iPhone 4 Press Event : هل سيضع ستيف حد لمهزلة الإعلام ؟

[Fatal Error]

اوكي ولو ان الكلام صحيح بس اخذ تركيز من الاعلام اكثر من اللازم ياكثر الجوالات الي فيها نفس المشكلة, هم بس لو سووا المؤتمر من اول مابدأت المشكلة كان يقدروا يتجنبوا المشاكل ذي كلها. ياحبه للفلسفة ستيف.

بس ذحين دافعين 100 مليون على مختبر و18 مهندس عندهم دكتوراه والمشكلة تمر بدون يعرفوا عنها؟ مااتوقع.

 

[Dark soul]

^
مب مسؤوليتي إني اوفر حلول ..
أنا كعميل اللي يهمني إني آخذ جهاز سليم مافيه مشاكل..
آبل تقوم و تستبدل الأجهزة.. تصنع جهاز جديد.. تصنع حمار جديد .. مايهمني!

المشكلة مشكلة آبل.. آبل أخطأت و يجب انها تتحمل خطأها و توفر حل منطقي للعميل
مب يا عملينا احنا ضربناك بمبلغ و قدره و احنا آسفين جهازنا ماراح يشتغل بشكل سليم إلا مع الكفر!

اكثر رد منطقي بالموضوع
لول تحس البعض يتكلم بمنطق :" تحمد ربك ان ابل العظيمة عطتك وجه ايها الزبون و وفرت لك حل , يالله اقلب وجهك ولا تعاودها مرة ثانية ! ".
مع ان حلهم ( البمبر ) اساساً عيب يطلع من شركة بحجم ابل.

 

[zlatanovic]

واعيباهـ

 

[Def-yusuf]

وش المشكلة إنهم يعدلون التصميم ويكملون خط الإنتاج .. ( على الأقل يحصرون المشكلة في 5 دول )

 

[Lunar Poet]

أصلاً من قال إن البمبر هو اللي بيتوزع مع الأجهزة الجديدة؟ يقولون "We can't make enough Bumbers" و قالوا بيوزعون case بدون ما يحددون نوعه. شكله بيطلع كيس بو ريالين :w00t:

بعض الردود غريبة (و العنوان! صارت المشكلة من الإعلام؟) لول صحيح كلام أوكازو:

النكتة إن آبل نفسها معترفة بالمشكلة و قاعدة توفر حلول أبوريالين لها و الفانز قاعدين يقولون كلام ثاني :S

بالنسبة لمقارنة الآيفون 4 مع الأجهزة الثانية أشوفها شي مضحك. أوكي المشكلة موجودة في الجوالات الثانية، لكن هل الجوالات الثانية تحتاج إني أغير مسكتي لها عشان أستخدمها؟ هل الجوالات الثانية محتاجة إني أستخدم أغلفة خارجية عليها عشان أستخدمها؟ ما أظن. كلنا نستخدم جوالات من سنوات، لكن من فينا كان يعرف عن هالمشكلة؟ نسبة ضئيلة جداً إذا كانت موجودة أصلاً! إذاً فالمشكلة موجودة في الآيفون 4 بشكل أكبر من غيره، و تصريف أبل و الفانز إن هالشي عادي لأنه موجود في باقي الأجهزة غير منطقي أبداً.

عموماً أنا ناوي آخذ الجهاز الأبيض إن شاء الله و أتمنى إني ما أواجه مشاكل معاه خصوصاً إني ناوي إني أستخدم بمبرز (شكلهم جميل) من أول ما أعلنوا عن الجهاز.

 

[Photon]

مب مسؤوليتي إني اوفر حلول ..
أنا كعميل اللي يهمني إني آخذ جهاز سليم مافيه مشاكل..
آبل تقوم و تستبدل الأجهزة.. تصنع جهاز جديد.. تصنع حمار جديد .. مايهمني!

