بوسيف39
True Gamer
*التقييم هذا مبني على تجربة اللعبة سنة 2023 على نسخة البيسي وندوز إدشن مع كل الإضافات
وحدة من أحسن المهام الجانبية بفف15 كانت أن جلاديو يريد ياكل نودلز بلحم بيهومث، وبهيموث وحش ضخم وكبير لو بوصفه بقول تخيل وحش يعطيك نفس هيبة وشكل الببر بس بجلد يوحي أنه معضل وصلب وعنده قرون ومظهره بشكل عام مهيب.
Behemoth ما لقيت صورة أحسن.
المهمة نفسها ما كانت شي مميز لعبيا حالها حال كثير من مهام 15 الجانبية، المهمة كانت أنك تروح كم مكان وتكلم كم شخصية واخرتها تروح تذبح الوحش وتخيم وتاكل النودلز ويطلع حوار بسيط، يمكن ذي المهمة أحسن من عامة مهام 15 الجانبية بس بالنسبة لي هي أحسن مهمة تعبر عن اللعبة.
أي واحد عنده ثلاث خلايا مخ ويعيش بعالم فف 15 ما بيفكر يقاتل بيهموث، ولو كان قوي ويقدر يهزمه أكيد ما بيفكر يقتله عشان ياكله، يمكن يقتله عشان يثبت قوته أو عشان يعتبره جايزة ويعلق رأسه بالبيت ويتفاخر بيه، بس حتى لو كان مجنون وقال يريد يقتله عشان ياكله بيكون عنده عقل ويخليه ذبيحة أو ستيك أو وجبة أحسن من نولدز، بس من غير شلة شباب تطلع منهم فكرة مثل ذي ويطبقوها؟
أتصور أي واحد هو جزء من شلة شباب بيكون عنده قصص لأفكار غبية طبقوها مع بعض، وطلعوا بذكريات حلوة بسببها، أشياء العقل يصرخ غلط تسوي ذا الشي بس لما الشباب يقولوا "شابة شابة" كلنا نسويه عشان بيكون الموضوع ممتع أو يضحك، وذي المهمة هي أحسن نموذج لمغامرات شلة الشباب ب15، لكن مثل مغامرات الشباب الغبية مرات تصيب ومرات تخيب و15 نفس الشي، لكنها رحلة شباب ورحلة الشباب دايما تصير فيها أشياء للذكرى مع الأشياء الغبية.
========================================================================================================
قبل أن نبدأ حديثنا المطول عن هذه اللعبة، أظن لازم أجيب على ثلاثة أسئلة في ظني أن أي أحد يريد يقدم انطباع/تحليل/مراجعة لابد يجيب عليها:
- ويش تاريخي مع فاينل؟
- ويش تجربتي مع ألعاب العالم المفتوح المعاصرة؟
- ويش وضعي مع فرسس 13؟
تاريخي مع فاينل بدأ مع السابع سنة 2017، من بعدها لعبت كذا جزء ومخلص من 4-8 باستثناء الخامس-لعبت ثلثه ووقفت- والحين 15، فمش من الناس الي عندي ذكريات عتيقة مع السلسلة ولا الناس الي لعبت كل الأجزاء، وأحب جزئين إليّ من الي لعبتهم السادس ثم الثامن.
ولو كنت تظن أن تجربتي مع فاينل شحيحة فتجربتي مع ألعاب العالم المفتوح المعاصرة من شلة ألعاب يوبيسوفت ومن شابههم مقتصرة على ألعاب تنعد على اصابع اليد الواحدة: فار كراي 3 و شادو أوف موردور الي ما أذكر منهم شي غير أنهم عجبوني، ووتشر 3 الي لعبتها وحبيتها جدا جدا والحين فاينل 15 تنضم للقايمة، وأريد أقول سلسلة ياكوزا بس ما أظنها تنحسب من نفس هذا التصنيف بالضبط، ولا إلدن رنج أو زلدا نفس البرية.
وأظن سهل تستنتج من هذا إني ما بعيد أسطوانة فرسس 13 الي أظنك سأمت من سماعها بكل مرة أي واحد يجيب طاري 15 لأني أولا ما عشت الهايب ولا كنت انتظر اللعبة، وثانيا ما أحب أحكم على الي المفروض يكون وأحب الحكم على ما هو كائن أمامي، أحب أكلم الناس عن اللعبة الموجودة الي يقدروا يلعبوها لا اللعبة المتخيّلة الي براسي.
وبعد هذا أقول الحديث عن فاينل 15 ممكن يتقسم لأربع أقسام:
- القتال
- الاستكشاف/العالم المفتوح
- أشياء عشوائية
- الكتابة
========================================================================================================
الكومبات
لما أشوف الكومبات بأي لعبة أول شي أفكر بشيئين، أيش خيارات اللاعب الي عندي وكيف مستواها؟ وكيف وضع الأعداء من ناحية الزعماء أو الوحوش العاديين؟
ممكن أول ما تشوف اللعبة يجي ببالك أنها شكليا تشبه أشياء مثل ديفل ماي كراي، تقدر تسوي كومبوات، عندك عدة أسلحة وكل واحد له شعور ومزايا مختلفة، نوكتس عنده قدرة تشبه الدفل ترجر تخليه يصير قوي لفترة بسيطة، تقدر تتفادى بنوعين وتقدر تسوي باري لعدد من الضربات، وشكل الكومبات حماسي وتقدر تسوي حركات وبركات، مع أنه شكليا يشبه دمك بس فعليا الكومبات مختلف، ما بس عن دمك بل عن أي لعبة لعبتها من قبل ولو تتشابه مع غيرها في بعض التفاصيل.
فيه أتمتة كثيرة باللعب، تشوف الكومبوات الي جالس أسويها؟ هذي بس ضغطة زر سواء علّقت على الزر وحده بيركض للعدو ويجلس يسوي الكومبو، حتى لو جلست تضغط الزر كأي لعبة عادية ما يختلف توقيت الكومبو والحركات الي تسويها، التفادي نفس الشي تقريبا تعلق على زر ونوكتس وحده يتفادى، الباري يطلع لك زر كبير عشان تضغطه، كل ذي الأشياء فيها أتمتة اللعبة تسويها حالك، طبعا ما تسوي لك كل شي بعدك أحيانا تريد تعدل موقعك والتفادي أحيانا تريد تسوي النمط الثاني التفادي الطبيعي والباري تحتاج تضغط عشان تهجم بعده، لكن الأتمتة واضحة باللعبة، وبصراحة بالبداية ما كان عاجبني الوضع، بس الانطباع الي كونته حاليا أن اللعبة تريد تسوي شي مختلف وبدل ما تتحكم بكل ذيلا الأشياء يصير الوضع أقرب لإدارة القتال.
فيه أشياء حلوة باللعبة مثل أنك تقدر تسوي داش أتاك والشعور مالها عجيب وفوق هذا ممكن تضاعف الدامج على العدو، الهجمة ذي ممكن تطيّحه أو تقتله على طول، ولما العدو يطيح دفاعه ينقص بالتالي هجومك يصير قوي، فصرت أركز على عدو واحد عشان أهلكه ويطيح باستعمال هكذا هجمات أو إني أضربه من الخلف لأن هذا يزيد الدامج، أو حتى استعمل أحد الأسلحة الملكية الي تكون أقوى من كل الأسلحة العادية باللعبة بمقابل يأخذ من الهلث والداش ماله بالذات قوية وضريبتها تاخذ كثير من الهلث.
وعندك بعد السحر فيه أربع عناصر برق جليد ونار وكذلك عنصر مدموجين مع بعض، وكلهم يصدق عليهم نفس الشي أنهم يأثروا عليك وعلى الأعداء، وعندك قدرات الفريق تأمرهم يسووا حركة خاصة بس تحتاج توقيت مثلا عنده جلاديو ممكن لو وقتها غلط ما يضرب أي أحد.
وهذا الي أقصده بفكرة إدراة القتال، صح اللعبة فيها أشياء مبنية على الأتمتة أو ممكن تقول تسهلها حالك بينما أشياء أخرى تكون مبينة على قراراتك، وأتوقع أكثر شي عجبني من ناحية خيارات اللاعب التحكم بالشخصيات الثانية غير نوكتس.
كل الكلام الي قلته عن الشخصيات السابقة ينطبق على نوكتس أكثر من غيره، الداش والدفل ترجر والأسلحة الملكية وتنوع الأسلحة عنده، أشياء مثل سيوف وسيوف كبيرة ورماح وخناجر وغيرها الي متعودين نشوفها بألعاب أخرى، بس لما نلعب بشخصيات أخرى مثل جلاديو وأجنس وحتى اردن بإضافته نلقى أسلحة أقل وجو مختلف.
أول شخصية فتحت قدرة استعمالها كانت جلاديو ولسبب بسيط، لأني أحب الشخصيات الي تكون ثقيلة وبكثير من الألعاب اختار أسلحة ثقيلة ولقيت هذا الشي، له وزنه وثقله ويدبغ بالمقارنة مع نوكتس وكنت أظن بلعب بيه كثير لين فتحت إجنس.
إجنس اللعب بيه مبني على فكرتين، الأولى عندك عداد يضاعف الدامج وكل مرة تضرب يزيد وكل مرة تنضرب يطيح، فتحاول ترفعه لأعلى شي لأن ساعتها الدامج يكون أربعة أضعاف، والفكرة الثانية أن لعبه مبني على العناصر النار والجليد والبرق، وفوق هذا هو سريع وخفيف نسبيا لكن خناجره مداها قصير، وكل واحد منه هو وجلاديو التفادي بيهم والتمركز أصعب نسبيا من نوكتس فيعطوا جو مختلف للقتال، وعن نفسي أفضّل إجنس عليهم كلهم.
أما برومتو لعبه يكون شوتر وما جاز لي ولا لعبت بيه كثير فما عندي شي يسوى أقوله عنه، وبكذا أتوقع جاوبت عن وضع اللعبة من ناحية اللاعب والأشياء الي يقدر يسويها بالفتال، بس أي كومبات مهما كانت كمية الخيارات الحلوة الي فيه ماله معنى بدون أعداء جيدين، والحق يقال، فيه تنوع جميل بالأعداء.
تلقى الأشياء الي نشوفها بكثير من الأعداء مثل السريع الضعيف، القوي البطيء، الي يكون موزون، الي يكونوا دايما جروب الي يكون وحده يضاربك وهكذا، بس الي عاجبني فوق هذا تلقى أفكار حلوة بالقتالات، مثلا وحش مثل ميدوسا تقدر تحولك لصخر أو وحش يحولك لضفادع أو أشياء أخرى مثل وحوش فيها سم والسرطانات الي عندها دفاع قوي وصعب تطيحها، والأهم من هذا Red Giant الي يطلع بالليل ويكون يدبغ وقتاله دايما فيه تحدي لين توصل لمستوى معين بعدها يصير قتاله طبيعي، واخر جلساتي مع اللعبة قاتلته وذكرني أن الكاميرا أحيانا غبية، أتوقع الحل لمثل كذا أنها تبعد وبالعادة تسوي الي عليها بس مرات تخورها.
بعيدا عن الكاميرا سوالف الوحوش ذيلا مش جديدة على الألعاب، وسالفة الضفادع وميدوسا موجودة بأجزاء فاينل القديمة بس بصراحة تطبيقها هنا أحسن لأن بألعاب الترند بيسد مرات ما تقدر تسوي شي وتخسر لأن البارتي كله تجمد أو تحول لضفادع بس هنا تقدر تسوي شي ولو بسيط في أسوأ الأحوال، الشاهد بالموضوع الموجود هنا جيد جدا على صعيد قتالات الأعداء العاديين، وأشوف ذا الشي يبرز لما تلعب مهام الصيد تلقى فيه كمية حلوة منهم وتنوع معتبر، يمكن أحسن من وضع الزعماء بشكل عام.
لأني أظن ناقصهم شي، تشوف كل شي قلته عن الأعداء فيهم تنوع وفيهم مكانكس وكل ذا الكلام؟ الزعماء فيهم هذا تلقى الزعيم الضخم بس قتاله قتال "زعيم"، مثلا الي يكون قريب لحجمك الي يكون مركز على فكرة معينة، الي يكون معه أعداء صغار بس أكثرهم أحس ناقصهم شي، الزعيم أدخل عليه أتعلم حركاته وأقتله بس ناقصهم حاجة عشان يكونوا زعماء للذكرى، على كمية الزعماء الي قاتلتهم ما أذكر إلا قليلين عشان قتالهم نفسه وكثير منهم أذكرهم عشان الجانب البصري، فيه زعماء جيدين منهم زعيم طلع بمهمة جانبية بنفسجية وكان يستفيد من الجانب العمودي، لكن السؤال ويش الشي الي ناقص الزعماء بالضبط؟ ما أعرف بصراحة بس بشكل عام ما علّموا معي.
لكن للإنصاف قتالات الفصل الأخير كلها كانت حلوة خاصة أول قتال واخر قتال ويمكن عشان فيه تقلبات.
وهذا الكلام عن اللعبة من ناحية كونها لعبة أكشن بس كيف عناصر ال RPG فيها؟
زبدة الكلام عنها ألعاب ال JRPG يمكن أقول بشكل عام فيها نوعين، نوع يكون عندك شخصيات واضح لها كلاس معين ويكون الوضع أنك تطور وتحسّن الشخصية، ومرات يكون عندك جروب شخصيات تختار الأفضل عشان يدخل البارتي، بالتالي خيارات تخصيص ذي الشخصيات محدود مثل فاينل 4، ونوع اخر يعطيك القدرة تختار الكلاس الي تريده لكل شخصية حتى لو كان فيه كلاس أفضل لها، وممكن تعطيك خيار تغير الكلاسس وتنقل القدرات من كلاس لاخر مثل فاينل 5.
فاينل 15 تميل للنوع الأول بس فيه نقطتين يستحقوا الذكر الأولى العتاد الي تستعمله تقدر تخليه يزيد الدفاع أو الهجوم أو تحاول توزنها، بالتالي الموضوع ما بس ألبس أحسن درع واستعمل أحسن خاتم لا يكون عندك خيار ولو كان بسيط، والنقطة الأخرى عندك قايمة الأبجريدز الي كانت زينة وما عندي تعليق عليها لكن واحد من الأشياء الي تجاهلتها لين اخر اللعبة السحر وما طورت شي فيه، بس الشعور العام الي خذيت من الأبجريدز أنها تقوي شخصياتي بشكل عام وبشكل غير مباشر أكثر منه بشكل مباشر، ووحدة من أحسن الأبجريدز الي تعطيك نقاط أبجريدز عشان تستشكف أو تسوق السيارة أو تستعمل التشوكبو فيصر الاستكشاف يفيدك بنقاط خبرة عشان تحسن شخصياتك.
ممكن يكون كلامي ياخذ منحنى أن الكومبات جيد وأشوفه كذلك، لكن ممكن يصير أحسن، أكبر مشكلة واجهتها باللعبة ولين الحين أحس بيها إني مرات شعور إني أسوي أشياء عشوائية طاغي واللعبة تقول لي شاطر أحسنت يا بابا، وتقدر تشوف هذا بسهولة من خلال التقييمات الي تعطيني إياها بختام كل قتال، ولذلك أظن الكومبات هدفه يخليني أحس إني أسوي أشياء خطيرة حتى لو كان الشي الي أسويه بسيط، بالتالي أظن اللعبة هدفها تخليني أشعر إني خطير بدل عن إني أسوي أشياء خطيرة بنفسي وبعدها أحس إني خطير.
