Naruto - - الموضوع الرسمي ( الموسم الثاني يبدا في فبراير 2007 )

[Yuusuke]

لوول .. لهذي الدرجة سيئ ..

خلاص عيل .. ببدا اشوفه بعد ما يرجع الموسم الجديد و اذا تحمست وايد و اريد المزيد من ناروتو في دايما حلقات الفلرز

لول~

معزم على الفيلر :yuck:

خلاص براحتك النصيحه وصلتك بس مو إذا شفته تافه بزياده تجي تتشكى لنا XD---> امزح معاك لاتزعل :cooool:

انت شوف المهمه الأولى بعد إختفاء ساسكي -يعني من الفيلر- وبتعرف شنو أقصد بكلامي

 

[Futrus]

لوووووووووووووووووووووووووووووووووووووووووووول

عاد أنا محظوظ قلت ببدأ أشوف ناروتو الشهر الجاي طلع بكملونه زين زين [يا ما شفت انمي وتعلقت فيه وماكملوه

]


أنا شفت الحلقه الأولى بس من ناروتو وأعتبرها حلقه إسطوريه جداً

 

[Salman]

أنا شفت الحلقه الأولى بس من ناروتو وأعتبرها حلقه إسطوريه جداً

خخخخ الحلقة الثانية و ممكن الثالثة يسدون النفس, لا تيأس يعني و تابع المسلسل للحلقة 135, بإستثناء الحلقات التالية : 26, 97, 101- 106 لأنها فلرز و مستواها سيء

 

[Futrus]

خخخخ الحلقة الثانية و ممكن الثالثة يسدون النفس, لا تيأس يعني و تابع المسلسل للحلقة 135, بإستثناء الحلقات التالية : 26, 97, 101- 106 لأنها فلرز و مستواها سيء

واو شكراً سلمان هذه المعلومات اللي أحتاجها بالظبط

 

[Salman]

واو شكراً سلمان هذه المعلومات اللي أحتاجها بالظبط

حاضرين حبيبي

جزء Naruto: Narutimate Hero القادم, السكان الأول -- بشخصيات الجزء الثاني !!

شباب, الآن نقدر نقول رسميا, ألف مبروك الجزء الثاني قادم هذا الربيع ..!
السكان
رسم الأنمي شكله راح يكون ممتاز ( شوفوا الصورة اللي تحت وجه ناروتو, أتوقع إنها من الأنمي )

 

[Nintendo]

عن نفسي الين الحلقة 135 نادرا ماشفت اي حلقة ماعجبتني ( طبعا ماعدا حلقات الفيلرز الغبيه ) ..

الحلقات الرئيسيه كلها خطيره والثانيه والثالثه كانوا رهيبين بالنسبة لي

 

[Van]

بالنسبة لي....

الين الحلقة 135 أبدا ماشفت اي حلقة ماعجبتني ( طبعا ماعدا حلقات الفيلرز الغبيه ) ..

الحمد لله سكان المجلة للعبة ريحني كثير , الحين ما في مجال أحد يشك

 

[The Sinner]

هممم مو كأنكم شوي مبالغين انا بالنسبة لي الى حلقة 135 والانمي خطير بس انا لحد الحين

مو فاهم ليش طلعت الحلقات الاخيرة يعني من عند قتال Lee الى ان وصلت لقتال ناروتو

وساسكي اللي الكل كان ينتظره مستوى رسم الانمي نزل كثير حتى اني انقهرت قلت حرام

هالباتل تكون بهالمستوى المتدني بس ان شاء الله يرجع لمستواه يعني السكان طمني شوي

 

[Super Shadow]

أخيرا تم التأكيد لوووووووووول

شكلي بترك المانجا :yuck: >>>> هذا اذا طلع الموضوع آخر شي اشاعة هههههههههه

 

[Yuusuke]

الفيلر فيه الرسم الجديد في اغنية الـop حلقه 206 ::

للي يبغي يشوفها يحمل :yuck:

 

[Van]

هممم مو كأنكم شوي مبالغين انا بالنسبة لي الى حلقة 135 والانمي خطير بس انا لحد الحين

