EDGE العدد#209 ....بايونيتتا ... هههه يا كاميا

[D1rk-Knight]

الأرقام والمراجعات ما هي عبارة إلا عن وجهة نظر شخص واحد وليست بالضرورة أنها تمثل وجهة نظر الكل.

عن نفسي لم قلت إن بايونيتا تستحق، كان رأيي نابع عن تجربة شخصية للعبة ولا أعتمد على رأي شخص أو رقم من موقع في شرائي للألعاب لأنها وبكل وبساطة وكما ذكرت مسبقًا وجهة نظر شخص وغير كذا فيه كثير ألعاب حصلت على تقاييم عالية في رأيي الشخصي ما تستحقهًا أبدًا مثل GTA IV اللي الكل مدحها ومدح قصتها بينما في رأيي كانت مملة إلى أبعد حد والقصة عادية تمامًا.

على كل قبل ما أحد يقول حاجة عن اللعبة، أفضل إنه ينتظر صدورها في سوقنا ويجربها بنفسه من البداية إلى النهاية ويعرف بنفسه هاللعبة فعلًا ممتازة ولا لا.

 

[Lord of Cinder]

هههه اصلا الاسم نفسه يضحك لول

 

[السليل الأخير]

المراجعات مهما كانت احترافيتها ما يمكن اعتمادها كليا .. بالنهاية الأمر يرجع لذوقك أنت .. و لا تنسوا هوية المراجع ذاته أو الموقع ..
احيانا الألعاب اليابانية المغمورة الخالية من أي عنصر غربي تلقى أرقامها في الحضيض عند المواقع الغربية .. هذا طبيعي لأن المراجع في النهاية بشر
لكن المشكلة يوم تتحول المراجعة من حقائق يكتبها خبراء الى آراء شخصية مضللة .. وقتها ممكن مراجع واحد يضيع مصداقية موقع كامل !

 

[JOE]

مسألة موني هاتس و غيرها عامر ما راح نقدر لو بعد مئة سنة نقيم المواقع من هالناحية.. هالموضوع أكبر من كذا و يبغاله أدلة و براهين و تمييز بين التصرف الفردي و اللي على مستوى مؤسسة كاملة..

انا قلتها عن طريق الإستشهاد بإحدى اساليب المراجعات إلي للآن نشوفها بشكل او بآخر (دعايات في الموقع - دعايات الموقع في اللعبة ... إلخ)

ناخذ بالمراجعة و مش مجرد الرقم حتى لو كان شاذ عن البقية .. في مصادر سمعتها في الحضيض و بإعترافهم و كانهم يقولوا "لا تأخذوا بكلامنا" .... مهما تفاوتت اهمية الإيجابيات و السلبيات من محرر لآخر تظل مسألة وجهة نظر و ممكن توافقهم في وجودها بس تختلف معاهم في تأثيرها .... الالعاب الكبيرة حتاخذ نصبيها من الإطراء و التقدير عاجلاً ام آجلاً ....

ما اختلف مع كل كلامك محمد بس نقطتي كانت : لو شفنا "مراجعة" منطقية من فاميتسو او إيج او اي مصدر مشكوك في مصداقيته كيف تكون ردة فعلك تجاهها على كدة ؟ تحكم عليهم بسمعة المصدر ؟

كل موقع و له كبوة (او كبوات) و إذا كنا حنعمم نظرتنا له لهذا السبب و ما ناخذ منه لاي سبب كان .... احنا كدة هضمنا حقهم ، ليش ما نبسط المسائل و ناخذ باي مراجعة من اي محرر فاهم في مجاله و له مراجعات سابقة تثبت هالشئ و راجعها بشكل منطقي و اعطى الإيجابيات و السلبيات حقها ؟

مات كاساماسينا ... جيف جريسمان ... مثلاً ممكن اخذ بكلامهم في العاب بس مش كل الالعاب ، نفس الكلام عن اي محرر و اي لاعب .

