PGR4 - أدخل ومتع ناظريك (56K لا)

[CyberMaster]

* انصح اي واحد يفتح الموضوع يروح يجيب له كوب شاهي لين ماتتحمل الصور
انا الصراحه نسختي مابد وصلتني لأني ماكنت مستعجل على اللعبه ولا مهتم وقتها (بسبب كثرت الألعاب) فطلبتها من play-asia وبالبريد العادي
لكن بعد ماشفت موضوع الصور الى في جاف انصعقت ماكنت متوقع جرافيك اللعبه كذا شي خيال من كل النواحي الموديلز البيئه المحيطه الظلال كل شي رهيب ( طبعاً الفوتو مود يضيف زيادة AA على الصور لكن كل الي جربو اللعبه يأكدون ان الصور هذي نفس جرافيك اللعبه ريل تايم الفرق فقط بعظ الـjaggies )
اترك الصور تتحدث

No postprocessing involved, i didn't even play with the settings, everything you see here looks exactly the same when rendered in realtime, minus AA obviously. A-friggin-mazing.

:cryy:
الي يبي زياده موضوع من 10 صفحات هنا
http://www.neogaf.com/forum/showthread.php?t=196143

الي عندهم اللعبه يالله ورونا شطارتكم ( من هالموقع تنزل صورك http://pgrnations.com)

 

[Colorization]

كنت بسوي موضوع رسمي لها (مع إني الوحيد اللي عنده اللعبة) لكن تعيجزت. اللعبة عندي من الأسبوع الماضي، حالياً هي أفضل لعبة سيارات موجودة عالجهاز، وأنصح أي شخص عنده الجهاز ياخذها، اللعبة AAA وتستاهل تدش بزحمة الألعاب بالراحة.

• جرافكس خيالي، من أفضل 5 ألعاب رسومياً عالجهاز (الصور اللي بالموضوع بالضبط مثل الجيم بلاي، ما عدا الjaggies الخفيفة راح تلاحظها وإنت تلعب)
• نظام drifting ممتاز وسلس، أحسن من فورزا (بسبب واقعيتها كرهتها) وباقي ألعاب الآركيد
• أفضل ساوندتراك لعبة سيارات بالتاريخ، مافيها نقاش. موزارت، بيتهوفن، مندلسن، Grieg (ما كنت أعرفه، لكن اي شخص يسمع المقطوعة راح يتعرف عليها حالا)، ليسزت، ريمسكي كورزاكوف، واجنر، وكم ملحن أسطوري آخر، بالإضافة إلى مجموعة أغاني كبييييييييييرة وأغلبها ممتاز. الأسامي اللي ذكرتها ممكن البعض ما راح يتعرف عليها، لكني واثق إنه أي مقطوعة لهم راح تتعرف عليها وبسرعة
• جيم بلاي إدماني. قبل أمس لعبتها 4 ساعات شخطة وحدة، فيها كثير أشياء بتخليك تلعب وتلعب..... وتلعب!
• الphoto mode رهيب، هذا شي لازم يتوفر بألعاب السيارات طبعا والمفروض كل الألعاب تحتوي على واحد جبار. يعطيك خيارات كثيرة للتصوير، أحياناً ألعب بعض الtracks بس عشان أتفنن بالتصوير
• تحتوي على احد افضل العاب الآركيد، مجانا. Geometry Wars Waves موجودة بالجراج (اي garage تدشه)، ما تعتبر جزء جديد كلي لكنه upgrade رهيب عن النسخة المتوفرة حالياً عالآركيد، وفيها مستويين صعوبة، الأول للنوبز والثاني للناس المدمنة على اللعبة. آنا.... نووب p:

وكثير أشياء ثانية. اللعبة must بالراحة حتى للي ما يحب السيارات. انا ما افهم شي بالسيارات على فكرة.

 

[BioMario]

وااااو الجرافكس واقعي جداً ينافس فورزا او يفوقة حتى

 

[Colorization]

هذي كم صورة صورتها قبل أمس تقريباً:

ما اعرف ليش صوري compressed بطريقة بايخة. الصور اللي بGAF تحسها crystal quality

 

[CyberMaster]

تسلم كولو على الاظافه
اما بالنسبه للضغط في صورك اممم مدري صراحه ممكن يكون من البرنامج الى تصغر به الصور جرب الفوتو شوب (اذا كنت مستخدم غيره) وخلها 800 * 450 احلا
والصوره الأخيره حلوه

 

[TOM]

هذي أروع لعبة سيارات لعبتها من فتره وهيا فعلا AAA
الصور مأخوذه بطريقة رهيبة كأنها رسمية من مطور اللعبة لول

 

[Colorization]

صح، التصغير يخلي الصور أنقى وأصفى. لو الcapture tool تخليك تاخذ صور بكواليتي الجيم بلاي بيكون فلة، لكن للأسف أعتقد كنسلوا هالشي عشان ما يكون الضغط كبير على السيرفر.

 

[Colorization]

بالمناسبة حبيت أذكر إنه الtracks\المراحل كثيرة جدا، على عكس فورزا اللي كنت حافظ كل مراحلها. والweather effects شي ما ينوصف ابد، كل ما تغير او تضيف شي للجو بتحس إنك تلعب مرحلة جديدة كلياً، الثلج رهيب بالdrifting لكن أعتقد ممكن يكون مصيبة للسيارات السريعة او السياكل لأنه يزحلق على أقل إنعطاف. المطر يزحلق شوية لكنه يعطي شعور عجيب وإنت تلعب، وأحلى كومبو يوم يكون مطر وضباب، unexplainable من جد.

اعتقد اليوم يقدر أختم الCareer mode، وما جربت العب اونلاين.

 

[Colorization]

PHOTOREALISTIC

 

[JOE]

!!!!!!!!!!!!! ما ابغى اي شئ اقوى من كدة خلاص !!!!!!!!!!!!!!!!!!!!!!!

رسم قوي + ستايليش = WoW

 

[CyberMaster]

فعلاً الصوره ذي عذاب

 

[Xeno]

كل ماشوفها فالمحل يدي تحكني, لكن لازم ألعب فورزا 2 كفاية أول...

 

[JOE]

على فكرة انا إشتريت اللعبة اول ما توفرت لكن ما لقيت الوقت العبها بعمق ....

من إلي لعبته كان التحكم و الساوندتراك و الرسوم (المراحل بالذات ) بيرفكت ....

 

[Leon]

الصور واو من قلب .. فعلاً مبهرة .

اعتقد اليوم يقدر أختم الCareer mode

الحين تقدر تعمل Upgrade لسيارتك من ناحية القوة أو الشكل ؟ , بصراحة مالعبت أي جزء و ماني عارف عنها كثير لكن اللي أعرفه إنها لعبة أركيدية بالدرجة الأولى ( سابق .. فوز .. روح التراك اللي بعده .. ) .. مدري هي كدة ولا أنا غلطان ؟

 

[Mesharey]

http://farm3.static.flickr.com/2132/1766828457_b2a996e406_o.jpg

http://xs220.xs.to/xs220/07413/fire_rain.jpg

واو وبقوة

 

[Colorization]

الحين تقدر تعمل Upgrade لسيارتك من ناحية القوة أو الشكل ؟ , بصراحة مالعبت أي جزء و ماني عارف عنها كثير لكن اللي أعرفه إنها لعبة أركيدية بالدرجة الأولى ( سابق .. فوز .. روح التراك اللي بعده .. ) .. مدري هي كدة ولا أنا غلطان ؟

ما أذكر إني عدلت على قطع السيارة، وما أعتقد هالخاصية موجودة. شخصيا ما اهتم فيها كثير مع إني كنت أستمتع فيها بفورزا وGT، لكن مش مستاء من عدم وجودها لأنه اللعبة توجهها آركيدي، اعتقد حركات الsimulation ممكن تملل شوي. فيها أكثر من mode ومش بس السباق، فيه الEliminator (كل 30 ثانية يستبعد آخر واحد بالسباق، خلك دايم بالمقدمة)، وKudis Race سباق يعتمد على مهاراتك بالdrifting وكم حاجة ثانية. ممتعة حيل، المشكلة مافي كثير يلعبونها اونلاين، كنت بجربه بس... (كل الناس متحاذفة على هيلو والأورنج بوكس لول)


أنصح فيها بقوة. وزينو إذا تقصد إنك بتشتري فورزا2 ما انصحك، لكن لو تقصد إنك بتخلصها بعدين تاخذ PGR هنا يكون قرارك سليم

 

[Xeno]

تقصد إنك بتخلصها بعدين تاخذ PGR هنا يكون قرارك سليم

::

 

[SHABASH]

انا شايف معرض سيارات مو لعبة سباق !!!!

بالرغم من اني شايف اللعبة قبل كذا !!!!!!!!!

 

[Colorization]

كنت اعتقد إني قريب حيل من ختام الCareer mode لول. ولو إني فالمراحل الأخيرة ولو قعدت عليها اكثر الحين ممكن أختمها لكن يبيلها شوية وقت، السباقات صارت challenging اكثر لأنه اغلبها للS class، كل السيارات اللي معاي تكون سريعة حيل (والtracks تكون متشابكة اكثر).

هذي اربع صور أخذتهم اليوم:

 

[Mesharey]

كولو التقاطك للصور صراحة فن O:

 

[CyberMaster]

اخيراً وصلتني اللعبه تجربة القياده في اللعبه ممتعه وسلسه جداً
لول قعدت التقط صور بالهبل قبل ادري ان الي يتخزن في الموقع اخر خمس صور بس
الصوره الوحيده الى تسوي من اخر خمس صور

 

[Colorization]

مبروك Xing. صورتك كانت بتكون روعة لو ضبّطت الcolor والcontrast أكثر، هي طالعة باهتة حيل. اعتقد هالمرحلة من مراحل Shanghai؟ يمكن اكون غلطان. احلى شي التصوير بالمطر (يوم تمر على كمية ماي كبيرة). هذي صورتين صورتهم اليوم (عكس بعض). احد مراحل شانجهاي:

انا الحين وصلت المركز السابع، بس اوصل الأول (أختم اللعبة) بكتب إنطباعاتي بالكامل.

 

[khaled 13]

راح اشتري اللعبة قريب إن شاء

منها استمتع باللعب واهزيك يامحمد باللايف ومنها تصبيره لين تنزل حبيبة قلبي Burnout

 

[Black]

اليوم حملت الديمو ..
صراحة اللعبة جنان .. ممتعة ومسلية بشكل ..
لعبت الـ ستريت ريس وأخذت فيه جولد >.< .. جربت الإلمنايشن وخسرت _-_ ..
أخذت كم صورة لكن لما قريت كلام Xing تحطمت -__- .. أحسن صورة كنت مصورها هي أول صورة >.< ..
عموماً ان شاء الله راح أجيبها عن قريب .. وعلى فكرة .. اللعبة فيها ملتي أون لاين >.> ؟ ( ثاني PGR ألعبها بعد الأولى )

 

[CyberMaster]

مبروك Xing. صورتك كانت بتكون روعة لو ضبّطت الcolor والcontrast أكثر، هي طالعة باهتة حيل. اعتقد هالمرحلة من مراحل Shanghai؟ يمكن اكون غلطان.

منب احب العب كثير في الأعدادات افظلها على طبيعتها ماعدى شوي بلور بعظ الأحيان والصوره كانت في احد مراحل طوكيو

وصورك كول بس ياحبك للبلور

هذي كم صوره خذتها اليوم على السريع

تأثير المطر في اللعبه رهيب ماينمل منه خصوصا مع الـSoundtrack الرهيب يعشيك جو :cooool:

 

[Leon]

ما أذكر إني عدلت على قطع السيارة، وما أعتقد هالخاصية موجودة. شخصيا ما اهتم فيها كثير مع إني كنت أستمتع فيها بفورزا وGT، لكن مش مستاء من عدم وجودها لأنه اللعبة توجهها آركيدي، اعتقد حركات الsimulation ممكن تملل شوي. فيها أكثر من mode ومش بس السباق، فيه الEliminator (كل 30 ثانية يستبعد آخر واحد بالسباق، خلك دايم بالمقدمة)، وKudis Race سباق يعتمد على مهاراتك بالdrifting وكم حاجة ثانية. ممتعة حيل، المشكلة مافي كثير يلعبونها اونلاين، كنت بجربه بس... (كل الناس متحاذفة على هيلو والأورنج بوكس لول)


أنصح فيها بقوة. وزينو إذا تقصد إنك بتشتري فورزا2 ما انصحك، لكن لو تقصد إنك بتخلصها بعدين تاخذ PGR هنا يكون قرارك سليم

لول مدري إيش اللي حصل لكن كنت أحسب إني رديت عليك \:

مع إني أحب حركات التعديل والتحسين وكنت أحسب إن فورزا راح تعجبني لكن طلعت زيادة عن اللزوم بشكل ممل فيها , من كلامك حمستني على اللعبة وبالذات نظام الElemination .. عجبني , شكلها بتنضم للسلة .. وأسف على التأخير في الرد .