المشكلة مشكلة آبل.. آبل أخطأت و يجب انها تتحمل خطأها و توفر حل منطقي للعميل
مب يا عملينا احنا ضربناك بمبلغ و قدره و احنا آسفين جهازنا ماراح يشتغل بشكل سليم إلا مع الكفر!

خلاص أجل لا تشتري سمارتفون لأنه كل الأجهزة فيها هذه المشكلة ( أتكلم بجد ) .. لحد ما مصنعي الجوالات يحصلوا حل جذري اشتري جوالاتهم ..

الحلول في حالة كنت شريت الجهاز يا إنك تاخذ البمبر مجانا أو تختار كوفر من أي شركة ثانية تعجبك أو رجع الجهاز أو بدله بدون أي تكاليف إضافية عليك فما أدري إيش تبغى منهم يسووا لك أكثر من كذا ؟ .. يخترعوا لك جهاز يوصلك للقمر مثلاً ؟

أكثر شي مضحك إنه البعض يقول الفانز مضخمين المشكلة و منصبين نفسهم محاميين دفاع عنها و هم أول ناس راح يشتروا الجهاز مع نزوله الرسمي ببلدانهم - التناقض المضحك- و أنا متأكد إنه الناس اللي لا زالت تحط ردود من شاكلة - آبل أخطأت، آبل لازم تعدل الجهاز، آبل ما راح نشتري جهازكم- هم أول ناس ما كلفت نفسها تبحث و تدور ورا الموضوع و لا شافت المؤتمر و لا أظنهم جربوا الجهاز بنفسهم حتى فعلى أي أساس يتكلموا ما أدري :/

نشوفكم مع موعد إصدار الجهاز عالمياً

 

[Zulfiqar]

خلاص أجل لا تشتري سمارتفون لأنه كل الأجهزة فيها هذه المشكلة ( أتكلم بجد ) .. لحد ما مصنعي الجوالات يحصلوا حل جذري اشتري جوالاتهم ..

آآه لا. يمكن السمارتفونات الثانية يقل الإرسال مع مسك الجهاز, لكن ممافهمته إن الآيفون4 يقطع المكالمات أول ماتمسكه من الجهة المميتة.
ماراح أخوض معك في متاهات ومقارنات, اللي أقدر أأكده إن معي النكسوس ون والإرسال فيه زي الحلاوة مهما مسكته.

 

[squall leonhart]

لووووووووول في ردود كوميديه هنا سواء من الفانز الي اعمامهم الفانبوزيم عن الحقيقة و صارين دفاعين جدا اكثر من ابل نفسها الي اعترفت بالمشكله و وفرت الحلول حتى لو ما كانت مرضية و من الهيتر الي يخلون الحبة قبة ..

الحمد لله اني ماني متعصب لاي جهاز الكتروني و لا كانت حالتي زي نص الردود الي بذا الموضوع

 

[Photon]

آآه لا. يمكن السمارتفونات الثانية يقل الإرسال مع مسك الجهاز, لكن ممافهمته إن الآيفون4 يقطع المكالمات أول ماتمسكه من الجهة المميتة.
ماراح أخوض معك في متاهات ومقارنات, اللي أقدر أأكده إن معي النكسوس ون والإرسال فيه زي الحلاوة مهما مسكته.

هذه الجملة مو صحيحة إطلاقاً لأنه لما يصير دروب بالمكالمة تصير بشكل تدريجي مو تقطع على طول - من اللي شفته من فيديوات يوتيوب القليلة حول هذا الكلام - و هذه نسبة حصولها أقل من 1% بحسب كلام ستيف ..

أنت مجرب تمسك النكسوس تبعك بأكثر من مسكة و الإرسال زي الحلاوة و هو جهاز واحد صح ؟ .. أنا مجرب أكثر من خمسة آيفونات جديدة و أقدر أأكد لك إنه مسكتهم بكل الطرق الغبية اللي ممكن تخطر ببال إنسان و الإرسال زي الحلاوة و ما شفت إشارة واحدة نزلت إلا لو العالم هنا تكّذب عبدالرحمن لأنه فانبوي أبل هنا كلام ثاني.

