الموضوع الرسمي Far Cry 3 : رحلة الى قلب الجنون !

[Sir Guts]

انا قررت افتح كل شي في اللعبة و اسوي المهمات الجانبية كلها!اللعبة الوحيدة الي تسوى والله!

شيبي هذا ههههههههههههه .. اكره شيء لمن يجي حيوان مفترس ياخذ صيدك :laugh::

هههههههه بو وليد صادني نفس الموقف مرة و من القهر ذبحته و بعد ما مات قعدت اطلق عليه و ارمي قنابل ههههه

 

[The Blue King 9]

شيبي هذا ههههههههههههه .. اكره شيء لمن يجي حيوان مفترس ياخذ صيدك :laugh::

من احسن الاشياء الي باللعبة انك تكسر قفص نمر ولا دب على الاعداء (الي في الاعلام)! دايم اسويها واقعد اتفرج من بعيد وهو ينتفهم واحد ورا الثاني وانا مرتاح :evil::

 

[khaled 13]

واخيرا عملوا تحديث لنسخة الـpc يشيل الـhud المزعج مثل رسائل التذكير المقرفة
الحين اقدر اكمل اللعبة وانهيها بكل روقان

 

[Painkiller Q8]

افضل kill شفتها ... حاولت اسويها مليون مره ماقدرت

[video=youtube;bOuF6SK8jOI]http://www.youtube.com/watch?v=bOuF6SK8jOI&feature=youtu.be[/video]

 

[Sir Guts]

^

مجنووووووووون!!!!

 

[Painkiller Q8]

تم الانتهاء من FARCRY 3
مغامره من اروع مايكون وقصه رائعه إلى النهايه , ممتعه جدا في طريقة اللعب والاحداث وشخصيه جيسن القويه مع صغر عمره والاحداث الصعبه في القصه .
انصح فيها بشده , اذا كنت تحب استغلال كل مافي اللعبه او تنهي القصه الرئيسيه فقط
من اروع العاب السنه بل الافضل على الإطلاق بالنسبه لي !
محتوى مليء وجرافكس خارق , وتنوع في المهمات والاسلحه وامور كثيره من طبيعه وحيوانات واستخدام طرق تنقل بر او بحر او جو...الخ
لعبه متكامله بصراحه 9.5/10
وباقي الــ Co-op بقصه قبل أحداث جيسن , عن مجموعه أخرى كانوا في الجزيره.

 

[DEMON]

وقصه رائعه إلى النهايه

ما أنهيته الى الآن، لكن القصة احد مشاكلي مع اللعبة، عادية جدا.

وشخصيه جيسن القويه مع صغر عمره

ثاني شيء كرهته باللعبة، جيسون كريه، حواراته ركيكة جدا وطفولية.

عدا هذا اللعبة رهيبة، مستمتع فيها جدا، المهمات الجانبية ماخذة وقتي ورهيبة.

 

[Painkiller Q8]

^
القصه عجبتني جدا , وجيسن عفوي وتطلع منه كلمات عفويه صبيانيه , بس راح تشوف شلون تصرف في بعض الموافق

لعبت اللعبه 20 ساعه وحللت كل شيء فيها 880/1000 اشيفمنت .. باقي مهمات الكو-اوب واختمها 1000

متحمس للكو-اوب جبني الفيديو في البدايه !

 

[Punished Noctis]

يب فعلا القصة عادية .. لكن ممتعة بفضل الكام شخصية مجنونة و حواراتهم (فاس على رأسهم)
جيسون مش كريه .. لكنه عادي جدا بعد.

 

[DEMON]

وااااااو، توني مخلص مهمة حقل المخدرات، يقطع ام الرهابة يا شيييييخ، عادة ما احب ال دبستيب، لكن الموسيقة كانت رهييبة وبلهجة "جامايكية" راكبة صح مع المهمة.

افضل مهمة الى الآن

 

[Khalid]

^
توٌك في البداية يعني بعدك ما شفت شي في المهمات قادمة افضل بكثيير من هذي.

 

[fall out boy]

افضل kill شفتها ... حاولت اسويها مليون مره ماقدرت

[video=youtube;bOuF6SK8jOI]http://www.youtube.com/watch?v=bOuF6SK8jOI&feature=youtu.be[/video]

انا مسونها مليون مره يمكن لول .. سهله عادي

عليه تروفي بعد هال kill .. انه لازم تقتل احد باستخدام الجليدر او الزيبلين او الباراشوت

 

[Painkiller Q8]

وااااااو، توني مخلص مهمة حقل المخدرات، يقطع ام الرهابة يا شيييييخ، عادة ما احب ال دبستيب، لكن الموسيقة كانت رهييبة وبلهجة "جامايكية" راكبة صح مع المهمة.

افضل مهمة الى الآن

اي والله فعلا كانت ممتعه , والي يحمسك جيسن يصارخ ويقول awesome ومن هي الامور !

الموسيقى حلوه انا سويت فيديو للعبه ووقع اختياري على الموسيقى قبل اللعب اللعبه !

[video=youtube;iUTY_I0Gc5w]http://www.youtube.com/watch?v=iUTY_I0Gc5w[/video]

 

[Raheem]

شباب وش هذا dango pelt؟؟

 

[Raheem]

^^^^^^
احد يعطيني وجه

 

[khaled 13]

انهيت اللعبة بعد 30 ساعة لعب .....ومشاعري مختلطة نحو اللعبة لكن بشكل عام محبط منها
راح ابدأ بالسلبيات واللي معظمها من جانب التجربة والعمق في اللعبة

قصة وتوجّه اللعبة
- جدا محبط من الناحية ذي جدا جدا جدا محبط , ليش يايوبي سوفت تكذبين علينا وتعرضين وتقدمين اللعبة في تريلرات وفديوهات ماهي موجودة في المنتج النهائي ؟!
ليش تكذبين وتقولين ان الجزيرة غريبة وفيها غموض وكل واحد فيها مجنون ؟ اصلا مافيه احد نقدر نقول عليه مجنون غير فااز , او كي الدكتور هم بعد يعتبر مجنون لكن كل الشخصيات الباقيه عادية ومملة ومجنركة .
- والجزيرة لا فيها غموض ولا يحزنون كل شيء فيها واقعي ومافيها شيء غريب , الاشياء الغريبه موجودة في طور القصة كـ (تخيلات فقط ) وهذا الشيء بصراحة خلى اللعبة مالها روح , يعني لما تلعب بعض مهمات القصه الغريبة وترجع للمهات الفرعية او تستكشف الجزيرة تحس انك تلعب لعبتين مختلفتين تماما وعدم تأثير المهمات الرئيسية بعالم اللعبة زاد من الشيء هذا .
-

محتوى مخفي: فااز

فااز افضل شخصية انتهى مع منتصف اللعبة !! wtf يوبي سوفت ؟ ليش ؟ ليش ؟ ليش ! قسم بالله شركة ماتستحي , تعرض الشخصية ذي في كل فديو وتسوّق اللعبة به وفي الاخير يموت في منتصف اللعبة ؟ وبطريقة غبية ! ادري انكم بتنقزون وتقول ليش تقول السبويلر هذا , لا مش سبويلر وانما تحذير لكل شخص اعجب بشخصية فااز ويبغى يشتري اللعبة علشانه ..... ترى يوبي سوفت عرضت تقريبا كل مقاطع وعروض فااز في فديوهاتها الترويجية للعبة . يعني اذا شفتها كلها ترى ماراح تشوف مقطع جديد منه في اللعبة لول ! جدا جدا جدا انزعجت لما مات وبطريقة سخيفه بعد :.

_ قصة اللعبة بشكل عام غبية , مجموعة اصدقاء يحتجزون في جزيرة من قبل قراصنة تبيعهم كعبيد ؟ ويطلع واحد فيهم كان دجاجة و يكتشف انه عنده القوة للقتل وانقاذ اصدقائه لول كأنها قصة فلم رعب سخيف من نوعية b movies

المهمات الفرعية والاستكشاف و التجميعات السرية
- الاستكشاف في الجزيرة ماله فايده والشكر يرجع لنظام اللعبة اللي يحسسك انك غبي وتحتاج قايد في كل شيء
اول شيء الخريطة ماتظهر إلا اذا تسلقت الابراج واللي هي بالاساس تظهر على الميني ماب وحتى لو الخريطة سوداء !!!
ثانيا كل شيء بمجرد تفعيلك للبرج راح يظهر على الخريطة و بدون استكشاف مثل المهمات الفرعية والمدن اللي تقدر تسافر لها والمخيمات واماكن الحيوانات وكل شيء تقريبا
ثالثا مافيه اشياء تقدر تحصلها وتستفيد منها , مثلا الجزيرة على كبرها ماتقدر تلقى فيها الاسلحة غير في المتاجر او من شخص تقتله
وهذي الأشياء خلت الاستكشاف ماله اي فائدة !
- المهمات الفرعية ممتعة لفتره بسيطة بعدين تصبح مكرره بشكل مقرف ومعظمها ماتكافأك في اللعبة غير اتشيفمنت لا يودي ولا يجيب ! او فلوس اللي راح تصبح سهلة التجميع لدرجة انه محفظتك راح تمتلي كل مدة وتروح تصرفها في اشياء تافهه بس علشان تفتك من رسالة التذكير المزعجة اللي تقول محفظتك فل كل مره قربت من صندوق او سويت لووت
- تسلق الابراج ! اساسن كريد على غفلة ؟ الخريطة المفروض تظهر في كل منطقة تمشي عليها على طول , غباء بصراحة ياخي انا مابغى اقعد 5 دقائق احاول اتسلق برج متكسر , ممل جدا
- التجميعات السرية ,هي مش سرية لانه بمجرد مرورك بجانب اي شيء منها راح تظهر على الخريطة وحتى لو تبعد عنها اكثر من 10 امتار او تقدر تكشف عن اماكنها عن طريق شرائك لخرائطها في المتجر.
واصلا مالها فائده في تجميعها مثل صناديق اللووت اللي عددها فوق المليون وشويه ماتعطيك غير فلوس واشياء تافهه تبيعها فقط , المفروض على الاقل يكون فيها اسلحة تخليك تبحث عنها
ولا التماثيل اللي عددها 120 ومالها فائدة سوى نقاط xp اللي تقدر تحصلها بمجرد انهائك للمهات الرئيسية , على الاقل كان خلوا مثلا كل 10 تماثيل تعطيك قوه او ميزة خاصة وبكذا راح يكون البحث عنها ممتع .

مظهر اللعبة وتقديمها
- الـNPC متشابهين بشكل مزعج لدرجة اني مره شفت 8 اشخاص نفس الشكل مع بعض :w00t:
- الـHUD مزعج وموضوع في نص الشاشة , مدري وش تحس فيه يوبي سوفت خاصة الميني ماب الكبير و القبيح
- رسائل التذكير بالمهمات مزعج وكل مده ينط على , ياخي خلاص عرفت اني وراي مهمة لا تقعد تزعجني
- الاهداف والنقاط الصفراء اللي تعلمك في المهمات مزعجة وتحسسك انك غبي وانه اللعبة سكريبتد بشكل مقرف

قتال الزعماء
ماهذا الهراء يوبي سوفت ؟ الزعماء الثلاثة

محتوى مخفي: WTF

بكّ و فااز وهويت كلهم قاتلتهم في مرقص ديسكو ؟ كتخيلات ؟

ولا بعد كلها مقاطع سينمائية سكريبتد مع QTE
ماهذا الهراء !:yuck::

هذي النقاط السلبية
__________

, الحين نجي للإيجابيات واللي خلتني اقضي 30 ساعه لعب ومعظمها طبعا من جانب الجيم بلاي
- اللعبة فيها تحدي وصعوبة ممتازة , تجبرك انك تطور شخصيتك وتفكر كيف تخطط و تنهي المهمة قبل بدايتها .
- تنوع ممتاز في القدرات SKILLS , تقريبا كل وحده تعطيك متعة و شعور ممتاز اذا عملتها وحتى لو سويتها اكثر من 100 مره ماراح تمل منها .
- المهمات الرئيسية ممتعة في اللعب من البداية إلى النهاية
- لك الحرية كيف تنهي المهمات سواءً عن طريق التجسس ولا القتل السريع والاكشن
- تنوع الحيوانات من أليفه الى شرسه
- نظام كرافتنج وتطوير اسلحة ممتاز
- موسيقى واصوات ممتازة جدا
- جرافكس جميل خصوصا نسخة الـPC على الالترا

----------
التقيم
التجربة والعمق 4/10
متعة اللعب 8/10

باختصار
اذا كنت من الناس اللي تبحث عن التجربة والعمق في اللعبة اولا فما انصحك باللعبة ذي ابدا
لكن اذا كنت من الناس اللي تبغى تستمتع في اللعب وتخرب ابو الجزيرة ( زي ماتسوي مثلا في GTA ) فانصحك بشدة باللعبة لانها ممتعة بصراحة

 

[Old Snake]

^
لا مش تحذير سبويلر, الله يهديك بس!!

 

[khaled 13]

صدقني تدري الحين افضل من انك تكتشفه في اللعبة وتنقهر

 

[DEMON]

@#$%^@%@$^

كيف مش سبويلر بالله؟؟

وش ذا التنكيد يابن الحلال؟

 

[khaled 13]

خخخخخخخخخ

اللعبة نازله من شهرين وهذا الموضوع الرسمي , خلاص مايحتاج سبويلرز وياليته سبولز كبير , معروف كل شخصية شريرة راح تموت
ومره ثانيه صدقوني انكم راح تنزعجون اكثر من الحين اذا اكتشفتوه بنفسكم
لكن خلاص راح اعدل

 

[DEMON]

خالد، ما اقصد شيء، انت شخص محترم بالنهاية.

لكن مو شغلك انها بتزعجنا أو تأثر علينا.
حطها بسبويلر تاج، وأكتب قبله بالعريض انه حدث من اللعبة لكن "أنت" ما تعتبره حرق.
عموما انا بعد محبط مثلك من اللعبة ووصلت لمرحلة اني ما اهتم للقصة "السخيفة" وجالس استمتع بالـ Gameplay فقط.
لكن حرام تخرب على الشباب خصوصا اللي شرا اللعبة لهذا السبب

 

[khaled 13]

محتوى مخفي: افتح السبويلرز اذا اكلت السبويلز الاول , لا تخاف مش تخريب زيادة وانما تخفيف عليك لول

طبعا انا ماقلت متى يموت بالضبط وكيف يموت
واصلا مش في منتصف اللعبة , اعلى بشويه

واسف على كل حال

 

[Karim le BOSS]

just passing by

و شفت رد خالد


am out of here !

 

[Sage]

وااااااو، توني مخلص مهمة حقل المخدرات، يقطع ام الرهابة يا شيييييخ، عادة ما احب ال دبستيب، لكن الموسيقة كانت رهييبة وبلهجة "جامايكية" راكبة صح مع المهمة.

افضل مهمة الى الآن

نفس شعوري.. كانت من افضل اللحظات بالجيمنج!

انا ذوقي صعب جدا في الموسيقى بس فعلا اتفق معاك, كانت تناسب المهمه.

 

[Sir Guts]

وااااااو، توني مخلص مهمة حقل المخدرات، يقطع ام الرهابة يا شيييييخ، عادة ما احب ال دبستيب، لكن الموسيقة كانت رهييبة وبلهجة "جامايكية" راكبة صح مع المهمة.

افضل مهمة الى الآن

هذا الناتج لما يجتمع Damian Marley مع Skrillex يا حبيبي:laugh::

اذا تبي الإسم تعال كلمني فالملف

 

[Sage]

ياخي هاللعبه مو طبيعيه.. خطيره.. يوبيسوفت ابدعت فيها..

قدروا يدمجون الفبس و الستيلث مع بعض بطريقه جيده.. شعور خطير لما تحرر outpost بدون ما يصيدونك!

جوتي 2012!

 

[Sage]

بعد ما انقطعت شوي عن اللعب بسبة الدراسه و الامتحانات رجعت العب اللعبه و اسوي المهمات الرئيسيه.. وصلت لـ Uncle Sam

محتوى مخفي: Spoiler

معقوله فااس مات بهالسهوله ؟!

 

[Advil]

امبارح انهيت اللعبة ، اللعبة فعلا قفزة نوعية بعد الجزء الثاني اللي ما قدرت اكمله ،
القصة ممتازة والاحداث رهيبة، الاداء الصوتي متقن بشكل احترافي والشخصيات مميزة خصواص فااس ،

محتوى مخفي: افضل مشاهد باللعبة بالنسبة لي ( سبويلرات قوية جدا ، ما تفتح الا اذا انهيت اللعبة) :

- موت جرانت في بداية اللعبة ومحاولة وقف النزيف
- فااز وفلسلفته وتعريفه للجنون قبل ما يرميك في الماء
- موت فااس (مع انه كان مخيب للامال )
- هويت لما قتل سام اثناء البوكر ، قفزت من مكاني لما قتله !!
- في نهاية اللعبة

محتوى مخفي: اذا اخترت الانضمام ل سترا

مشهد ذبح صديقتك، مشهد خرااااافي !!!

 

[alruqeishy]

اللعبة جدا ادمانية وعجبتني مهمة حقل المخدرات والموسيقى جدا راكبة عليها والحين جالس انوع بين مهمات الصيد والاغتيال ومرات ارجع لـBuck

 

[Lost Piece]

انهيت اللعبه من فتره والحين حطيت مراجعتي لها .. باختصار من افضل العاب الجيل ! كمية المتعه فيها شيء لايوصف !

http://www.true-gaming.net/boards/showthread.php?t=19663&p=1097620&viewfull=1#post1097620