الموضوع الرسمي PC GEARS | الموضوع الرسمي

[Brewmaster]

كيف كرت AMD هذا ؟ مقارنة بسعره ومقارنة بـ GTX 980 Ti ؟
ايش الفرق لو استبدل الـ Intel Core i7-4790K 4.0GHz Quad-Core Processor بـ Intel Core i5-6600K 3.5 GHz Quad-Core Processor؟

يبدو ان الهاردسك مب بس حجم ويلعب دور في اداء الجهاز فهل هاردسك ويسترن ديجيتال بلاك يؤدي الغرض؟

كسر السرعة أثار إهتمامي شوي أحد يقدر يقولي أهميته بإختصار وهل بيأثر وبيكون شيء بأحتاجه مستقبلا؟ وأهم من كذا بيساعدني اوفر فلوس ولا العكس؟
استخدام كرتين وش وضعه بالضبط؟ توفير فلوس مثلا ولا بس أداء؟ يعني مثلا لو فيه لعبه تشتغل على 15 فريم الترا ممكن مع كرتين تكون 30؟

المذربوردز هذولي احترت بينهم
الأول MSI ATX DDR3 2400 LGA 1150 Motherboards Z97 PC MATE هو الأرخص بس مدري هل بيناسب تجميعتي ولا بأحتاجه أغلى/أفضل منه.
الثاني ASUS Z170-A ATX DDR4 Motherboards أقرب ماله بآخذه لكن مادري اذا ممكن أكسر السرعه عليه أو استخدم أكثر من كرت.
الثالث MSI Computer ATX DDR4 Motherboard Z170A GAMING M7 غالي، بس يقولون الغالي سعره بس بتأكد اذا هذا افضل خيار بالنسبة لسعره، وايضًا اسمه فيه gaming.

 

[FALCON-WARS]

^ بالنسبة للهاردسك, ماعتقد فيه فرق حاليا لان السرعه مشابهه للبلو بشكل كبير, لكن اقدر اقولك انه مزعج بشكل, اذا المكيف مو شغال تحس جهازك جايه مغص في بطنه

 

[Brewmaster]

^ بالنسبة للهاردسك, ماعتقد فيه فرق حاليا لان السرعه مشابهه للبلو بشكل كبير, لكن اقدر اقولك انه مزعج بشكل, اذا المكيف مو شغال تحس جهازك جايه مغص في بطنه

حسب ما قريت ماراح يفرق لإني ناوي استخدم SSD فإختيار الهاردسك مسألة حجم، كويس علمتني عن الصوت.

بالنسبة للكيس هل بأحتاج full tower ولا ultra tower ولا اقل؟

أكثر شيء محتار فيه هو المذربورد، احد عنده فكره عن المذربورد هذا؟

المشكلة ايضًا الأسعار تختلف جدًا محليًا وخارجيًا، ميزانيتي حاليًا 6000 يحسسوني اني اقدر اجيب اقوى pc بالدنيا ^^" لكن كل ما اخذ لفة على المحلات عندنا احس بالقوة تكفي اصلا، واذا طلبتها من برى الشحن بيكون غاليًا + ما اضمن شركات الشحن عندنا (عندي تجارب سيئة) بالاضافة بأتخسر على التركيب لإن أغلب المحلات تركيب عندها مجاني اذا شريت كل القطع من عندهم.

وشيء ثاني للآن ما حددت اذا بأكسر السرعة أو اركب كرت ثاني وما عندي فكرة كيف اختار قطع مناسبة تخلي الجهاز upgradeable لاحقًا، كل هذا وأحاول احصل على افضل أداء بالنسبة للسعر، شفت ناس في اليوتيوب والمنتديات تجمع أجهزة بـ 7و6 آلاف ولمى أقارن الأسعار أحصله بالكاد ياصل 4500 (ونفس الشيء ردود الناس عليهم تقول كذا) فماودي اطيع بنفس الغلطة.

 

[ABUALI]

حسب ما قريت ماراح يفرق لإني ناوي استخدم SSD فإختيار الهاردسك مسألة حجم، كويس علمتني عن الصوت.