 

[JOE]

اوكازو

المشكلة موجودة و الكل اعترف بيها و مبدأ "انا مستخدم و مالي صلاح" بدون ما يطرح الحلول الممكنة يقوله الشخص إلي مش فاهم الوضع و ابعاده مزبوط و رد ابل عليه (رجع الجهاز بفول ريفند) و الناس الي يهمها الجهاز فعلاً تجربه في شبكتها قبل التذمر مع الخيل يا شقرا .

ابل ممكن تحل المشكلة فعلاً بعد اكتوبر دي السنة فننتظر و نشوف .

‏

وين الواو يا عامر؟ في شركات عملاقة في التلفونات مثل مترولا و نوكيا عندهم مختبرات أكبر بأضعاف من حق آبل و بالراحة.
‏

‏

what we were looking at was "the most advanced lab for doing RF studies that anyone in the world has."

ابل إستضافت مجموعة من محرري المواقع لهذه المعامل و الكل ابدى إنبهاره منها .

‏

المصيبة الكبرى أن آبل قالت عندنا كم عالم و دكتور في الأنتنز و و و وأخر شي أنهم اعترفو في المشكلة, انزين كان من الأفضل ما يحتاج كل هذا التمطيط و الأستعراض الفاضي, خلاص الجهاز في مشكلة و لإرضاء الزبون كذا و كذا وخلاص ما يحتاج كل هذا الأستعراض عضلات

ابل بهذا الإستعراض بتوضح انها بذلت مجهود و اموال طائلة "مئات الملايين" في إختبار شبكة جوالاتها الي كلها عانت من المشكلة "زي جوالات غير الايفون كثير" .... و لكن "Phones are not Perfect"


وجهة نظري بإختصار :

ابل غلطت و إعترفت بغلطها بمؤتر خاص و الوضع الي وضعت فيه معقد و صعب ينحل جذرياً بشكل يرضي كل الاطراف و هذا الي عندها من حلول ..... عجبتكم ولا لا تشتروا الجهاز بكل بساطة او رجعه اذا اشتريته و هارد لك على كل حال << ما ادري كم مرة نحتاج نكررها eeved:

حقيقة : الايفون 4 شغال زي الحريقة و باع 3 ملايين في 3 اسابيع ..... حيصيروا 3 ملايين و واحد إن شاء الله آخر الشهر .

إضافة : جربت المسكة في ايفوني الـ3GS و نزلت البارات فعلاً !!!

 

[Nintendo]

لول ارهب شئ بالابل فانز تحس انهم يرجعوا يلخصوا المؤتمر بردودهم

ودي ستيف جوبز يسوي مؤتمر اليوم ويقول ضحكنا عليكم امس ومافي مشكلة ونشوف الايه تنقلب 180 درجه وانه العيب بكل جوالات العالم الا الايفون هو الصح

 

[Lunar Poet]

إضافة : جربت المسكة في ايفوني الـ3GS و نزلت البارات فعلاً !!!

هنا المشكلة. إنت ألحين غيرت مسكتك للـ3GS عشان تنزل البارات، لهذا المشكلة ما تأثر على معظم الجوالات لأنها ما تظهر إلا لمن تمسك الجهاز بطريقة معينة غير عن الإعتيادية، بينما في الآيفون 4 تظهر المشكلة مع المسكة العادية و اللي إحنا متعودين عليها، لهذا ما أشوف إن سالفة "المشكلة موجودة في باقي الجوالات" عذر مقنع من أبل للمستخدمين.

 

[JOE]

^^ هو مو عذر اكيد بس فيه ناس كثير "بمعنى كثير" اقنعهم الإعلام انه مشكلة إنخفاض الإرسال حاصلة مع ايفون 4 فقط ... و دا الكلام مو صحيح اللهم ايفون 4 بتصميم الانتينا (الي له ايجابياته) خلاها مشكلة ظاهرة للكل .

 

[Zulfiqar]

هذه الجملة مو صحيحة إطلاقاً لأنه لما يصير دروب بالمكالمة تصير بشكل تدريجي مو تقطع على طول - من اللي شفته من فيديوات يوتيوب القليلة حول هذا الكلام - و هذه نسبة حصولها أقل من 1% بحسب كلام ستيف ..

أنت مجرب تمسك النكسوس تبعك بأكثر من مسكة و الإرسال زي الحلاوة و هو جهاز واحد صح ؟ .. أنا مجرب أكثر من خمسة آيفونات جديدة و أقدر أأكد لك إنه مسكتهم بكل الطرق الغبية اللي ممكن تخطر ببال إنسان و الإرسال زي الحلاوة و ما شفت إشارة واحدة نزلت إلا لو العالم هنا تكّذب عبدالرحمن لأنه فانبوي أبل هنا كلام ثاني.

أوكي حلو هذا الشيء صار واضح بالنسبة لي.

صحيح كل الجوالات يقل فيها الإرسال مع مسك الجهاز, والـ3GS معروف بمشاكله مع الإرسال هنا (من تجربة شخصية) وعلى كلامك الآيفون4 يظل أفضل ... أمممم طيب الحين انا رسميا ً مضيع ومادري أصدق كلام مين. أفضل حل انتظر واحد يشتريه وأجربه بنفسي.

 

[Photon]

أوكي حلو هذا الشيء صار واضح بالنسبة لي.

صحيح كل الجوالات يقل فيها الإرسال مع مسك الجهاز, والـ3GS معروف بمشاكله مع الإرسال هنا (من تجربة شخصية) وعلى كلامك الآيفون4 يظل أفضل ... أمممم طيب الحين انا رسميا ً مضيع ومادري أصدق كلام مين. أفضل حل انتظر واحد يشتريه وأجربه بنفسي.

بالضبط هذا أفضل شي تقدر تسويه مع إنك ما تقدر تضمن هذا الشي ما بيصير بجهازك الجديد تماماً لهذا السبب لو تقدر تشتريه من أي أبل ستور و تخلي الفاتورة عندك و لما تصير لك مشكلة لا قدر الله رجعه بسهولة يا عزيزي مو صعبة أبدا ..

إذا كنت بدولة مافيها أبل ستور و حبيت توصي عليه من برا تقدر تخلي الشخص اللي بيشتريه لك يجرب الجهاز عنده أسبوع مثلا و إذا كل شي كان تمام معاه يحطه بكرتونه و يرسله لك على الأقل يوصل لك جهازك و قلبك مرتاح

 

[JOE]

^^ مافي فايدة يجربه في منطقة غير الي عايش فيها

 

[Photon]

^^ مافي فايدة يجربه في منطقة غير الي عايش فيها

صح نسيت -___-

خلاص كل واحد يشوف أجهزة ناس غيرهم شرته و يجربهم بمنطقته عشان يتأكد إنه كل شي تمام .. شباب جدة عندكم عامر أول ما يجي جهازه خذوه منه و إقعدوا جربوا فيه حق أبو شهر أو شي زي كذا عند كل واحد و بعدين رجعوه له :

 

[i7asan]

لول ارهب شئ بالابل فانز تحس انهم يرجعوا يلخصوا المؤتمر بردودهم

ودي ستيف جوبز يسوي مؤتمر اليوم ويقول ضحكنا عليكم امس ومافي مشكلة ونشوف الايه تنقلب 180 درجه وانه العيب بكل جوالات العالم الا الايفون هو الصح

:laugh:: :laugh::

 

[Unknown]

ادري بالي بعيد

بس ابي اعرف الي شغله أبل بأبل وصاحب ورفيج ستيف جوبز .. متهني بالجهاز ولا لأ :laugh::

 

[Dr.Manhattan]

يعني لو أشتريه ألحين بيعطوني كيز معاه؟ و لما أستخدمها بتنحل المشكلة بشكل كلي؟

 

[Bakloyd]

الحمد لله اني كنت شايل فكرة شراء الجهاز من زمان، مستحيل ادفع ٣٠٠٠ ريال على جهاز في مشكله غبيه زي هذي.

 

[عاشق 360]

خخخ النوكيا المنتهي الي عندي شكله بيطول معاي اكثر ...

 

[Nyx]

لول يا حليل فانبويز أبل :tongue:

 

[Colorization]

عندي الـ3GS من ثلاث أسابيع تقريباً، وهو حرفياً أسوأ تلفون شريته من ناحية الوظيفة الأساسية: تلفون. لازم كل يوم مكالماتي تقطع، ولازم كل يوم جهازي يكون مغلق (مع إنه البارات كاملة). أعرف إنه مغلق مو لأنه الناس تقول لي، لكن لأني مشترك بخدمة MissU واللي ترسل لي مسج كل ما أحد يتصل علي ويكون الجهاز مغلق. تقريباً وبشكل يومي لازم أستلم رسالة تقول لي فلان إتصل عليك. حسب رسايلي بالجهاز:

8
9
11
13
14
16

هذي التواريخ اللي وصلتني فيها المسجات، أحياناً مكالمة وأحياناً مكالمتين. يمكن من أبديت آبل؟ يمكن، لكن وجهة نظري لأي منتج على وجه الأرض مثل أوكازو: يكسرون شي؟ فاين، بس يصلحونه بنفسهم. مو آنا اللي أراكض ورا حلول مو آنا سببها بعد ما شريته. هل آنا من الـ1% اللي تحوشهم هالمشكلة؟ طيب هل هالـfact بيخليني بشكل سحري راضي؟ أكيد لأ. المسألة مو مسألة حب وكره لشركة (لول تفكير المنتديات العجيب، لازم تكون فانبوي أهبل لشي) لكن آنا مستخدم حاب الجهاز وهالمشكلة مزعجتني لدرجة إني أبي أحط لي خط ثاني في تلفوني القديم (بلاك بيري بولد2). المضحك إنه بالشهر مرة توصلني رسالة MissU يوم كنت أستخدم البلاك بيري، مما خلاني أكنسل الخدمة لأنها ما عادت تهمني، لكني رجعتها مع الآيفون.

شي بقمة الإزعاج، ويمكن غير مرتبط بمشكلتي اللي فوق لكني مستغرب شلون محد تكلم عن هالشي: الجهاز مافيه غير إنه يرن، أو هزاز. مافيه profiles. تقدر تغير هذول الإثنين، مثلا تخلي وضع الهزاز سايلنت، أو تغيره بالشكل اللي تبيه، لكن ذاتس ات. مجرد switch على جنب يحوّل لك الجهاز من "الوضع العام" إلى "الوضع الهزاز". آنا توقعت على طول إني ما تعبثت بالجهاز عدل (مع إنه ظاهر بشكل واضح بكل الأجهزة الثانية)، لكني سألت بتويتر مرتين ومحد رد علي، معناته هذي فعلا مشكلة موجودة. بس ليش محد تكلم عنها؟ بالبلاك بيري كنت حاط الوضع الإعتيادي، والهزاز (حق الصلاة وتفتيش الدوام) وسايلنت1 (سايلنت عادي - حق العطل) وسايلنت2 (كل شي سايلنت ما عدا المكالمات من أمي، عشان تقعدني للدوام). معقولة كل هذا مو موجود؟

إذا فعلاً مو موجود فمن جد epic fail قد الدنيا. نومي خفييييييييييف وكل يوم قاعد أفز من مكالمات الأوادم وهالشي مزعجني جدا (جهازي يشحن بآخر الغرفة ولا أزال أفز بسببه). مابي أغير الوضع الهزاز إلى سايلنت. آنا أبي هزاز، وسايلنت، وعادي. هذا غير الأوضاع الثانية اللي كنت أستخدمها، لكن أبي هذول على الأقل.

أمنيتي أحد يقتبس ردي ويضحك علي ويقول لي كلامك غلط وموجود اللي تبيه.

كـsmartphone الآيفون لا يعلى عليه، مرتاح معاه حيل، برامج مافي أحلى منها وبالشكل اللي تبيه، وألعاب من كثرها بتخليك تترك أجهزتك الثانية، وهذا حصل معاي فعلياً لأني ما صرت آخذ الدي أس للدوام. لكن كتلفون، مافي تلفون خذلني مثل هذا. حتى HTC Diamond2 واللي أعتبره أكثر شي متحسف على شرائه بحياتي كلها ما كان بهالشكل. أكره حياتي لما أغوص بالحديث عن شي وفجأة أردد الثلاث أحرف الشهيرة "ألو؟ .........ألو؟" وأصك التلفون ولما أرجع أتصل حتى ما أعيد اللي كنت أقوله. يمكن أقوله ويرجع يفصل :laugh:: جد ومو ضحك.

 

[Dr.MoDmEn]

ما أدري إيش تبغى منهم يسووا لك أكثر من كذا ؟ .. يخترعوا لك جهاز يوصلك للقمر مثلاً ؟

يا الهي حسستني انهم سوو المستحيل عشان يحلون المشكله !!

 

[Solay]

عندي الـ3GS من ثلاث أسابيع تقريباً، وهو حرفياً أسوأ تلفون شريته من ناحية الوظيفة الأساسية: تلفون. لازم كل يوم مكالماتي تقطع، ولازم كل يوم جهازي يكون مغلق (مع إنه البارات كاملة). أعرف إنه مغلق مو لأنه الناس تقول لي، لكن لأني مشترك بخدمة MissU واللي ترسل لي مسج كل ما أحد يتصل علي ويكون الجهاز مغلق. تقريباً وبشكل يومي لازم أستلم رسالة تقول لي فلان إتصل عليك. حسب رسايلي بالجهاز:


كـsmartphone الآيفون لا يعلى عليه، مرتاح معاه حيل، برامج مافي أحلى منها وبالشكل اللي تبيه، وألعاب من كثرها بتخليك تترك أجهزتك الثانية، وهذا حصل معاي فعلياً لأني ما صرت آخذ الدي أس للدوام. لكن كتلفون، مافي تلفون خذلني مثل هذا. حتى HTC Diamond2 واللي أعتبره أكثر شي متحسف على شرائه بحياتي كلها ما كان بهالشكل. أكره حياتي لما أغوص بالحديث عن شي وفجأة أردد الثلاث أحرف الشهيرة "ألو؟ .........ألو؟" وأصك التلفون ولما أرجع أتصل حتى ما أعيد اللي كنت أقوله. يمكن أقوله ويرجع يفصل :laugh:: جد ومو ضحك.

انت شاريه من دبي؟!

لأن ولد خالي شاريه من دبي وجته مشاكل كثير من ناحية الشبكه وجت فترة الجوال مايقدر يدق منه اصلا ويطلع كال فيلد..

وشرا واحد من موبايلي والجهاز شغال معه فل الفل,وماادري ليه البعض هنا يشكي من المشاكل من ناحية الاتصال لأن مااشوف معي اي مشكله من ناحية الشبكه والاتصال وموب انا لحالي,الوالد والوالدة واربعه من خوالي وكلهم يقولون ماكد جتهم مشاكل.

ماادري هل تفرق الدفعات والا فيه مشاكل بأجهزة معينه؟!

وعلى فكرة بالنسبه للبروفايلز مافيه بس انك تقدر تحط على الصامت او على العام وتقدر تحط هزاز لكل واحد منهم على حدة,ولول اخيرا لقيت احد يستخدم خاصية البروفايلز لأني ماشفت احد بحياتي يستفيد منها.

 

[Solay]

بالنسبه للمعرض الصراحه توقعت حل زي العالم او على الأقل تعديل المشكله بالدفعات القادمه,موب يجيبون اجهزة ثانيه ويقولون ان الأجهزة فيها موب حنا بس ويجيب اعذار ان مافيه جهاز موب بيرفيكت واعذار بايخه ثانيه..

انا كزبون ابي جهاز يجيني متكامل على الأقل من الناحيه الأساسيه واللي هي المكالمات والاتصال بالشبكه,وموب عشاني ابشتري الجهاز ابجلس ادافع عنه واقول المشكله موب فيه او قليله,لأنها لو قليله ماسووا مؤتمر كامل عشان مشكله 5% بالكثير..

للاسف كنت متحمس للجهاز وانتظره بس بعد هالمشكله والحل المتخلف للأسف شلته من راسي وانتظر الإصدار القادم اللي اتمنى مايكون فيه هالمشاكل.

 

[Colorization]

إيه شريته من دبي، ما عندي فكرة عن اللي تقوله لكني ما أشوف شباب الإمارات يشتكون. هممم... ما عندي فكرة بصراحة.

أبوي عنده واحد لكن بعده ما يستخدمه بشكل رئيسي، حاط عليه خط ثاني وقاعد يجربه إلين يتأقلم معاه. هو شاريه من الكويت، بس ما أقدر آخذ منه معلومة مفيدة بخصوص هالشي لأنه ما يستخدم الجهاز وايد، عكس جهازه الرئيسي.

 

[Solay]

إيه شريته من دبي، ما عندي فكرة عن اللي تقوله لكني ما أشوف شباب الإمارات يشتكون. هممم... ما عندي فكرة بصراحة.

أبوي عنده واحد لكن بعده ما يستخدمه بشكل رئيسي، حاط عليه خط ثاني وقاعد يجربه إلين يتأقلم معاه. هو شاريه من الكويت، بس ما أقدر آخذ منه معلومة مفيدة بخصوص هالشي لأنه ما يستخدم الجهاز وايد، عكس جهازه الرئيسي.

انا ماادري وش المشكله من أجهزة دبي,يمكن دفعات قديمه,ماادري الصراحه ومااقدر اقول ان أجهزة دبي خربانه وانا مااعرف واحد خربان حقه الا ولد خالي.

 

[Mada Mada Dane]

المشكلة الشباب على بالهم تغيير الأنتل, او تغيير تصميمه امر سهل. هي ماهي مسألة الشركة ما تبي تغير لك التصميم, أصلاً الشركة مهما كانت كبيرة ماعندهم القدرة يغيرون لك تصميم كلي بـ دفعاتهم الجديدة بغضون كم أسبوع أو شهر! انتوا الان كانكم تطلبون من الشركة تنزل لهم iPhone 5 بدفعاتهم الجديدة! المسألة ماهي بسيطة مثل ما تتوقع و العوامل الي تأثر على إرسال الاناتل كثيرة جداً! ماهي شغلة بيوم و ليلة تتصلح, أو بأسبوع! وهو المشكلة ماهي بالأنتل, المشكلة بـ مكان الأنتل بالجهاز, ولو تفتح الجهاز بالفعل مافي أي محل ثاني يقدرون يحطون فيه الإنتل لكم, الجهاز من الداخل مليان كلياً! فلازم يغيرون تصميم الجهاز كله. و خلونا نفرض لو لقوا مكان ثاني يحطون فيه الإنتل بدفعاتهم الجديدة, المشكلة ما تنحل بـ هالسهوله لأن وضعيه الانتل و مكانه يأثر على تصميمه, فـ معناه لو لقوا مكان جديد يحطون فيه الأنتل, لازم يغيرون تصميم الأنتل على إنه يواكب المكان الجديد داخل الجهاز! دائماً مشاكل الهاردوير اكثر صعوبة حلها من مشاكل السوفت وير للأسف.

المسألة ماهي إن ابل ما تبي تصلح لكم المشكلة من الأساس, هي أصلا ما عندها القدرة إنها تصلح مثل هالغلطة! و الحل الي قدموه هو أفضل حل أي شركة في مكانهم ممكن تقدر تسويه.