الموضوع الرسمي Fallout 3 | حان وقت مغادرة Vault 101 (مراجعة TG وصلت)

[Isaac]

سعر الليمتد شكله منصوب فيه بقوة.

سعر اللمتد الأمريكية 300 ريال ..


لو بأطلبها من أمازون بتكلفني مع الشحن حوالي 350 ريال (ممكن أكثر). + ما أضمنهم، ممكن تجيني العلبة مطعوجة وإلا مصقوعة .. (لي تجربة سيئة مع Assassin's Creed .. تعلمت منها إني ما أطلب أي لمتد لعلبة معدنية من الانترنت).


توني طلعت من الـVault .

مشاعري متضاربة تجاه اللعبة... بأتعمق أكثر وأكثر قبل ما أبدي رأيي الأولي.

حولت الـHUD للون الأبيض ... الأخضر مقرف وينرفز صراحةً!

 

[Aia]

وصل حماسي فوق الـ 1000 + !

شباب أبي إنطباعات " مُفصله " وودي أشوف إنطباعات للي لعبوها بعد Fable II !

 

[Isaac]

لعبت 5 ساعات ووصلت لميقاتون.

اللعبة ما أعطتني شعور الانبهار اللي اعطتني اياه أوبليفيون.

والعالم الخارجي جابلي حالة اكتئاب :/

احسه بيكون كله متشابه للأسف



بكرة ببدا الشغل الصح بعد الجمعة إن شاء الله. :nerd:

 

[NiGhTMaRe]

^
يمكن لأن ألوانها ما تفتح النفس مثل اوبليفيون لكن بتعجبك وتتعود عالأجواء..
والله احس في شي غريب ف عالم فول أوت.. يعني مرات احسه اضخم عن اوبليفيون ومرات أحس اوبليفيون أضخم
مادري الصراحه ,,, بس لاحظت تنوع في الأماكن بعكس التكرار في اوبليفيون ..
مثال (سوبر ماركت , ميترو , مدن غريبه , بنايات وبرج تينبيني ومدرسة والخ)
أحلى شي تقطيع الأضلاع,, قاعد استمتع بتقطيع الجثث أصوب عالراس واعطيه بالـHunting Rifle وطاااخ احصل راس
وأحطه عالطاوله (حتى راسين البراهمان فصلتهم) << وشخصيته اونها PeaceMaker !!

 

[Solay]

بالله احد يقول لي الطرق اللي اقدر اجيب منها فلوس غير بيع الأشياء,وهل فيه ارينا او شي مشابه مثل اللي باوبليفيون؟!

 

[Naif]

^ نفس السؤال.. شح كبير في الفلوس لوول

خلصت مهمة The Family اليوم..

محتوى مخفي

حبكة حلوة في النهاية.. ما كنت متوقع انه هو اللي قتل اهله.. اتفقت مع رئيس الفاملي انه ياخذ عينات من دم اهل القرية على انه يوفر الدفاع لهم.. عجبتني الأفخاخ في النفق لووول على فخ الطفل

..

اللعبة ادمان

 

[Solay]

اسئله اخرى:

1/اذا جيت ازود الأتش بي عندي من مغسله او حمام الله يكرمكم يزود شي اسمه راد-سيك وش سالفته هذا؟!

2/فيه حاجه تخلي اجزاء من جسمي تنقص حتى لو الهيلث فل وش سالفتها؟!

 

[Xeno]

أحسن اضغط Start واختار Help، في شرح مفصل لكل هذي الأشياء، لكن:

1- هذا أثر الاشعاع radiation، كل مايزيد 200 درجة يكون له مضاعفات معينة.

2- أعتقد أنه addicton لمادة معينة.

الطبيب اللي في Megaton يداوي كل هذي الأشياء.

 

[Solay]

^
ثانكس,طيب ماتعرف اي حل او طريقة تتبعها انت تزود فيها فلوسك؟!

 

[Xeno]

أول 5-10 ساعات الفلوس قليلة من نفسها, والطريقة الوحيدة للجمع هي بيع الأشياء اللي ماتبيها.

 

[HAL-9000]

اخذت اللعبة قل امس, وهذي انطباعاتي الأولية عن اللعبة:
- الثيرد بيرسون في اللعبة سيئ مثل ماقالوا الشباب, لكنه مناسب اثناء التجوال وخاصة في المساحات الشاسعة

- الناحية التقنية في اللعبة حسيتها ضعيفة داخل الـVault, لكن لمن خرجت منه حسيت بأبجريد نوعا ما, لكن مازال الفريم ريت مو بالمستوى وكذلك الجرافيكس والتكستشرز, لكن اعتقد السبب إني ألعب بنسخة الـPS3

- التصويب في اللعبة جيد, ونظام الـV.A.T.S جدا رائع

- الذكاء الاصطناعي للعداء جدا ممتاز, وتلاحظ انهم اذا كانوا جماعات يرجعوا للخلف لفترة بسيطة في بعض الاحيان ويشنوا عليك بعدها هجمة في وقت واحد

- صوتيات اللعبة بريفكت!!! سواء من ناحية الفويس اكتنج, والموسيقى وحتى صوت الأسلحة

- الـPop-Boy 3000 كان من الاشياء اللي كانت شاك في مستواها, ولكن تفاجأت انه جدا ممتاز ويعتبر شيء جدا ايجابي, وبفضله اللعبة مافيها تعقيد كثير, لكن يحتاج لشوية وقت عشان تتعود عليه

- موديلز الشخصيات ممتاز جدا, لكن في شخصيات تتشابه بشكل جدا غريب!

للأسف إلى الان ماقدرت اتعمق في اللعبة كثير بسبب الاختبارات, يعني ممكن مالعبت إلا حوالي 4 أو 5 ساعات
لكن إلى الان أقدر أقول إن اللعبة منافسة قوية جدا على لقب الـGOTY :rockon:

 

[hussien-11]

علبة الكولكترز ادشن أحلى علبة لعبة أشوفها بحياتي
​

 

[Isaac]

نصيحة شباب لو بغيتوا تزودون الـHP للـFull مجانا .. روحوا ناموا في Wilk's House في Grayditch.

 

[Solay]

مبروك محمد^_^.

لكن في شخصيات تتشابه بشكل جدا غريب!

بالعكس تشابه الشخصيات قل بكثير عن ابليفيون,ابليفيون تلقى خمسين واحد بنفس المدينه مو مشابه إلا هو نفسه.

 

[HAL-9000]

مبروك محمد^_^.



بالعكس تشابه الشخصيات قل بكثير عن ابليفيون,ابليفيون تلقى خمسين واحد بنفس المدينه مو مشابه إلا هو نفسه.

الله يبارك فيك سليمان
بالنسبة لتكرار الموديلز, أنا مالعبت ابليفيون, لكن معقولة تكرار الموديلز يوصل لهذي الدرجة في اللعبة :w00t:

 

[NiGhTMaRe]

نصيحة شباب لو بغيتوا تزودون الـHP للـFull مجانا .. روحوا ناموا في Wilk's House في Grayditch.

ليش انام ف بيوت الناس وانا عندي بيت اللي يبغا ينام براحته يخلص مهمة الـAtom Bomb بأي طريقة

بالعكس تشابه الشخصيات قل بكثير عن ابليفيون,ابليفيون تلقى خمسين واحد بنفس المدينه مو مشابه إلا هو نفسه.

وين حرام عليك والله اوبليفيون مافيها شخصيات متشابهة غير بعض الـGuards اما الشخصيات تلقى فيهم تنوع
بس التشابه في الصوت فقط.. حتى فول أوت3 مافيها تشابه كثير

 

[hussien-11]

اليوم كانت لي تجربة مع اللعبة بشكل محدود ، ساعتين لعب

1. عالم اللعبة ضخم لكن مش لدرجة انه يكون ( شاااااسع ) مثل أوبليفيون ، عالم فول اوت3 أفضل فنيا و أغنى بالتفاصيل
2. اللعبة جميلة جدا من الناحية الرسومية حقيقة ، طبعا الكلام عن البيئة الخارجية ، شعور مبهر أول ما تطلع للـwasteland ، لما شفتها تذكرت ليش كانت أوبليفيون تحفة تكنولوجية على وقتها
3. منظور الشخص الثالث سيء بدرجة مضحكة ، و الأنميشن فيه كارثي ، الموديلز أيضا سيئين
4. اللعبة الواحد يحسها جزء جديد من سلسلة الدر سكرولز أكثر مما هي فول اوت جديدة
5. لا زال في ايتمز بالهبل لدرجة تجيب الصداع
6. نظام القتال و تطوير القدرات أحلى و امتع من أوبليفيون بمراحل
7. الأتموسفير ممكن ما يروق للبعض و ممكن البعض الاخر يشوفه أفضل شيء مر عليه خلال هذي السنة ، عن نفسي أشوفه جدا خلاب و مدهش ، دايما كانت تستهويني فكرة الحياة على سطح مكان مدمر و كيف بتكون ، و هاللعبة بتقدم هالتجربة بأفضل شكل ممكن
8. الحوارات ذكية جدا و بتخليك تحس انه عالم اللعبة مليء بالحياة ، الراديو بيساهم كثير أيضا بهالشي
9. بشكل عام اللعبة ممتازة جدا و أكثر متعة من أوبليفيون ، لكنها مش بنفس الكوالتي .

 

[Aia]

مشكور حسين على المُراجعة السريعه !

والله تحمست للعبة بشكل ما تتصوره , بالنسبه للثيرد برسون ما أهتم له لأني يوم كنت ألعب اوبليفيون ما كنت أستخدمه كثير , هو أمتع شي باللعبة فرست برسون XD !

بس بخصصلها وقت كبير [ إحتمال كبير بالكرسمس ] لأن يبيلها فصفصه و مجال وتفتيح مُخ مثل ما سويت باوبليفيون : ) !

 

[Isaac]

1. الأتموسفير ممكن ما يروق للبعض و ممكن البعض الاخر يشوفه أفضل شيء مر عليه خلال هذي السنة ، عن نفسي أشوفه جدا خلاب و مدهش ، دايما كانت تستهويني فكرة الحياة على سطح مكان مدمر و كيف بتكون ، و هاللعبة بتقدم هالتجربة بأفضل شكل ممكن

شخصيا أقدر أقول إني مثلك مهتم بشي مماثل .. بس مو بالكابة اللي طلعت فيها Fallout 3.

أفضل البيئات المدمرة اللي تكسوها النباتات الـOvergrown. *بيئة عدنان ولينا و مرحلة Gridlock في قيرز2 تخطر على البال*

1. الحوارات ذكية جدا و بتخليك تحس انه عالم اللعبة مليء بالحياة ، الراديو بيساهم كثير أيضا بهالشي
2. بشكل عام اللعبة ممتازة جدا و أكثر متعة من أوبليفيون ، لكنها مش بنفس الكوالتي .

الحوارات رغم تنوعها إلى إنها تؤدي إلى نفس النتيجة في النهاية (غالبا) (15 ساعة لعب)

أيضا فيه شيء مضايقني، ممكن البعض يعتبره عيب بسيط، في أوبليفيون كان يمديك تطلع من أي محادثة بالضغط على زر B بينما هنا لازم تقعد تمشي في قائمة الكلام إلين توصل لخيار انهاء المحادثة. :yuck::

+ أيضا في أوبليفيون كان فيه خيار يوصلك للخدمات بضغطة زر (البيع الشراء إلخ) هنا لازم تقعد تفرفر في قائمة الكلام علشان تختار الخيار المناسب :/ حركة ازعجتني جدا.

اتفق معك بشكل كلي في النقطة الأخيرة.

 

[Aia]

+ أيضا في أوبليفيون كان فيه خيار يوصلك للخدمات بضغطة زر (البيع الشراء إلخ) هنا لازم تقعد تفرفر في قائمة الكلام علشان تختار الخيار المناسب :/ حركة ازعجتني جدا.

أفا , يعني أفهم من كلامك أنه ما فيه شراء مُباشر مثلا ً , لازم أتكلم معه و على حسب الخيار الي أختاره إلين يطلع لي خيار الشراء والبيع !؟

بشكل عام اللعبة ممتازة جدا و أكثر متعة من أوبليفيون ، لكنها مش بنفس الكوالتي .

هذا الي كنت خايف منه , توقعت أنها بتكون أفضل من أوبليفيون من هالنواحي الجانبيه !

 

[NiGhTMaRe]

أيضا فيه شيء مضايقني، ممكن البعض يعتبره عيب بسيط، في أوبليفيون كان يمديك تطلع من أي محادثة بالضغط على زر B بينما هنا لازم تقعد تمشي في قائمة الكلام إلين توصل لخيار انهاء المحادثة. :yuck::

صح هالشي مزعج جداً ,, بس اكتشفت انك تقدر تمشي الخيارات بطريقه سريعه بس اضغط على RB
ونسخة الPS3 اضغط R1 ..

وأيضاً اكتشفت انك تقدر تستفيد من الاسلحة الزايدة عندك بخيار الـRepair والله كملت اكثر عن 10 ساعات ويادوبي اكتشفت الحركه من يومين بالصدفه .. وقلت احسن من ما ابيع سلاح تعبان اضيفه لسلاح جيد عشان يزيد قوة ..

وفي شي سلبي آخر للعبة ان لما تشوف اي Item ما يطلعلك غير الوزن والسعر
يعني لو شفت سلاح او درع ما يقولك كم قوته الا عقب ما تاخذه !

 

[JOE]

شباب عندي سؤال غبي : من فين اجيب

محتوى مخفي

Mentats

؟ احتاجها عشان

محتوى مخفي

ازيد الـIntelligence عشان اقرد افجر القنبلة في ميجاتون ، رحت لـLeo Stahle و ما عطاني إياها ...

انا عارف انه بإمكاني التلفيل خارج ميجاتون و اطور الذكاء برضوا ، لكني ابغاها و بس !!!

 

[Xeno]

^

يبيعك ياها في الليل في مضخة المياه فوق، مش فمحله. (يعني بعد الدوام لول)

 

[hussien-11]

ايش هي هاي ؟ انا رحت عنده في الليل في المكان المذكور عبد الله بس ما رضي يحكي معي عن اشي ، و لا في اشي لازم أسويه بالأول ؟

حازم

شخصيا أقدر أقول إني مثلك مهتم بشي مماثل .. بس مو بالكابة اللي طلعت فيها Fallout 3.

أفضل البيئات المدمرة اللي تكسوها النباتات الـOvergrown. *بيئة عدنان ولينا و مرحلة Gridlock في قيرز2 تخطر على البال*

هممم ممكن ، انا بعدني في البداية لذلك إلى الان مو مبين معي هالشي ، بس يوم ما دخلت

محتوى مخفي

المدرسة

قسما بالله كآبة مو طبيعية ، ضاق خلقي بكل معنى الكلمة ( ليش بيثيسدا بحبوا يخلوك متوتر بالدنجيونز زيادة عن اللزوم ؟ )
​

 

[Solay]

للآن خلصت 10 كويستات..

اللعبه في قمة الروعه مع ان فيه كم سلبيه جدا واضحه

عموما يمكن احط انطباعاتي كامله بعد مااخلصها.

عبدالله متى المراجعه؟!

 

[Isaac]

أنا وصلت لـThe Family ذكروني بالـ

محتوى مخفي

ـDark Brotherhood والـMythic Dawn

في أوبليفيون...

محتوى مخفي

شلة ملاحيس

والتموا على بعض. لول !!


حاليا ماشي حول الـ15 ساعة،لفل 8 ، طيب. توني مخلص مهمة Blood Ties ... الجيمرسكور 110 من 1000 ... وشكلي باتركها لمدة شهر تقريبا (اختبارات الميدتيرمز )


اللعبة حلوة ... بس ماني قادر ألعبها لساعات طويلة (عكس الحال بأوبليفيون)


أشوف إن الـ1000 من 1000 جدا معقولة وتقدر تجيبها .. بالنسبة للكولكتبلز فالله يخلي الإنترنت لول !

 

[Solay]

حازم بلود تايس فرعيه وإلا انا غلطان؟!

 

[Isaac]

حازم بلود تايس فرعيه وإلا انا غلطان؟!

ايه نعم فرعية.

عليها 20GS بالمناسبة :


كنت ناوي أسوي Rush أليم وانهي القصة خلال فترة قصيرة. بس شكلي بأمخمخ عليها طول السمستر .. كل ويكإند انهي مجموعة كويستات، حسب وقت الفراغ.

 

[HAL-9000]

أنا وصلت لـThe Family ذكروني بالـ

محتوى مخفي

ـDark Brotherhood والـMythic Dawn

في أوبليفيون...

محتوى مخفي

شلة ملاحيس

والتموا على بعض. لول !!


حاليا ماشي حول الـ15 ساعة،لفل 8 ، طيب. توني مخلص مهمة Blood Ties ... الجيمرسكور 110 من 1000 ... وشكلي باتركها لمدة شهر تقريبا (اختبارات الميدتيرمز )


اللعبة حلوة ... بس ماني قادر ألعبها لساعات طويلة (عكس الحال بأوبليفيون)


أشوف إن الـ1000 من 1000 جدا معقولة وتقدر تجيبها .. بالنسبة للكولكتبلز فالله يخلي الإنترنت لول !

أنا حاليا ألعب هذا الكويست. من جد رهيب
ومثل ماقلت انت, اللعبة ماتحلى إلا اذا استلمتها لجلسات طويلة, وبالنسبة لي هذا الشي للأسف ما أقدر أسويه إلا في الـWeekendــات.

 

[Solay]

خلصت اللعبه(الماين كويست)..

مممم مع زحمة الألعاب الجايه مااتوقع ابدا وللأسف اني راح اكملها بوقت قريب.

لي انطباعات مفصله لو فضيت.