مو فاهم ليش طلعت الحلقات الاخيرة يعني من عند قتال Lee الى ان وصلت لقتال ناروتو

وساسكي اللي الكل كان ينتظره مستوى رسم الانمي نزل كثير حتى اني انقهرت قلت حرام

هالباتل تكون بهالمستوى المتدني بس ان شاء الله يرجع لمستواه يعني السكان طمني شوي

أي حلقات تعني بالتحديد ... الرسم ما حسيته تغير ... لو تعني حلقة قتال ناروتو و ساسكي يوم ناروتو يطلع صواريخ من الماء هذي كثير أعرفهم ما عجبتهم بس ما كان رسمها بايخ , بالعكس الانيميشن حقها رهيب و ناعم لأبعد الحدود....

لو تبغى تشوف كارثة الرسم في ناروتو شوف حلقة أول قتال لهم مع اورشيمارو يوم ناروتو يدافع عن ساسكي و يقول له "..... hey ....are you hurt .... scaredy-cat" هذا المقطع المهم في القصة كان كارثة في الأنمي بالنسبة لي -__-
نفس الرسم الخايس كان موجود في حلقة قتال ناروتو مع كيبا لكن الحلقة ما كانت مهمة عشان كذا ما انقهرت كثير....

لو تبغى تشوف ابداع الرسم في ناروتو شوف حلقة قتال ناروتو مع هاكو يوم الكيوبي يعطي ناروتو طاقته و يتحول , ابداع لما تشوف الابر تطلع من جسم ناروتو و تشوف ملامحه بدأت تتغير , ذيك الحلقة كان رسمها أقل ما يوصف خيالي

خخخخخخخخ و انا أتذكر الحلقات ذكرت ليش ناروتو كان الأفضل بالنسبة لي .... انتظر الجزء الجديد على أحر من الجمر

اقتراح: شباب ليش ما نسووي موضوع خاص بذكريات ناروتو (أفضل مقطع بالنسبة لكل عضو , أفضل قتال , أفضل شخصية و ليش .....) عشان نسترجع الذكريات و نذكر سبب اعجابنا بناروتو و يكون الموضوع تهيئة لنا لاستقبال الجزء الجديد ^^

 

[Ryu-Bounty Hunter]

الأنميشن رهيب جدا في المحاربة
بس الرسم ما عجبني ابدا فيها
يعني بالنسبة لي اذا كان الرسم لازم يصير مثل هالرسم عشان يصير الأنميشن زين
لا يخلونه احسن -_-

 

[The Sinner]

قصدي مباراة ساسكي وناروتو الاخيرة اللي بحلقة 135 ابدا الرسم مو مضبوط مايبغالك تدقق

عشان تعرف انه مو مضبوط اقل رسم اشوفه بناروتو (ما اتكلم عن رسم الفلر)

 

[Ryu-Bounty Hunter]

قصدي مباراة ساسكي وناروتو الاخيرة اللي بحلقة 135 ابدا الرسم مو مضبوط مايبغالك تدقق

عشان تعرف انه مو مضبوط اقل رسم اشوفه بناروتو (ما اتكلم عن رسم الفلر)

اي عارف قصدك اذكر الرسم للحين ما راح انساه خخخخ
اختصار اللي انا قلته
محاربة ناروتو و ساسكي الأخيرة الرسم ما عجبني ابدا
و اذا تذكر محاربة الأوكاجي الثالث و أوروشيمارو نفس الرسم بعد
اهم المحاربات المهمة يخلون هذي الرسم عشان أنميشن حقها -_-

 

[Salman]

خلاص شباب, الموضوع تأكد 100%
الجزء الثاني سيبدأ في فبراير و سنشهد بداية جديدة و رسم أفضل
و أسم المسلسل سيتغير من Naruto فقط إلى Naruto Shippuu-den أو Naruto: Hurricane Chronicles ( ناروتو : زمن الإعصار )
اللي متابع المانجا يعرف أن الأسم مناسب للجزء الثاني اللي يعتبر Dark و جدي أكثر من الجزء الأول ..