وفيه أشياء أخرى بالكومبات يمكن لو لعبت اللعبة تعرفها وأنا ما أعرفها، عن نفسي السحر ما استعملته إلا متأخر جدا واللعبة ما سوت لي شي وكنت أحسبه شي جانبي غير مفيد، وأتوقع أحسن حل لهذا الموضوع لو كان فيه طور صعوبة أعلى، لأني مستغرب اللعبة بس فيها طورين إيزي ونورمل ومافي هارد.
وشي مزعج أنك مرات تدخل مهمة والزعيم لفله أعلى من لفل المهمة بأربع لفلات أو شي، وأكبر إحباط بالكومبات هو ضخامة وملحمية السمونز،
لما تستدعيهم ظهورهم من أكثر الأشياء المحلمية الي ممكن شفتها بأي لعبة ويعطيهم ثقل وهيبة، بس السمونز محبطين لأن الاستدعاء عشوائي ومجرد ضغطة زر لما اللعبة تعطيك الخيار، وشي جدا محبط يكون السوبر بوس بهذا الجزء مجرد وحش ضرباته ما تأثر عليك بشكل يذكر، وفوق هذا الهلث ماله مليون وعبارة عن أسفنجة تمتص الضربات لا أكثر، أتصور من خلال حديثي هذا تتفهم ليش يعجبني الكومبات رغم عيوبه، أشوفه أساس جيد ممكن تبني عليه لعبة أفضل، لكن ما ظنتي سكوير ناويين يقدموا جزء آخر يبني على 15 عموما.
========================================================================================================
العالم المفتوح والمحتوى الجانبي
لما أفكر بالعالم المفتوح أفكر بعدة أمور:
- وسيلة التنقل
- المهام الجانبية
- الأنشطة الجانبية
- الاستكشاف
- بناء العالم
لما بديت أتمشى بالعالم على طول لاحظت أنه كبير وجميل، ماخذين فكرة خيال مبني على الواقع لبعد ساحر، فيه تنوع بالبيئات ومناطق معينة تعلق بالذكرى، وأشوفهم أعطوا العنصرين حقهم، عنصر الخيال واضح بالوحوش وأشكالها المختلفة وكثير منها شفناه بالسلسلة وبهذا الجزء طالع بأبهى حلة، وعنصر الواقعية واضح بالبيئة بشكل كبير، مع أن اللعبة نزلت 2016 ونسخة البيسي الي لعبتها نزلت 2018 لكن أشوفها لين الحين جميلة لأن أسلوبها فائق، فهذا بطبيعة الحال بيخليني أتحمس أريد أشوف العالم المفتوح وأغامر فيه، فخلينا نشوف طرق التنقل بهذا العالم.
فيه ثلاث طرق للتنقل ب15 وهم المشي أو الركض، وعندك التشوكبو وعندك السيارة، ومن الأخير الركض بطيء، العالم كبير وفكرة التنقل على الأقدام المفترض تشيلها من بالك كليا فوق أن فيه ستامينا ينقص بسرعة بالركض كبر العالم ما يساعد.
السيارة المفترض أسرع طريقة بس عليها ملاحظات أولها أنها تعطيني شعور أنها بطيئة نسبيا والثانية التحكم بيها شين، تحس كأنك تسوق قطار ما تقدر تلف على راحتك وترجع وحدها لمسارها، التسارع فيها شبه معدوم، فزين أن فيه خيار أن إجنس يسوق لكن هذا يدخل بسالفة الأتمتة، واخر شي أقوله عنها هو الوقت الي تاخذه عشان تنتقل بين الأماكن وهذا برجع له بعدين.
أما أحسن طريقة للتنقل التشوكبو، بدون منازع أفضل تشوكوبو استعملتهم من الأجزاء الي لعبتها، تعجبني من زمان فكرة التشوكبو لأنه بدل الحصان شي مثل النعامة والممتع بالتنقل بيهم أن حركتهم وسرعتهم موزونة، ويعطوني شعور السرعة بأحسن حلة، وتقدر تستدعيهم بأي وقت وفوق هذا ممكن يساعدوك بالقتال.
بخصوص وقت السيارة، كل مرة تنتقل بيها تنقلك من نقطة لأخرى تاخذ دقايق ممكن ثلاث دقايق أو أربع دقايق وعادة بخلي إجنس يسوق، يعني هذا الوقت كل الي بجلس أسويه يا إني ألعب بتلفوني شوية أو أفتح شي عشوائي بالبيسي لين أوصل للنقطة الي أريدها أو أشوف المناظر، والمناظر حلوة ما أقول لا لكن لما تجي تحسبها على المدى البعيد في وقت كثير راح بالسيارة بذيلا الدقايق، لعبت اللعبة 58 ساعة ولو بحلي رقم تقديري لكم مرة استعملت السيارة وخلينا نقول 100 وتضربه بثلاث دقايق ويطلع لك عدد 300 دقيقة بالسيارة، يعني كنت ألعب اللعبة وأنا ما ألعبها ممكن تقول هذا تكلف هذا تصيد سمه ما شئت لكن السالفة ما هنا، السالفة كل ذا الوقت بالسيارة لأن العالم كبير، كبير واجد وفاضي.
أكثر الأشياء الي لقيتها بالعالم وأنا استكشف طبيعي هي نفس الأمور الي ألقاها بكل مكان تقريبا، ممكن ألقى مخيّم، ألقى وحوش، ألقى موقف، ألقى مكان لصيد السمك ألقى ايتمز أو أعشاب أو شي، المشكلة ما كلفوا على نفسهم يحطوا كرتون والايتمز مجرد نقطة تلمع وإذا مرة نقطة حمرا بدل زرقا يعني شي نفيس، وفوق مشكلة غياب الكرتون/الصندوق المشكلة حاطين زر التفاعل نفس نفس القفز وهذا غباء وأتوقع لو لعبت لعبة كذا تعرف لأي درجة هذا الشي مزعج، وفيه مشكلة بالقفز على فكرة، مرات أريد أروح لأماكن بس ما أقدر لسبب أو اخر، والشي الي مقتنع بيه اللعبة تحتاج جراب عشان تخلي التفاعل مع العالم أسلس.
لكن إذا كنت محظوظ بتسكعي بلقى دنجن جانبي لسلاح ملكي وبصراحة ذيلا حلوين، كثير منهم فيهم نفس تصميم الدنجنز التقليديين بألعاب ال JRPG نظام الي يكون دهليز فيه عدة مسارات، تبدأ من النقطة أ ولو رحت بالطريق المستقيم بتكمل طريقك سليم، لو رحت يمين تحصل ايتم لو رحت يسار تحصل وحوش، ويستمر الدنجن على ذي الفكرة الأولية لين اخره، والحلو بيهم أكثرهم طولهم معقول وفيه تنوع بينهم بعضها قصير جدا وبعضهم فيه طول.
