الموضوع الرسمي Rage ( عودة المبرمج الأسطوري جون كارماك )

[Some1LoveNin]

لااااااااااااااااااااااااااااااااااااا يبوني اروح لـ Dead city مره ثانية :sadwalk:

 

[Painkiller Q8]

بين كلير أحبطني يا رجل , مستانس جداً على اللعبة لكن لو راح تقلب تكرار في اغلب المهمات الفرعية راح امل . حسين من الآن متشوق اسمع أنطباعك الكامل عن اللعبة , حاسك استلمت اللعبة قبل ما تلعبها بزيادة :xd: .

لاتتحبط .. ان شاءالله تتعدل اللعبه على حسب كلام ربعي الي متقدمين فيها عني ... انطباعاتهم عن الديد سيتي ومابعدها تبشر بخير , بس قبل الديد سيتي "ملل" :\

متأمل خير من باقي اللعبه

 

[Zero]

ما جربت اللعبة ولكن ما أخشاه هو أن تكون اللعبة كالتالي: قوية تقنيا لكن طويلة مملة رتيبة.

 

[Some1LoveNin]

ا

محتوى مخفي: Dead city vol.2

لحمدلله الأعداء الرئيسيين هالمرة كانوا الأثوروتي مو الـmutants لووول ، اول مره استانس لما اشوف الاثوروتي

 

[hussien-11]

انا ما افكر اني اعلق على رد منك , بس جاي اقول كل فتره تتحفنا بكم رد لك تغير مسار الموضوع وتخربه .

ما في فايدة ، ما رح تتغير
ignore list .

 

[Super Shadow]

حسين متى غير مسار الموضوع؟؟ من الي لاحظته لحد الحين الي ما عجبهم وجهة نظر حسين هم الي دشوا بنقاشات ثانية :laugh::

حسين قال رأيه بناءا على الي شافه من اللعبة لحد الحين ، طبيعي لما الواحد يشوف الفيديوهات و يسمع انطباعات عن اللعبة يقول رأيه و انطباعات مبدئية عنها ألين ما يجربها

اذا الواحد ما عجبه رأي الشخص الثاني خلاص اعتبر نفسك ما قريته و ريح راسك ، أنت ما راح تخسر أي شي اذا هو ذمها :tongue:

لاااااااااااااازم بالغصب ممنوع عليه الكلام ألين ما يشتريها و يجربها يعني ؟؟؟؟

عموما عن نفسي بعد ما شفت الفيديوهات و الانطباعات ما تحمست لها للأسف

 

[Al Pacino]

جيم سبوت عطى نسخة البي سي 7!! لهالدرجة فيها مشاكل !

 

[FALCON-WARS]

^^

مو معقوله !!؟

النسخه المفروض تكون الافضل تقنيا !!!!

 

[TH3 PHENOMENA]

النسخة الاوربيه وصلت بالرياض للي منتظرها .

 

[Saudi pro]

عموما عن نفسي بعد ما شفت الفيديوهات و الانطباعات ما تحمست لها للأسف

نفس الشي هنا .. كنت ناوي اشتريها بس بعد التقاييم و الانطباعات غيرت رايي .

 

[m5050]

جيم سبوت عطى نسخة البي سي 7!! لهالدرجة فيها مشاكل !

تهئ تهئ
وانا معطيها واحد هدية كنت متوقع انها هدية خرافيه مني لكن عقب هالتقييم مدري وش اقول :crying:

 

[Al Pacino]

جربتها شوي .. الى الان اللعبة رهيبه بس بعد لعب كم ساعة بأعطي رأيي المبدئي بس قبل كل شي .. الي عندهم اللعبة عالأكس بوكس هل عندكم مشاكل بالتيكستشرز؟ نسخة البلاي فيها مشكلة قريبه من هذي http://www.youtube.com/watch?v=I1k_Dv46bBw&feature=player_embedded بس طبعا اخف بكثير لكنها واضحة جدا ومسببه سوء بالمظهر .. غير كذا الانتي الايزينج باللعبة ضعيف وحواف الاشياء طالع شنيع .. لكن اللعبة في الاماكن الضيقة والمحدودة طالعه بكامل زينتها وروعتها الرسومية والـ60 فريم منعّم اللعبة بشكل لايوصف.

 

[N2N2]

^

لا ما شفت اي مشكله من هذا النوع

 

[Nyx]

اليوم جربتها على خفيف , مبدئيا الجيم بلاي سلس وممتع وله بتنشل كبير بس فيها أشياء عليها تسائلات , أفضل إني ألعبها أكثر وآخذ إنطباع كامل.
تقنيا مبهره والفريم ريت ناعم والستين مسوي شغله , لكن مشكلة التكستشرز كانت مزعجه جدا , لازم أصحاب الإكس بوكس يثبتون اللعبه وعشان كذا راح أخليها لين أخذلي هاردسك
بالنسبة لتقيمات مواقع الدعايات شكل بيثسدا ما دهنت سيرهم.

ما في أي شبه منهم

التوجه بالليفل ديزاين والجيم بلاي وحتى الأعداء متشابه جدا , أشوف إنهم متشابهين ويقدمون تجربه متقاربة وإنهم أبعد مايكونو عن جملة "مافي أي شبه بينهم"
سوبر شادو تعليقي على رد حسين إللي ماكان له علاقة باللعبه والموضوع تسكر وماله داعي نفتحه.

 

[قناص]

^

وش مشكلة التكتشرز ؟ تكتشر بوب أب ؟

الإنطباعات تذكرني بالإنطباعات عن دوم 3 .. بكل حال أنا شاريها على الإكس بوكس حتى لو كانت التقيمات أقل من المتوقع

و الظاهر أن كارماك ما تعلم من أخطائه أبداً .. لكن متأكد أن في شيء ما راح يميز اللعبة غير الجانب التقني :whistle:

 

[Nyx]

وش مشكلة التكتشرز ؟ تكتشر بوب أب ؟

يب , اللعبه ماكانت مثبته على الجهاز.

 

[FALCON-WARS]

جربتها شوي .. الى الان اللعبة رهيبه بس بعد لعب كم ساعة بأعطي رأيي المبدئي بس قبل كل شي .. الي عندهم اللعبة عالأكس بوكس هل عندكم مشاكل بالتيكستشرز؟ نسخة البلاي فيها مشكلة قريبه من هذي http://www.youtube.com/watch?v=I1k_Dv46bBw&feature=player_embedded بس طبعا اخف بكثير لكنها واضحة جدا ومسببه سوء بالمظهر .. غير كذا الانتي الايزينج باللعبة ضعيف وحواف الاشياء طالع شنيع .. لكن اللعبة في الاماكن الضيقة والمحدودة طالعه بكامل زينتها وروعتها الرسومية والـ60 فريم منعّم اللعبة بشكل لايوصف.

اكيد نسخه حاسب كنت اواجه المشكلة هذي في بعض الاماكن بفال اوت 3

ثانيا الاخ عنده تباطى رهيب في العبه يعني جهازه مو قادر يشغلها بالشكل المطلوب فهذا ايضا ممك نيكون سبب رئيسي بالمشكلة هذي:yuck:: ,,والله اعلم

 

[MoShaKiS]

جيم سبوت عطى نسخة البي سي 7!! لهالدرجة فيها مشاكل !

الى درجة انها تشكك بجهازك :

داون بالفريمات , والتكستشر سيئ ومايثبت مكانه .. وحتى لة جيت تنزل الكوالتي مافييه خيار :surprised:

الله يصبرنا بس على هالبورتات ..

 

[Sir Guts]

اليوم حطيت يدي عليها و كنت باخذها لكن ترددت و طلعت من المحل:sadwalk:

ها شباب وش تنصحوني فيه؟

 

[FARES_]

ها شباب وش تنصحوني فيه؟

الأراء ماهي ثابته... فأحتمال تعجبك او تكرهها .. عن نفسي كنسلتها شريت دارك سولز امس بدالها ^^"

 

[N2N2]

خلصت اللعبه اليوم بعد 12 ساعة لعب

كان اعطيها 9 لولا المهمه الاخيره الي ما عجبت اي احد

الي ما يهتم بالقصه كثير اللعبه راح تعجبه اكيد

 

[Sir Guts]

الأراء ماهي ثابته... فأحتمال تعجبك او تكرهها .. عن نفسي كنسلتها شريت دارك سولز امس بدالها ^^"

شكلي بسوّي نفس الشي و بسحب عليها مع اني كنت متحمس لها

لكن قاعد اسمع كلام ابدا ماعجبني و اوله ان القصة اي كلام

خلصت اللعبه اليوم بعد 12 ساعة لعب

كان اعطيها 9 لولا المهمه الاخيره الي ما عجبت اي احد

الي ما يهتم بالقصه كثير اللعبه راح تعجبه اكيد

القصة عنصر مهم جدا عندي

 

[يمكازي]

نظام الـEngineering في اللعبة رائع , تجميع الخردة في المهمات صار من الأولويات عندي في كل مهمة , شباب لو تبغي تطور الهندسة لابد تشتري مخطط عشان تبدا تصنع اشياء جديدة , تحصل المخطط عند البياع الأسيوي .

 

[Some1LoveNin]

نظام الـEngineering في اللعبة رائع , تجميع الخردة في المهمات صار من الأولويات عندي في كل مهمة , شباب لو تبغي تطور الهندسة لابد تشتري مخطط عشان تبدا تصنع اشياء جديدة , تحصل المخطط عند البياع الأسيوي .

انا للأسف ساحب على الهندسة ، كل الخردة الي اجمعها ابيعها واشتري ذخيرة

 

[يمكازي]

انا للأسف ساحب على الهندسة ، كل الخردة الي اجمعها ابيعها واشتري ذخيرة

لا يا رجل وقف عندك ! راح تحصل اسحلة اقوى من الهندسة , رشاش ثابت , رشاش متحرك على شكل عنكبوت , سيارة صغيرة متفجرة " لول ما أذكر الاسماء الأجنبية " , تصنع ذخيرة بنفسك و حالياً حصلت مخطط رصاص الشوت جن و البستل الأول , أعتقد في المزيد , اهتم للهندسة .

 

[Painkiller Q8]

^
الأسلحه هذي عليهم Achievements
1 - السياره:-
Kill 3 enemies with one bomb car ... أسهل طريقه .. اركض واول ماتوصل بينهم طلع السياره وفجرها وراح تموت معاهم , بس يطلع الاشيفمنت :rockon:
شغل انتحاري .... لان اذا حاولت ترسلها لهم راح يفجرونها قبل توصل بكل سهوله

2 - السنتري جان:-
في الديد ستي في الساحه حطلك واحد وخله يذبحهم .. والي يقرب عليه استخدم الشوت جان ودافه عنه لين يقتل 5 ويطلع الاشيفمنت

3 - العنكبوت:-
سهل مجرد انه يقتل 3 وخلاص !

اللعبه بدأت تتعدل ^^

 

[يمكازي]

للي ختم اللعبة , هل راح اروم اسوي المهمات الفرعية و الميني جيمز بعد ما تنتهي اللعبة ؟

 

[N2N2]

^
لا

اروم = ؟

 

[يمكازي]

^
لا

اروم = ؟

أما -_- , يعني لازم أخلص كل شيء في ووك ثرو واحد .

أروم = أستطيع / أقدر , كلمة أماراتية , البحرين و الكويت ايضاً يستخدمونها .

 

[N2N2]

على بالي غلط مبعي اول مره تمر علي

بس تقدر قبل اخر مهمه ترجع لاي مكان في اللعبه

في اول اللعبه فيه ايستر ايق و كنز ما تقدر ترجع له اذا خلصت المهمه