بالنسبة للكيس هل بأحتاج full tower ولا ultra tower ولا اقل؟

أكثر شيء محتار فيه هو المذربورد، احد عنده فكره عن المذربورد هذا؟

المشكلة ايضًا الأسعار تختلف جدًا محليًا وخارجيًا، ميزانيتي حاليًا 6000 يحسسوني اني اقدر اجيب اقوى pc بالدنيا ^^" لكن كل ما اخذ لفة على المحلات عندنا احس بالقوة تكفي اصلا، واذا طلبتها من برى الشحن بيكون غاليًا + ما اضمن شركات الشحن عندنا (عندي تجارب سيئة) بالاضافة بأتخسر على التركيب لإن أغلب المحلات تركيب عندها مجاني اذا شريت كل القطع من عندهم.

وشيء ثاني للآن ما حددت اذا بأكسر السرعة أو اركب كرت ثاني وما عندي فكرة كيف اختار قطع مناسبة تخلي الجهاز upgradeable لاحقًا، كل هذا وأحاول احصل على افضل أداء بالنسبة للسعر، شفت ناس في اليوتيوب والمنتديات تجمع أجهزة بـ 7و6 آلاف ولمى أقارن الأسعار أحصله بالكاد ياصل 4500 (ونفس الشيء ردود الناس عليهم تقول كذا) فماودي اطيع بنفس الغلطة.

كل القطع خذها من محلات منطقتك... غالبا الفرق بيطلع لك في سعر الشحن
الا الجرافيكس كارد اطلبها من بره لان غالبا سعره يكون مبالغ فيها عندنا

 

[ArOrA]

ابغى monitor بسعر اقل من 700$
ابغى شيء مجرب, ما حد يقلي
ASUS ROG PG278Q
لان الكواليتي كونترول تبعها خربان

 

[FALCON-WARS]

@ArOrA
ايام كنت اشتري قطع للجهاز كان فيه شاشه من benQ صاير عليها ضجه وبسعر حلو بس صراحه نسيت الاسم, يجي منها موديل عادي وثاني وياه نظارات نفيديا كان سعرها في حدود 400$

 

[XORO]

أحد يشوف مشكلتي الله يخليكم

جهازي لما أشغل عليه متيل غير أو ماد ماكس يطفي ويعيد التشغيل

هالمشكلة تصير لما اشبك الكومبيوتر بشاشة ساسمسونغ
UHD موديل سمارت 55 بوصة

مع العلم اني مركب كرت 980TI

 

[ABUALI]

أحد يشوف مشكلتي الله يخليكم

جهازي لما أشغل عليه متيل غير أو ماد ماكس يطفي ويعيد التشغيل

هالمشكلة تصير لما اشبك الكومبيوتر بشاشة ساسمسونغ
UHD موديل سمارت 55 بوصة

مع العلم اني مركب كرت 980TI

متى بدأت المشكله؟
مركب كرت جديد؟
سويت تحديث درايفر؟
كان كل شي مضبوط قبل ومره وحده اعتفس؟
مواصفات الpc?

 

[FALCON-WARS]

@XORO
هذي شاشه تلفزيون, اشك ان مشكلتك blue screen لانها تصير لي بعض الاحيان مع المحاكيات لكن ماتظهر على شاشه التلفزيون مجرد الشاشه تصير سودة لفتره ويسوي رستارت, فجرب تشغلها على شاشه كمبيوتر عشان تعرف
ولا انت مجربها على شاشه كمبيوتر والمشكلة غير موجودة ؟

 

[XORO]

هذه مشكلتي بالضبط وتصير لي لما ادخل برنامج GeForce Experience واول ما اضغط
على Exprees installation انتظر شوي وتطلع لي الشاشة الزرقاء
سواء على شاشة الـ PC العادية او التلفزيون

ساعات تطلع لي فجأة وقت ما اللعب MGS PP أو MADMAX

كنت مركب كرت GTX980 وشلته وركبت بداله GTX980ti وسويت تحديث للدرايف
وكانت الالعاب تشتغل بدون مشاكل ومن امس وانا اعاني من هذه المشكلة

 

[FALCON-WARS]

^
في الصورة الي حطيتها كاتبين لك تحت وش المشكله, حاول تدور عنها في قوقل مع كتابة البرنامج الي يسببها
غير هذا حاول تنزل كل تحديثات الووندوز عندك, يكون سبب في بعض الاحيان

 

[ABUALI]

هذه مشكلتي بالضبط وتصير لي لما ادخل برنامج GeForce Experience واول ما اضغط
على Exprees installation انتظر شوي وتطلع لي الشاشة الزرقاء
سواء على شاشة الـ PC العادية او التلفزيون

ساعات تطلع لي فجأة وقت ما اللعب MGS PP أو MADMAX

كنت مركب كرت GTX980 وشلته وركبت بداله GTX980ti وسويت تحديث للدرايف
وكانت الالعاب تشتغل بدون مشاكل ومن امس وانا اعاني من هذه المشكلة

اذا بدلت الكرت ما ينفع تمشي مع الدرايفر تبع الكرت القديم... غالبا يسبب اختلال في تشغيل الكرت واحتمال يكون مسبب للشاشه الزرقه حتى لو كان الدرايفر نفسه
امسح الدرايفر وثبته من جديد
واذا ما نفع نزل هذا البرنامج
http://www.guru3d.com/files-details/display-driver-uninstaller-download.html
وادخل عليه من السيف مود تبع الوندوز وامسح الدرايفر منه
وعطنا مواصفات كمبيوترك. القطع اللي مركبها عليه
احتمال الباور سبلاي ما يكفي وياك
و اذا مسوي كسر سرعه كنسله

 

[XORO]

بجرب إن شاء الله تنحل المشكلة

بس كيف اعرف ان المحول عندي ما يكفي للكرت ؟

 

[ABUALI]

بجرب إن شاء الله تنحل المشكلة

بس كيف اعرف ان المحول عندي ما يكفي للكرت ؟

شوف كم واط قوته اللي عندك، والشركه المصنعه لازم تكون معتمده، مو شركه خرطي ما ينفع
يعني COOLERMASTER, COSAIR هالشركات الزينه
وتالي تعال وحط القطع اللي عندك كلها في هذا الموقع http://www.coolermaster.outervision.com/
يحسب لك كم الباورسبلاي اللي تحتاجه

 

[XORO]

طلع لي 566W وانا عندي المحول 1200W

 

[FALCON-WARS]

طلع لي 566W وانا عندي المحول 1200W

اكثر من كافي, بس الشركه معروفه؟ شوف اذا سالفه روح تعال تحسها بتطول وياك سو فورمات واذا عندك وندوز 8 وفوق سو ريسيت (ملفاتك المهمه احفظها) صراحه اشوفه افضل واسرع حل خصوصا لو مالك بالسوالف هذي

 

[ABUALI]

طلع لي 566W وانا عندي المحول 1200W

اممممم
افحص حرارة الcpu والgpu
حمل برنامج cpuz و gpuz علشان تفحص
وشغل ال log فيهم
والبرنامجين شغالين العب
بيصير crash للوندوز ويشتغل من جديد
ادخل ع ال log وشوف الحراره اذا طافت ال90c معناته عندك مشكلة في الحراره

اسمح لي ع الحلول المتنوعه لكن فحص الكمبيوتر يتطلب هذي الخطوات... اذا تحس روحك ضايع وده محل يشيك عليه

 

[XORO]

اكثر من كافي, بس الشركه معروفه؟ شوف اذا سالفه روح تعال تحسها بتطول وياك سو فورمات واذا عندك وندوز 8 وفوق سو ريسيت (ملفاتك المهمه احفظها) صراحه اشوفه افضل واسرع حل خصوصا لو مالك بالسوالف هذي

ممممم شكلي بسوي فورمات كحل أخير

اممممم
افحص حرارة الcpu والgpu
حمل برنامج cpuz و gpuz علشان تفحص
وشغل ال log فيهم
والبرنامجين شغالين العب
بيصير crash للوندوز ويشتغل من جديد
ادخل ع ال log وشوف الحراره اذا طافت ال90c معناته عندك مشكلة في الحراره

اسمح لي ع الحلول المتنوعه لكن فحص الكمبيوتر يتطلب هذي الخطوات... اذا تحس روحك ضايع وده محل يشيك عليه

الحرارة عادية تقريبا 49C الحين مشكلة الشاشة الزرقاء ما عادت تظهر لي لكن حاليا لما اللعب MAD MAX على الشاشة الكبيرة الـ UHD 55 بوصة + اعدادات الترا
الكومبيوتر بيسوي ريستارت بس لما اللعب بشاشة المونيتور الـ HD ما يصير شي

 

[ABUALI]

ممممم شكلي بسوي فورمات كحل أخير



الحرارة عادية تقريبا 49C الحين مشكلة الشاشة الزرقاء ما عادت تظهر لي لكن حاليا لما اللعب MAD MAX على الشاشة الكبيرة الـ UHD 55 بوصة + اعدادات الترا
الكومبيوتر بيسوي ريستارت بس لما اللعب بشاشة المونيتور الـ HD ما يصير شي

انا قصدي ع الحراره وانت تلعب... بعد ما يعلق الكمبيوتر
بما انك ركبت الدرايفر من جديد وما راحت المشكله اعتقد ان المسبب هو الباورسبلاي... وده محل خل يفحص لك الباورسبلاي يمكن فيه مشكله

 

[FALCON-WARS]

@XORO
انت تشغل كل شاشه بروحها ؟ جرب تسوي duplicate يعني الشاشتين يطلعون نفس الصورة (من اعدادات الشاشه تبع الوندوز) شوف اذا تصير لك
يعني لما تلعب على التلفزيون على اعدادات low مايرجع يسوي رستارت؟
تعديل: بعد شوية بحث عن الايرور الي يطلع لك, (المكتوب تحت في الشاشه) طلع المشكلة يسببها bug في الدرايفرات, حاول ترجع تركب درايفراتك, على ما اذكر فيه خيار انك تسوي ريسيت للجهاز بدون ماتروح ملفاتك, فقط البرامج المركبه.
اذا تبي تشيك الباور سبلاي, اذا تعرف تستخدم multi-meter قيس الvolt في المخارج الموجوده اذا طلعت الارقام في الحد الطبيعي فمافيه مشكله, اما لو ماتعرف تشيك عليه فلا تجرب

 

[XORO]

اوك سويت ريستور ونظفت الجهاز من كل شي ثبت الدرايف ونفس الشي Blue Screen

اول ما تحاول تسوي Exprees installation او Custome في GeForce Experience تطلع الشاشة الزرقاء

في الاخير اتضح ان العالم تعاني من نفس مشكلتي المشكلة طلعت في التحديث الجديد للدرايف
http://forums.guru3d.com/showthread.php?p=5162421

ممكن احد يدخل ويشوف المشكلة وكيف حلها

 

[ABUALI]

اوك سويت ريستور ونظفت الجهاز من كل شي ثبت الدرايف ونفس الشي Blue Screen

اول ما تحاول تسوي Exprees installation او Custome في GeForce Experience تطلع الشاشة الزرقاء

في الاخير اتضح ان العالم تعاني من نفس مشكلتي المشكلة طلعت في التحديث الجديد للدرايف
http://forums.guru3d.com/showthread.php?p=5162421

ممكن احد يدخل ويشوف المشكلة وكيف حلها

حسب ما شفت من تجارب الناس
الاغلب اللي صادتهم مشاكل اصحاب وندوز ١٠ ومثبتين كاسبرسكاي...
اذا هالشي ينطبق عليك... ثبت نسخه قديمه من لدرايفر
أو انك تسوي له uninstall من السيف مود وترجع للوندوز وتثبت لدرايفر و ترد تثبت كاسبرسكاي من جديد

جزء اخر مشاكلهم تتعلق بتعدد الشاشات... روح ع الستنق مالرزلوشن واختار show only desktop 1 او ٢ ع حسب الشاشه اللي تريد تشغلها

 

[FALCON-WARS]

انا مثبت النسخه الاخيره البارحه, وماجاني شي
على العموم الحمد لله انه المشكله طلعت من تحديثهم, تتطمن ان جهازك مافيه مشكله

 

[XORO]

شلت الدرايف بالكامل وثبت التحديث الاخير من خلال الـ save mode كل شي ممتاز الحين

ما جربت اللعب على الشاشة الكبيرة لكن اتمنى اني ما احصل مشاكل

شكرا ABUALI شكرا FALCON-WARS على المساعدة وطولت البال

 

[Brewmaster]

اقدر اقول اني انضميت للـ Masterrace رسميًا (نوعا ما) وراح استلم البي سي بكرا أو بعده يمكن.
انيواي، هذي تجميعتي اللي صفيت عليها، تجميع محلي كلفتني 7000 ريال وأشوفها تكفي وتوفي وزيادة بعد.

- أخذت الـ i5 لإن إستخدامي مقتصر على الـ gaming غالبًا وهذا افضل معالج حاليًا i5 (أعتقد) يجي بدون بدول مشتت لكن انا اصلا ناوي أكسر السرعة فمحتاج مشتت إضافي اصلا.
- معالج ASUS Z170 فيه خيارات افضل لكن بالنسبة للسعر/الأداء الغالبية مدحوا لي هذا أعتقد هذا الخيار التلقائي لأي أحد بيستخدم معالج Skylake.
- الـ GTX 980 Ti overkill لكن لسبب ما اعتقد انه future proof أكثر من الـ 980 وما ودي ادفع 7000 على بي سي جيمنج بدون ما آخذ أفضل كرت شاشة في السوق.
- الكيس كنت ناوي على الـ nztx phantom (شكله خرافي!) لكن ما حصلته وأخذت كيس less sexy لكنه coolmaster فحسيت انه عملي أكثر، أحد عنده العلم اليقين? مدري شايفه ناقص مراوح عن الـ nztx phantom.
- الباور سبلاي أخذت 750 wt وما طرت على بالي اني بأحتاج 850 على الأقل عشان كسر السرعة، مو مشكلة اصلا شايل هم الحرارة لسبب ما اصلا فراح اتجنب كسر السرعة في الوقت الحالي.

وبس، باركولي وقولي كيف سويت فأول تجميعة حقيقية لي؟ D:

الـ Next step هي الشاشة (في الأشهر القادمة حاليًا بأشوف كيف يشتغل جهازي وهل بأحتاج 144Hz في اغلب الألعاب أو لا لإن بصراحة شاشات الـ IPS الجديدة شكلها جميل فممكن أصفى على 1440p و60Hz مع freesycn كلو تمام.

أيضًا كرسي! D:
مشكلة الكراسي صعب (مستحيل) أشحنها وما اعتقد متوفر محليًا كراسي "إحترافية" ان صح التعبير فأحد يعرف موقع محلي يوفر كراسي من نوع الكراسي هذي؟ والشيء الثاني سماعات بس بما إن هالشيء ماراح يكون صعب توفيره ماني شايل همه مثل الشاشة.

وبس شكرًا لكل اللي ساعدني

 

[ABUALI]

اقدر اقول اني انضميت للـ Masterrace رسميًا (نوعا ما) وراح استلم البي سي بكرا أو بعده يمكن.
انيواي، هذي تجميعتي اللي صفيت عليها، تجميع محلي كلفتني 7000 ريال وأشوفها تكفي وتوفي وزيادة بعد.

- أخذت الـ i5 لإن إستخدامي مقتصر على الـ gaming غالبًا وهذا افضل معالج حاليًا i5 (أعتقد) يجي بدون بدول مشتت لكن انا اصلا ناوي أكسر السرعة فمحتاج مشتت إضافي اصلا.
- معالج ASUS Z170 فيه خيارات افضل لكن بالنسبة للسعر/الأداء الغالبية مدحوا لي هذا أعتقد هذا الخيار التلقائي لأي أحد بيستخدم معالج Skylake.
- الـ GTX 980 Ti overkill لكن لسبب ما اعتقد انه future proof أكثر من الـ 980 وما ودي ادفع 7000 على بي سي جيمنج بدون ما آخذ أفضل كرت شاشة في السوق.
- الكيس كنت ناوي على الـ nztx phantom (شكله خرافي!) لكن ما حصلته وأخذت كيس less sexy لكنه coolmaster فحسيت انه عملي أكثر، أحد عنده العلم اليقين? مدري شايفه ناقص مراوح عن الـ nztx phantom.
- الباور سبلاي أخذت 750 wt وما طرت على بالي اني بأحتاج 850 على الأقل عشان كسر السرعة، مو مشكلة اصلا شايل هم الحرارة لسبب ما اصلا فراح اتجنب كسر السرعة في الوقت الحالي.

وبس، باركولي وقولي كيف سويت فأول تجميعة حقيقية لي؟ D:

الـ Next step هي الشاشة (في الأشهر القادمة حاليًا بأشوف كيف يشتغل جهازي وهل بأحتاج 144Hz في اغلب الألعاب أو لا لإن بصراحة شاشات الـ IPS الجديدة شكلها جميل فممكن أصفى على 1440p و60Hz مع freesycn كلو تمام.

أيضًا كرسي! D:
مشكلة الكراسي صعب (مستحيل) أشحنها وما اعتقد متوفر محليًا كراسي "إحترافية" ان صح التعبير فأحد يعرف موقع محلي يوفر كراسي من نوع الكراسي هذي؟ والشيء الثاني سماعات بس بما إن هالشيء ماراح يكون صعب توفيره ماني شايل همه مثل الشاشة.

وبس شكرًا لكل اللي ساعدني

ع البركه
تجميعتك ممتازه، ولكن في اعتقادي لو أخذت i7 لكان أفضل استثمارا للمستقبل، مع ان حاليا الالعاب ماشيه صح مع الi5 وما تحد من استخدام الطاقه الكامله لكرت 980ti حتى لو بغيت تركب كرت ثاني في المستقبل ما عندك مشكله، "طالما أنك بتلتزم في ال60 Fps حسب تخميني حتى ع 4k ما بتواجه مشاكل"
النقطه الثانيه، بخصوص الكيس، أهم شي يتسع لكل القطع وفيه مراوح تسحب من الهواء البارد من الامام وتطرد الهواء من خلف الكيس... وتالي يجي الشكل لول

 

[The Doctor]

ع البركه
تجميعتك ممتازه، ولكن في اعتقادي لو أخذت i7 لكان أفضل استثمارا للمستقبل، مع ان حاليا الالعاب ماشيه صح مع الi5 وما تحد من استخدام الطاقه الكامله لكرت 980ti حتى لو بغيت تركب كرت ثاني في المستقبل ما عندك مشكله، "طالما أنك بتلتزم في ال60 Fps حسب تخميني حتى ع 4k ما بتواجه مشاكل"

الi5 ما راح يحد الGPU بأي شكل... الألعاب ما زالت ما تستفيد من المعالجات بالشكل المطلوب و بالنظر لكون تصميم هالجيل من الكونسولز يحاول يدفع الGPGPU، و كون مطوري الPC عاجلاً أم آجلاً بيفكروا يدعموه زي الناس، فالمعالج ما راح يأثر إلا ممكن بلعبة أو لعبتين.
أيضاً، الSLI مضيعة وقت و مال. نصيحتي للجميع إن لما توصل لنقطة حاجة تطوير الGPU، فالأفضل تبيع كرتك القديم و تشتري كرت من جيل أحدث.

 

[C I D]

http://pcpartpicker.com/p/hBnyhM

نصايحكم واراكم ..وكمان مححتاج psu

 

[waleed2150]

كان

الi5 ما راح يحد الGPU بأي شكل... الألعاب ما زالت ما تستفيد من المعالجات بالشكل المطلوب و بالنظر لكون تصميم هالجيل من الكونسولز يحاول يدفع الGPGPU، و كون مطوري الPC عاجلاً أم آجلاً بيفكروا يدعموه زي الناس، فالمعالج ما راح يأثر إلا ممكن بلعبة أو لعبتين.
أيضاً، الSLI مضيعة وقت و مال. نصيحتي للجميع إن لما توصل لنقطة حاجة تطوير الGPU، فالأفضل تبيع كرتك القديم و تشتري كرت من جيل أحدث.

عندي i5 3570k وبصراحه عانيت معه كثيرا حتى مع 1080 بكثير من الالعاب ...اساسن كريد يونيتي وكريسز مدل ايرث و كول او ديوتي ادفانس ...بعدها اشتريت 4790k والحمد لله ...كلها استفادت من i7 ...بحكم تجربتي

 

[idr]

كان

عندي i5 3570k وبصراحه عانيت معه كثيرا حتى مع 1080 بكثير من الالعاب ...اساسن كريد يونيتي وكريسز مدل ايرث و كول او ديوتي ادفانس ...بعدها اشتريت 4790k والحمد لله ...كلها استفادت من i7 ...بحكم تجربتي

غير ممكن
ال i5 يعتبر معالج قوي وماراح تعاني من bottleneck حتى مع كرت dual gpu