 

[hussien-11]

مادري ليش البعض مكبرين سالفة تقييمات ايدج و فامتسو ، و المسألة صار فيها ازدواجية كمان :xd:

كل الناس يحبوا الاهتمام و التقدير للشي الي يعجبهم ، أي شخص في الدنيا عجبته لعبة معينة حينبسط لو شافها أخذت تقييم عالي ، و حيزعل لو شافها أخذت رقم أقل من الي تستحقه بنظر هذا الشخص .. هذي مسألة نفسية ، وخاصة لو كان التقييم طالع من مصدر "مؤثر" و اله أهمية أكثر من غيره بالنسبة للرأي العام، مثل ايدج و يوروجيمر و جيم سبوت و اي جي ان و سفن اب، بغض النظر انك تحب المصدر نفسه أو لا .

أنا مثلا ما بحب في ايدج انها مسوية حالها شديدة زيادة عن اللزوم ، لدرجة كثير ما توصل للظلم ، و أحيانا الواحد يحسها كمجلة متناقضة ( تعطي تقييمات منخفضة لألعاب و ألعاب ثانية أقل جودة و مستوى بكثير تحصل تقييمات أعلى بدون سبب واضح ! فيير الثانية 8 و كيلزون الثانية 7 كمثال ) ، لكني أعترف انه حصول بايونيتا على تقييم كامل منهم شي مثير للاهتمام خاصة مع نظامهم القاسي و مع النظر للألعاب السابقة الي أخذت منهم تقييم كامل

و مثلا أكره اي جي لأني بشوفه موقع متساهل جدا ( و أحيانا مكجول ) ، أحس محرري اي جي ان يتأثروا بكلام المنتديات كثير لول ( أتكلم جد ! ) ، بس بنفس الوقت أي لعبة منهم تحصل فوق الـ95 تشد اهتمامي ، و ابدأ أتوقع و أنتظر شي مميز جدا جدا .
​

 

[Painkiller Q8]

هذا زمن المهبل والله !! احد يعطي لعبه مثل بايونيتا 10 .. وهل اسماء الكبيره الي تتفوق عليها بكثير 8 و 9 ؟؟؟
الحمدلله والشكر .. الناس ماقامت تشوف الزين من الشين
ولعبت بايونيتا مستحيل اشتريها..!!!!!!!

 

[shinigamiX]

وهل اسماء الكبيره الي تتفوق عليها بكثير 8 و 9 ؟؟؟

لووووول مثل شنو الي يتفوق عليها ؟؟

 

[Painkiller Q8]

لووووول مثل شنو الي يتفوق عليها ؟؟

Modern Warfare 2: 9
Assassin's Creed 2: 8
Left 4 Dead 2: 9

هذي الالعاب افضل بكثير ... واساسان كريد 2 تسوى مليون نسخه من بايو..نيتـــاأأأ!!!

 

[Akilla]

هذا زمن المهبل والله !! احد يعطي لعبه مثل بايونيتا 10 .. وهل اسماء الكبيره الي تتفوق عليها بكثير 8 و 9 ؟؟؟
الحمدلله والشكر .. الناس ماقامت تشوف الزين من الشين
ولعبت بايونيتا مستحيل اشتريها..!!!!!!!

انت تحط ذوقك ضمن التقاييم !!

اذا اللعبة مب عاجبتك لاتقول ماتستاهل التقاييم لانها بكل بساطه اذهلت الكل والاغلب متفق على انها تستاهل هذي التقاييم واكثر ..

واعتقد هذا رائي ورأي الأغلبيه هنا

 

[Painkiller Q8]

انت تحط ذوقك ضمن التقاييم !!

اذا اللعبة مب عاجبتك لاتقول ماتستاهل التقاييم لانها بكل بساطه اذهلت الكل والاغلب متفق على انها تستاهل هذي التقاييم واكثر ..

واعتقد هذا رائي ورأي الأغلبيه هنا

بغض النضر عن رأينا جميعا ... هل لعبه مثل بايونيتا ممكن تاخذ تقييم اكثر من مودرن وارفير 2 واساسن كريد 2 ؟؟؟

ابي احد يقنعني !!! :confuse:

 

[Zero]

بغض النضر عن رأينا جميعا ... هل لعبه مثل بايونيتا ممكن تاخذ تقييم اكثر من مودرن وارفير 2 واساسن كريد 2 ؟؟؟

ابي احد يقنعني !!! :confuse:

أبغاك تقنعني بالعكس ، أقدر أتكلم بنفس الطريقة :tongue:

وحبيت أقول لك: في فرق بين طرح رأيك الشخصي وبين فرضه.