بالنسبة لي الآن أقدر أقول رسميا ألف مبروك :yuck:
ما في داعي أقول لكم شباب, عنوان الموضوع الجديد بعد شهرين: Naruto: Hurricane Chronicles -- الموضوع الرسمي

 

[itachi]

ياسلااااااااااااااااااااااااام
والله ما صدقنا يرجع ....الحماس عند أهل المانجا الحين

 

[Salman]

كنت أكتب هذا الرد, و لكن توقفت حتى أحط لكم الخبر اللي فوق
عموما أرجع للرد :

مو فاهم ليش طلعت الحلقات الاخيرة يعني من عند قتال Lee الى ان وصلت لقتال ناروتو

في إنتاج الأنمي من الصعب أن مجموعة كبيرة من الأشخاص تشتغل على رسم حلقة واحدة, لأن مدارس الرسم مختلفة ( أقصد أساليب الرسم ) ..
و بالتالي كل رسام له طريقته الخاصة و بيكون من الصعب توحيد جهودهم في في حلقة واحدة بدون ما نلاحظ إختلاف بين كل مشهد و مشهد ..
لذلك بعض أستديوهات الإنتاج و من بينها pierott تجمع الرسامين المتشابهين في الأسلوب في فريق رسم واحد
بحيث يكون كل رسام في الفريق مسؤول عن جزء من عملية الرسم ( رسامين مسؤولين عن الشخصيات - رسام خلفيات - رسام يلون الإطارات .. الخ)
في الأنمي الواحد, في العادة يعمل فريق رسم واحد على كل الحلقات حتى يكون الرسم موحد و ما فيه إختلاف ..
مثلا في ديث نوت, الواضح أن رسم الأنمي كان من فريق واحد أو فريقين على الأغلب, أنتظروا المانجا حتى يقترب من النهاية
و بعدها يبدأ الإنتاج, و الفريق يأخذ راحته في الرسم ..

لكن في حالة ناروتو الوضع مختلف شوي, ناروتو مسلسل طويل و لا زال مستمر, لذلك يعمل عليه أكثر من فريق
يعمل كل فريق على حلقة كاملة أو مشهد معين, لذلك في ناروتو بالذات تلاحظ الإختلاف في الرسم بين حلقة و حلقة ..
على الأرجح, الأستديو أعطى حلقات الفلر لاسوأ الأفرقة لديه و جعل بقية الفرق تعمل بكل تركيزها على الجزء الثاني ..
هذا قد يكون سبب منطقي لتأخير عرض الجزء الثاني

نرجع لموضوعنا الرئيسي و هو الحلقة 133 ( قتال ناروتو و ساسكي الأخير ), الفنان اللي تولى رسم هالحلقة أسمه Matsumoto Norio
هذا الرسام يعمل منفرد و يرسم الحلقات بنفسه بدون مساعدة فريق, رسم بالتحديد الحلقات التالية : 30 مشهد البداية - 48 - 71 - 133

حلقة 30: قتال ساسكي مع أوروتشيمارو
حلقة 48 : جارا و روك لي
حلقة 71 : ساروتوبي ضد شوداي و نيدايمي
حلقة 133 : the infamous Sasuke VS Naruto

اللي يميزه هو روعة الأكشن و لكن ضعف التفصيل في الرسم, حتى تزيد قوة الأنميشن لازم عدد الرسمات يزيد و بالتالي دقة كل رسمة تكون أقل
من الممكن أن الرسم يكون قوي و مع ذلك الأنميشن قوي و لكن هذا يحتاج وقت كبير و جهد هائل و تكلفة مرعبة
البعض ممكن يسأل, رسم حلقة جارا و روك لي كان رائع مع إن الأنميشن كان راقي جدا, ليش ما حدث نفس الأمر في باقي الحلقات ؟
الإجابة بالنظري هي في التالي :

- ساحة القتال كانت أقل تفصيل من ساحات المعارك الأخرى اللي رسمها
- رمل جارا كان مرسوم عن طريق الكمبيوتر و هذا وفر عليه جهد كبير
- تفاصيل وجوه جارا و روك لي قليلة
بعكس وجوه ناروتو - ساسكي- ساروتوبي- الأول و الثاني( لو تبغي تتأكد شوف وجوه الأول و الثاني في الحلقة 69 و بعدها في 71 و لاحظ الفرق الهائل )

أتوقع طولت أكثر من اللازم في موضوع الرسم لكن أتمنى تكون الفكرة وصلت بوضوح

بالعكس الانيميشن حقها رهيب و ناعم لأبعد الحدود....

