الموضوع الرسمي games 10 معرض الشرق الاوسط للالعاب

[ryo hazuki]

Games Alliance Middle East Show 2010 (GAMES 10)

المكان : دبي , فيستسفل سيتي مول

التاريخ : من 17 الى 19 من شهر سبتمبر

من الموقع الرسمي :

الالعاب القابلة للعب في المعرض
Gears of War 3
Halo: Reach
F1 2010
Gran Turismo 5
FIFA 11
and more
The big draw for 2010 will be Sony’s Move and Microsoft’s Kinect

المشاركين :
سوني
مايكروسوفت
Red Entertainment Distribution
Pluto Games

الموقع الرسمي : http://tbreak.com/megamers/games10

للتسجيل : http://tbreak.com/megamers/games10-register



ياريت ديد رايسينق 2 تكون موجودة

للحين ماشفت موضوع رسمي مع ان المعرض قرب وقتة الي كان ناوي يعمل موضوع رسمي يبلغني و انا راح امسح الموضوع

 

[BioMario]

GoW3, GT5, KZ2 العاب تهمني, سيارتي في الوكالة بتخلص الأسبوع الياي :crying:

 

[king zell]

غالبا ما أحد بيكون مهتم من السعودية خصوصا لأن Gamer's Day مباشرة بعده بأسبوع و نفس مجموعة الألعاب و الديموز

 

[BioMario]

غير هذا الوقت غلط

 

[Chris Van Dam]

معرض طوكيو ..

 

[Super Shadow]

غالبا ما أحد بيكون مهتم من السعودية خصوصا لأن Gamer's Day مباشرة بعده بأسبوع و نفس مجموعة الألعاب و الديموز

هذي المشكلة

التوقيت غلط -___-

 

[Emirates]

تم التسجيل بنجاااااااح

متحمس للكنيكت وجران توريزمو 5

...

محمد مشكلة الجيمرز دي انه لالعاب سوني فقط يعني لو فيه العاب مايكروسوفت ايضا كان بيستوي احلا

 

[ryo hazuki]

بعد تجربتي للالعاب في معرض GAMES10

JOY RIDE :

الشعور كان غريب جدا العب اللعبة و العالم خلفي يشوفون كيف العب و خفت اغلط و تصير مهزلة , الحمد لله من اول 5 ثواني فهمت التحكم و كيف طريقة اللعب و التحكم ما كان مضبوط 100%
اللعبة كانت تستجيب لتحركاتي بنسبة 80% ممكن عشان كانو فيه جمهور خلفي هوه الي اثر على التحكم و كان طرية اللعب بسيطة لذالك ماكان فية اي مشاكل و خلصت اللعبة في المركز الاول و جاني العامل الي يشتغل و قالي مبروك انته اول واحد يجيب الاول , كانت تجربة ممتعه و بشتريها اول ماتنزل ,

Kinect Adventures :

الجرافك رائع و انا لعبتها مع صديقي و كان المفروض نتواصل عشان نعرف اي طريق نسلك في اللعبة لكن صوت المعرض كان عالي جدا وماكنت اسمعه ولا يسمعني و ماكنا نتجاوب بشكل سريع مع الاحداث السريعه للعبة , بس بشكل عام اللعبة رائعه و حسيت اني بذلت مجهود

Kinect Sports :
Bowling

شعور رائع جدا لما تشوف ال AVTAR يتحرك مثل ماانته تتحرك و يخلي عندك شعور انك انته في اللعبة , تختار انته باي يد تلعب يمين او يسار و بعدها تبدا اللعبة و تلتقط الكورة بيدك و تاخذ وضعية رمي الكرة و تريمها

التحكم ممتاز 100% لان ماكان فيه زحمة خلفنا و التقاط الكور راائع و سلس و لما ترمي الكورة تروح على توجة يدك يمين او يسار طبعا اول شي ماقدرت اظرب اي شي و من بعد 4 محاولات جبت سترايك

هذي لعبة من مجموعه اللعب بس انا جربت البولنغ عشان مايحتاج تنطيط و اللعب موريح

FABLE 3 :

لاشي جديد اللهم الانيميشن احسن من الجزء الثاني

castlevania lords of shadow :

الجرافك كان جيد لكن مش ممتاز و التفاصيل جيدة , و الجيم بلي نسخة من gow و كنت متحمس لها وايد لكن لما جربتها الحماس قل و ممكن يكون مستواها بين GOW و دانتي انفيرنو

gow 3 :

مالعبته بس تفرجت و انصدمت بالجرافك و اللعبة زادة سرعتها + فيه خيار رائع تتحكم بمخلوق غريب و كانة لغم تتحكم فيه و تخلية يتوجة للعدو و تعطية امر ينفجر و شكلة لما يتحرك يضحك

SONY MOVE :

لما جيت بجرب ال MOVE قالتلي العارضة ممنوع و جا واحد و قالي ارجع لورا لو سمحت ولما طلع كل الناس مع قسم الموف اشتغلن البنات رقص و ماسكات ال MOVE باليد اليمن و يرقصن كانة مافية بكرا و المشكلة مش رقص للعبة معينة او (ديمونستريشن ) انما هوه رقص عشوائي لمجرد الرقص و استمرن بالرقص للجمهور ,,, بالله هذي دعاية للموف , ممكن للفت انتباه الجمهور الي اغلبة منبهر بالكينكت

marvel vs capcom 3 :

توقعتها احسن من هذا لانها تتبع نفس اسلوب الجزء الثاني من القفزات العالية و احداث كثيرة تصير في الشاشة يعني ابدا ماتقرب من مستوى SF4 لكن ما اقدر احكم من تجربة وحدة لانها لعبة قتال و محتاجة وقت اكثر و متحمس لها نوعا ما

Fist of the North Star: Ken's Rage :

كان المفروض تكون معروضة لان فيه قسم خاص لها لكن على كلام العامل الديمو ماوصل في الوقت المناسب , بتنزل شهر 11




الخلاصة :

المعرض كان ممتاز لكن هال مرة كان مفتوح للعموم و الاطفال و العوائل مالين المكان بالنسبة للموف و الكنكت و المكان صار ضيق اكثر و مايتسع للجمهور و كامحتوا كان ممتاز جدا و عجبني مع اني ماكنت متحمس في البداية لكن معرض رائع و الي خلاني اطلع بتجربة حلوه الكنكت , وخلاني اقتنع 100% بالكنيكت و تجربتة الرائعه

اتمنى الشباب الي راحوا للمعرض يعطونا انطباعاتهم
*

 

[Naserano]

gow 3 مالعبته بس تفرجت و انصدمت بالجرافك و اللعبة زادة سرعتها + فيه خيار رائع تتحكم بمخلوق غريب و كانة لغم تتحكم فيه و تخلية يتوجة للعدو و تعطية امر ينفجر و شكلة لما يتحرك يضحك

:inlove: احبك

FABLE 3 : لاشي جديد اللهم الانيميشن احسن من الجزء الثاني

: اكرهك

 

[Sora Diersly]

وخلاني اقتنع 100% بالكنيكت و تجربتة الرائعه

احلى شيء قلته

 

[Emirates]

عن نفسي جربت تقريبا اكثر الالعاب انتظارا بالنسبه لي

الكنيكت والعااابه

العاب الكنيكت


لعبت جوي رايد دوور واحد وتميت اضحك واضحك وانا العب وهذا اهم شي عندي ... لعبت كنيكت ادفانشر انا واخوي بعدها اخوي اللي ماله اي ذرة اهتمام بالموشن كنترولر قال الجهاز واجب شراءه .. كنيكت سبورت كانت الالعاب اللي قابله .. كرة القدم والركض والبولينج .. طبعا اخترت البولينج اول رميتين ما اتقنتها صح ولكن فيه اسهم تحت تستشعر اتجاه ايدك ... عقب ما عرفت الطبخه يبت 3 سترايك ورا بعض
كنيكتمل .. لعبة تفوق الوصف ... جوها مرح بشكل كبير تتحكم بحيوانك كما لو كنت انت اللي مدربه ومربيه ... لعبه حلوه وتنفع للجو الاسري
دانس سنترال ويور شيب فتنس طبعا كانوا قابلات للعب ولكن على المنصه ... والجمهور تحت يصفق ... مالعبت فيها ولكن استمتعت بمشاهدة الناس اللي يلعبون

باختصار بالنسبه لي ... كنيكت = مرح وطريقة لعب مختلفة ... واساسا حضرت معرض جيم لتجربة الكنترولر فري وفعلا سرق الاضواء ..

................................

جران توريزموو 5 لعبتها شوي .. بمجرد شفتها بالدركسون ما كملتهاا .. افضل العب بالسيارات بايد التحكم العادي

اللعبه حلوه وممكن انها بيلد قديم لذلك ما بحكم على الجرافيكس لين ما اشوف المنتج النهائي وبشكل عام .. منتج راقي

....

Marvel vs capcom3 .. من اكثر الالعاب اللي اعجبتني في المعرض ... يمكن يختلف ذوقي عن ذوق ريو هازوكي
اللعبه طالعه حماسيه مثل الجزء اللي قبله ... عيبها انها سهله طقطق في هالازرار وسوي باور على كيف كيفك

............

كاستل فينيا .. لعبة متوسطه الصراحه ... مب قد توقعاتي .. الجرافكس جيد ميكانيكية اللعب مش مضبوطه كجيم بلي .. يعني مافيها شي مميز اقدر اطلع منها بنتيجه الا يمكن القصه اذا فيها لمسات كوجيما .. اما ك جيم بلي .... مكرر وعلق على كم حركه وانا اكره هالنوع من اللعب ( ويارب يكون بس في الديمو وبداية اللعبه ويتطور الجيم بلي )

............

الموف ما جربته لذلك ما بحكم عليه

.....

جيرز اوف وور

كالعاده الديمو كان شبكه يراويك طور من اطوار الاون لاين واللي تلعب به بشخصيه من شخصيات جيرز حتى الوحوش ... وتضارب فيهاااا كلن واسلوووبه الهجومي
.......

فيبل 3 شفتها ولا عبتهاا

......

باقي الالعاب فيه منها نزل ديموو وابلاقي ما اهتميت فيه

..................

الخلاصه من هالمعرض

شرائي للكنيكت كان 100%
صار 200%

 

[mario0o]

كنت رايح المعرض عشان الشباب، ثم اجرب الكينيكت، والحمدلله استانست بالكينيكت مع لعبة ادفنجر

كان المكان زحمة لان موقعه في نص المول واشوف الحركة حلوة للفت نظر عامة الناس للالعاب.


اترككم مع الصور عشان تعيشون جو المعرض

القسم الاول ينقسم الى الموف والكينيكت.. بالنسبة للكينيكت لعبة الدانس كانت عالمسرح اما باقي الالعاب موزعه حوالينه

احلى استقبال لي في قسم الكينيكت... ظحك مع الساري مالهن

كيووووووووووت:inlove:

القسم الخارجي كان يضم قسم العاب السيارات والعاب الكبار

فالنهاية رحنا يو سوشي مع الشباب وتعشينا :inlove:

واسمحولي على التغطية البسيطة




.

 

[Emirates]

يسلم لي هالتصوير بو شهااااب

ابا ارجع العب هاللعبة :crying: