slifer dragon
True Gamer
هذا بالضبط الي أبي أوصل له.الحلقة ذي تشرح المعنى الشعبي " هبٍ بلا لب ". الاخراج والمؤثرات والاماكن كلها خرافية، لكن الاحداث متوقعه بدون اي مفاجأة تذكر. يعني بحيرة وفيها جزيرة ومحوطه من كل مكان، اكيد التنانين بتجي.
والله اني اقدر اكتب لهم سيناريو افضل من هذا بدون تفكير بعد. كان ممكن يكون اعظم مشهد بالمسلسل كله لو خلوا اللي مع جون يضحون بأنفسهم على شكل درع حتى يهرب هو والسجين اللي مسكوه، مع كم جمله كليشي من كليغين، وكم كلمة مؤثرة من جورا، وخذلك افضل مشهد بالمسلسل كله.
مو هذا جيم أوف ثرونز الي تابعناه وعشقناه من البداية. السبب الي خلى أغلب الي بالموضوع يتابعون المسلسل هو الحبكة القصصية. صحيح فيه عامل الإخراج الي ما يتقاىن فيه أي مسلسل آخر ويتحسن مع كل موسم. لكني متأكد أن أغلب المتابعين ما راح يستمرون بمتابعة مسلسل 7 مواسم وكل حلقة بساعة عشان فقط الإخراج.
السيزون هذا كله مشاكل قصصية. مسألة الفاست ترافل ما كان عندي معها مشكلة ببداية الموسم لأن الأحداث ما كانت مترابطة، فيسهل تفسيرها بأن المسلسل جالس يطمر الفترات الزمنية الطويلة للرحلات ويظهر الأشياء المهمة فقط، وهذا شيء أتفهمه بآخر موسمين بالمسلسل، لكن الفاست ترافل الي حصل بالحلقة السادسة لغيندري، الغراب النفاث وتنانين دينيريس بينما قروب جون سنو محوط بدون ما يموتون من البرد، الجوع، العطش أو هجوم الوايت ووكرز خلال هالفترة الزمنية هشاشة بالقصة.
هذا غير المحادثات الي ما عاد لها معنى غير الفان سيرفس أو سبويلر للقطة التالية بالكامل (أسلوب بنكلم فلان، اللقطة الجاية يكلمون فلان على خطة، اللقطة الي بعدها تطبيق الخطة بنجاح).
أكيد بينزل مستوى القصة بعد الانحراف عن الكتب، لكن كتابة هشة بالشكل هذا ما تتوقعها إلا من كاتب مبتدئ.
السبب الوحيد أن الموسم هذا ناجح هو أنه تكملة لجيم أوف ثرونز الي حبوا قصته العالم. والواحد لما يتابع مسلسل 6 مواسم، طبيعي يبغى يكمل لنهايته ولهذا المشاهدات عالية.
من فبل عارفين أنه المسلسل فيه تشابه مع ثلاثية لورد أوف ذا رنغز، وكنا نفضله على الثاني لقوة سرد القصة والأحداث وترابطها، لكن للأسف هذا الموسم بالتحديد أضعف بكثير من السلسلة الثانية ومحزن أنك تشوف قصة ممتازة تنتهي بهالسوء.
هنا بالضبط اختلافي مع الي قارن حالة جيم أوف ثرونز بفل ميتال ألكاميست الأول. فل ميتال ألكيمست كمل بسرد قصصي جيد ونهاية جبارة (أفضل نهايته على برذهود بالمناسبة)