة بالبليثرو الجديد باخلي الاسلحة والذخيرة كلها لبيلي وقبل مادخل مكان فيه اسلحة بترك ريبيكا تبقى تنتظر وادخل بيلي لحاله واقتلهم عشان لاخليها تخسر رصاص ، وريبيكا العلاج كله لها ..
متاكد 99% برتاح مع هالطريقة
سؤال ، أحد يستعمل البنزين ؟ لاهو ولا المولوتوف اعتبرهم وجودهم كعدمهم (&)

 

[KAIN]

حاليا قاعد انزل حزمة
Resident Evil 0 Complete Costumes Pack
تحتوي جميع ازياء العبه

 

[fatal framer]

اكيد انتوا محملين اللعبة من الستور الاوروبي
لانه الامريكي مايخليك تحمل اللعبة الا اذا انتهى العداد

 

[Bill Cober]

بعدين يا حسين شنو نرضى و نقتنع بالي حطه المصمم و بنى التجربة عليه ليش احنا ما عندنا رأي ما عندنا كلمة و لا تفضيل؟

المصمم ماهو معصوم و يقدر يتخذ قرارات خاطئة و غبيه و كلامي هذا بشكل عام مش عن لعبة زيرو.

الأخ حسين يتحدث عن نفسه وعن رأيه الشخصي ولم يجبر أحدا على أن يقتنع باللعبة كما هي

 

[W.W.W]

عندي سؤالين

الحين لمن المرافق الي معاي ينضرب يتأثر طاقة الحياه تبعه ؟ وهل يموت برضو ؟

لمن المرافق يطلق بالمسدس هل الرصاص يخلص تبعه ؟

يعني نفس نظام الخامس ولا كيف ؟ >_>

 

[Bill Cober]

اكيد انتوا محملين اللعبة من الستور الاوروبي
لانه الامريكي مايخليك تحمل اللعبة الا اذا انتهى العداد

انا حسابي سعودي ‎‎

 

[Hekari]

احد لاحظ شي بهالجزء ؟ 99% من البوسيس هم من نوعية

محتوى مخفي: مو سبويلر بس احتياط

وحوش محقنين بالفايروس ، مافي زعماء بشر محقونين >_>
هي والنهاية الي تعتبر اسخف طريقة انهاء للفاينل بوس الي ازعجني بهالجزء .

 

[Hekari]

عندي سؤالين

الحين لمن المرافق الي معاي ينضرب يتأثر طاقة الحياه تبعه ؟ وهل يموت برضو ؟

لمن المرافق يطلق بالمسدس هل الرصاص يخلص تبعه ؟

يعني نفس نظام الخامس ولا كيف ؟ >_>

ايه نعم وادا كنت تاركنه بين الزحمة وخليته مضروب وانت دخلت الباب احياناً مايدخل معك لانه مازال ينضرب فيقلك Help! وانت تحتاج تساعده بسرعة قبل مايموت
ايه يخلص فلاتخلي ريبيكا معها رصاص واجد لانها ضعيفة بالاسلحة + بتطلق ذخيرة واجد وتخسرك رصاص ع الفاضي

 

[W.W.W]

ايه نعم وادا كنت تاركنه بين الزحمة وخليته مضروب وانت دخلت الباب احياناً مايدخل معك لانه مازال ينضرب فيقلك Help! وانت تحتاج تساعده بسرعة قبل مايموت
ايه يخلص فلاتخلي ريبيكا معها رصاص واجد لانها ضعيفة بالاسلحة + بتطلق ذخيرة واجد وتخسرك رصاص ع الفاضي

اوكي الحين عرفت ليش الرصاص حاطينه بكثره في هذا الجزء ^^

شكلي بترك الشخصه المرافقه بدون رصاص >_>
الا اذا كان عندي رصاص زايد ويملأ الحقيبه عندي بدون فائده

 

[ABUALI]

اوكي الحين عرفت ليش الرصاص حاطينه بكثره في هذا الجزء ^^

شكلي بترك الشخصه المرافقه بدون رصاص >_>
الا اذا كان عندي رصاص زايد ويملأ الحقيبه عندي بدون فائده

Drop... لاتشيل شي زياده عن اللي تحتاجه

 

[W.W.W]

Drop... لاتشيل شي زياده عن اللي تحتاجه

غلطان , لازم اشيل واشيل , والي ما احتاجه ارميه اقرب طريق , اما اني اترك اشياء كثيره خلفي في مناطق قديمه , بكون اكبر غلط >_>

 

[hussien-11]

بعدين يا حسين شنو نرضى و نقتنع بالي حطه المصمم و بنى التجربة عليه ليش احنا ما عندنا رأي ما عندنا كلمة و لا تفضيل؟

المصمم ماهو معصوم و يقدر يتخذ قرارات خاطئة و غبيه و كلامي هذا بشكل عام مش عن لعبة زيرو.

بالتأكيد، قلت أفضّل (يعني أنا أفضّل) رداً على السؤال الي انت طرحته فقط P:
هم أرادوا يصنعوا التجربة بهذه الطريقة ووزنوها على هذا الأساس. هل توفقوا أم لا... انت مو عاجبك النظام وتشوف أن الجواب لا، أنا بكل أمانة وصراحة ما واجهت معاه أي مشكلة، بالعكس خلاني أفكر دايماً ايش أحمل معي و ايش أخلي وايش أحسن طريقة أنظم فيها أغراضي

 

[LaLa]

شرير ذا الجزء يذكرني بروفيك كلهم هدفهم الانتقام وملابسهم متشابهه يحبون يطلعون على شاشات المراقبه و يخلون حياتك اصعب =( (سار تحليل شخصيه XD )

بديت اليوم فيها جدا جميله شكلا وصوتا تمنيت لو انها اول تجربه لاني احس اني اعرفها زياده عن اللزوم T-T
بس سايره صعبه ماادري شكلي كنت العبها ايزي او مهاراتي تصدت (العبها حاليا على normal ) توني مت ثلاث مرات , ريبيكا الحين عرفت ليش يكررون اسم روكي ماتطلق الرصاص زين وهدفها في الحياه تموت بسرعه =@ كنت ماشيه صح لين مت وماسجلت بسبب تافه الرصاص قليل حاليا لاني كنت كريمه على الفاضي=،/

سؤال ، أحد يستعمل البنزين ؟ لاهو ولا المولوتوف اعتبرهم وجودهم كعدمهم (&)

الا اليوم تجرأت وجربت المولوتوف كوكتيل مع بيري( خليت ريبيكا برا )على المخلوق الي يطلع رميتها عليه 3 مرات ومات ولاانفجر ولانزل منه شيء قتلت 2 منهم وصحتي ممتازه

اكيد انتوا محملين اللعبة من الستور الاوروبي
لانه الامريكي مايخليك تحمل اللعبة الا اذا انتهى العداد

لا انا حسابي امريكي بدا التنزيل المسبق من 17 يناير من صفحه اللعبه اخترت set auto download وحملت تلقائيا

 

[Scrow`]

شباب . في فرق بين مستوى الهارد و النورمال ؟ اذا لعبت هارد ، هل سيأثر على الاستمتاع بالقصة و الاجواء ؟

 

[hussien-11]

شباب . في فرق بين مستوى الهارد و النورمال ؟ اذا لعبت هارد ، هل سيأثر على الاستمتاع بالقصة و الاجواء ؟

لا تلعبها هارد من أول بلاي ثرو، اللعبة صعبة من ناحية الوحوش وأحد أصعب الأجزاء الكلاسيكية من هالناحية إن ما كانت أصعبهم
النورمال متوازن أكثر، بعدها تقدر تعيدها بصعوبة أعلى لو حبيت، عالأقل بتكون عارف ايش تسوي.

 

[LegendaryK]

شباب اقدر العب العبه بدون ما اكون لاعب الريميك , انا وصلت مرحله متقدمه بالريمك لكن ما ختمتها و التخزينه انحذفت

تقدر بس يفضل انك تلعب الريميك اول لان هذي احداثها قبل وراح تسوي لك سبويلر جامد في قصة الاول

 

[Hekari]

شباب . في فرق بين مستوى الهارد و النورمال ؟ اذا لعبت هارد ، هل سيأثر على الاستمتاع بالقصة و الاجواء ؟

مثل ماقال حسين ، الهارد خليه لما تحصل روكيت لانشر .. أنا ناوي أجيب ال S رانك من اول تختيمة هالجزء اكثر شي مطلوب ثلاث ساعات ونصف عشان تجيبها .

الا ماحد نزل مراجعات اللعبة ولا حط فيديو مقارنة ديجتل فاندري ؟ الظاهر بنزلهم بموضوع مستقل

 

[Solay]

شباب . في فرق بين مستوى الهارد و النورمال ؟ اذا لعبت هارد ، هل سيأثر على الاستمتاع بالقصة و الاجواء ؟

ماانصحك،أنا جالس العبها عالنورمال(جوابا على سؤالك بالصفحه السابقه) واللعبه صعبة،توزيع الأعداء فيها والتعامل مع الهيلث الأصعب بالسلسلة بالراحه. فأعتقد أن الهارد بيكون أفضل للي يبي يتحدى نفسه بعد ماينهي اللعبة،أما اذا اول مرة فأنت بتخرب عليك كل المتعه.

 

[Solay]

اللي جالس يلعب اللعبه الحين يفضل أنه يتعود يستخدم السكين ببيلي،اللعبه أمتع وأكثر تخطيطا لو استخدمت السكين مع الزومبيز وأسهل لو ضبطت التوقيت.

 

[fatal framer]

ويكيا لرزدنت ايفل
http://residentevil.wikia.com/wiki/Resident_Evil_Wiki
اللي حاب يتعمق بالمعلومات وحريص انه يقرا الملفات اللي في اللعبة بيستفيد منه
النسخة الانجليزية فيها بعض الاخطاء في الملفات

 

[LegendaryK]

في استراتيجية حلوة كنت اسويها من ايام الكيوب

بما ان ريبيكا اضعف من بيلي ومسدسها ايضا اضعف من مسدس بيلي
اول ما ابدأ اللعبة ابدل بين مسدساتهم عشان اسوي موازنة اكثر
انصح الكل يجرب هالطريقة ممتازة جدا

وبصراحة ماشوف اي مشكلة في الاستغناء عن الصندوق بهالجزء واستبداله بدروب ايتم
بالعكس صار لهالجزء هويته الخاصة وتقدر تخطط شنو تحمل وشنو تنقل وشنو تترك

 

[Scrow`]

النورمال افضل اذا . اصلا توترت فيه بعض الشيء !!
شكرا لكم