I hate DHL ..

[Mada Mada Dane]

السلام عليكم, شلونكم؟​

وهذه قصتي ..​

06/11: الوالد كلمني, قال لي رحلتك يوم 21 للسعودية.
06/13: ارسل لي التذاكر, EXPRESS, لعنواني. الوقت المتوقع وصول التذاكر بعد يومين, اي 06/15.​

الطرد, خرج من مدينة الجبيل الصناعية بتاريخ 13 عصراً, مروراً بالظهران و إلى مطار هيثرو بلندن في رحلته حول العالم, الطرد المغامر استجمع شجاعته و غادر من هيثرو إلى لوس انجلس مدينة الإجرام متجهاً بعد ذلك إلى كاليفورنيا الحبيبة ..​

06/17: الطرد وصل مطار كاليفورنيا, in transit
06/18: لم يخرج, طردي المغامر يواجه مشاكل, لذا فزعت له, واتصل فيهم, قالوا بكرا هو عندك.
06/19: شيكت الترايكينج, والفاجعه! ياإلهي!, لم يخرج الطرد ..​

هنا قررت التصرف! ​

اتصلت فيهم, قلت للي تشتغل يالحبيبه, قوووة ..
الطرد فيه تذاكري, و رحلتي عقب بكرا, بتاريخ 21 ..​

ولا طلعت التذاكر من كاليفورنيا, والمفروض الحين عندي!​

وش السالفه؟​

فبادرت الموظفة اللطيفة بالاعتذار و الكلام المعسول الذي اخجلني, وفتحت لي قضة و رقم ملف
و وعدتني بأن الطرد سوف يكون عندي غداً​

06/20: !!!!!!!! الصدمة العظمى, الطرد لم يخرج من كاليفورنيا!​

رفعت السماعه ​

اتصلت, رد علي واحد
فجاء ببالي * افا وين الحبيبة *
لكن تداركت نفسي وقلت لا مجال للرومانسيه هنا ..​

انا: حجي, وين طردي؟
هو: وش اسمك؟
انا: خالد الحملي
هو: وشو؟ خال محمد؟
انا: لا جده, هاهاهاها
هو: can you spell it for me sir
انا: ايه طيب, خ ا ل د, بس انا يالحبيب مكلم علشان شحن دولي ..
* كل مره ادق يسالوني وش اسمي اعطيهم اياه يسالون وش مشكلتك اقول شحن دولي يحولوني, فقلت اختصر *​

و يحولني, قلت اكيد حولني للحبيبة
حولني لوحدة ثانية ..​

شرحت لها الوضع, حولتني لناس مختصين لهقضايا​

انا: حجية, يا معودة, وين طردي؟
هي: يالحبيب, طردك بيجيك في خلال 24 - 48 ساعه, لانه الحين بشاحنه الظاهر بالطريق
انا: تستهبــ !! .. بتفوتني رحلتي ومكلفتني 2000 دولار
هي: * تضايفت و مو عارفه تتصرف * ما تقدر تغير الحجر؟ * بتردد *
انا: * تمالكت اعصابي * لا صعبة, عموما ما في حل يعني؟
هي: لا سيدي, الطرد بالطريق
انا: اوكي * واسكر بدون شكرا *​

وطيط طوط طيط ادق على الوالد​

انا: قوة يبه, شلونك؟ شوف السالفه بيب طيط بيب
هو: لا حول, قول لهم قول لهم
انا : قلت لهم
هو : عارف بس قول لهم ثاني
انا : يعني وش بيسون؟
هو : خلاص خلني ادق على وكالة الطيران اشوف اذا عندهم حل * هو الي مسوي الحجز لي هالمره لانه على حسابه*
انا : تدري, اجل الحجز
هو : لا حول, يمكن يتاجل اسبوع- اسبوعين, دق و وشوف اذا هو بفينكس و روح خذه
ملاحظة: فينكس ساعة سواقة من هنا اذا الخط فاضي, مع الزحمه ممكن 3 -4 ساعات, اقل او اكبر على حسب حظك .. ​