 

[nbnt]

بغض النضر عن رأينا جميعا ... هل لعبه مثل بايونيتا ممكن تاخذ تقييم اكثر من مودرن وارفير 2 واساسن كريد 2 ؟؟؟

ابي احد يقنعني !!! :confuse:

لول..... ما ادري ايش تبغى بإستحقارك للعبه.. ممكن توضح؟ عشان نوعيتها؟ اذا نوعية اللعبه الاكشنيه ماتعجبك مش معناته انها المفروض تاخذ رقم تقييم اقل من لعبة فبس تحبها واللي اصلاً غلط تدخلهم مع بعض في مقارنه... كل لعبه من الثلاثة العاب اللي قلتها انت لها نوع مختلف ولها معايير قياس مختلفه.. مجلة Egg ماتهمني ارقام تقاييمها لكن الكلام اللي قاعد تقوله انت مافيه اي منطقيه ومجرد ذوق وتبغى تفرضه.

 

[Painkiller Q8]

أبغاك تقنعني بالعكس ، أقدر أتكلم بنفس الطريقة :tongue:

وحبيت أقول لك: في فرق بين طرح رأيك الشخصي وبين فرضه.

مودرن وارفير 2 هل تحتاج اني اقنعك فيها ؟؟
اساسن كلريد 2.. اللعبه بيرفكت.. من متى واحنا ننتظر لعبه (قصه+قيم بلاي+ جرافكس) ممتاز في آن واحد؟؟ كيف ماتستحق تقييم عالي؟؟؟

وعلى بايونيتا.. اوكي فهمتك !! والله من ناحيتي ماشوف اللعبه تسوى شي واعطيها 7/10 بالكثيير (رأي شخصي)
واتمنى اوقات سعيده للجميع مع "بآآآآآآآيووووونيييييتااااأأأأأ"

 

[Zero]

أنا ما قلت أنهم ما يستاهلوا ، قلت أني أقدر أتكلم بنفس الأسلوب.

وزي ما قلت لك ، أنت حر برأيك بس لا تقوله بطريقة تحسس غيرك أنك تفرضه عليهم.

ونعم ، راح أقضي أوقات سعيدة مع بايونتتا.

 

[hussien-11]

مودرن وارفير 2 هل تحتاج اني اقنعك فيها ؟؟
اساسن كلريد 2.. اللعبه بيرفكت.. من متى واحنا ننتظر لعبه (قصه+قيم بلاي+ جرافكس) ممتاز في آن واحد؟؟ كيف ماتستحق تقييم عالي؟؟؟

مثل ما انت مو مقتنع بـ بايونيتا ، في ناس مو مقتنعين لا بمودرن وورفير2 و لا بأساسينز كريد .

المشكلة انت من عدة ردود قاعد تحكي ما تستاهل و ما تستاهل ، و ما أعطيت حتى سبب واحد يبرر مشاعرك تجاه اللعبة ، و لا تكلمت عن أي عيب فيها ، حتى ما ذكرت اذا كنت جربتها و لا لأ فما بعرف من وين بنيت كلامك و كيف قاعد تقارنه بكلام ناس خلصوا اللعبة كلها ..

انت سألت عن أسباب حصول بايونتا على تقييم مثل هذا .. هل أفضل جيم بلاي في تاريخ ألعاب الأكشن و أفضل نظام للكومبوات على الإطلاق يكفيك ؟ بعدين اللعبة من الديمو كان جوها رهيب جدا ، تذكرك بأيام العز ، نظام جيم بلاي قوي جدا و أتموسفير مميز من أوست و ارت و مقاطع سينمائية .

بالنسبة لي شخصيا لو دخلت محل و شفت على الرف الألعاب الي انت ذكرتها و معاهم بايونيتا رح أشيل بايونيتا بدون تردد .

