Metroid Prime 3: Corruption | الموضوع الرسمي

[Isaac]

شباب مساعدة بليز, بالنسبة لزعيم Bryyo.

محتوى مخفي

فجرت كل الدوائر اللي في المقدمة, لكن اللي ورى كيف أوصل لها!؟

عبدالله تقريبا نسيت الاستراتيجية نوعا ما لأني غلبته قبل 10 أيام تقريبا

محتوى مخفي

لكن اللي أذكره إنك ما تحتاج توصل للي ورى على الأقل مؤقتا ... يعني بأفترض إنك مامك قادر تسوي له أي Damage أو بالأصح مقياسه ما نقص أبدا ...

طبعا لما تفجر الكرات أعتقد لازم تسوي لها Overload بالـPhazon بحيث إنك تطلق عليها باستخدام الهايبر مود .


بالنسبة للجهة الخلفية طريقة الوصول إليها هي إنك تفجر الأربع بلورات الأمامية أو تدمرها بالـPower Beam وبتلاحظ فعلا إن الـBoss بدى الـResponse عنده يضعف بشكل كبير وما يلتفت بسرعة ... فبهالحالة تقدر تستخدم الـSide Dash << مدري عن اسمها بس تضغط زر القفز مرتين مع اختيار الجهة (يمين/يسار) . ثم بتقدر تصوب على البلورة الخلفية.

ان شاء الله أكون أفدتك.

 

[Xeno]

هعععععع غلبته ثانكس :laugh:

ياخي كذا الزعماء ولا بلاش, من زمان عن لعبة فيها زعماء يقدرون يشكلون تحدي فعلا, حتى زيلدا رغم أن الزعماء فيها روعة لكن سهلين بزيادة.

محتوى مخفي

Sky City أنا هنا :cooool:

 

[Saadawii]

صحيح الزعماء هنا فيه تحدي وذكاء، مو مثل زعماء زيلدا اللي تقول يمشون على سكك محددة ما يحيدون عنها. اللعبة ممتعة من جد حتى الآن. بس ما أدري ليش ما قدرت أحصل الكور الخضراء اللي اشتري فيها من الاكستراز؟ عندي كل الألوان إلا هي.

 

[Xeno]

صحيح الزعماء هنا فيه تحدي وذكاء، مو مثل زعماء زيلدا اللي تقول يمشون على سكك محددة ما يحيدون عنها. اللعبة ممتعة من جد حتى الآن. بس ما أدري ليش ما قدرت أحصل الكور الخضراء اللي اشتري فيها من الاكستراز؟ عندي كل الألوان إلا هي.

هذي تحصلها من الفريندز بس, بالتبادل أونلاين.

حتى أنا أبيهم وماعرفت كيف أضبط الموضوع, شباب بالله واحد يشرح كيف تضيف أسامي للوي ثم كيف تحصلها فقائمة اللعبة!؟ (أضفت كم من واحد بس محد يطلع لي فقائمة اللعبة)

 

[Colorization]

عملية الإضافة غبية ومعوقة، هذا شي متعارف عليه للأسف. هو المفروض تضيف الأشخاص عادي، هم يضيفونك، واللي عنده game save حق مترويد بجهازه راح يكون إسمه باللون الأسود من قائمة الfriend vouchers

آنا من مدة ما شغلت اللعبة، خلني أشغلها اليوم وأضيفك زينو وأرسل لك

 

[Colorization]

-_-

اللي ما وصل آخر مكان باللعبة لا يقرا.

محتوى مخفي

أوكي، وصلت Phaaze، كملت طريقي عادي، وصلت للمكان اللي لازم "أشلع" القشرة من على الـ"كائن" من الجهتين حتى أقدر أطق المخلوق الصغير داخله. السؤال، شسوي هنا؟! إنفقعت مرارتي وأنا أضرب فيه، ما يصير شي، مجرد يتنقل من اليمين لليسار، وانا اتنقل معاه واضربه، ويروح للمكان الآخر وهكذا. مت مرة وحدة ومابي أعيد اللي وصلته كله، لأنه المكان بايخ حيل -_-

.