المشكلة هي هذيلا قرابة ال 13 دنجن جانبي أو أقل ما أذكر عددهم بأمانة، وأكثر الأشياء الي تلقاها هي الأشياء الي لقيتها كانت عبارة عن ايتمز ووحوش ومواقف، نادر جدا ألقى شي يعطيني شعور إني لقيت شي ما أظن كل لاعب بيلقاه، وعشان توضح الفكرة خليني أقول لك عن تجربتي لما لقيت شي ما أظن كثيرين لقوه.
rock of ravatogh
بوحدة من المهام الجانبية طُلب مني تصوير جبل على اخر الخريطة، ولما وصلت طلع لازم أصعد الجبل وصار صعود الجبل بحد ذاته تحدي والتشوكبو ما يدخل لهذا المكان، فلازم أوازن الخطوات عشان ما أطيح، وفوق هذا الجبل نفسه مظهره جميل ولقيت وحوش يضاربوا بعض، استغربت ليش ما شفت شي مثل كذا باللعبة بس لاحظت أن الضرب هذا ما ينقص الهلث مالهم، كملت أطلع وساعتها عرفت أن هذا بركان، وطلع يحوي سلاح ملكي وهذا المكان واضح منطقة قتال زعيم، وفيه طريقة عشان تطلع من البركان بشياكة عن طريق ممر أقرب لزحليقة، تشوف هذا السناريو؟ تتوقع كم مرة صار لي باللعبة شي مشابه له؟ مرة وحدة، مرة يتيمة ليس إلا.
أنا عارف إني أتكلم عن العالم المفتوح والاستكشاف ومتجاهل المهام الجانبية، بس الي أظنه المفترض المهام الجانبية تخليك تستكشف هذا العالم وممكن توديك بشكل غير مباشر لمكان عشان تلقى شي مثير، مشكلة 15 ما بس الاستكشاف نفسه ما حلو، المهام الجانبية بشكل عام خايسة.
المهام الجانبية تتبع نفس النمط تقريبا، تكلم شخصية تروح المكان الفلاني، تقاتل وحوش، تاخذ شي ثم ترجع تكلم نفس الشخصية وتحصل الجائزة، هذا بحد ذاته مش شي سيئ، لو كان الجيمبلي نفسه حلو وتزيد فوق هذا قصة، وتشر 3 تسوي هذا الشي بإتقان كثير من المهام الجانبية لو نتكلم عن الجيمبلي تسوي نفس الشي، مهام صيد الوحوش كثير منها هيكلها متشابه، تاخذ العقد وتكلم شخصية يخبرك موضوع الوحش، تروح تحقق وين الوحش بعدها تقاتله وترجع براسه وتاخذ الجايزة، مرات كثيرة بهذا السناريو بوتشر تلقى تفاصيل مختلفة، مثل وصف الشخص للوحش مرات ما يكون دقيق أو قتل شخص عزيز عليه، وممكن تلقى الموضوع فيه تويست غير متوقع، ومع هذا أشوف مهام الصيد بوتشر أسوأ نوع من المهام الجانبية من ناحية القصة باللعبة، بس مهام الصيد مال 15 خلتني احترم مهام صيد وتشر.
كل الي نسويه هنا عبارة عن أنك تاخذ العقد وتصيد الوحش وخلاص، ممكن أمشّي مهام الصيد لأنها صيد وكفى لكن بقية المهام كيف أمشيهم؟
هذا صحفي وعنده تجارة جواهر، هذه أول مهمة وقلت حلو شكل ذي بداية السالفة بس بقية مهامه يقول لي روح جيب الجوهرة وخلاص، هذا دايما يعطيني مهام أصور له أماكن، هذا دايما يعطيني مهام أجيب له قلادات كلاب أو شي، وهذي تريدني أجمع ضفادع وسويتها مرة وتبت، لأن مافي قصة بالمهام فيكون واضح لأي درجة الموضوع مكرر وعبارة عن كلم الشخصية أضرب خط بعدها أقتل الوحوش وأرجع بالطلبية، الي يقهر أكثر مهمتين بنفسجيتين كان فيهم شي مختلف، كان فيه تجديد بالقصة والجيمبلي.
لقيت مكان الي يطلع صوت ولما دخلته سحبني لعالم آخر، فيه عرفت ذي البنت وبدينا نعرف وضع العالم والمفترض نساعدهم، مع أن القصة كانت بسيطة بس كان فيه شي مختلف وكان فيه تجديد لا بأس به بالجيمبلي، وفيه مهمة أخرى بنفس النمط مال 14 الي تبدا بأنك تساعد بنت من التشوكبو المتين، أنا فاهم أن ذيلا مهام أضيفت بعدين وهم تعاون بين 15 وألعاب أخرى، لكن وجودهم يثبت فكرة تكرار المهام الجانبية ومشكلة عدم وجود القصة.
الوضع صاير مهام جانبية أسويها ومسكر عقلي، يحتاج أشغل بودكاست عشان أجلس أسويها بدون تفكير عشان أزيد اللفل وأحصل فلوس ليس إلا، محتوى ترفيهي غير عاقل ما يطلب مني أي تركيز، وبصراحة ما أشوف غلط يكون اللعبة فيها كم مهمة من ذا النوع، بس لما تكون اللعبة أغلبها كذا يكون الموضوع محبط خاصة لما يكون عندك عالم مثير للاهتمام مثل عالم 15 وبدل ما تبنيه عن طريق المهام الجانبية تعطيني ذا المحتوى المبتذل.
زبدة الكلام عن تطبيق العالم المفتوح إني أعتقد الاستكشاف تسليك، وأغلب المهام الجانبية خايسة لأنها تكرار، لكن الدنجنز الجانبية حلوة ومهام الصيد ممكن تقدم متعة لو كنت تحب الكومبات، وصح صيد السمك ونيس بس أعتقد العالم أكبر من اللازم بكثير، أتوقع لو نقص حجمه بمقدار 40% بيكون أحسن، لكن ليش لعبت كل هذا الكم من المهام الجانبية هل فيه سبب غير إني أريد أسمع بودكاست وألعب شي وأنا مطفي مخي؟ بصراحة أيوا فيه سبب.
========================================================================================================
الكتابة
مصطلح كتابة مصطلح فضفاض تدخل فيه عدة أمور مثل أحداث القصة، بناء الشخصيات، هيكل القصة، الثيمات، الحوار، بناء العالم وتاريخه، إيقاع الأحداث وما شابهها من أمور، طبعا ما كل قصة تسوي كل شي مما سبق، بس خلينا نشوف الأشياء الي ممكن أتكلم عنها بقصتنا وخليني أبدا بأن تقسيم القصة الغبي.
أذكر لما نزلت اللعبة سنة 2016 نزل معها أنمي على اليوتيوب ونزل فلم 3D، والي فهمته المفترض تتابعهم عشان اللعبة بتكون ناقصة بدونهم ذيك الأيام، بعدين نزلوا الإضافات ونزلت تحديثات أظن عدلت بالقصة ولما جيت أدور عن دليل ترتيب القصة لقيت هذا:
https://steamcommunity.com/sharedfiles/filedetails/?id=2094194252
أوين لازم تشوف التريلرات وتقرا سوالف وتلعب الديمو ووو بس كل هذا كلام فاضي، أنت تحتاج شي واحد وهو النسخة المثلى-وندوز إدشن أو رويال إدشن- الي فيها الإضافات والفلم، غير هذا الباقي للزيادة لا أكثر، حاله حال بعض المشاهد الجانبية الي ممكن تطلع لك بالمخيم ويطلع منها شي بسيط، هذا المشهد البسيط لو شفته ممكن يضيف للتجربة شوي وعدم مشاهدتك له ما يضرها أبدا.
لكن بعيدا عن هذا عشان نتكلم عن القصة بشكل طبيعي المفروض نعرف قصتنا عن ويش، وهي ببساطة أن بعالم اللعبة فيها صراع استمر سنين طوال بين المملكة لوكس وإمبراطورية نفلهيم، وعشان ينحل الصراع وصلوا لحل عن طريق زواج سياسي بين الأميرة لونا والأمير نوكتس والمفترض من بعدها تتوحد المملكتين وتنتهي الحرب، وتبدا اللعبة تلعب بنوكتس وأصدقائه رايحين للعرس.
بداية اللعبة بتشوف هذا المشهد:
شباب سيارتهم خربانة ويحاولوا يدفروها بالظهر، محد يوقف لهم والوضع من أزفت ما يكون، التفاعل الي بينهم ينقل لك شعور الألفة بينهم، خاصة لما نوكتس وبرومتو يحاولوا يتهربوا من الموضوع وجلاديو يرفسهم ويقولهم قوموا اشتغلوا خلوا عنكم ذا المنكر، هذا المشهد لما شفته عجبني وخلاني اهتم بالشخصيات وشوية شوية بديت اتعرف عليهم وأبدأ التمس قوة علاقتهم لين يجينا هذا المشهد الي يعرفوا فيه الشخصيات أن لوكتس تدمرت ونفلهايم خانوا العهد وفوق هذا قتلوا الملك، المفترض بهذا المشهد انصدم وأحزن وأريد انتقم للملك وأريد أعرف السالفة، بس فيه مشكلة وحدة وهي إني بعدني ما أعرف ذيلا الشخصيات وما عندي السياق الي هو الفلم، ما أنكر إني شفت الفلم بعد ما وصلت لنقطة نوعا متقدمة باللعبة فهذا المشهد بدونه طالع غبي، وبصراحة حتى معه لما رجعت له بعده شوي غبي.
من بعدها نروح كم مكان عشان نعرف الموضوع ونتأكد من السالفة يطلع فعلا الخبر صحيح، ونوكتس يحصل كم سلاح ملكي وأشياء من هذا القبيل، بس النص الأول من اللعبة يعاني من مشكلتين بالأحداث الاولى قلة الأحداث والثانية غياب البوصلة.
لما تقارن كمية الأحداث بالنص الأول مع النص الثاني واضح أن جزء كبير من القصة بالنص الثاني، بس مشكلة غياب البوصلة لا تقل سوءً عن قلة الأحداث، أي قصة محترمة بالدنيا باستثاء تصنيف الغموض ربما تكون فيها بوصلة تعطيك انطباع أن القصة رايحة اتجاه معين، مش بالضرورة تكون الأحداث متوقعة أو لا لكن فيه هدف نروح له، فيه شي نريد نحققه.
فاينل 15 بعد تأكد البراتي أن المملكة دمرت الوضع صار أقرب لمغامرات عشوائية بشكل غريب، ما أنها عشوائية لأنهم ما عارفين أيش يسووا عشوائية لأن القصة ما عندها بوصلة، ومع هذه السلبية الي جاية مع سالفة قلة الأحداث ما أنكر إني دخلت جو مع اللعبة، حتى قبل النصف الثاني الي فيه القصة تتحسن كثير.
تعايشيت مع ذيلا السلبيتين لسبب بسيط، تشوف الي قلته عن تفاعل الشخصيات بمشهد السيارة؟ اللعبة تراسة لحظات مثل كذا لأن الشخصيات بالعادة ما تسكت تعلق على كل شي، عادي تشوفهم يستلموا بعض أحيانا ولا يحيلوا لأشياء صارت بينهم قبل، ينكتوا مع بعض ويسووا أشياء غبية وفعاليات وحركات.
من ألطف الأمثلة الي طلعت على هذا لما جت ايريس أخت جلاديو وسألت محد غير أجنس يسوق؟ جلاديو كان رده محد نقدر نثق بيه مثله بالسواقة، ولما سالت عن سواقة نوكتس رد أجنس كان عليها ملاحظات وعلى طول نوكتس تحسس من الموضوع، هذا مشهد بسيط يراويك أن التفاعل بينهم طبيعي بس كما قلت اللعبة تارسة لحظات كذا، وفيها مزيج من اللحظات السعيدة والحزينة.
ومن النقاط الي عاجبتني أن كل شخصية لها شغلة معينة، واحد يسوق واحد يصيد واحد يطبخ واحد يصوّر وتوزيع الأشغال منطقي، بأي شلة شباب تلقى الأدوار تتوزع بشكل طبيعي نفس الي صار هنا.
وعشان الحق يقال الشخصيات فرادى ما لهناك، يعني جلاديو ماخذ وضعية القوي والأخ الكبير، تقدر تقول المعضل وتخصصه البقاء ممل نوعا ما، لكن له لحظات حلوة ولحظات شينة، الإضافة ماله كانت مبنية على فكرة بسيطة واضحة، رايح يتدرب عشان يزيد قوته ويكون كفؤ ليكون درع الملك، وهذيك الإضافة حلوة خاصة قتال جلجامش لكن لما تشوف الحركات الغبية لما فصل على نوكتس بوقت متأخر من القصة الوضع كان غباء، انتقل من الضد إلى الضد بسبب حدث طبيعي يزعزع توازن البارتي ويخلق لحظات مزعجة وغير مريحة نفس المشهد لما فصل على نوكتس، وذا المشهد من أحسن لحظات اللعبة لكن التطور الصاروخي هذا ما أشوفه خيار موفق.
ولو كان جلاديو الي يصدق عليه قولهم يا جبل ما يهزك ريح، فبرومتو هو ورقة يحركها الريح بكل اتجاه.
بورمتو المهرج بالشلة، الفلاوي، العبيط الي يفتح السوالف ويسوي أكشن وحركات، بس نفس الوقت أقل واحد خبرة، الوحيد الي يقاتل بأسلحة بعيدة المدى وأجدد عضو بالشلة، كلهم يعرفوا شخصيات مختلفة من قبل بس برومتو لأنه أجدد واحد ما يعرف، بواحد من مشاهد المخيم الجانبية جلس يفضفض عن قلة ثقته بنفسه ويحس كأنه مش جزء من الشلة، واعترف بلسانه أنه مهرج.
جلاديو يعرف يتعامل مع الناس وإجنس ذكي ونوكتس الملك وهو نكرة، وهذه النقطة نقطة الهوية والثقة بالنفس والانتماء بنيت عليها الإضافة، برومتو بالنسبة لي كان شخصية مهرج ممكن يضحكني أو يسوي جو بس هل مهتم أعرف زيادة عنه أو أطلع معه؟ صراحة لا، لكن فكرة أن يكون مستنسخ ونشوف قلة ثقته بنفسه وخوفه من أن يتم رفضه بسبب هذا خلاني اهتم له، زيادة على أن هذا عطانا معلومات عن وضع جنود نفلهايم والشياطين مالهم، وأعتقد اختيار المكان يكون مكان بارد اختيار موفق من ناحية الثيمة، العزلة البرد والوحدة مكان مناسب للثلج بنظري.
إجنس من قبل عن ألعب الإضافة ماله كان المفضل بالبارتي، ممكن تقول لأنه صوت العقل، ممكن تقول لأنه ماخذ دور الأم، يعامل كل واحد على قياس عقله، واضح لأي درجة يهتم بنوكتس خاصة وبقية الشباب، عنده مهارات ناعمة رايعة مثل الطبخ ويجرب وصفات جديدة وفوق هذا هو السايق، وشرحت قبل ليش اللعب بيه الأمتع من البقية، لكن الي صدق حببني فيه لما فقد بصره عشان يساعد نوكتس، هذه تضحية ما يسويها إلا الصديق الحق، والإضافة ماله ممكن تختصر بكلمة يتمية، وفاء، كل الي مسونه لنوكتس وبقية الشباب لأنه صديق وفي.