و بعدين تاريخ المصمم الواقف ورا اللعبة يخليك ما تستغرب أي تقييم عالي تحصل عليه اللعبة ( ريزدنت ايفل2 - ديفل ماي كراي1 - فيوتفول جو - أوكامي و الان بايونيتا ) .
​

 

[Akilla]

بغض النضر عن رأينا جميعا ... هل لعبه مثل بايونيتا ممكن تاخذ تقييم اكثر من مودرن وارفير 2 واساسن كريد 2 ؟؟؟

ابي احد يقنعني !!! :confuse:

طيب انت جربت بايونتتا ؟

لا ولا حتى انا .. تقدر تسئل هذا السؤال للي جربو اللعبة مثل JOE و Chris او فتون وتسئلهم بنفسك هل هي تستاهل كل هذا المدح او لا

واصلا المقارنه مافيها اي هدف .. تقارن لعبة فبس مع لعبة اكشن من الدرجه الأولى !

غير كذا مودرين وار فاير (لعبة تجاريه) حتى الكامبين كان قصير مثل اللي قبله والأضافات اللي كانت فيها (ماتستاهل) ان اللعبة تكون كذا

يمكن انت من الناس اللي يحبون الالعاب الامريكيه ويطيحون فيها لكن انا احب الألعاب اليابانيه واللي تذهلني بأجوائها والحانها وبايونتتا (لعبة يابانيه) انتظرناها كثير

 

[Painkiller Q8]

مثل ما انت مو مقتنع بـ بايونيتا ، في ناس مو مقتنعين لا بمودرن وورفير2 و لا بأساسينز كريد .

المشكلة انت من عدة ردود قاعد تحكي ما تستاهل و ما تستاهل ، و ما أعطيت حتى سبب واحد يبرر مشاعرك تجاه اللعبة ، و لا تكلمت عن أي عيب فيها ، حتى ما ذكرت اذا كنت جربتها و لا لأ فما بعرف من وين بنيت كلامك و كيف قاعد تقارنه بكلام ناس خلصوا اللعبة كلها ..

انت سألت عن أسباب حصول بايونتا على تقييم مثل هذا .. هل أفضل جيم بلاي في تاريخ ألعاب الأكشن و أفضل نظام للكومبوات على الإطلاق يكفيك ؟ بعدين اللعبة من الديمو كان جوها رهيب جدا ، تذكرك بأيام العز ، نظام جيم بلاي قوي جدا و أتموسفير مميز من أوست و ارت و مقاطع سينمائية .

بالنسبة لي شخصيا لو دخلت محل و شفت على الرف الألعاب الي انت ذكرتها و معاهم بايونيتا رح أشيل بايونيتا بدون تردد .

و بعدين تاريخ المصمم الواقف ورا اللعبة يخليك ما تستغرب أي تقييم عالي تحصل عليه اللعبة ( ريزدنت ايفل2 - ديفل ماي كراي1 - فيوتفول جو - أوكامي و الان بايونيتا ) .
[/
CENTER]​

انا لعبت الديمو اكثر من مره .. وشفت صاحبي يلعبها نسخه يابانيه على الاكس بوكس.. بس كل شي انجليزي .. دامك تقول انها افضل لعبت اكشن في تاريخ القيمز.. شنو خليت حق God Of War ???

طيب انت جربت بايونتتا ؟

لا ولا حتى انا .. تقدر تسئل هذا السؤال للي جربو اللعبة مثل JOE و Chris او فتون وتسئلهم بنفسك هل هي تستاهل كل هذا المدح او لا

واصلا المقارنه مافيها اي هدف .. تقارن لعبة فبس مع لعبة اكشن من الدرجه الأولى !

غير كذا مودرين وار فاير (لعبة تجاريه) حتى الكامبين كان قصير مثل اللي قبله والأضافات اللي كانت فيها (ماتستاهل) ان اللعبة تكون كذا

يمكن انت من الناس اللي يحبون الالعاب الامريكيه ويطيحون فيها لكن انا احب الألعاب اليابانيه واللي تذهلني بأجوائها والحانها وبايونتتا (لعبة يابانيه) انتظرناها كثير

ياجماعه والله العظيم اني لعبت بايونيتا !!!! ما شفت فيها شي حلو غير الحركات .. اما الشخصيه والانفايرمنت باللعبه جدا جدا عادي .. مادري شلون لعبه مثل هذي تاخذ 10 !!
انا ماقارنت بين هل اللعاب.. بس كنت اقول شلون تاخذ سكور عالي واللعاب مثل هذي تاخذ سكور اقل ... يعني مثلا لو كان لهذي المجله GOTY هل راح يكون بايونيتا ؟؟؟ :yuck::​

 

[Akilla]

انا قصدت اللعبة كامله مو مجرد (ديمو)

اذا الديمو وما قدرت اوقف لعب ايش بيصير فيني لما العبها كامله ؟

عموما اذا ما عجبتك .. انت وذوقك

 

[BioMario]

انا لعبت الديمو اكثر من مره .. وشفت صاحبي يلعبها نسخه يابانيه على الاكس بوكس.. بس كل شي انجليزي .. دامك تقول انها افضل لعبت اكشن في تاريخ القيمز.. شنو خليت حق God Of War ???

اخوي بس حبيت أوضح لك نقطة ..
المسألة هي مسألة رأي شخصي و المفروض انت تلعب اللعبة و تخلصها علشان تحكم عليها حكم صحيح ..

عموماً منو قالك ان GoW أفضل لعبة أكشن في التاريخ ؟ (اللعبة بشكل عام منتج عالي الجودة ماحد ينكر لكن افضل لعبة أكشن في التاريخ !!!)
نينجا جايدن ويا راحت ؟ تقييمها الكلي 94.03% عموماً المسألة مسألة ذوق في الأخير لكن بالنسبة لي مارح أستغرب ابداً إذا بايونيتا رح تتفوق على نينجا جايدن و جود اوف وور

 

[Painkiller Q8]

اخوي بس حبيت أوضح لك نقطة ..
المسألة هي مسألة رأي شخصي و المفروض انت تلعب اللعبة و تخلصها علشان تحكم عليها حكم صحيح ..

عموماً منو قالك ان GoW أفضل لعبة أكشن في التاريخ ؟ (اللعبة بشكل عام منتج عالي الجودة ماحد ينكر لكن افضل لعبة أكشن في التاريخ !!!)
نينجا جايدن ويا راحت ؟ تقييمها الكلي 94.03% عموماً المسألة مسألة ذوق في الأخير لكن بالنسبة لي مارح أستغرب ابداً إذا بايونيتا رح تتفوق على نينجا جايدن و جود اوف وور

نينجا قايدن من افضل العاب الاكشن وانا متأكد واصوت لها .. بس قود اوف وار تتمتع بأكشن + قصه ممتازه
يعني بأختصار:
God of war = قصه 10/10 - اكشن 10/10 - رسوم 10/10 (رأيي الشخصي)
Ninja Gaiden = قصه 6/10 - اكشن 10/10 - رسوم 10/10 (رأيي الشخصي)
Bayonitta = قصه 6/10 على كلام الي خلصوها ان القصه تافهه - اكشن 9/10 لانه مجرد تحكم عشوائي وحي الله اي واحد يسويهم - الرسوم 9/10 ممتاز لحد ما ! (رأيي الشخصي)

بس فوق المستحيل ان بايونيتا تتفوق على قاد اوف وار او نينجا قايدن

 

[Averroes]

بايونيتا من أفضل ألعاب الأكشن هذا الجيل بس أغلب الأشياء مأخذينها من DMC
بالنسبة ليا DMC 1 أفضل لعبة أكشن في التاريخ بس هذا مو يعني أنو بايونيتا ماتستحق العلامة الكاملة

 

[SHABASH]

يا Painkiller Q8

المسئلة بسيطة جدا انت ما تحب بايو نيتا او منت مقتنع بيها خلاص انتهى الموضوع هنا , مافي داعي انك تدخل في الموضوع وتعمل زحمة بردودك واقنعوني وضرسي يعورني وانا مش عارف ايه إلخ إلخ إلخ ...:confuse:

ولمن واحد يحاول يقنعك تدخل GOW و NG في الموضوع:what:

بعض الاقتباسات من ردودك

ولعبت بايونيتا مستحيل اشتريها..!!!!!!!

رأيك الشخصي وانا احترمة , لكن مش بالضرورة تعلنة على الملأ

واساسان كريد 2 تسوى مليون نسخه من بايو..نيتـــاأأأ!!!

كمان رايك الشخصي وانا احترمة , لكن اساسن كريد بوادي وبايونيتاأأأ بوادي ثاني يعني ما يتقارنوا مع بعض

بغض النضر عن رأينا جميعا ... هل لعبه مثل بايونيتا ممكن تاخذ تقييم اكثر من مودرن وارفير 2 واساسن كريد 2 ؟؟؟

الالعاب هذي تقارنها مع العاب مثيله لها مش مع بايونتا , لان بايونتا بوادي والالعاب اللي ذكرتها بوادي ثاني يعني ما يتقارنوا مع بعض

انا لعبت الديمو اكثر من مره ..

غلط انك تعمل الرجة هذي مع ناس خلصوا اللعبة وانت لعبت الديمو بس

ياجماعه والله العظيم اني لعبت بايونيتا !!!!

ارسي على بر لعبت الديمو ولا لعبت اللعبة

Bayonitta = قصه 6/10 على كلام الي خلصوها ان القصه تافهه - اكشن 9/10 لانه مجرد تحكم عشوائي وحي الله اي واحد يسويهم - الرسوم 9/10 ممتاز لحد ما ! (رأيي الشخصي)

القصة في بايونيتا مش مفهومة يعني لازم تخلص اللعبة اكثر من مرة عشان تستوعب الموضوع

قبل ما تحكم على الاكشن ولنه تحكم عشوائي وحي الله اي واحد يسويهم شوف القطع هذا واتحداك تسويهم

[youtube]XdQAHbS9c44[/youtube]

بس فوق المستحيل ان بايونيتا تتفوق على قاد اوف وار او نينجا قايدن

انا شايف ان الرد هذا مو رأي شخصي فــ هنا اقول لك معليش اللعبة تفوقت عليهم وبسنين ضوئية


اذا عندك كلام تقولة عن اللعبة حياك الله اما اذا تبغى تتكلم عن التقاييم والكلام هذا فــ مافي لزمة لتطويل النقاش :

 

[JOE]

لول المشكلة هذه مش اول ولا آخر مرة قاتل الالم يتحفنا بآراءه إلي يطرحها باساليب تخليك غصباً عنك تستغرب منها (كنت كاتب كلمة ثانية بس عدلتها) و ما توقعتكم حتوقعوا في الفخ شباب .

لحد ما اشوف كلام منطقي هنا ..... راح اكتفي بالمشاهدة و اشتري دماغي .

 

[Id]

يا شيخ ردود خذ وخل و نحكم على لعبه من الديمو بطلوها .. وفوق هذا نحلف ما نشتري اللعبه .. لول الوعد xbox.com وقائمة الألعاب لول

 

[squall leonhart]

يا Painkiller Q8

المسئلة بسيطة جدا انت ما تحب بايو نيتا او منت مقتنع بيها خلاص انتهى الموضوع هنا , مافي داعي انك تدخل في الموضوع وتعمل زحمة بردودك واقنعوني وضرسي يعورني وانا مش عارف ايه إلخ إلخ إلخ ...:confuse:

ولمن واحد يحاول يقنعك تدخل GOW و NG في الموضوع:what:

بعض الاقتباسات من ردودك



رأيك الشخصي وانا احترمة , لكن مش بالضرورة تعلنة على الملأ



كمان رايك الشخصي وانا احترمة , لكن اساسن كريد بوادي وبايونيتاأأأ بوادي ثاني يعني ما يتقارنوا مع بعض



الالعاب هذي تقارنها مع العاب مثيله لها مش مع بايونتا , لان بايونتا بوادي والالعاب اللي ذكرتها بوادي ثاني يعني ما يتقارنوا مع بعض



غلط انك تعمل الرجة هذي مع ناس خلصوا اللعبة وانت لعبت الديمو بس



ارسي على بر لعبت الديمو ولا لعبت اللعبة



القصة في بايونيتا مش مفهومة يعني لازم تخلص اللعبة اكثر من مرة عشان تستوعب الموضوع

قبل ما تحكم على الاكشن ولنه تحكم عشوائي وحي الله اي واحد يسويهم شوف القطع هذا واتحداك تسويهم

[youtube]XdQAHbS9c44[/youtube]



انا شايف ان الرد هذا مو رأي شخصي فــ هنا اقول لك معليش اللعبة تفوقت عليهم وبسنين ضوئية


اذا عندك كلام تقولة عن اللعبة حياك الله اما اذا تبغى تتكلم عن التقاييم والكلام هذا فــ مافي لزمة لتطويل النقاش :

ما كان لها داعي تتعب نفسك و ترد على اراء غريبه جدا

في قاعده البعض ما يفهموها GOW صعب تتقارن مع العاب الاكشن الثانية لان تركيزها مو 100% اكشن .. عندك استكشاف و بلاتفورمنق و الغاز كمان .. حتى الكومبوهات محدودة جدا .. انا شخصيا كنت اشوفها اقرب لالعاب مثل POP الجيل الماضي و لا قد فكرت اقارنها مع DMC + NG .. الي تركيزهم اكشن 100% و كومبوهات احترافيه و اسلحة متنوعه ..

الشي الثاني بايونيتا لعبة ممتازه جدا جدا هذا شي ما تختلف عليه بس حكاية البرفكت سكور هذي يبغالي اخلص اللعبة مرة و اثنين عشان احكم عليها بعدل .. لكن من الي شفته و لعبته الى الان شايف ان اللعبة بطريقها بانها تكون افضل لعبة اكشن على الاطلاق ..

 

[hussien-11]

دامك تقول انها افضل لعبت اكشن في تاريخ القيمز.. شنو خليت حق God Of War ???

أنا قلت أفضل نظام قتالي و أفضل نظام كومبوات في هذا الجنر بأكمله ، و ما قلت "أفضل لعبة أكشن" ، لول بس ليش تبغى GoW بالغصب تكون أفضل مثلا ؟ في كثير ناس already يفضلوا ننجا جايدن و ديفل ماي كراي عليها .. أذواق .

Bayonitta = قصه 6/10 على كلام الي خلصوها ان القصه تافهه - اكشن 9/10 لانه مجرد تحكم عشوائي وحي الله اي واحد يسويهم - الرسوم 9/10 ممتاز لحد ما ! (رأيي الشخصي)

ما شفت أحد قال انه القصة تافهة ، و ما تقدر تقيم لعبة ما لعبتها أصلا
و أما الأكشن صار تحكم عشوائي ؟ شكلك انت لعبت بالتحكم العشوائي و خليت اللعبة تسوي كل شي عنك لول ، بالعكس اللعبة فيها احترافية رهيبة و تقدر تركب فيها كومبوات لا منتهية بطريقة ما شفتها بلعبة من هذا النوع أبدا من قبل .
​

 

[MAX9009]

يا Painkiller Q8

المسئلة بسيطة جدا انت ما تحب بايو نيتا او منت مقتنع بيها خلاص انتهى الموضوع هنا

شباش اختصرت كل شي .

 

[Painkiller Q8]

شبااااااااااااب .. انا اسف اني قلت رأيي الشخصي ^^ واشوف الكل اشتعل..

بس حبيت اذكركم ان احنا خوان .. وهذي مجرد لعبه مثلها مثل اي لعبه ..
عموما اوعدكم اني اللعبها بس لسبب واحد .. اني ما اظلم اللعبه 100% راح اللعب الي اقدر عليه ويمكن تتحسن في المراحل الجايه في نظري!!
ويعطيكم العافيه ..

 

[Mario2]

بغض النظر عن التقييم نفسه من مجله متناقضه دايما مع نفسها بمجال التقييم بس اللي جرب اللعبه وتعمق فيها وخلصها ما راح يندهش من التقييم اللي اعطته بعض المواقع اللي راجعت اللعبه ومو على اساس انه المواقع اغلبها اعطت تقيم كامل , انا برايي انها ما تستحق البيرفكت سكور لكنها قريبه جدا وغير بعد انها متكامله وافضل تجربه اكشن جديده من مده بعيده وتعطي انتباه واضح انه اللعبه فعلا ممتازه بكل النواحي , احس انه البعض اخذها منحنى انه ليش عجبنا التقييم وما عجبنا ببعض الالعاب , المساله واضحه بشكل , شوف اغلب باقي المراجعات الباقيه وقارنها بتقييمهم , ولا من اساسه محد يعترف بالتقيييمات بس دائما الارقام تعطي انطباع واضح عن مستوى اللعبه ولا الاراء دايما مختلفه بس الرقم دليل واضح على جودة اللعبه .

 

[Suzuki Yu]

لعب عشوائي في بايونيتا ! :confuse: