Driver : San Francisco تعود بعرض جديد

[SHABASH]

[video=youtube;l4GCla8EadM]http://www.youtube.com/watch?v=l4GCla8EadM[/video]

:rockon:

 

[SCREAMING_RAGE]

الجرافيكس كأنه جيل سابق !!

 

[Unknown]

العرض حلو .. اتمنى كنسلوا فكرة انتقال من سياره لسياره
لأنها كانت بايخه لما كنت اشوفه بالعروض الاولى للعبه

محتوى مخفي: اوه !! صح

وش جابه معهم :laugh::

 

[قناص]

حلو أنهم عادو للجذور في الجيم بلاي .. أما الكت سين كأنه من أفلام المافيا المشي حالك ..

 

[Painkiller Q8]

يحليلها درايفر .. اشتقت لها والله !!!

 

[Al Pacino]

شي مبشر انهم ما طلعوا لقطة فيها انتقال من سيارة لثانية بشكل عبيط واتمنى انهم كنسلوا هالفكرة .. لازلت مو متحمس لها وانتظر عرض يوضح الجيم بلاي بشكل كامل .

 

[ba7ralr3b]

بانتظار ديمو للعبة ... شكرا

 

[14/08]

"Come on , man . DRIVE! DRIVE!"
أها قال Drive لأنه Driver .. واحد من أسوأ النصوص بهذا الجيل :annoyed:

 

[Classic Player]

"Come on , man . DRIVE! DRIVE!"
أها قال Drive لأنه Driver .. واحد من أسوأ النصوص بهذا الجيل :annoyed:

قريت خبر يقولك النصوص و الحوارات اطول من الموجودة في ماس ايفكت 2 ! ركبة العام ؟

 

[SAUD~F-16]

^
لول

اووه اخر درايفر لعبته كانت على....مدري الظاهرPS1

اذكر شفت عنها تقرير بمجلة PS قبل سنه عموما ننتظر فديو الجيم بلاي

 

[Naserano]

Driver من الألعاب اللي لها نكهة خاصة خصوصاً الجزء الأول ..

متحمس للجزء هذا ومتأمل إنهم

كنسلوا فكرة انتقال من سياره لسياره

 

[14/08]

قريت خبر يقولك النصوص و الحوارات اطول من الموجودة في ماس ايفكت 2 ! ركبة العام ؟

أحس إنك بالغت بمدحك حبتين
نصيحة لا ترفع توقعاتك :happy:

 

[Classic Player]

أحس إنك بالغت بمدحك حبتين
نصيحة لا ترفع توقعاتك :happy:

هو يا أنك مافهمت ردي أو أنك مافهمت ردي أختر وحدة
كاتب ركبة العامakaفقشة العامakaنصبة العام

 

[SHABASH]

صور

 

[Painkiller Q8]

^
واو على الصور ... انا طول عمري احب درايفر واستمتع فيها بقوه .. حتى آخر اصدارات لها الي كثير كرهوها !!!
احساس القياده والفزكس رائع فيها ...
@ الفيديو... امريييييييييييييكاااااااااااااااااااااااا .. اجواء سان فرانسسكوو صححححححححح
بس ان شاءالله القصه كون حلوه :|
مع اني احب القيم بلي اكثر من القصه في هذي اللعبه .. يعني عطني دوريه واللحق واحد او العكس .. متتتعه !:inlove:

 

[Koshiro]

خخخخ وراهم مصرين على ان سان فران مشمسه

خلونا LA مهوب سان فران

بعدين معقولة ولا صيني في اللعبة ؟ هههههههه الصينيين فيذا اكثر ماكثر الله

 

[Zero]

يا عيني على التشالينجر والتشارجر والشيلبي :inlove:، اللعبة كان من السيارات اللي في التريلر (واللي كان عادي بالمناسبة) زمنها حديث مثل دودج رام وغيرها. بس سيارات الستينات و بداية السبعينات :inlove:

مكلارين وديلورين ومزيراتي جران توريزمو؟ شكلها اللعبة بتكون مجنونة!

 

[alakafi]

اهم شي ماتكون زي gta

 

[Zero]

لا، المفروض تركز على القيادة والمطاردات. أتمنى تكون القيادة فيها ممتازة + ممتعة جدا والlaunch حق السيارات يكون واقعي وزي الناس.

