الموضوع الرسمي PS Vita: العاااااالم لعبتك !!

[Dark Master]

^
هممم ماأظن 4 جيجا تكفي بأي شكل من الأشكال
انت تتكلم هنا عن DLC و تثبيت للألعاب والعاب من الستور وبرامج وحاجات كثير
عالأقل يبغالك 8 اذا ماكان 16 اصلاً

 

[NCC-1701]

^
نسيت الـDLC, لكن تثبيت الألعاب؟ ماسمعت عنها للحين واذا فيه فلازم 8 جيجا أو اعلى...
هو الـ 4 و 8 جيجا أشوف أسعارها مناسبه أما الـ16 و الـ32 تعتبر "غالية"

 

[Dark Master]

^
المشكلة احنا لما نتكلم على ميموري على طول ييجي ببالنا الـ SD
ماني بالع شغلة الحماية الزايدة وانه اسرع والكلام الفاضي هذا
الموضوع تجاري بحت وماأظن انهم حيتوفقوا من هذه الناحية

 

[Raziel]

^
ليش منت مقتنع بسالفة أنه أسرع، صحيح ماعندنا أرقام ولا ندري هل سرعتها تعادل SDHC أم أنها قريبة من SD؟ لكن سوني معروفه تاريخياً تستخدم حلول عصريّه في كل جيل:

• PS1 كان يستخدم CD
• PS2 استخدموا DVD
• PS3 اختارو Bluray
• PSP حطو فيه MS Pro Duo

عموماً الإشكالية ماهي بالسرعة، مع إن منطقياً الـMS أسرع من UMD وتوفر بطارية أكثر. المشكلة إن تجيك لعبة زي UMvC3 وتطلب منك تنزيل إجباري 4.4 جيجابايت على الميموري :laugh:: علشان حضرتها تشتغل على الفيتا.

لذلك اللي ناوي على الفيتا وعنده ألعاب كثيرة بباله + ناوي يستفيد من مكتبة العاب ps1 اللي عنده، يشتري من البداية ميموري 32 جيجا مع الجهاز، صحيح بيكلفك فوق سعر الجهاز 400 ريال إضافية لكن بترتاح من وجع الرأس بدري.

 

[Dark Light]

^
الألعاب على كارتردج؛ ما تحتاج تنصيب. تنصيب اللعبة هذا يصير لو الجهاز فيه عدسة تقرأ أقراص ومن هالكلام.
ممري 16غب أشوفه مناسب وسعره ممتاز، مب لازم نتجه لأعلى خيار ممكن حتى لو كان فوق طاقتنا لمجرد "اعتقاد" بأنه هو الأنسب. أحجام التحديثات والـDLCs غير معروف ولا أظن أنه بيقارب أحجام الكونسول لأن في النهاية حنا نتكلم عن جهاز محمول نطاقه أقل ومقدرته أضعف. يمديك تمشي وضعك مع الـ16غب إلى أن تنخفض أسعار الذواكر، بعدها بتكون شفت طريقة استخدامك للجهاز وهل فعلاً بتحتاج مساحة بهالحجم؟
وعلى افتراض أنك بتشتري كل ألعابك من البسن، هل أنت بتشتري درزن ألعاب دفعة واحدة؟ غير أن لما تخلص لعبة يمديك تحفظها على هاردسك الكمبيوتر وتلعب غيرها. الحكاية بهذه البساطة.

ماني بالع شغلة الحماية الزايدة وانه اسرع والكلام الفاضي هذا

أنا مجرب ممري تقليد وممري من ساندسك وومري سوني الأصلي مع البسب، صدقني في فرق مهول في الأداء والسرعة. الجهاز "يهنق" حرفيا لما تفتح قائمة الفيديو، فما بالك بتشغيل الألعاب؟!


تعديل: تذكرت شغلة مهمة، صحيح سعر الـ32غب غالي لكن لو شريت الألعاب من البسن فتوفر كثير غلى المدى البعيد؛ وهذا على افتراض أن ألعاب الستور أرخص. فكر بها بهذه الطريقة: ادفع سعر مرتفع نسبياً الآن، خلال سنة بتعوض فرق السعر وبتبدأ توفر.

 

[Raziel]

الألعاب على كارتردج؛ ما تحتاج تنصيب. تنصيب اللعبة هذا يصير لو الجهاز فيه عدسة تقرأ أقراص ومن هالكلام.

منطقياً أنا معك، لكن هذا وش ممكن نسميه؟

4 جيجا تشفطها عليك UMvc3

تعديل: تذكرت شغلة مهمة، صحيح سعر الـ32غب غالي لكن لو شريت الألعاب من البسن فتوفر كثير غلى المدى البعيد؛ وهذا على افتراض أن ألعاب الستور أرخص. فكر بها بهذه الطريقة: ادفع سعر مرتفع نسبياً الآن، خلال سنة بتعوض فرق السعر وبتبدأ توفر.

وهذه الفكرة، بما أن سعر اللعبة ينخفض لو أخذتها ديجيتال فأنت على المدى البعيد راح توفر إذا صارت ألعابك كلها من البسن.
أسعار الريتيل متوقع تباع بـ 40 دولار و الديجيتال بـ30$ أو أقل بشويات ..

 

[Dark Light]

مكتوب Memory Required، مب تحتاج المساحة الفلانية. ممكن قصدهم -وهذا الغالب- أن اللعبة تتطلب ممري للتخزين، وبما أن أدنى حجم متوافر بالسوق هو 4غب فوضعوه. ولو افترضنا أن هذا هو الي الصاير فعلاً، ففيه نوع من البلاهة نوعاً ما من كابكوم؛ لأن كذا يحصل سوء الفهم هذا، هل هذي المساحة الي تحتاجها اللعبة، أو مجرد أن اللعبة تحتاج ممري للتخزين..

تعديل: أعتذر لكابكوم، البلاهة منّي أنا :laugh::
العتب على النظر :

 

[AL3TTR-M]

منطقياً أنا معك، لكن هذا وش ممكن نسميه؟

4 جيجا تشفطها عليك UMvc3




وهذه الفكرة، بما أن سعر اللعبة ينخفض لو أخذتها ديجيتال فأنت على المدى البعيد راح توفر إذا صارت ألعابك كلها من البسن.
أسعار الريتيل متوقع تباع بـ 40 دولار و الديجيتال بـ30$ أو أقل بشويات ..

مب 4 ميقا ؟
4000 كيلوبايت :confuse:

 

[Dark Light]

^
خخخ توي انتبهت لها :laugh::

 

[FALCON-WARS]

^^
مافيه غير الشاطر هذا انتبه,,تراها 4 ميجا بايت وهي حجم التخزينه على الجهاز

 

[alakafi]

^
هممم ماأظن 4 جيجا تكفي بأي شكل من الأشكال
انت تتكلم هنا عن DLC و تثبيت للألعاب والعاب من الستور وبرامج وحاجات كثير
عالأقل يبغالك 8 اذا ماكان 16 اصلاً

انت قلتها بنفسك مش ضروري تدفع 375 ريال اصلا 32 جيجا غير متوفر عنا حيكون

200 ريال 16 جيجا ..مايحتاج هالضجة الهائلة ..خصوصا انك راح توفر راحة راسك من البياعين والألعاب الممنوعة ..الخ ( تقدر تختار الألعاب الي بتلعبها وتحطها والباقي تنقله للبي اس 3 او شي زي كدا ومتى حابب تلعبها تجيبها مرة تانية )
40 دولار = 150 تقريبا ,, غير اذا كان في خصومات زي اليابان لألعاب الدوانلود ..راح توفر مبلغ ممتاز وراحة

 

[FALCON-WARS]

طيب شباب حطوا بالكم انه بطاقات الستورز مو بالسعر المكتوب عليها خصوصا الياباني

 

[Def-yusuf]

طيب شباب حطوا بالكم انه بطاقات الستورز مو بالسعر المكتوب عليها خصوصا الياباني

الحمدلله بطاقات الستور السعودي50$ تنباع بـ182 ريال بالكثير 190

 

[FALCON-WARS]

^^

هم هذا السعر بالتمام مع الدولار ,,عندنا اتوقع اغلى

 

[I-NERO-I]

^^

هم هذا السعر بالتمام مع الدولار ,,عندنا اتوقع اغلى

نوب هذا سعرها عندنا على الاقل في السعودية .

ال50$ ب 180 ريال و ال20$ ب 75 ريال .

 

[FALCON-WARS]

^^^

عندنا=البحرين

 

[mhd-sama]

صراحة الجهاز جيد جداً بس باستنى لشوف آراء الناس عنه

 

[Nanaki]

توني شيكت على الستور الأسيوي
Hot Shots Golf فيها نظام الـ online pass
ما توقعت يستخدمون هذا النظام في جهاز محمول :tongue:

 

[خالد العجمي xXx]

كله شهرين بس ويكون عندي ان شالله

 

[NCC-1701]

وين مراجعة أنشارتد يا ترو جيمنج؟

 

[FALCON-WARS]

^^
نزلت صارلها اكثر من اسبوع

Hot Shots Golf فيها نظام الـ online pass

قصدك باسوورد عشان ينفتح لك الاونلاين؟

 

[NCC-1701]

وين؟ فيه إنطباعات أولية لكن مافيه مراجعة للحين.

 

[Nanaki]

قصدك باسوورد عشان ينفتح لك الاونلاين؟

اي نفس مورتل كومبات مع كم لعبه ثانيه في الـps3
لو تبي تلعب فيها اون لاين , لازم يكون عندك الـOnline Pass وهو الى يكون مع كتيب العبه العاده

للأسف الى يشتري العاب من الستور ما راح يجي معاه الـOnline Pass , لازم يشتريه بـ 10 دولار &&"
http://www.thesixthaxis.com/2011/12/29/digital-download-of-everybodys-golf-6-comes-with-online-pass/

 

[FALCON-WARS]

^^

اما ,,Poker face
لو على كذا صار سعر العبه في الستور مثل الي تنباع في المحلات

 

[Def-yusuf]

اي نفس مورتل كومبات مع كم لعبه ثانيه في الـps3
لو تبي تلعب فيها اون لاين , لازم يكون عندك الـOnline Pass وهو الى يكون مع كتيب العبه العاده

للأسف الى يشتري العاب من الستور ما راح يجي معاه الـOnline Pass , لازم يشتريه بـ 10 دولار &&"
http://www.thesixthaxis.com/2011/12/29/digital-download-of-everybodys-golf-6-comes-with-online-pass/

الله يخليك اقرأ الخبر بالكامل :

This, though, isn’t true – Everybody’s Golf 6, when bought from the PSN Store (at a discounted rate) actually includes the online pass functionality

 

[hemo memo]

^
لا ماتوقع تأكدو من المعلومه، اللي اعرفه ان حتى لو شريتها من الستور يجي معها الاونلاين باس.

 

[SCREAMING_RAGE]

جربت اليوم الفيتا لأول مره
محلات الالعاب الكبيره في بريطانيا (( GAME , Gamestation )) حاطينه للتجربة ........ الشباب المبتعثين, لا تفوتكم تجربة الجهاز اذا ما زلتم مترددين عليه
أول انطباع ............ وااااااو الجهاز كبير جداً كـ handheld ............. يعني بالرااااااااااااحه تقدر تقول انه خليط ما بين التابلت و الـ PSP .................. الشاشه مغريه جداً و كبيره, يعني عيونك ما بتتعب من كثر ما تركز فيها !
عصاتي الانالوج هم اللي كانوا مخوفيني اكثر شئ على الكونسل............ لكن الحين ارتحت شوي, لأن التحكم فيهم جداً سلسل ومناسبتين للأبهامين (( يعني العاب الشوترز بتكون على الفيتا مجنووووووووووونه !! )), و أقدر أأكد ان تحريكهم لن يعيق نظرتك للشاشه او ضغطك لأزرار اخرى !!
يمكن الشئ الوحيد السلبي اللي اكتشفته هو ازرار الـ (( مثلث, مربع, اكس, دائره )) .............. الازرار صغيريين زياده عن اللزوم !!! و الله يعين اللي اصابعهم سميكه, لأنه في احتمال كبير انهم يضغطون زرين بدال زر واحد .
الكاميرتين موب الشئ الخرافي........... لكنهم بيأدوا الواجب............. وخاصةً مع التويتر !
وكما توقعت, السوفيت ويير الموجود على الجهاز احباط جداً.............. أتفهم تصميمه (( علشان اللمس ))....... لكني ما زلت مصر على الـ XMB .... يمكن مع الوقت بأتعود عليه .


الجهاز اللي جربته كان نسخة wifi اوروبيه (( خليت العامل يورييني كرتونة الجهاز !! و التقييم كان +3 أوروبي ))........... وكان في داخله انشارتد, لكن للأسف الوقت ما اسعفني لتجربة اللعبه !!

لكن overall و كهاردويير................ الكونسل كوالتي عاااااااااااااااااااااااااااااااااااااالي جداً !

بأذن واحد احد............... الجهاز Day 1 .................... بأحاول أقلل من مصاريفي هذا الشهر علشان اشتريه

 

[SCREAMING_RAGE]

ما اتوقع في ناس كثار بيطلبوا الجهاز من الخارج.................. لكن للمهتمين....

أمازون uk عامل باندل رهيب جداً .....
اشتري الجهاز (( سواءاً باندل الـ 3g أو الـ wifi )) و بتحصل على كرت ذاكره 8 جيجا مجاناً, وخصم 15 باوند من اي لعبه تختارها !!

بالنسبة لي, فقد طلبت الباندل هذا من شوب تو......
الفيتا wifi + فيفا 12 + Pre Order Starter Pack بـ = 251.86
ناوي ازيد عليهم فقط كرت ذاكره ابو 16 جيجا + انشارتد + ننجا قايدن, وبيكون عندي احلى باندل

 

[Tomb raider]

فقط للتنبيه، في دبي مسوين عرض ايضا وانا طلبته:
1400 درهم مع انتشارتد + 4 جيجا ميموري +الجهاز نسخة الWifi + سماعات
1800 درهم مع انتشارتد + 8 جيجا ميموري +الجهاز نسخة ال3G + سماعات

هذا العرض فقط للطلب المسبق.

 

[NCC-1701]

^
عرض الـ3G رهيب, أتمنى عندنا يسوون مثل هالعروض..