انا: * بكل حكمة * ماني مسوي شئ لين ما تدق على الخطوط و تشوف لي وش يقولون ​

بعد ربع ساعة​

الوالد: اجلت رحلتك يوم, ومستانس .. يقولون الرحلة الي بعدها بعد اسبوع, فدق اكد عليهم, وقول لهم برفع عليكم قضية بس بادب تام
انا : ابشــر ​

Dailing DHL's number ​

العميل: وش اسمك؟
انا بقلبي: لا قل تبي اسم امي بعد!
انا مو بقلبي : خالد الحملي
العميل: ها؟
انا: شحن دولي, شحن دولي!
العميل: طيب احولك الحين ​

رد علي العميل تبع الشحن الدولي​

انا: حجي اسمعني, السالفه طيط طوط طيط​

Listen my friend, I've called my airways agency, and I managed to delay my flight one day, and that is how far as I can go. So, please please, If I don't get my tickets before the 22nd, I will lose my 2000 $ ticket, and I will have no place to stay in, but I WILL STILL GET MY MONEY somehow, and this is how serious I am. ​

هو: * بسرعه قال الكلام وصوته كانه متغير -_-" * thank you sir and you will get the package before then. ​

* طيط طيط طيط طيط *​

اوكي انتهت السالفة, اتمنى يوصلني قبل و ارتاح, لاني ما عندي اي فكرة كيف ارفع قضايا هنا, جنكو, خالد لو تعرفون لاتقصرون و علموني بس ان شاء الله ما الجاء لــ هالشئ و تجيني التذكرة, والي متوقع تجيني على حسب كلامهم ..​

واخيرا, دعواتكم للطردي العزيز بالوصول سالماً إلى الاحضان .. ​

 

[Futrus]

التذاكر الإلكترونيه FTW
الله يعينك وترجع لأحضان أهلك

 

[Mada Mada Dane]

صحيح, العادة اخذ تذاكر الكترونيه لكن هذي مالها الكترونيه, كلمنا و طلبنا, باختصار رحله حلوه جدا بسعر رخيص ..
ليه مافي الكترونيه لها, ما ادري, اتوقع علشانها دولية ..

لان الداخلية ما عمري سافرت إلا الكتروني ..

 

[Death match]

اهنيك على ميزة سرد الاحداث والله خليتني اندمج معاك

سهالات ان شاء الله وبكرى حيوصلك الطرد بس قلتلي شنو اسمك ؟ jk

 

[Mada Mada Dane]

اهنيك على ميزة سرد الاحداث والله خليتني اندمج معاك

سهالات ان شاء الله وبكرى حيوصلك الطرد بس قلتلي شنو اسمك ؟ jk

خالد الحملي :normal:, تشرفنا :yuck:

 

[NSider]

لو رفعت عليهم قضية راح يسوون تسوية ويعطونك 2000 دولار على التذكرة و20,000 دولار على وقتك وجهدك اللي ضاعوا و2,000,000 دولار على الأضرار النفسية والعاطفية اللي صارت لك.

يعني لو ما يوصل أحسن لك.

 

[m7tram]

يارب ما يوصل , اقصد يارب يوصل .. صراحه مادري اخر رد قفل مخي :yuck: .

 

[Mista Koo]

اهنيك على ميزة سرد الاحداث والله خليتني اندمج معاك

من جد.. بتخلينا ندعي عليك عشان تطلع لنا مثل هالمواضيع P:

إن شا الله يوصل ويصير خير!
ولا تتهور وتحاول تقاضيهم لأنك سعودي وبيطلعونك إنت الغلطان غصب >.> [لا تكبرون السالفة عشان ما يتحول الموضوع سياسي ويتقفل]

 

[Khalid-S]

خالد .. ممممم انا كنت بسوي مثل طريقتك .. لكن رحت طريقه مشوار اكثر ومتعبه لك انت يالطالب لكن وصولها اامن ..