والحق يقال نوكتس أقل واحد ممكن أتكلم عنه لكن لو بقول شي هو الي يجمعهم مع بعض، هو الأمير مرات يعطي شعور عنده بارظ مرات لا، الأمير الي له لحظات وعلاقته مع البقية ترفعه لكن هل يقدر يوقف وحده؟ صراحة لا إلا باخر اللعبة لما ياخذ دور الملك بجدية، لما يصير ممثل خليجي مسوي مكياج وتشوف كيف يتعامل مع الناس هناك صدق نوكتس صار ملك، وأتوقع من خلال هذا الكلام أتوقع وصلت نقطة أن قوة الشلة في مجموعهم، وعلى فكرة الأنمي حليو لكن يوضح الأشياء الي ذكرتها واللعبة توضحها، مجرد شي للاستزادة لا أكثر.
ولو تريد الصراحة على إني حبيت الشلة ذيه واستمتعت بالرحلة معهم، وعطوني شعور المغامرة مع أصدقائي وناسي لكنهم حتى مع بعض ما يكونوا الكيان المفضل عندي، شخصيتي المفضلة هو اردن لسبب بسيط خليني اختصره بأن طول الوقت لما يطلع أساس هذا معانا ولا ضدنا؟
لما كنت أشوف فيديوهات عن اللعبة كنت مستغرب من كون اردن هو الشرير الرئيسي بس يتمشى مع الأبطال، ولما لعبت اللعبة فهمت، دايما ماخذ موقف غريب باللعبة، لما يكون معك يسوي نفسه ربيعك ويحاول يسوي نفسه ما شرير بس شعور عدم الارتياح دايما حاضر، ولما يكون ضدك يكون له وزن ثقيل لأن الرجال قوي وكذا مرة يسوي أشياء قوية.
أتوقع أول مرة عجبني اردن لما طلع ظهوره الأول ولما شفت شكله ولحن كلامه على طول قلت ذي سيارته:
مافي سبب معين خلاني أتوقع هذا التوقع بس مجرد حدس لا أكثر، وأتوقع لأنها عطتني انطباع أنها سيارة بريطانية، اردن مظهره ولحن كلامه ولكنته وحتى طبقة صوته مناسبة أنها تكون شخصيية بريطانية، القبعة يمكن تلعب دور بعد وشي طريف بالإضافة الشي الوحيد الي تقدر تغيره هو القبعة، ملبسه يعطني انطباع أنه شخصية فاينل فانتزي بشكل إيجابي، مظهره متلكف بشكل إيجابي ولما تاخذ بعين الاعتبار أنه بريطاني وإمبريالي ومستشار الجيش وكونه من السلالة الحاكمة منطقي يكون مستعمر.
وإضافته يمكن أحسن إضافة لأنها تعطي جواب مرضي لليش هو الشرير ويريد ينتقم، وفوق هذا التنقل بيه بالمدينة كان رايع، وسالفة أن ماشي ايتم يسوي revive كان معطي تحدي لذيذ، والقتال بيه قريب من نوكتس بس عنده قدرات "مظلمة" تخليه أميز، وفيه نقطة لما كنت ألعب بيه شدتني ببداية الإضافة بهذه المنقطة وجلست أقرا تاريخ العالم والالهة الستة.
ذكروا تاريخهم وكل واحد أيش صار له وما إلى ذلك من أمور، ولما عرّجوا على عفريت ذكروا أنه أعطى الناس النار وصار بينه وبين الالهة الأخرى، وجثته صارت البركان، ونفس الشي لقينا جثته وسالفة تصميمه الي أتبع نهج الأنسنة ذكرني كثير ب بورميثيس، هذا أحد الالهة بالميثولوجيا الإغريقية الي كان شغله يخلق الحيوانات والبشر وكان يعطي كل واحد منهم ميزة لما وصل للبشر خلصت المزايا فخلاهم بشكل الالهة، وكان يحب البشر وأعطاهم النار بس بسبب تعامله مع البشر صارت بينه وبين زوس مشاكل وصلت لأنه عاقبه بأن يخليه مربوط ونسر ياكل كبده وكبده ينبت من جديد، سالفة عفريت مع بقية الالهة ذكرتني بيه وذا شي طبيعي لأن الأساطير الإغريقية أقرب لأنماط قصص جاهزة ممكن أي كاتب يأخذها ويتلاعب بيها عشان يصنع قصة مثيرة.
*حلقة ميث أندرستود عن بروميثيس
بالبداية ما عجبني تصميم عفريت المؤنسن، بس لما طلع شكله تلاعب بشخصية بورميثيس تقبلته أكثر، عن نفسي أفضّل تصميم عفريت يكون "متوحش" نفس فاينل الثامن:
بس هذا التوجه يتناسب مع تاريخ الشخصية، واللعبة لها عالم مثير غير سوالف الالهة.
لما رحت البندقية وشفت المدينة وشكلها ومدخلها والجانب البحري فيها انسحرت، لما عرفت سالفة اردن وتاريخه بإضافته عرفت شي عن تاريخ العالم بالإضافة لمدينة نوكتس**، لما لعبة إضافة جلاديو شفت جلجامش وقوته، ولما لعبت إضافة بورمتو عرفت طبيعة أسلحة نفلهايم، عالم اللعبة فيه سوالف مثيرة بس أعتقد أنها ما انعرضت بأفضل شكل ممكن باللعبة، بس تقدر تلتمس هذه الأشياء فيها بالجانب البصري ومرات القصصي، وهذا الالتماس يخليني أقول أن اللعبة كان ممكن تكون أفضل من هذا الصدد.
وسالفة ممكن تكون أفضل ممكن مرت عليك كثير، ممكن البعض يقول عنها فرصة مهدرة بس عن نفسي ما أشوف ذا الشي، أشوف اللعبة ذي بجوانب معينة تفوقت وبجوانب أخرى أخفقت، لكن الشي الي أقدره فيها أنها طموحة وحاولت توصل لطموحها ولو أن النتيجة النهائية كانت أقل من طموحها، ما أقدر أقول إني أريد ريميك لهذه اللعبة بقدر إني أتمنى نشوف سكوير تاخذ هذه الأفكار وتعيد تطبيقها بشكل أفضل، لكن يمكن ذي الأمنية مثل أمنية زواج نوكتس بلونا الي طلعت بنهاية اللعبة، مجردة فكرة استبعد تتحققها.
أذكر لما نزلت اللعبة سنة 2016 نزل معها أنمي على اليوتيوب ونزل فلم 3D، والي فهمته المفترض تتابعهم عشان اللعبة بتكون ناقصة بدونهم ذيك الأيام، بعدين نزلوا الإضافات ونزلت تحديثات أظن عدلت بالقصة ولما جيت أدور عن دليل ترتيب القصة لقيت هذا:
https://steamcommunity.com/sharedfiles/filedetails/?id=2094194252
أوين لازم تشوف التريلرات وتقرا سوالف وتلعب الديمو ووو بس كل هذا كلام فاضي، أنت تحتاج شي واحد وهو النسخة المثلى-وندوز إدشن أو رويال إدشن- الي فيها الإضافات والفلم، غير هذا الباقي للزيادة لا أكثر، حاله حال بعض المشاهد الجانبية الي ممكن تطلع لك بالمخيم ويطلع منها شي بسيط، هذا المشهد البسيط لو شفته ممكن يضيف للتجربة شوي وعدم مشاهدتك له ما يضرها أبدا.
لكن بعيدا عن هذا عشان نتكلم عن القصة بشكل طبيعي المفروض نعرف قصتنا عن ويش، وهي ببساطة أن بعالم اللعبة فيها صراع استمر سنين طوال بين المملكة لوكس وإمبراطورية نفلهيم، وعشان ينحل الصراع وصلوا لحل عن طريق زواج سياسي بين الأميرة لونا والأمير نوكتس والمفترض من بعدها تتوحد المملكتين وتنتهي الحرب، وتبدا اللعبة تلعب بنوكتس وأصدقائه رايحين للعرس.
