Mr.Offline
لقب حصلت عليه بجدارة و إستحقاق ..
طبعا لقب كبير زي ذا أكيد ما يجي غير من جهة كبيرة .. و أنا أقصد بكل تأكيد شركة الأتصالات السعودية الشركة الأكبر في المنطقة
الشرق أوسطيه من جانب الأرباح ( و يمكن المشتركين بعد ) .. أنا مش عارف متى ربنا يشيلها و يفكنا من إحتكارها الغبي للسوق ..
طبعا كلكم قاعدين تقولوا " إشبه V E G A زعلان ؟ " أو " ما جبت شيء جديد كل العالم تلعن شركة الإتصالات كل يوم " .. رح أقولكم
خلاص V E G A تعب من الإنتظار و من التعامل الزفت و من كل شيء يجي من هذي الشركة إلي أتمنى من جد إني أدمرها بأي طريقة !!
مشكلتي وبكل بساطة هي الـ..
D S L
مأساة .. إلي حاصل لي مأساة بكل ما تعنيه الكلمة .. رح أقول لكم القصة من البداية و لكم بعد كذا الحكم .. ماني عارف من فين أبداء ..
بس .. خلاص .. لقيتها .. بسم الله ..
البداية كانت بعد ما دخل البلد النت .. الكل مستمتع و مبسوط ( و متضايق شوي من الحجب الغبي ) .. جلست فترة على هذا الحال
زي .. زي الشعب .. المهم في بداية الألفية الجديدة ( مش عارف 2000 ولا 2001 ) سمعت عن خدمة الـ DSL الجديدة ( في البلد ) .. قلت
حلو خلينا نقدم و نستمتع بالسرعة و الخدمات و نتطور زي العالم بره .. رحت للشركة و قدمت .. كان زمان لازم تعبي ورق عندهم في المكتب
و تجيب معاك صورة لأخر فاتورة هاتف و تلفون و ماء و كهرباء و صورة من عقد الإيجار أو الملكيه .. المهم كانت الإجرائات زمان زي كأنك رح تاخذ
بيت أو قرض أو سيارة الأن .. المهم خلصتها و أعتيطهم كل شي .. فرحت ( عبيط ) قلت كلها كم يوم و " يخوش " التطور البيت .. لكن أحلامي
ذهبت أدراج الرياح .. أتصلت عليهم بعد أسبوع .. رد بسيط و مختصر " المقسم ما يسمح " .. أحا و العمل طيب .. قدم بعد ست شهور .. ول :gasp:
و جريت الأيام .. طلب ورا طلب .. و رفض ينطح رفض .. يائست تمام .. يا ناس أنا قدمت الطلب من منزلين مختلفين في أحياء مختلفة و برضه المقسم
" نعنبو جده " ما يسمح .. روح أفجره .. أصدمه بالكابرس .. ولا أدعي عليه ولا إيش أسوي .. أكيد ما لي غير الصبر و الدايل أب " 56k و إنتم بكرامة ..
قبل قترة طلعت لنا شركة الإتصالات بخدمة " جديدة و منتهية في نفس الوقت !! " إسمها بكل وقاحة ( أفاق DSL ) قال أفاق قال ألا أفق ضيق
و إنت الصادق .. المهم قلت في نفسي " يمكن " .. و دقيت على 907 ..
الإتصالات : شركة الإتصالات معاك تامر حسني كيف أقدر أخدمك ..
V E G A : مرحبا أخوي .. بالله أخوي الله لا يهينك حبيت أقدم لخدمة " أفاق DSL " ..
الإتصالات : إيش السرعة ؟
V E G A : أعلى شيء 512 كيلو بايت ( لسة ما نزلت 1 ميجا ) ..
الإتصالات : خليك شوي معاي حبيبي .. .. ... إنت مقدم لخدمة من زمان ( قصده 2000 ) ؟
V E G A : أيوه .. في شيء أستجد ؟
الإتصالات : معليش أخوي بس ..
V E G A ( قاطعته ) : بس لا تقول لي " المقسم ما يسمح " صح ؟
الإتصالات : أيو .. سعدت بخدمتك عزيزي العميل !!
ندمت أكثر و أكثر بعد هذا الإتصال .. بعدها بفترة قصيرة نزلت إعلانات " التأسيس المجاني " .. قلت " يا ولد ألحق قبل ما يخلص العرض :yuck: " ..
الإتصالات : شركة الإتصالات معاك ففتي سينت كيف أقدر أخدمك ..
V E G A : هلا حبيبي .. حبيت أطلب الـ DSL ألله لا يهينك ..
الإتصالات : إيش السرعة ؟
V E G A : واحد ميجا .. و إذا في أكثر أكيد ما رح نقول NO ..
الإتصالات : دقيقة معاي .. .. للأسف أخوي ..
V E G A : لا تكمل .. عارف بس حبيت أتأكد ( سبع سنين و ما تأكدت !! )
الإتصالات : أي خدمة ثانية ..
V E G A : بس متى تجيني الخدمة ؟
الإتصالات : تحلم إنت .. ردد يا ليل ما أطولك ..
V E G A : بس يا شركة الإتصالات .. This Is Madness !!!
الإتصالات : Madness ? THIS IS STC
ميه ميه .. ما في أمل خلاص .. أهاجر .. أتزوج .. إش أسوي ؟!!
يا STC أنا كان نفسي ..
* أخش اللايف ..
* أخش السكايب ..
* ألعب WOW ..
* أحمل من التورينت سبايدر مان 3 ..
* أحمل الأبديت تبع الفلاش بلير للمتصفح " حقي " ..
* أخلي موقع WTF Group يشوف النور ..
* أشوف اليوتوب يخش البيت ..
نفس و نفسي و نفسي .. ألف مرة .. بس ما نقول غير ...
Mr.
Offline
FOREVER
NEVER