انا بشكل عام ما اطيق نوعية البنات الا احسهم لزقة. ممكن البعض يشوف الشي كيوت، وهو ممكن يكون كده في احوال معينة بس هذه الحالة مش وحدة منهم.
كانون غير انها كانت لزقة كانت مزعجة وكانت تسوي الاشياء الا ودها تحسسني انها كيوت وكده بس ما كنت اشوف هالشي. كنت مو طايق خلقتها، وكنت كل مرة اشوفها تعتفس نفسيتي وودي
احط فيها دست (اكا شحط بالبالوعة، اكا اضربها ضرب قاسي). كنت حاس ان هذا الشي الا ممكن يبرد شوي من هالكره. (نعم انا شرير
)
في حركة حلوة كريهة يسووها الكتاب الا يجيدوا الكتابة، يقدموا شخصية، يخلوك تكرهها، يخلوك تكرهها، يخلوك تكرهها، وبعدين يخلوك تحقد عليها، وبعدين يخلوك مرة وحدة تتعلق فيها.
وطبعا هذا ما يصير الا بعد بناء كويس للشخصية،ممكن هذه ما كانت نية الكاتب بس هذا الا صار هنا.
نظرتي الاولى عن كانون كانت البنت الغنية المدللة الغبية الا تفكر نفسها كيوت وليها الحق تسوي الا تمباه. بس
نظرتي شوي شوي تغيرت مع الاحداث. وحصلت بعض التفسيرات لبعض تصرفاتها
شوي شوي تغيرت نظرتي عنها لبعض الاشياء البسيطة، بعض محادثاتها مع كيوسيكي (او معاي) كانت جدية، لدرجة اني احيانا حسيت اني كنت اشوف نظرات جونزو فيها
كانون كانت من اب شايفنها كيس فلوس وام شايفتنها اداة فلوس وتحقيق احلامها الا فشلت تحققها. يعني من ابو وام شايفينها ويعاملوها على انها مجرد اداة لتحقيق اغراضهم.
الفرق ان الام كانت تغطي هالشي بغطاء الامومة والحنان والاهتمام وان جونزو ما كان يكذب على نفسه. نعم ابوين السنة بجدارة.
كنت افكرها غبية جاهلة عن العالم الا حواليها وانها تسوي الا يقولوه ليها. هي ممكن كانت غبية،ممكن كانت تسوي الا يقولوه ليها، بس ما كانت جاهلة عن العالم الا حولها.
كانون كانت تدري ان ابوها يسوي اشياء "مش كويسة" وان امها تدور بس عن مصلحتها ومش عاطتنها خبر. مع ذلك كانت تسوي تسوي الا يقولوه ليها.
ممكن عشان هي كانت تحب امها، ممكن عشان هي استمتعت بالتزلج لما اتقنته، او ممكن عشان هي انصاعت لامها وكملت التزلج.
فيه مقولة سمعتها انا " الحزين عنده مشكلة، والا يضحك عنده الف مشكلة". ما توقعت كانون عندها كل هذا لما اشوفها في المدرسة تزعجني.
بالنسبة ليش هي كانت تتلزق فيي (كيوسكي)، كان الكل اما انه يعاملها على انها اداة، او يعاملها على انها محترفة تزلج، كيوسكي كان اول واحد شافته يعاملها على طبيعتها. حتى ولو انه معاملته
اليها ما كانت الافضل مقارنة بالبقية ولكن كانت حقيقية،ايضا ممكن شافته يشبهها في انهم اثنينهم ادوات، هي اداة لامها وجونزو، وهو اداة الى جونزو. الفرق انه ما كان اداة لامه وانه شايفنها كشخص يحتذى به.
امها كانت تدللها بزيادة عن اللزوم وتسوي اي شي عشان تخليها تسمع كلامها لدرجة انها تخليها تغلط وتقول ليها عادي انتين ما سويتي غلط، او ممكن بس كان مجرد قل اهتمام وقلة تربية.
هالشي خلاها تشوف نفسها ما تغلط، وهذا مثل ما قلت يفسر ليش كانت "وليها الحق تسوي الا تمباه" ويفسر ليش كانت مزعجة الى حد ما.
كانون كانت حاطة كل هذا في قفص و مقفلة عليه بمفتاح، والمشاكل هذه تراكمت مع مرور الزمن. الين ما انفتح هذا القفص وما عرفت تسكره من جديد، والا فتحه هو لحظة سقوطها على الجليد.
"Kanon did nothing wrong"، الجملة لحالها هذه قلبت نظرتي عن كانون 180 درجة وخلتني اطلع من طوري وجابت لي الاكتئاب، البناء لحد هذه الجملة عطاها معاني كثيرة في كم كلمة و خلى وجودها شيء قوي.
كانون لما سقطت على الجليد، هذه الجملة تبين لينا في ويش كانت تفكر وقت ما طاحت. كانون انكرت انها اخفقت، وانكرت انها غلطت، المشهد الا شافوه مئات الجماهير وغلطتهم وقالت انها هي الصح.
وكيف لا؟ التزلج هو الا كان يخلي امها تهتم ليها، هو الا كان يخلي ابوها يصرف عليها عشان تنجح، هو الا كان يخلي الجماهير يحضروا دوري التزلج هذا. هي كانت تشوف ان التزلج هو كل شي، كانت تشوف ان قيمتها في التزلج
وطول ما التزلج موجود هي عندها قيمة، فلما فشلت في التزلج،ما صار عندها قيمة.
"Kanon did nothing wrong" هذه الجملة لحالها في الفجوال نوفل تحمل كمية معاني و مشاعر تخليها احسن بعض الانميات ابو 24 حلقة مع اوفاتهم والموسم الثاني الا بحصلوه متجمعين.
بعد ما سقطت من على الجليد، كل المشاكل الا كانت حابستهم في قفص خرجوا وعفسوا حياتها، بس هالمرة ما عرفت تدخلهم القفص مرة ثانية وتقفل عليهم.
ولانها مستحيل تدخل هذه المشاكل في القفص مرة ثانية لانه تحطم،ما فيه الا انها تحل المشاكل الا كانت حابستنهم طول هذه السنين. وطبعا لانها كانت بالاساس محطمه بعد سقوطها هالشي
خلى نفسيتها زبالة وبدل ما تحل المشاكل بطريقة صحيحة، اطلقت العنان لفنسها الا كانت حابستنها مع هذه المشاكل.
كل هذه المشاكل الا عايشتنها كانت راجعة لمصدر واحد واحد الا وهو امها، امها هي الا اجبرتها تتزلج على الجليد وهي كانت السبب في فشلها، وغير كده هي السبب في اصابتها قبل اهم مباراة اليها بعذر انها كانت تهتم اليها.
"لازم اتخلص من السبب في معاناتي" هذا الا كانون كانت تفكر فيه في المستشفى. كانت ودها تقتل امها، قتلت امها في مخيلتها، فالامر المفروض ما يكون صعب على ارض الواقع. بس هو في الحقيقة صعب، امها رغم كل الاشياء الزفتة الا سوتها
رغم كل شي انانيتها ونفاقها، هي في النهاية ام كانون. كيوسكي قال الى كانون كيف انه كان يشوف امه على انها بطل خارق وانها مثله الاعلى بسبب دفاعها عنه وكفاحها عشان تحميه وتخليه يعيش. هو عاش مع امه وحس بامومتها وحنانها، بعكس
كانون الا ما كانت السبب في كل مشاكلها و دمار حياتها، الشي الا غطى الجانب الامومي الين ما غطى كونها امها بالاساس. الا هو الشي الا منعها تقتل امها (رغم انها كانت تستاهل الموت للحق). انها ويش ما تسوي، في النهاية بتظل امها الشخص الا اعتنى بها وهي صغيرة
ما ودي اكسر المود الا انت فيه الحين، بس لازم اسوي اهداء لاحسن ولد لامه
شابتر كانون فاق توقعاتي ومن كلام بعض الشباب انه احسن حاجة صارت في ماو لدرجة انهم قالوا لي اني اقدر اسحب على باقي المسارات بعده، الا هو الشي الا ممكن اسويه
. فيه اشياء ثانية كانت حلوة في شابتر كانون مثل وجود اوسامي و ماو والقاتل المأجور، بس كانون تغطي على كل هذا.
ايضا، كيوسكي هو ماو، خلاص عرفت البلوت توست الا هو واضح، ما يحتاج اكمل خلاص
ولو اني مهتم اشوف شابتر اوسامي بس من كلام عبدالله وعلوش انها "نظرتي" عنها ممكن تتغير، انا افضل انها تموت وايفو احسن من انها تعيش وتتغير نظرتي عنها.
بعدين لا، ما اشوف كانون على انها وايفو، انا بس متعاطف معاها.
ملاحظات جانبية:
1- اوسامي بست جيرل
تدق عليك الباب نص الليل تقول تبي صوي صاص
اترك اللعبة ثلاث سنوات واجي وافطس ضحك على دوله المشاهد (دي جافو احس اني قلت هالشي من قبل)
2- البنت الا صرخت عليها كانون طيبة واجد وعندها بوتنشال تكون البست جيرل
3- ايتشي ممكن يكون وحدة من الشخصيات القليلة الا كتابتهم مستقرة
4- يوكي مخلوق مرعب جدا
5- جونزو وام كانون هم والدان السنة بجدارة
6- كيريتسوجو ولد السنة بجدارة
واخيرا، الفصل المفروض يكون للدراسة فقط. مو عشان اي شي اخر