 

[Painkiller Q8]

اهم شي ماتكون زي gta

شي طبيعي ماراح تكون مثل GTA .. لان مطورين اللعبه يبيلهم 20 سنه ضوئيه علشان يوصلون مواصيل GTA

 

[KAIN]

عندي شك بقدرة شركة يبوسوفت بعمل لعبة درايفر ممتاز الشركه ما عندها تاريخ حافل بصناعة العاب السيارات أو المطاردات مثل ea او روكستار

 

[Snake-87]

كل ما أشوف ولد إختي بو 5 سنين يلعب الجزء الأول على الآيباد أخمطه منه وألعب .. الجزء الأول خيالي .

 

[قناص]

عندي شك بقدرة شركة يبوسوفت بعمل لعبة درايفر ممتاز الشركه ما عندها تاريخ حافل بصناعة العاب السيارات أو المطاردات مثل ea او روكستار

المطورين هم نفسهم reflections و اللي طوروا الأجزاء السابقة
و بالنسبة لي ما زالت درايفر الافضل في مجال قيادة السيارات في لعبة ساند بوكس
صحيح أن لعبة GTA اكثر حيوية و ثراء و تنوع و افضل بشكل عام لكن قيادة السيارات فيها
ما تعجبني لا الأجزاء القديمة ولا الجزء الرابع

 

[Zero]

شي طبيعي ماراح تكون مثل GTA .. لان مطورين اللعبه يبيلهم 20 سنه ضوئيه علشان يوصلون مواصيل GTA

ويش دخل هذا يا خالد؟ تراه يتكلم عن أسلوب اللعبة، GTA تركز على الأكشن والشوتينج بشكل كبير، والقيادة فيها مو حق "لعبة سيارات"، على عكس درايفر اللي المفروض تركز على القيادة.

الجزء الأول والثاني ممتعين لليوم.

 

[Sir Guts]

الجزء الأول كان الأفضل وقت ما كان اللعب محصور داخل السيارة بس .. لكن مع الجزء اللي بعده قام ينزل من السيارة و يروح قراجات و صارت ابيخ لكن لو هذا الجزء ينحصر بعد داخل السيارة تطلع ممتازة و مو لازم يسوون جيم بلي اللعبة مع الجيل الجديد يعني لازم الشخصية تنزل من السيارة و تدخل سيارات ثانية و من هالقبيل حلاته كل شي يتم و انت داخل السيارة و على الله يضبطونها بعد الخيبة اللي كان اسمها parallel lines.

 

[Capitano-18]

اللعبة شكلها مثيرة للإهتمام، اتمنى انهم يسوونها مثل اسلوب الجزء الاول. اهم شي انهم مهتمين بالسيارات الكلاسيكية.

 

[Raziel]

أستعراض أطوار الملتيبلاير:

[video=youtube;XsfidgWWAhk]http://www.youtube.com/watch?v=XsfidgWWAhk[/video]

نصها مقرفة ومريضة خصوصاً مع إضافة الشيفتنج الغبية، مافيه غير التيك داون والسباق التقليدي. كان بإمكانهم يحطو سباق على طريقة برناوت من نقطة A إلى نقطة B
وتحاول تستغل وجود Shortcut في شوارع سان فرانسيسكو علشان تختصر الطريق وتتخطى خصومك.

 

[Al Pacino]

^

بالعكس نظام الشيفتنج هنا طالع أحلى بمليون مرة من الي كان عليه بالعروض الاولى، على الاقل بالموتلي بلير بس لايقحمونه بشكل غبي بطور السينجل ..

 

[Raziel]

^
بس بيصير فوضى، تخيّل انت تجاوزت فوق 6 متسابقين يجي واحد منهم ويتنقل فجأة لسيارة عاكسه الطريق ويصدمك
والبقية تسبقك، وش ذنبي إذا قدت بمهارة وجهد وتجاوزتهم ويجي واحد يخرب لعبي بضغطة زر؟
وأصلاً كذا بيندخل بدوامة من الفوضى والعبط، كل شوي يجي واحد يسوي شيفت ويصدم الأول :tongue:

 

[Al Pacino]

^

حلاة المولتي بلاير بالفوضى والحوسه الي تصير فيه P: .. بس العرض ماطلع الشيفتينج بالسباق طلعها بس بالتيك داون والامواد المشابهه له ..