 

[Colorization]

اوكي باقي لي Championship واحد وأختم اللعبة. وقفت لعب لأني دايخ حيل (كنت بنام وآنا فالـlap الأخير).



الجرافيكس: من أفضل ما قدم الـ360 حتى الآن، وأعتقد إنه أفضل جرافيكس للعبة سيارات حتى هذي اللحظة. جرافيكس مجنون، وببعض الأحيان تحسه photorealistic (مناطق لندن وشانجهاي بتعطيك هالإحساس). Bizarre أبدعوا بالتحفة هذي، من جد حرام مايكروسوفت تخلت عنهم.

الجيم بلاي: أفضل جيم بلاي للعبة سيارات؟ على الأقل فالنسبة لي. أبدا ً ما راح تمل من الجيم بلاي، مع إنه بسيط لكنه ممتتتتتتتتتتتع بدرجة كبيرة، أول أيامي مع اللعبة كنت أقعد 3 ساعات العبها (one sit)، وأتركها بسبب الجامعة او الغدا فقط. إضافة الدراجات النارية حلوة، ولو إني ما أستخدمهم كثير لكنها إضافة رهيبة للسلسلة. ينقصني الـsteering wheel، ما اعتقد باخذه بأي وقت قريب بسبب كثرة الألعاب القادمة. لكنها اللعبة اللي بتخليني آخذه بدون تردد.

الأصوات: أفضل aspect فاللعبة برأيي الشخصي. قلتها كثير لكن: لعبة فيها موزارت وبيتهوفن إيش تتوقع منها؟ شكرا بيزار على الذوق الصلب في إختيار الأغاني للعبة. عمالقة الفن الموسيقي الكلاسيكي موجودين، بالإضافة إلى أغاني كثيرة تتنوع ما بين الـRock, pop, hip hop وأكثر من genre آخر، وأغلبهم ممتاز وما بتضطر إنك تغيره. أفضل ساوندتراك للعبة سيارات. (وأفضل من سلسلة بيرن آوت ونيد فور سبيد مجتمعين مع بعض).

عمر اللعبة: الـCareer mode بياخذ منك وقت على ما تختمه، ولو تبي تشتري كل شي فالـPGR Shop أيضا بيتطلب منك وقت أكثر لكنه ممتع (ما يبيع لك سيارة سيارة، دايما يبيع على شكل packages، أحلى). الـArcade mode رهيب وفيه تحديات كثيرة (مش بس race to the line). الأونلاين ما جربته لذلك ما بقدر أتكلم عنه لكنه أكيد بيضيف متعة أكثر للاعب. ولما تختم كل شي فيها ما أعتقد راح تمل، اللعبة pick up and play وتقدر تلعبها فأي وقت بدون مشاكل (ما تحتاج منك إحتراف مثل فورزا، فيها إحتراف لكنه memorable وبسيط).

التقييم النهائي: 9.0

أي شخص عنده الجهاز حرام يطوفها، سواء السنة هذي او الجاية. اللعبة تستاهل كل الـpraise اللي أخذته.

 

[Xeno]

Bizarre أبدعوا بالتحفة هذي، من جد حرام مايكروسوفت تخلت عنهم.

؟

بيزار طرف ثاني طول عمرها.

 

[Colorization]

اللي أعرفه إنه Activision خذت الفريق؟

http://www.1up.com/do/newsStory?cId=3163209

 

[Xeno]

ايه بس كانوا independent من يوم بدؤوا سنة 95, علاقتهم بمايكروسوفت كانت شراكة فقط.

الآن هم جزء من أكتفجن, مايكروسوفت قالت بي جي أر اسم مهم لهم (يملكونه) ويهمهم يستمر, لكن غالبا ألعاب بيزار القادمة بتكون ملتي بلاتفورم, لأن هذا هو السبب الرئيسي اللي حفزهم يندمجون مع أكتفجن.