والي هي تتصل على الخطوط السعودية في نيورك (بالنسبه لي لانها اقرب) لكن انت مثلا تتصل على حقت LA .. تحجز عن طريق التلفون .. ترسل لهم بالفاكس صوره كريدت كارد ابوك (يكون راسلك اياه هو) وكتابة خطيه منه انه يسمح لك انك تسحب المبلغ هذا منه وموقع .. ارسل الورقتين هذي فاكس .. يومين شحن داخلي وتكون التذكره وصلت لك .. كذا انا اسوي. ووصلت بسرعه.

 

[TenZen]

الله يعينك وتحصل على التذكرة في الوقت المناسب ..

انا كرهة الDHL من زمان وما صرة اتعامل معاهم , افضل Fedex او UPS


بس فعلانا غريب الموقف .. اش راح يكون السبب في كل هذا التأخير !!!

 

[Ginko]

الله يعين. اتوقع وبكل صراحه انها ما توصل للاسف، لكن اتمنى انها توصل. بس برأيي لو ما وصلت خل ابوك يأخرها اسبوع زياده. لكن في النهايه راح توصلك لا تخاف، انا مره ضاع لي كريدت كارد في الميل لكن في الاخير وصل لي بعد 20 يوم.

بخصوص القضيه، ففيه محامين ما ياخذون فلوس منك الا اذا ربحتها، وهو يتولى لك كل شيء، وصراحه اذا جتك الفرصه فحرام تضيعها، لكن ايضا اظن انهم واجهوا مثل هالقضايا كثير، فصعبه تطلع منهم فلوس تسوى.

في النهايه الله يعين وتوصل لك التذاكر.

 

[Mada Mada Dane]

خالد .. ممممم انا كنت بسوي مثل طريقتك .. لكن رحت طريقه مشوار اكثر ومتعبه لك انت يالطالب لكن وصولها اامن ..

والي هي تتصل على الخطوط السعودية في نيورك (بالنسبه لي لانها اقرب) لكن انت مثلا تتصل على حقت LA .. تحجز عن طريق التلفون .. ترسل لهم بالفاكس صوره كريدت كارد ابوك (يكون راسلك اياه هو) وكتابة خطيه منه انه يسمح لك انك تسحب المبلغ هذا منه وموقع .. ارسل الورقتين هذي فاكس .. يومين شحن داخلي وتكون التذكره وصلت لك .. كذا انا اسوي. ووصلت بسرعه.

انا اول مره سويت طريقه مشابهه, عن طريق مكتب خطوط الطيران الي تتعامل معاه الملحقية, وتذكرتي كانت الكترونيه ..
لكن هالمرة الخطوط السعودية كلها full بالحجز على خطوط ثانيه ..

الله يعين بس, ان شاء الله خير


عبدالله/ قالوا لي انها بالشاحنه بالطريق, هي طولت بالترانزت ما ادري ليه ><"
بس الله يسمع منك و توصل ان شاء الله قبل الرحلة ..

 

[Mada Mada Dane]

الرحلة بكرا, و الرد بــ يوتاه!
و بكرا بيوصلني up-date عن حالته, وهي تتكلم خايفه ..
مسكت نفسي وقلت just wondering, what the it's doing over there?
و ما كان عندهم رد, مسكت نفسي, و قلت يعني في مافي امل يكون بكرا عندي؟
قالت لا ممكن, بس ما نقدر نتصل بالمصدر الاصلي حقه لانه بشاحنه بالطريق ..
قلت طيب اتصل بكرا ..

الوالد عصب, يقول قول لهم صريحه اني بقاضيكم, هو دارس بامريكا و عارف بهالامور ..
قلت له خذ الرقم و هزاهم انت, تعبت معهم انا ..

More updates are in their way ..

 

[Mada Mada Dane]

الرقم يبدى بـ 800, فاضطريت ادق انا أأكد عليهم ..
دقيت, شرحت, قالوا محنا مسؤولين ..
اجل جدتي مسؤولة؟ بس يعتذرون, انا اتكلم وهي تتكلم بنفس الوقت, ما سمعت كل الي قالته بس المفروض في مبلغ يندفع يضمن قيمة المستندات, و عندنا الظاهر بالسعودية ما يجيبون سيرته ..

قلت برفع قضيه, قالت يالله اقفل ملفك و تتصل بمحاميك الحين؟ خخخخخخخخ
من وين لي محامي ياحظي ..