بداية اللعبة بتشوف هذا المشهد:
شباب سيارتهم خربانة ويحاولوا يدفروها بالظهر، محد يوقف لهم والوضع من أزفت ما يكون، التفاعل الي بينهم ينقل لك شعور الألفة بينهم، خاصة لما نوكتس وبرومتو يحاولوا يتهربوا من الموضوع وجلاديو يرفسهم ويقولهم قوموا اشتغلوا خلوا عنكم ذا المنكر، هذا المشهد لما شفته عجبني وخلاني اهتم بالشخصيات وشوية شوية بديت اتعرف عليهم وأبدأ التمس قوة علاقتهم لين يجينا هذا المشهد الي يعرفوا فيه الشخصيات أن لوكتس تدمرت ونفلهايم خانوا العهد وفوق هذا قتلوا الملك، المفترض بهذا المشهد انصدم وأحزن وأريد انتقم للملك وأريد أعرف السالفة، بس فيه مشكلة وحدة وهي إني بعدني ما أعرف ذيلا الشخصيات وما عندي السياق الي هو الفلم، ما أنكر إني شفت الفلم بعد ما وصلت لنقطة نوعا متقدمة باللعبة فهذا المشهد بدونه طالع غبي، وبصراحة حتى معه لما رجعت له بعده شوي غبي.
من بعدها نروح كم مكان عشان نعرف الموضوع ونتأكد من السالفة يطلع فعلا الخبر صحيح، ونوكتس يحصل كم سلاح ملكي وأشياء من هذا القبيل، بس النص الأول من اللعبة يعاني من مشكلتين بالأحداث الاولى قلة الأحداث والثانية غياب البوصلة.
لما تقارن كمية الأحداث بالنص الأول مع النص الثاني واضح أن جزء كبير من القصة بالنص الثاني، بس مشكلة غياب البوصلة لا تقل سوءً عن قلة الأحداث، أي قصة محترمة بالدنيا باستثاء تصنيف الغموض ربما تكون فيها بوصلة تعطيك انطباع أن القصة رايحة اتجاه معين، مش بالضرورة تكون الأحداث متوقعة أو لا لكن فيه هدف نروح له، فيه شي نريد نحققه.
فاينل 15 بعد تأكد البراتي أن المملكة دمرت الوضع صار أقرب لمغامرات عشوائية بشكل غريب، ما أنها عشوائية لأنهم ما عارفين أيش يسووا عشوائية لأن القصة ما عندها بوصلة، ومع هذه السلبية الي جاية مع سالفة قلة الأحداث ما أنكر إني دخلت جو مع اللعبة، حتى قبل النصف الثاني الي فيه القصة تتحسن كثير.
تعايشيت مع ذيلا السلبيتين لسبب بسيط، تشوف الي قلته عن تفاعل الشخصيات بمشهد السيارة؟ اللعبة تراسة لحظات مثل كذا لأن الشخصيات بالعادة ما تسكت تعلق على كل شي، عادي تشوفهم يستلموا بعض أحيانا ولا يحيلوا لأشياء صارت بينهم قبل، ينكتوا مع بعض ويسووا أشياء غبية وفعاليات وحركات.
من ألطف الأمثلة الي طلعت على هذا لما جت ايريس أخت جلاديو وسألت محد غير أجنس يسوق؟ جلاديو كان رده محد نقدر نثق بيه مثله بالسواقة، ولما سالت عن سواقة نوكتس رد أجنس كان عليها ملاحظات وعلى طول نوكتس تحسس من الموضوع، هذا مشهد بسيط يراويك أن التفاعل بينهم طبيعي بس كما قلت اللعبة تارسة لحظات كذا، وفيها مزيج من اللحظات السعيدة والحزينة.
ومن النقاط الي عاجبتني أن كل شخصية لها شغلة معينة، واحد يسوق واحد يصيد واحد يطبخ واحد يصوّر وتوزيع الأشغال منطقي، بأي شلة شباب تلقى الأدوار تتوزع بشكل طبيعي نفس الي صار هنا.
وعشان الحق يقال الشخصيات فرادى ما لهناك، يعني جلاديو ماخذ وضعية القوي والأخ الكبير، تقدر تقول المعضل وتخصصه البقاء ممل نوعا ما، لكن له لحظات حلوة ولحظات شينة، الإضافة ماله كانت مبنية على فكرة بسيطة واضحة، رايح يتدرب عشان يزيد قوته ويكون كفؤ ليكون درع الملك، وهذيك الإضافة حلوة خاصة قتال جلجامش لكن لما تشوف الحركات الغبية لما فصل على نوكتس بوقت متأخر من القصة الوضع كان غباء، انتقل من الضد إلى الضد بسبب حدث طبيعي يزعزع توازن البارتي ويخلق لحظات مزعجة وغير مريحة نفس المشهد لما فصل على نوكتس، وذا المشهد من أحسن لحظات اللعبة لكن التطور الصاروخي هذا ما أشوفه خيار موفق.
ولو كان جلاديو الي يصدق عليه قولهم يا جبل ما يهزك ريح، فبرومتو هو ورقة يحركها الريح بكل اتجاه.
بورمتو المهرج بالشلة، الفلاوي، العبيط الي يفتح السوالف ويسوي أكشن وحركات، بس نفس الوقت أقل واحد خبرة، الوحيد الي يقاتل بأسلحة بعيدة المدى وأجدد عضو بالشلة، كلهم يعرفوا شخصيات مختلفة من قبل بس برومتو لأنه أجدد واحد ما يعرف، بواحد من مشاهد المخيم الجانبية جلس يفضفض عن قلة ثقته بنفسه ويحس كأنه مش جزء من الشلة، واعترف بلسانه أنه مهرج.
جلاديو يعرف يتعامل مع الناس وإجنس ذكي ونوكتس الملك وهو نكرة، وهذه النقطة نقطة الهوية والثقة بالنفس والانتماء بنيت عليها الإضافة، برومتو بالنسبة لي كان شخصية مهرج ممكن يضحكني أو يسوي جو بس هل مهتم أعرف زيادة عنه أو أطلع معه؟ صراحة لا، لكن فكرة أن يكون مستنسخ ونشوف قلة ثقته بنفسه وخوفه من أن يتم رفضه بسبب هذا خلاني اهتم له، زيادة على أن هذا عطانا معلومات عن وضع جنود نفلهايم والشياطين مالهم، وأعتقد اختيار المكان يكون مكان بارد اختيار موفق من ناحية الثيمة، العزلة البرد والوحدة مكان مناسب للثلج بنظري.
إجنس من قبل عن ألعب الإضافة ماله كان المفضل بالبارتي، ممكن تقول لأنه صوت العقل، ممكن تقول لأنه ماخذ دور الأم، يعامل كل واحد على قياس عقله، واضح لأي درجة يهتم بنوكتس خاصة وبقية الشباب، عنده مهارات ناعمة رايعة مثل الطبخ ويجرب وصفات جديدة وفوق هذا هو السايق، وشرحت قبل ليش اللعب بيه الأمتع من البقية، لكن الي صدق حببني فيه لما فقد بصره عشان يساعد نوكتس، هذه تضحية ما يسويها إلا الصديق الحق، والإضافة ماله ممكن تختصر بكلمة يتمية، وفاء، كل الي مسونه لنوكتس وبقية الشباب لأنه صديق وفي.