 

[Colorization]

ختمتها!

تعبااااااااان ومافيني حيل أكتب إنطباعاتي بالتفصيل. اللعبة ممتازة "جدا ً"، لكن مستحيل أقول إنها تتفوق عالأول. الأول أخذ لعبة سايد سكرولر وحوّلها إلى فيرست بيرسون أدفنتشر، نقلة نوعية ضخمة وخطرة لكنها كانت ممتازة وما تخللتها أي مشاكل، مترويد برايم الأولى هي اللي كانت التحدي الأعظم، مو الثالث، خصوصا ً إنه الفانز كانوا ينتظرون إشارة من ننتندو عن السلسلة، وهالـ"إشارة" جتهم بعد 8 سنين، يعني التطلعات لها كانت فووووووووووووووق، وبكل ثقة مترويد برايم الأولى تصعد فوق التطلعات كللللللللللللها. صحيح إنه المحافظة على جودة لعبة بـ3 أجزائها يعتبر شي ضخم، خصوصا ً إنه كل جزء ما يقل روعة عن اللي قبله (أقسم بالله اللي ما لعب الثاني طوّف على نفسه خرافات ريترو)، وصحيح إنه نهاية أي سلسلة تكون تحدي كبير بالنسبة للشركة، والنهاية (أقصد الجزء الثالث مو نهاية الجزء لول) كانت ممتازة بكل المعايير، وأعتقد إنها من الألعاب القليلة اللي بتكون remarkable في مشواري مع العاب الفيديو. مع هذا كله، آنا أرجّح كفة الأول على الثالث. زينو قالها وأقولها مرة ثانية؛ "هالألعاب اللي إحنا صرنا جيمرز عشان نلعبها!". بإختصار شديد، اللي عنده الويي وما شرا هاللعبة المفروض يستحي على نفسه يسمي نفسه جيمر (بإستثناء عمر، موشن سكنس)

متحمس حيل وودي لو أبكي لأني خلصتها -ـ- راح أعيدها مرة ثانية وأجيب الـ100% (خلصتها بالـ80). لول وقتي مزحوم بين مترويد وأوبليفيون. رمضان مشعلل هالسنة

 

[Xeno]

حظك خلصتها, الحين تقدر تلعب شي قبل هالو 3, بعد هالو 3 أحس نهاية عالم الفيديوجيمز بالنسبة لي لمدة سنة لول.

فكم ساعة ختمتها؟

 

[Colorization]

80%، الوقت 17:57

إحذف ساعة، لأني أحيانا ً أخليها مبطلة عالخريطة عشان أسمع الساوندتراك، او أقعد أحوس فالمنتدى، كثير أسويها (أحلى شي إنه الوييموت يفصل بعدها بشوي).

آنا طولت كثير بالنهاية عشاني كنت أجمّع الexpansions، بالنهاية طفشت وقلت أبي أختمها وأريّح بالي.

آنا اللي مستغرب منه إنه ما طلع لي results تخبرني عن الأشياء اللي سويتها (كم ساعة، شنو جمعت، كم شي سويت له سكان، كم طلقة طلقت...الخ). شفتها في IGN لكن ما لمحتها لما ختمت اللعبة :slant:

 

[Xeno]

آنا اللي مستغرب منه إنه ما طلع لي results تخبرني عن الأشياء اللي سويتها (كم ساعة، شنو جمعت، كم شي سويت له سكان، كم طلقة طلقت...الخ). شفتها في IGN لكن ما لمحتها لما ختمت اللعبة :slant:

فالسفينة في زر تضغطه يطلع ذي الأشياء.

 

[AMOR]

وصلت امس للزعيم الاخير

محتوى مخفي

اخر شكل له

ثم طفيت لاني مصدع.
بكرة باخلصها ان شاء الله.

 

[Isaac]

ههههه أنا وAmor اللي كنا داعسين تأخرنا واجد وأنهاها كولو قبلنا :yuck:


أنا أحس نفسي مرة تأخرت في إنهائها ... من سافرت للشرقية ما سويت شي يذكر غير إني هزمت

محتوى مخفي

Omega Ridley

و جمعت كم اكسبانشن ولي 5 أيام ما شغلتها ودعست فيها أشغلها وألعب شوي وتنسد نفسي بسبب الجو الدراسي البايخ ... مدري أحس ما عندي شي بس فيه كآبة مصاحبتني وماهي مخليتني أستمتع زي الأسبوع اللي كان قبل الدراسة . -___-"


زيلدا أنهيتها بـ3 أسابيع ... وكانت في قمة المتعة لأنها كانت بالصيف .

مترويد بأخلصها أيضا بـ3 أسابيع يتخللها أسبوعين دراسيين بايخين طلعتني من الـMood الرهيب اللي كنت عايشه -__-"


حاليا أنا بالرياض والجهاز بالشرقية ... بس لما أرجع الجمعة بأحاول أدعس وأخلصها علشان أبدا بسوبر مترويد خصوصا إني شريت الـClassic controller مخصوص علشانها .

 

[AMOR]

فيه كآبة مصاحبتني وماهي مخليتني أستمتع زي الأسبوع اللي كان قبل الدراسة

و الله كانك توصف جوي بالضبط, انا شغلتها و استمتعت فيها و شوي و اخلص الا جاني احساس غبي, لو انهيت اللعبة وقتها كان كرهتها -_____-.
الله يعين يارجل.

 

[Mario2]

لما تفك ما حتسك ..

 

[Colorization]

آنا جاني شعور الكآبة (تحس إنه مالك خلق تشغل اللعبة أبددددددددددددددددددددد، اللعبة هذي بالذات!). لكن الحمدلله اليوم فجاة إشتهيت ألعبها. ماعرف لكن أتوقع لأنه المناطق الأخيرة باللعبة سببت لي إحباط كبير من ناحية أتموسفيرها البايخ، فما كان لي نفس ألعبها أبد.

 

[Mista Koo]

خصوصا إني شريت الـClassic controller مخصوص علشانها .

ما تحتاجه.. أنا خلصتها على يد الكيوب وكانت زي الفل (أهم شي تخلي اللي يركض Z)
العيب الوحيد إن الـL والـR يعورون اليد لما تضغط عليهم كثير -__- (عشان التصويب)

 

[Colorization]

^ من جدك؟ آنا بعد معركة Kraid سيّفت اللعب وراح أكمل بعد ما اجيب الكلاسيك كنترولر. يد الكيوب صدااااااااع لألعاب الفيرتشوال كونسول -_-

من زمان ما شفنا إنسايدر بالموضوع، أراهن إنه راح يجي وهو خاتم اللعبة! أبي أحد يجاوب على أسئلتي لول (بحطها بعد ما البعض يختم اللعبة حتى ما أكلم نفسي بالموضوع)

 

[Mista Koo]

يعتمد على حسب كيف حطيت الأزرار.. أنا:
Jump - A
Fire - B
Weapon Select - X
Weapon Cancel - Y
Dash - Z
معليش التحكم كذا Perfect بالإستخدام (يمكن مسكة اليدة مو مريحتك؟)

 

[Isaac]

^

يد السوبر نينتيندو FTW

علشان كذا شريتها ..


فعلا تخششك جو وتحسسك إنك قاعد تلعب اللعبة الأصلية .

+ الـD-Pad حق الكيوب جدا سيء ... والـStick مرة ما يجي منها.

2D side scrolling games = D-Pad controls
معادلة لا بد من أن تتحقق (بالنسبة لي).

 

[Gon freeces]

+ الـD-Pad حق الكيوب جدا سيء ... والـStick مرة ما يجي منها.

دي باد الكيوب سيء بس ألعاب قليلة تستخدمه بشكل مكثّف , أما الستيك فهو مرررة عجبني (أنا أحب يد الكيوب أصلاً) , تبغى دليل على مثالية الستيك ؟ سوبر مونكي بول.

بديت ألعاب في اللعبة , اللعبة عجبتني و البداية أحسن من بدايات برايمز الثانية , بس جاني عثيان و اضطريت أوقف لعب (كل ألعاب برايم صارتلي فيها نفس الشي ببداية اللعبةلول)

 

[Colorization]

^ لأنك مو متعود تلعب شوترز يمكن. have fun

كنترولر الكيوب فلة حق ألعاب الكيوب، فقط. جربت عليه سوبر مترويد وسوبر ماريو وورلد، ما قدرت أكمل أي وحدة فيهم. الكلاسيك كنترولر > الكل، لو تبي الexperience الصح (بالنسبة لي)

 

[Isaac]

دي باد الكيوب سيء بس ألعاب قليلة تستخدمه بشكل مكثّف , أما الستيك فهو مرررة عجبني (أنا أحب يد الكيوب أصلاً) , تبغى دليل على مثالية الستيك ؟ سوبر مونكي بول.

بديت ألعاب في اللعبة , اللعبة عجبتني و البداية أحسن من بدايات برايمز الثانية , بس جاني عثيان و اضطريت أوقف لعب (كل ألعاب برايم صارتلي فيها نفس الشي ببداية اللعبةلول)

أنا قاعد أتكلم عن استخدام يد الكيوب في الفيرتشوال كونسول. وما تكلمت عنها بشكل عام!

لاحظ سياق الكلام

Reading Comprehension FTW

 

[Gon freeces]

أوه كنتوا قاعدين تتكلموا عن سوبر ميترويد >_<

^ لأنك مو متعود تلعب شوترز يمكن. have fun

أنا ما ألعب شوترز أبد (بس سلسلة برايم) , عشان أنا ما ألعاب بي سي.

 

[AMOR]

16:42 87% .
ووووووووووو اخيراً خلصت اللعبة
OMG موسيقى الكردتس عظيـــــــــــــــــــــــمة.
الزعيم الاخير يقهر طلع علي حركات اول مرة ادري انها عنده P:.
بس تظل شي عظيــــــــــــم اللعبة هذي.
انتقادات:
- قهرتني المنطقة الاخيرة

محتوى مخفي

المفروض خلوني استعمل اسلحتي اللي طول اللعبة اجهزها

.
- في النهاية و الله ماودي اتفرج من السقامة, اتمنى ما يتعودونها و يطلعون اللعبة الجاية بدون عروض/تمثيل صوتي/قصة زي سوبر مترويد و برايم الاولى (اصولها).
- الزعماء مع كل المدح عليهم توقعت شي افضل, الاولى تتفوق.
- الجزء الاول قدم مناطق اجمل, مااعجبتني المناطق هنا الى ذيك الدرجة (يمكن منطقة النار و فالهالا بس).
- العوالم شبكها بالطيارة يجيب الهم الجزء الاول و الثاني تحسسك ان العالم متصل و اضخم بكثير.
ماراح اقعد اعدد مميزات اللعبة لاني كل شوي اذكرها و انا العب لكنها تجربة عظيمة و ماتتكرر غير مرة في العمر, ريترو صنعت افضل لعبة للوي حتى الان نشوف كيف ننتندو تقدر تتفوق عليها في اخر السنة لكن الى الان مترويد برايم 3 GotY .

 

[AMG]

امس في الليل كيف بديت العب اللعبة ، انا الحين واصل الى ما وين تقاتل الهانتر حق الثلج

انطبعاتي :

اللعبة مسلية ، احسها سهلة بشكل مفاجئ ، همم فيها افكار جديدة و فيها شوية تكرار

تقيمي المبدئ : 8.5 <<<<مسوي جيم سبوت

 

[Colorization]

إنطباعات نهائية بإختصار:

+ التوجه الفني للعبة خرافي، وبعض الأماكن أعتبرها من أفضل ما صـُمّم في الفيديوجيمز.
+ الجرافيكس، بينما هو ما يعتبر نقلة ضخمة، لكنه أفضل من الثاني بأشواط كبيرة (أنصحك بمشاهدة مقارنة جيم سبوت).
+ عودة الbeam-stacking. أفضل من تبديل الأسلحة بمليون مرة :kiss:
+ الموسيقى جيدة جدا ً، بعضها ممتاز والبعض الآخر عادي.
+ الزعماء يتفاتون بالقوة وتجربة القتال معاهم روعة، وأحد الزعماء يعتبر من أفضل الchallenging bosses في سلسلة برايم

محتوى مخفي

إذا ما خلصت الكوكب الأول لا تقرأ، Mogenar

.
+ التحكم هو أفضل تحكم للعبة FPS على أي جهاز منزلي. ما أبالغ هنا، وما أعرف كيف برجع العب مترويد برايم الأولى وEchoes مرة ثانية (بليز ريترو بورت معدل للتحكم لول)
+ اللعبة (بمستوى الصعوبة العادي) أسهل من الأجزاء اللي طافت. ما أعتبرها سلبية، بما إنه هناك مستوى صعوبة أعلى "Veteran" ومستوى صعوبة آخر تكشفه بعد ما تنهي اللعبة "Hyper Mode".
+ الback-tracking ممتع جدا ً وعملي وما تحس معاه بتكرار أبدا ً.
+ الجزء الأول كان فيه كوكب واحد (Tallon IV)، والجزء الثاني كوكب واحد (Aether)، بينما الثالث يدعس لك مجموعة كواكب رائعة (ما بقول العدد) تسافر لها عبر مركبة ساموس.
+ ولأول مرة بالسلسلة تقدر تستخدم مركبتك الفضائية لأشياء عديدة؛ حل ألغاز وإستدعائها ضد الأعداء والسفر لكواكب أخرى.

- اللودينج في هذا الجزء مبالغ فيه. بين كل 5 أبواب أعبرها لازم 2 منهم على الأقل اوقف قدامه 5 ثواني أقلا ً حتى يفتح لي (يعمل لودينج للمنطقة الجاية). أحترم جهود ريترو، لكن اللودينج أزعجني.


ما أعتبرها أفضل برايم، لكنها أفضل لعبة لعبتها عالجهاز، ومن أفضل الألعاب اللي لعبتها فحياتي، وأفضل ختامية لأفضل ثلاثية في تاريخ الفيديوجيمز. شكرا ً ريترو. 9.5

تحرير: نسيت أقول، هذي الGOTY بدون منازع بالنسبة لي.

 

[Mario2]

ما شالله عليك انطباع في الصميم .. اغلب اللي ذكرتهم ببالي .. اليوم مخلص الكوكب الثالث ..

 

[Mario2]

خلصت اللعبه ..:cryy: :cryy: :cryy: ..

افضل جزء بعد الاول بالراحه ولو انه فيه اشياء صغيره تفرق ولا كلهم متساويين بنظري .. كنت اتمنى الزعيم الاخير يكون مثل الاول والثاني لانه هذا سهل جدا .. .. نشوف اللعبه بعد 6 سنين ..

 

[the obscure]

شباب ممكن مساعده بالنسبه لـ

محتوى مخفي

Rundas

وشلون اهزمه عقدني

 

[Colorization]

^ لول ما شفت الرد، ذكرني فيه أي واحد؛

محتوى مخفي

اللي يستخدم عليك الثلج؟

-

أول مرة أشوف هالإعلان (مترويد زيرو مشن): http://www.nintendo.com/pop_video.v...7-88cd-cfc5c7ae81a2.mov&width=600&height=420#
عجيب لول (توني خلصت اللعبة -72%- وما كنت أعرف إني أقدر أسوي speeb boost لما أنقز! -_-)

أحلى من سوبر مترويد بالنسبة لي P: آخر جزء من اللعبة فلة. حاولت ألعب Metroid NES اللي طلّعته بعد ما خلصت اللعبة لكنه صعب حيل.