صحيح الأنميشن كان رائع جدا, لكن رسم الشخصيات و البيئة كان تعبان

اقتراح: شباب ليش ما نسووي موضوع خاص بذكريات ناروتو (أفضل مقطع بالنسبة لكل عضو , أفضل قتال , أفضل شخصية و ليش .....) عشان نسترجع الذكريات و نذكر سبب اعجابنا بناروتو

ما في داعي نفتح موضوع يا جماعة -__-
خلوا النقاش هنا حتى يكون بين عشاق ناروتو الحقيقين ( مو الأطفال اللي ما شافوا أنمي غير ناروتو و يقولون أنه أفضل أنمي في التاريخ ) << ما أقصد أحد لوول

بابدأ أنا يالله,
أفضل مشهد : حلقة 72, ساروتوبي : "or me, Konoha is not just an organization, ...... , Isn't that right Yondiame? "
...... = كل الكلام اللي دار من أول المشهد لآخره ..

خصوصا لما ساروتوبي يقول :
" I'm the man who inherited the will of Shodai-sama and Nidaime-sama, the will of fire...SANDAIME HOKAGE DA !!!!!"
كل ما أشوف هالمشهد تجيني رعشة ..
المشهد بالكامل كان رائع, التمثيل الصوتي, صور ذكريات ساروتوبي, موسيقى Hokage, مع إن الرسم ما كان قوي جدا

أفضل قتال : the Hokage level battle, صحيح أن الأكشن ما كان قوي, و لكن المستوى خيالي, أحب لما يكون النينجتسو المستخدم في المعركة مستواه مرعب
شوفوا نواتج المعركة و بتفهمون قصدي : جبل - غابة - فيضان - نيران - ظلام تام ..

ليش تحب ناروتو : أعذروني, علشان مصلحة المنتدى ما راح أذكر أسباب حبي لناروتو
لأني على يقين أن لو كتبت الأسباب سرعة تصفح المنتدى بتقل !!

أفضل شخصية : أوكي أنا أقول كل واحد يكتب أفضل شخصية عنده و بعدها يكتب
أفضل جينين :
أفضل مدرب :
أفضل هوكاجي :
أفضل شرير :
أفضل عضو أكاتسكي : عندكم ثلاث خيارات فقط ( إيتاشي - كيسامي - العضو اللي طلع بحلقة 134 ما نبغي نقول أسمه حتى ما تعتبرونه سبويلر )
عن نفسي, بأقول أفضل الشخصيات لاحقا

آسف طولت كثير بالرد << متى بتتعلم تختصر ردودك ؟ :roll:

 

[Salman]

شباب, في سكان آخر للجزء الثاني موجود في تشابتر هذا الأسبوع
يا ليت أحد يعطيني موقع أبلود مناسب للكل حتى أرفع الصورة, إذا ما كان هذا مخالف

 

[The Sinner]

سلمان كلامك منطقي وانا فاهم كل اللي قلته بس بعد مو مبرر بالنسبة للمبلغ اللي بيكلف

عشان انه يطلع بصورة حلوة فاظنه يقدروا عليه وخصوصا لانه في هالوقت او بفترة قصيرة تم

ترخيص ناروتو بامريكا يعني عندهم قروش مع انه بعد ما اشوفه عائق كبير لان فيه انميات كثيرة

اقل من ناروتو اسما وتكلفة قدمت مشاهد اكشن قمة بالروعة مع دقة التفاصيل

 

[Valkyrie Profile]

كان زين لو مشاهد الاكشن الي فيه حلوة ، والله الكوالتي فيها ازبل من الزبالة

 

[Salman]

هذا غلاف شونن جمب لهذا الأسبوع و فيه الخبر : هنا

الصورة اللي قلت لكم عنها :هنا

سكان اللعبة و لكن أوضح شوي :هنا

ملاحظة: لو موقع الأبلود هذا مو شغال مع أحد نبهوني أرفعها على موقع ثاني

سلمان كلامك منطقي وانا فاهم كل اللي قلته بس بعد مو مبرر بالنسبة للمبلغ اللي بيكلف

عشان انه يطلع بصورة حلوة فاظنه يقدروا عليه وخصوصا لانه في هالوقت او بفترة قصيرة تم

ترخيص ناروتو بامريكا يعني عندهم قروش مع انه بعد ما اشوفه عائق كبير لان فيه انميات كثيرة

اقل من ناروتو اسما وتكلفة قدمت مشاهد اكشن قمة بالروعة مع دقة التفاصيل

أرباح ناروتو خيالية أكيد, و ميزانيته ضخمة, لكن ممكن المشكلة كانت في الوقت مو التكلفة
أيضا لا تنسى أن ناروتو أنمي مستمر, الأنميات اللي تتكلم عنها في العادة ما تكون 135 حلقة !
بس صح كلامك, أنمي بحجم ناروتو المفروض يطلع بأفضل صورة ممكنة

 

[The Sinner]

هي انا ما اقول ان الانمي لازم كل حلقاته تكون بنفس مستوى الرسم وخصوصا لكان طويل بس ا
للي لازم كان يسوه انه يخلوا احسن رسامينهم او احسن رسم لاحلى حلقات لانه والله كنت

انتظر هالمباراة يمكن من اول مابدى الانمي وانا حاس انه بيصير ويوم يجي تحصله برسم تعبان تنقهر

بس يالله ننتظر الموسم الجديد بتوقعات عالية

 

[Salman]

انتظر هالمباراة يمكن من اول مابدى الانمي وانا حاس انه بيصير ويوم يجي تحصله برسم تعبان تنقهر

لا تخاف بتشوف أفضل منها, الوعد هذا الربيع :yuck:

بعيدا عن أجواء الفرحة العارمة ببداية الجزء الثاني ..
اليوم فتحت الصفحة الأولى للموضوع بالغلط, تذكرت إني وقتها كنت أتابع ترو جيمنج كمتفرج فقط, و لقيت أمور تدعو للضحك ..
إليكم بعض الإقتباسات ..

المهم بعد حلقة هذا الأسبوع و حلقة الأسبوع اللي بعده في 4 حلقات جديدة مش موجودة في المانجا بيستخدمونها لتعبية الفراغ عشان يعطون المانجا فرصة تسبق الأنمي..

لووووووووول 4 حلقات ؟؟؟

بحسب الاخبار ولله الحمد بعد حلقة اليوم ا لاخيره بالموسم الاول راح يحطوا حكايات فرعيه شوي وبعدها قصة كاكاشي قبل لايبدء الموسم الجديد .

هههههه آه لو كنت وقتها تعرف اللي بيصير

حماس , اتمنى القصص الفرعية تطلع بمستوى جدا جدا جدا راقي

ROFL !!!

جاري تنزيل الحلقه

على العموم اسمها يحمس

الاسم بس !

مع خالص الإحترام لأصحاب الردود , نمزح بس

 

[Nintendo]

هههههههههههههههه

سلمان الله يخليك لاتذكرني بذيك الايام الحلوه .. ااااااااااااااااااااااااااه يالقهر .. الحكايات الفرعيه ( الشوي ) استمرت لمدة سنتين .. سنتين ياعالم قسم بالله عمر وراح علينا ..

المشكلة :

المفروض نارتو راح يتدرب سنتين ونصف . طيب الحين لنا سنتين بالفيلرز فيمكن الناس تقول وين التدريب اللي سواه وهو مرتز علينا بحلقات الفيلرز له سنتين

ماقول غير الله يسامح اللي كان السبب ..

 

[Salman]

المشكلة :

المفروض نارتو راح يتدرب سنتين ونصف . طيب الحين لنا سنتين بالفيلرز فيمكن الناس تقول وين التدريب اللي سواه وهو مرتز علينا بحلقات الفيلرز له سنتين

المشكلة هي :
أستوديو الأنمي مو عارفين شنو كيشيموتو مخطط أنه يحدث خلال السنتين و نصف
كل فترة الفلر هي عبارة عن شهرين أو ثلاثة على زمن المسلسل ..
عموما هو الفلر بالكامل non-canon و ما في أحد يعترف فيه إلا اليهال, يعني لو خلوا ناروتو يموت في الفلر في أحد بيصدق ??

 

[Van]

أفضل مشهد: ما أقدر أحدد بس بقول مشهد لفت انتباهي بالتأكيد (بما انه سلمان كتب أفضل مشهد من جد) ..... لما زابوزا يقول انه هاكو كان Tool بالنسبة
له فيرد ناروتو "do you really not feel anything ... if I became as strong as you, will I really become like you... to die as a tool , that's too sad" فيقول زابوزا بعد ما يصيح "kid ...... you dont need to say anymore" و يستمر المقطع الى ما يموت زابوزا -_____- ... مؤثر لكن ما أقدر أقول الأفضل

أفضل قتال:متحير صراحة لكن بمشي مع شي مضمون و بقول قتال الSanin .... كانت حلقات رهيبة بس للأسف كانو كلهم تعبانين و لا قدروا يطلعوا قدراتهم كاملة , أنتظر قتال ثاني لهم بكامل قوتهم ^^
من ناحية الأكشن لازم أذكر قتال روك لي مع جارا ..... ابداع

ليش تحب ناروتو :خخخخخ صراحه مستحيل أنافس لمان على الاي كتبه لكن بذكر بعض النقاط
-طريقة كلاسيكية تذكرك بالأنميات القديمة مثل سانشيرو
-العديد العديد من الشخصيات و كلهم متقنين من ناحية القوات و نقاط الضعف
-القتال فيه استراتيجية مو عبث (مثل بعض الأنميات بدون ذكر أسماء) , ما يجيلك واحد يقول اوه أنا خارق و روح يهزم الجميع ..... كل قوة لها نقطة ضعف
-الأحداث تسلسلها رهيب بدون انقطاع يشعر فيه
-صوت ناروتو :YUCK:
-و الكثير الكثير غيرها

أفضل شخصية : ناروتو ... الحلو فيه كيف انك في أول حلقة تشوفه غثيث و ما تدري شيبغى و في نهايتها تتغير نظرتك له 180 درجة , هذا غير تطوره مع كل حلقة و روحه الفكاهية
أفضل جينين : جارا (عشان ما أكتب ناروتو مرتين)
أفضل مدرب : جيرايا (أكيد ... له شخصية مشابهة لناروتو)
أفضل هوكاجي : ساراتوبي (ما حبيته الا بعد ما مات للأسف -__-)
أفضل شرير : شرير كبير أورشيمارو (شره جنوني) . شرير ما ندري شنو سالفته كابوتو ( و الله شخص غريب) . شرير يقلب في النهاية زابوزا (قصته حزينة مرة)
أفضل عضو أكاتسكي : اتاشي (ما حد عجبني غيره من الثلاثة)

ُedit
سلمان ... لول @ كلامك على الفلر

 

[Salman]

نرجع لموضوعنا الأصلي :

أفضل جينين : شيكامارو ( في كل الـ quizes اللي عملتهم لناروتو أخذت You're Shikamaru -- في الكسل مو العبقرية خخخ)
أفضل مدرب :أسما ( دايما عندي ميل للشخصيات المظلومة )
أفضل هوكاجي : الأول
أفضل شرير : أوروتشمارو, في عالم الأنمي ما شفت أنذل من هذا الشخص إلا كروكودايل في ون بيس
أفضل عضو أكاتسكي : من بين اللي ظهروا بالأنمي .. كيسامي للفوز !


إلا أقول شباب, مو تظنون مفروض نغير عنوان الموضوع إلى :
Naruto - - الموضوع الرسمي ( الموسم الثاني يبدأ في فبراير 2007 )
حتى نكون محددين أكثر

 

[Salman]

خبر جديد على الطاير :
فلم ناروتو القادم سيجري خلال أحداث الجزء الثاني


أمر آخر : صحيح أن الجزء الثاني سيعرض في شهر فبراير و لكن .. إلى الآن ليس هناك تأكيد بخصوص كاكاشي جايدن ..
هذا الأمر مخوفني شوي ..
للي ما يعرف كاكاشي جايدن فهو كم حلقة تحكي قصة كاكاشي من المفترض أن تعرض بين الجزء الأول و الثاني

 

[BioMario]

الحمد لله تم التأكيد ..
Welcom Naruto ^^

 

[Justice]

خلاااااااااص ناروتو صار في فعل كااااااااااان
كرهته كره جم ولا احبه ابدا خلاااااااااااااااااص