والحق يقال نوكتس أقل واحد ممكن أتكلم عنه لكن لو بقول شي هو الي يجمعهم مع بعض، هو الأمير مرات يعطي شعور عنده بارظ مرات لا، الأمير الي له لحظات وعلاقته مع البقية ترفعه لكن هل يقدر يوقف وحده؟ صراحة لا إلا باخر اللعبة لما ياخذ دور الملك بجدية، لما يصير ممثل خليجي مسوي مكياج وتشوف كيف يتعامل مع الناس هناك صدق نوكتس صار ملك، وأتوقع من خلال هذا الكلام أتوقع وصلت نقطة أن قوة الشلة في مجموعهم، وعلى فكرة الأنمي حليو لكن يوضح الأشياء الي ذكرتها واللعبة توضحها، مجرد شي للاستزادة لا أكثر.
ولو تريد الصراحة على إني حبيت الشلة ذيه واستمتعت بالرحلة معهم، وعطوني شعور المغامرة مع أصدقائي وناسي لكنهم حتى مع بعض ما يكونوا الكيان المفضل عندي، شخصيتي المفضلة هو اردن لسبب بسيط خليني اختصره بأن طول الوقت لما يطلع أساس هذا معانا ولا ضدنا؟
لما كنت أشوف فيديوهات عن اللعبة كنت مستغرب من كون اردن هو الشرير الرئيسي بس يتمشى مع الأبطال، ولما لعبت اللعبة فهمت، دايما ماخذ موقف غريب باللعبة، لما يكون معك يسوي نفسه ربيعك ويحاول يسوي نفسه ما شرير بس شعور عدم الارتياح دايما حاضر، ولما يكون ضدك يكون له وزن ثقيل لأن الرجال قوي وكذا مرة يسوي أشياء قوية.
أتوقع أول مرة عجبني اردن لما طلع ظهوره الأول ولما شفت شكله ولحن كلامه على طول قلت ذي سيارته:
مافي سبب معين خلاني أتوقع هذا التوقع بس مجرد حدس لا أكثر، وأتوقع لأنها عطتني انطباع أنها سيارة بريطانية، اردن مظهره ولحن كلامه ولكنته وحتى طبقة صوته مناسبة أنها تكون شخصيية بريطانية، القبعة يمكن تلعب دور بعد وشي طريف بالإضافة الشي الوحيد الي تقدر تغيره هو القبعة، ملبسه يعطني انطباع أنه شخصية فاينل فانتزي بشكل إيجابي، مظهره متلكف بشكل إيجابي ولما تاخذ بعين الاعتبار أنه بريطاني وإمبريالي ومستشار الجيش وكونه من السلالة الحاكمة منطقي يكون مستعمر.
وإضافته يمكن أحسن إضافة لأنها تعطي جواب مرضي لليش هو الشرير ويريد ينتقم، وفوق هذا التنقل بيه بالمدينة كان رايع، وسالفة أن ماشي ايتم يسوي revive كان معطي تحدي لذيذ، والقتال بيه قريب من نوكتس بس عنده قدرات "مظلمة" تخليه أميز، وفيه نقطة لما كنت ألعب بيه شدتني ببداية الإضافة بهذه المنقطة وجلست أقرا تاريخ العالم والالهة الستة.
ذكروا تاريخهم وكل واحد أيش صار له وما إلى ذلك من أمور، ولما عرّجوا على عفريت ذكروا أنه أعطى الناس النار وصار بينه وبين الالهة الأخرى، وجثته صارت البركان، ونفس الشي لقينا جثته وسالفة تصميمه الي أتبع نهج الأنسنة ذكرني كثير ب بورميثيس، هذا أحد الالهة بالميثولوجيا الإغريقية الي كان شغله يخلق الحيوانات والبشر وكان يعطي كل واحد منهم ميزة لما وصل للبشر خلصت المزايا فخلاهم بشكل الالهة، وكان يحب البشر وأعطاهم النار بس بسبب تعامله مع البشر صارت بينه وبين زوس مشاكل وصلت لأنه عاقبه بأن يخليه مربوط ونسر ياكل كبده وكبده ينبت من جديد، سالفة عفريت مع بقية الالهة ذكرتني بيه وذا شي طبيعي لأن الأساطير الإغريقية أقرب لأنماط قصص جاهزة ممكن أي كاتب يأخذها ويتلاعب بيها عشان يصنع قصة مثيرة.
*حلقة ميث أندرستود عن بروميثيس
بالبداية ما عجبني تصميم عفريت المؤنسن، بس لما طلع شكله تلاعب بشخصية بورميثيس تقبلته أكثر، عن نفسي أفضّل تصميم عفريت يكون "متوحش" نفس فاينل الثامن:
بس هذا التوجه يتناسب مع تاريخ الشخصية، واللعبة لها عالم مثير غير سوالف الالهة.
لما رحت البندقية وشفت المدينة وشكلها ومدخلها والجانب البحري فيها انسحرت، لما عرفت سالفة اردن وتاريخه بإضافته عرفت شي عن تاريخ العالم بالإضافة لمدينة نوكتس**، لما لعبة إضافة جلاديو شفت جلجامش وقوته، ولما لعبت إضافة بورمتو عرفت طبيعة أسلحة نفلهايم، عالم اللعبة فيه سوالف مثيرة بس أعتقد أنها ما انعرضت بأفضل شكل ممكن باللعبة، بس تقدر تلتمس هذه الأشياء فيها بالجانب البصري ومرات القصصي، وهذا الالتماس يخليني أقول أن اللعبة كان ممكن تكون أفضل من هذا الصدد.
وسالفة ممكن تكون أفضل ممكن مرت عليك كثير، ممكن البعض يقول عنها فرصة مهدرة بس عن نفسي ما أشوف ذا الشي، أشوف اللعبة ذي بجوانب معينة تفوقت وبجوانب أخرى أخفقت، لكن الشي الي أقدره فيها أنها طموحة وحاولت توصل لطموحها ولو أن النتيجة النهائية كانت أقل من طموحها، ما أقدر أقول إني أريد ريميك لهذه اللعبة بقدر إني أتمنى نشوف سكوير تاخذ هذه الأفكار وتعيد تطبيقها بشكل أفضل، لكن يمكن ذي الأمنية مثل أمنية زواج نوكتس بلونا الي طلعت بنهاية اللعبة، مجردة فكرة استبعد تتحققها.
تأثري بكلام غيري
أريد أختم كلامي بإني أوضح نقطة وهي إني تابعت كثير من النقاشات عن هذه اللعبة وطبعا ذيلا أثروا على نظرتي عليها بشكل واعي أو غير واعي، فلو الكلام الي قلته سمعته من قبل فهذا السبب.
الأشياء الي سمعتها فترة الإصدار البودكاستات ومنها المرحوم عماني جيمرز وحديث حاتم عنها الي كان سلبي، وفيه فيديو قصير يختصر كل مشاكله معها، وكذلك نقاشات البودكاسات التالية:
- بودكاست ألعاب
- بودكاست جرعة إضافية
- بودكاست Lucky GG
- بودكاست ويكلي دونت أظن تكلموا عنها
والناس ذيك الفترة كانوا مقسومين بين واحد عجبته اللعبة مع عيوبها، وواحد يشوفها لعبة خايسة ومعيوبة، وفيه كم فيديو شفته وهم ذيلا الأثنين فيديو يحيى ما عجبته اللعبة عشان عيوبها، وفيديو سكيل أب عجبته اللعبة مع عيوبها، ما أعرف صراحة هل قلت شي جديد عن اللعبة، بس الي متأكد منه إني قلت كل شي بخاطري، وعسى طلع من ذا النص شي سوى، وعسى الي كان ينتظر هذا النص يكون قد التوقعات، المفروض يكون هذا فيديو بس ما أظن بسويه بالشهور القادمة عشان كذا قلت أحسن أنشره هنا إلى ذلك الحين.
التعديل الأخير: