Etisalat Vs. du

[Naif]

للي ما يعرف .. شركة اتصالات كانت محتكرة مجال الاتصالات عندنا في الامارات من بداية انشاءها .. لكن نهاية هذا العام\بداية العام القادم بيتغير هذا الشي مع بداية ثاني شركة اتصالات اماراتية du (من كلمة do بس خلوها u على شان ما يكون شعارهم كلمة امر ) .. و قريت انه مع افتتاح هذي الشركة بيبقى السوق على هذي الشركتين فقط الى عشر سنوات قادمات ..

المهم .. اتصالات هذي السنة تحتفل بذكرى انشاءها الـ30 .. و قريت هذا الخبر ضحكني شوي :

Etisalat has had to postpone a 30th anniversary promotion after being told by the Telecommunications Regulatory Authority that it was violating telecom law, its licence and price regulations, reported the Gulf News. The TRA claims that the offer had not received approval and was designed to lock customers in to Etisalat ahead of du's arrival in the market. The TRA is considering what penalties to mete out to Etisalat.

لوول .. باختصار .. اتصالات كانت مسوية حملة على شان هذه الذكرى و كانت مسوي عرض (سمعت انه كان اضف 100 درهم لحساب موبايلك و بتحصل فيه 200 .. اعرف .. شي خيالي P: ) بس مؤسسة الاتصالات عندنا في الامارات وقفت العرض لانه ما يوافق نظام الاسعار عندهم و لانه مع هذا العرض ما بيكون في امل ابدا لشركة du .. و حاليا تفكر المؤسسة بكيف ممكن تعاقب اتصالات ..


ههههه .. اذكر من فترة كنت اقرا لقاء مع مدير شركة du يقول فيها انه ما بيكون في حرب اسعار بينهم و بين اتصالات .. بس شكله لازم بيكون في .. و اكيد نحنه الوحيدين اللي مستفيدين ..

بعض المعلومات عن du (بعضها ما متاكد منها .. ) :
- ارقام الموبايلات تبدا بـ055
- بيكون مع خدمة الانترنت ستلايت مع شوتايم (بدون بروكسي .. اعتقد)
- خدمة الانترنت بتستخدم نفس بروكسي الاتصالات
- غالبا بتكون اغلى من الاتصالات (على حسب ما قريت في بعض المنتديات ..)
- الشركة بالتعاون مع نوكيا بتقدم خدمات الموبايل
- قريت في منتدى اماراتي من موظف في اتصالات انه شركة اتصالات فرضت عقد (غير مكتوب على قولته) مع موظفيها انهم ما يقدرون يشتغلون في du اذا قرروا انهم يخلون اتصالات 0_0
- du تستخدم البنية التحتية لشركة اتصالات في الدولة

من الحين .. متاكد انه بتبدا حرب اسعار رهيبة .. du تريد تحصل على حصتها من السوق و تثبت نجاحها كاول شركة اتصالات بعد اتصالات .. و اتصالات ما تريد du تستولي على حصتها في السوق اللي تقريبا = 100% حاليا بما انها الشركة الوحيدة ..

can't wait

 

[ASWD]

احسن مننا نايف بكثييييييييييييييير

على الاقل انتو اخر هذي السنة مو مثلنا صار لنا اكثر من 3 سنوات نسمع عن فتح مجال لشركات جديدة لكن مو شايفين شي

وفوق هذ انتو مافي شي اسمه لمت اما احنا اللهم لا شماته..واللي قطع الشك باليقين ان ماراح نشوف شركة خدمات انتر نت ثانية بسوقنا هو العرض الجديد او الخدمة الجديدة واللي بقيمة 10 دنانير مقابل 2جيجا..بالعربي الفصيح النصب من شركة فشلكو ورانا ورانا

 

[Tomb raider]

متحمس حقها ولو اني اشوف ان شركة اتصالات عندنا اوكي واسعارها معقوله جدا

نايف..du هم اول حرفين من كلمة dubai ...بشوف كيف الانترنت وياهم ^^
تسلم نايف

 

[Naif]

نايف..du هم اول حرفين من كلمة dubai

اها شكله فعلا هو المعنى .. انا عرفت معنى الاسم اللي كتبته من وحدة تشتغل عندهم .. شكلها هي نفسها ما كانت عارفه

 

[NSider]

المفروض يسوون دعاياتهم مثل دعايات الـ360 في اليابان (Do! Do! Do!).

 

[Naif]

العرض اللي منعته المؤسسة (اليوم قريت عنه في جريدة الامارات اليوم ) انه اذا اشتريت بطاقة واصل SIM بقيمة 165 درهم .. بيحطون في رصيدها 165 درهم تقدر تستخدم 10 منها لاي مكالمات دولية و باقي المبلغ لاي مكالمة داخل الدولة ..

لوول .. و يقولون انه بدأ شركة du قريبا مالها دخل في الموضوع .. yeah right ..

باقي الخبر: http://www.emaratalyoum.com/
(اختر p16 من القائمة على اليسار .. )

 

[king zell]

ليش منعوه ايش مشكلته؟

 

[Tomb raider]

ليش منعوه ايش مشكلته؟

لوول .. باختصار .. اتصالات كانت مسوية حملة على شان هذه الذكرى و كانت مسوي عرض (سمعت انه كان اضف 100 درهم لحساب موبايلك و بتحصل فيه 200 .. اعرف .. شي خيالي P: ) بس مؤسسة الاتصالات عندنا في الامارات وقفت العرض لانه ما يوافق نظام الاسعار عندهم و لانه مع هذا العرض ما بيكون في امل ابدا لشركة du .. و حاليا تفكر المؤسسة بكيف ممكن تعاقب اتصالات ..

...............

 

[Naif]

تقصد العرض؟ .. لانه شركة اتصالات اعلنت عنه بدون موافقة من مؤسسة الاتصالات (Telecommunications Regulatory Authority) عندنا في الدولة .. لانه على حسب ما تقول الـTRA انه it was violating telecom law, its licence and price regulations

لوول طبعا هذا السبب الظاهر .. بس انا شخصيا (و في كم مصدر قالو نفس الشي) انه الـTRA ما تريد شركة du القادمة قريب تخسر لان هذي الخدمة بتخرب عليها بشكل كبير اذا طبقتها شركة اتصالات ..

 

[king zell]

آها حسب نايف يقول العكس .. يعني الشركة الجديدة ما لها دخل



بس صراحة لازم يعطون الشركة الجديدة فرصة.. عشان تبني المنافسة و بعدين يعطونهم راحتهم يقدمون عروض زي ما يبون

 

[BioMario]

صحيح والله شيء معرفح ان شركتين علشان ما ننظلم ..
لكن على فكرة نايف مستحيل توصل لقوة الأتصالات الححالية إلى بعد 5 لو 4 سنوات على الأقل ..
لأن القديمة اكثر خبرة و تعرف طلبات الناس و جي ..

يعني بتشوف الأتصاات الحالية تهتم اكثر من الحين يعني يوم واحد يركب DSL بتحصلهم بالكثير اسبوع و ركبوها ^^ ..
لكن كذالك du بتحاول لكن احس انها بتصعب بسرعة ^^ ..
اريد اشوف الـ DSL بكم اسعارة عندهم و اتمنى لو يحطون 4 و 3 ميجا و بأسعار جبارة ^^ ..

 

[Alucard]

الوضع عندكم الان شبيه بالوضع عندنا قبل سنتين ....

بعد ما ظلت عمان موبايل محتقرة للسوق لسنوات طويلة .. حصلت شركة النورس على الترخيص لتقديم خدمات الاتصالات المتنقلة وهذي الشركة هي عبارة عن مشروع مشترك بين كيو تل(قطر)، تي دي سي، وعدد من الشركاء العمانيين. صارت منافسة بين الشركتين كانت نتيجتها انخفاض في الاسعار والكثير من العروض الحلوة و كنا نحن المستفيدين في النهاية .. فأتوقع انخفاض الاسعار بيكون شي طبيعي فلا تشيلوا هم