قلت we'll wait 'till tomorrow

خلاص, انا حزين ..
اليوم بطلع اشوف فيلم مع اصحابي, و اكل هوت دوق من افضل محل هوت دوق بتوسان

هو صراحه مو محل, kart راعيه يهودي يبيع هوت دق كله حلال .. بطل

 

[Pichi]

كان الله في عونك :normal:

 

[Bounty]

انصحك لا تقاضيهم .. لأن القضيه = وقت طوييل و مراجعات و كل يوم رايح المحكمه .. ويستدعونك مليون مره ..
بعدين ما تقدر تروح حق السعوديه لأنك بتكون متابع لقضيتك -_- ..

و زياده على كل هذا .. مليون و 600 الف بالأميه ان الشركه كاتبه بالعقد الي وقع عليه ابوك انها مو مسؤوله عن شي خارج عن تصرفهم .. و اعتقد هالشي هو "ظرف قاهر" يعني خارج عن يد الشركه + لا يوجد تعمد من الشركه بأن الطرد ما وصل لك ..


المهم .. نصيحه مني لا ترفع قضيه .. لأن اذا رفعت .. بتعيش ((اقل شي)) 4 شهور من القلق و ضيقة الخلق ..


عالعموم ان شاء الله يوصل لك الرد بدون مشاكل .. و الله يوفقك

 

[Khalid-S]

الله يعينك ... والله قلق بقوه .. الامريكان صعب التعامل معهم مرات ... يازين السعودية .. هندي تطير عيونك عليه يبكي.

 

[Mada Mada Dane]

الساعه 7 الصبح اشيك التراكينج إلى وهو وصل مدينتي ..
الظاهر طلع الكلام ينفع معهم, ودقوا علي يبون الفكه خخخ
يقولون نوصله و نقفل ملفك, لانهم فاتحين لي ملف خاص للقضيه و الخربطه ..

رحلتي تاجلت لـ 24, لكن نفس التذاكر استعمل, والحمدلله وصلت و بكرا بيجيبونه لي ..

 

[Torpedo]

الله يعينك خالد .. بس و الله تعجبني .. كل هذا العناء الي تمر فيه حتى ترجع و تشوفني .. ياخي احراج و الله .. ما ادري كيف اقابلك الحين ><

 

[Mr.3B]

...

الله يعينك خالد .. بس و الله تعجبني .. كل هذا العناء الي تمر فيه حتى ترجع و تشوفني .. ياخي احراج و الله .. ما ادري كيف اقابلك الحين ><

والله لو اني من خالد .. أول ما أشوفك .. ايد تسلم عليك ورجل تدوس في بطنك :yuck:

 

[Torpedo]

والله لو اني من خالد .. أول ما أشوفك .. ايد تسلم عليك ورجل تدوس في بطنك :yuck:

افا.. و انا لما انت ترجع اضرب مشوااااار حتى اشوفك ..
على العموم .. مشكور ، يصير خير اذا قابلتك مرة ثانية

خالد .. ترجع بالسلامة ان شاء الله .

 

[Mada Mada Dane]

Agool bs, kelkom elfgoha, I drove for like 4 hours to go to DHL to get my tickets, and I didn't sleep 'till my flight at 12:05am, but you know what? IT WAS CANCELED!!

SCREW THAT!

** sorry can't write in Arabic ..

 

[Mario2]

لوووووول .. موضوعك تحفه .. الحمدالله بس انحلت مشكلتك بس يالله راح تروح اليوم ..

 

[Torpedo]

ههههههه .. يا رهيب يا خالد .. xD

 

[Mada Mada Dane]

ماني مصدق, للمرة الثانية ..
جالس انتظر البوردنج للطيارة, ركب كل الركاب إلا اخر 10, فجاه, قالوا في عاصفه جوية بهيوستن ..
و اجلوا الرحلة, حول 3 ساعات ..
ومنها فاتتني كل الرحلات المتصله الي تعتمد عليها ..

النتيجة, تاجلت رحلتي مرة ثانيه لـبكرا @_@