الموضوع الرسمي Dishonored | بايوشوك ديوس اكسية

[Sea.roOock]

لا حول ولا قوة إلا بالله، هذه توني انتبه لها.

انيس يا ابو الشباب. اقرأ مراجعتي و انتبه للكلام الي انا كاتبه.

نعم اللعبة تنهي المهمة وانا في نصفها، مش لما اروح لساميول. وانا في نفس القتال القاها فجأه تقولي تارجيت اساسنيتيد. هذا الشيء كتبته في المرجعة وانت باين قريت السلبيات و قمت تهرج عالفاضي.



الحين إذا كان في تنويع في الاماكن صار عادي مايتنوعون الأعداء؟ هذا حرفيا اغبى عذر سمعته.

 

[Output No. 3]

من متى الصعوبة عيب؟ والله؟ اجل ليش الواحد يتعب نفسه و يسوي AI من البداية؟​

في فرق بين لما تكون اللعبة صعبة وبين لما يكون اللاعب نوب، just saying :whistle:

 

[Sea.roOock]

^
ههههههههههههههههههههه هذا الرد لا قالوا لك واحد ماعنده سالفة و خاش غلط.

انا انتقد الصعوبة لأنها سهلة، مش لكونها شيء صعب. افهمني و ناقشني يالواينتي.

 

[Old Snake]

اللعبة تجسس؟؟ لانه عادةً العاب التجسس ما تغتمد على تنوع الاعداء بشكل كبير اكثر من اعتمادها عالليفل ديزاين وتنوع المهام.

 

[CODE-X]

بلاش ترقيع للعبة، مافيها قصة ولا حوارات

اللعبة الشخصية الرئيسية فيها ما تتكلم لكن الحوارات مضبوطة كلها و ممتازة مثل حالة بايوشوك تماماً و هالنوع من الالعاب اساساً ما يحتاج لحوارات من نوعية حوارات مجس ولا جاو !

و برضو اعداء مكررين و نوعهم واحد إلا في بعض الاماكن الي يتغيرون فيها.

ما راح يكون في داعي من تنويع الاعداء اكثر مما هم عليه لان اللي يتغير هو الاماكن و ليس الاعداء لان طرق القتل او التسلل متنوعة جداً ، بعدين عندك الجنود و الكلاب و اللي يختفوا و رجال العصابة و اللي راكبين آلة و اللي معاه الآلة اللي توقفلك السحر حقك موزعين بشكل ممتاز تعطيك مستوى ممتاز من التنويع و التحديات في كل مرحلة !

نرجع نعيد للمرة الالف. اللعبة فيها محدودية تنقل، ادخل اللعبة و ورني شلون بتروح للجولدن كات على سبيل المثال من دون ما اللعبة تربطك تروح للمكان مع مهمة؟

انا كنت اسوي المهمات الجانبية قبل الرئيسية و لما تخلص اللي في المكان اللي انا فيه اسوي الرئيسية بعدين تقلي اتقدم للمكان اللي بعده و اللي نفسه فيه الجانبية او في حالتك الجولدن كات و ما كانت مشكلة باي شكل بالعكس ضبطوها و ما حطوها عشاوئية و ما تعمل تشويش و لخبطة للاعب !

من متى الصعوبة عيب؟ والله؟ اجل ليش الواحد يتعب نفسه و يسوي AI من البداية؟

صعوبة من نوعية صعوبة دارك سولز اللي تحتاجلها مهارة و تكتيك و تفكير مش عيب مثل اللي هنا ، لكن الصعوبة اللي من نوعية لعبة ليجندري الناتجة من سوء برمجة و سوء AI ذيك اللي عيب لكن هنا مش عيب ابداً بالعكس ميزة عند معظكم اللاعبين و تعطيهم هدف يحاول يعديها بصعوبة اعلى و يلعب اللعبة اكثر .

Great suite of abilities encourages creativity Spacious environments riddled with pathways and secrets Lovely design brings the city to life Superbly voiced cast of interesting characters.

من مراجعة جيم ستوب
اللي انت قلته عيوب بقية المراجعين شافوه مميزات !

الحين إذا كان في تنويع في الاماكن صار عادي مايتنوعون الأعداء؟ هذا حرفيا اغبى عذر سمعته.

لانها لعبة ستيلث ، تنويع الاعداء بزيادة هو اللي بيكون غباء !!

 

[nbnt]

نعم اللعبة تنهي المهمة وانا في نصفها، مش لما اروح لساميول. وانا في نفس القتال القاها فجأه تقولي تارجيت اساسنيتيد. هذا الشيء كتبته في المرجعة وانت باين قريت السلبيات و قمت تهرج عالفاضي.

دخول بالعرض شوي (&) ابغى افهم كيف المهمة تنتهي فجأة ويقولك تارجيت اساسنيتد؟ جليتش مثلا؟ او انت نظامك تدخل بالشت جن مع كل الشعب والتارجت يجي وتقتله وانت ماتدري..

ونقطة محدودية المناطق وانك ماتقدر ترجع للمهمة الجانبية.. مين قال ان اللعبة آر بي جي؟ اللعبة خطية، المفروض تعاملها على هالاساس، لكنها تعطيك خيارات اكبر وحرية في الجيم بلاي مش في العالم. المهمات الجانبية ترتبط بالرئيسية.

أيضا تركيزك الكبير على القصة يأثر على مراجعات الالعاب اللي ماتركز عليها، هالشي لاحظته اكثر من مرة، المفروض انت بس تراجع فيجيوال نوفلز او شي (&)

 

[Output No. 3]

انا انتقد الصعوبة لأنها سهلة​

يا رجّال !! :laugh:: الي اعرفه لو شخص يبي يوصف اللعبة بإنها سهلة يقول "سهولة مضحكة" ولا "مستوى صعوبة مضحك" . مش "صعوبة مضحكة" مش كل شيء يترجم حرفياً ، الغلط من التعبير المضروب الي عندك مش منّي لإن حتى أنيس حسّب نفس الشيء لول.
اللعبة صعوبتها متزّنة، لعبتها نورمل وكانت صعوبتها جداً مناسبة وممتعة،واغلب المواقع إذا ما كان كلها ماجابت طاري هالشيء.

يالواينتي​

اوووه نو لقد فضحتني

مدري وش اقول لكن الله المستعان بس، وش دخله بكلامنا؟ :laugh::

 

[Old Snake]

أيضا تركيزك الكبير على القصة يأثر على مراجعات الالعاب اللي ماتركز عليها، هالشي لاحظته اكثر من مرة، المفروض انت بس تراجع فيجيوال نوفلز او شي (&)

هو ما يكون غيب رئيسي ناصر ولكن تؤخذ بالحسبان كتنبيه في المراجعة خصوصاً لو اللعبة هيئتك لهالشيء.

 

[Classic Player]

إلى الآن ما وصلت بعيد في اللعبة أعتقد خلصت الجولدن كات فقط

ألي فهمته ان في كل مهمة راح يطلب منك شخص/اشخاص تغتالهم ، حسيت ان اللعبة كانها هيتمان لكن بمنظور اول مع قدرات خارقة

لكن للأمانة طرق الاغتيال و اداء المهمة محدودة جدا مقارنة بهيتمان الي تتيح لك افكار كثيرة للأغتيال و اداء المهمة

و عتبي أيضاً على تفاصيل الرسوم المتدنية

بنظري اشوف اللعبة ماجابت شيء جديد يستاهل كل الضجة الي عليها

 

[Sea.roOock]

ناصر، معليش لكن لا تقعد تتفلسف.

الجلتش مدري الخطأ مدري ايش هالشيء صار لي اكثر من مرة، ابي اروح اغتال احد وهو بعيد عندي فجأة يموت و المشن اكامبلشد فجأة. يعني ليش حتى تغالطني فيها؟ ماصار معك الشيء لازم اطلع انا مبالغ او غلطان؟

و كيف ماتبي اركز عالقصصة؟ انا مهمتي اني اركز على كبيرة و صغير ةفي المراجعات و لازم اتكلم عن القصة بما إنها عامل اساسي في كل لعبة.

نقطة محدودية المناطق وانك ماتقدر ترجع للمهمة الجانبية

تساوي

المهمات الجانبية ترتبط بالرئيسية

و بمعنى أخر اللعبة محدودة و ضيقة، اللعبة قائمة على فكرة وحدة وهي "تنويع في طرق القتل" يعني حتى الجيم بلاي نفسه مش منوع، الشيء المنوع هو أسلوب القتل و كيف تقتل و ايش الحركات الي تستخدمها و كيف تقدر تمزجهم مع بعض.

اوكي العاب تجسس أو إغتيالات انا فاهم، بس تقعد تجيب لي عدو واحد و خلاص انتيهينا؟ الكلاب الي يتكلمون عنها الشباب ظهرت في مكان واحد في نص تشابتر، و كان عندهم بوتنشال إنهم يستقعدون لك أو يشمون ريحتك و من هالكلام و كانت بتزيد مستوى الصعوبة. أخرتها عدو واحد اواجهه لإخر اللعبة و ياليته قوي أو له ضربات معينة ترفع الصعوبة. كلهم على بعضهم تتجاوزهم و ماحد يشوفك، أو تغتالهم من الخلف و إنتهينا.

حرفيا رجعت العب تشابتر بعد ما تمكنت من اللعبة، و قدرت اعدي جزء كبير منه من دون ماحد ينتبه لي او يشوفني وانا العب عالهارد. و لازم العاب تجسس يكون مستوى التحدي و الصعوبة عالي، خلاف ذلك هذا عيب في اللعبة لأنها ماتعطيك تحدي كافي.

 

[Al Pacino]

أوكيه أسامه انا كنت أستهبل عليك عالرقم وماكنت جاد "أكره الي يتكلم عن مراجعة كاملة ويركز على الرقم وينسى الكلام" لكن الان بأكون جاد معك وأناقش السلبيات المذكورة:

قصة و حوارات أقل من عادية

القصة فوق المتوسط وتوصل للجيدة في الحقيقة.. الحوارات ممتازة! وبعض الاحيان توصل للممتازة جدًا!

تكرار في الأعداء و صعوبة مضحكة

زي ماقال حمدي، اللعبة تجسس.. مش هاك ان سلاش عشان أشتكي من تكرار الأعداء.. ما أحتاج أعداء متنوعين وفي الحقيقة هالشيء مو واقعي باللعبة من هالنوع ومع ذلك، اللعبة فيها أكثر من نوع من الأعداء..
عندك الأساسنز الي تقاتلهم بشكل مباشر وعندهم قدرات خارقة، بعض الأعداء لابس خوذة حديدية وماتقدر تقضي عليه بهيد شوت بالسهم، والـtall boy الي المرور منهم بتخفي صعب.
الصعوبة جدًا جدًا مناسبة، التخفي من خلف الأعداء أبدًا مو تافه ودائمًا أرجع لتشيك بوينت لأنهم أذكياء ويكشفوني، وحتى لو كان لعبك درعمه صعب تخش بوسطهم وتقضي عليهم بدون تكتيك وأستخدام قدراتك بشكل ذكي.

تفاوت تصميم العوالم

هذي ميزة، التفاوت في تصميم العوالم دائمًا للأفضل.

محدودية الحركة و التنقل

مستحيل! تصميم المراحل واسع جدًا ويعطيني حرية كبيرة جدًا بأختيار طُرق مختلفة.

و إرتباط سيء للمهام الجانبية بالقصة الرئيسية

واو.

مهام جانبية لا يمكن تتبعها

عشان كذا قلت واو فوق، المهام الجانبية غالبًا تكون مرتبطة بالمهمة الرئيسية، بل أن بعضها أذا أتممتها يختصر\يغنيك عن إنجاز المهمة الرئيسية، مثل المهمة الجانبية في الجولدن كات.

مشاكل في المهام و إنتهائها المفاجئ

هالنقطة تمامًا مافهمتها ولا فهمت شرحك لها أعلاه، ما مر عليك شي مشابه.



وأذكرك مرة ثانية اسامه، أنا ما أناقشك بالرقم وأي شي قلت لك سابقًا عنه مجرد أستهبال ولا أركز عليه، بس فعلًا سلبياتك غريبه جدًا!

 

[Rain]

دايما اذا دخلت الموضوع ذا اجي بأسال عن القصة , اشوف سلبيات تخليني افكر فيها ..

و لازم العاب تجسس يكون مستوى التحدي و الصعوبة عالي، خلاف ذلك هذا عيب في اللعبة لأنها ماتعطيك تحدي كافي.​

Dammit .. كنت ابغاها تصبيرة لهيتمان

عالعموم , ارجع لنقطتي القصة ..
-هل القصة بشكل عام قوية و حلوة ..؟ ولا نفس قصص الجواسيس الـTypical ..؟
-العالم و الشخصيات .. هل معطينهم باك-قرواند (حتى لو سطحي) ؟
- الشخصية اللي تلعب بها , تتكلم ؟ تعطي رايها باللي حاصل ؟ ولابس امشي واقتل؟ (امشي وحل الالغاز بلعبة اخرى الله يستر عليها)

لاني حاليا ما عندي اي لعبة كونسول العبها (بوردلاندز 2 سيكول , و تكن تاق وقتها مو الحين) و شفت الصور و مقاطع الفيديو واعجبتني مقدما ..
فاللي ختم اللعبة كاملة حبذا يجاوب على اسئلتي , او اسحبوا عليها :]

 

[Output No. 3]

و قدرت اعدي جزء كبير منه من دون ماحد ينتبه لي او يشوفني وانا العب عالهارد.​

@_________________@
وش الي قاعد اقرأه انا؟!
تدري إنّ هالشيء هو احد اساليب اللعبة؟ لدرجة إن فيه نهايتين باللعبة، واحدة تجيك لو انت High Chaos أو Low Chaos !! يعني هذا مش سلبية ولا سهولة عشان تتكلم عنه هذا اسلوب تقدر تلعب فيه .. والي هو إنك تخلص المنطقة بدون ماحد يدري عنك وهذا جزء من التجسس.. فـ بصراحة انا متفاجئ من الي شايفه!!!

 

[nbnt]

ناصر، معليش لكن لا تقعد تتفلسف.

شكرا جزيلا.

الجلتش مدري الخطأ مدري ايش هالشيء صار لي اكثر من مرة، ابي اروح اغتال احد وهو بعيد عندي فجأة يموت و المشن اكامبلشد فجأة. يعني ليش حتى تغالطني فيها؟ ماصار معك الشيء لازم اطلع انا مبالغ او غلطان؟

غلطان. لأنك جالس تحاسب اللعبة على شي مش منها. انت قاعد تذكره كأن اللعبة مصممة بهالشكل. و اول مرة اسمع عن المشكلة صراحة.

و كيف ماتبي اركز عالقصصة؟ انا مهمتي اني اركز على كبيرة و صغير ةفي المراجعات و لازم اتكلم عن القصة بما إنها عامل اساسي في كل لعبة.

لازم تتكلم عنها، لكنها ابدا مش عامل اساسي في كل لعبة او لازم تأثر على التقييم. اذا ماتعرف هالشي، معناه انك في المجال الخطأ.

لو راجعت دارك سولز (وحدة من أفضل العاب الجيل) بتعطيها 10\5 لأن قصتها متواضعة ومافيها عروض طاخ طيخ؟..

ديس اونورد ماحصدت الانطباعات الايجابية إلا لأنها لعبة ممتازة، مش فلم ممتاز

و بمعنى أخر اللعبة محدودة و ضيقة، اللعبة قائمة على فكرة وحدة وهي "تنويع في طرق القتل" يعني حتى الجيم بلاي نفسه مش منوع، الشيء المنوع هو أسلوب القتل و كيف تقتل و ايش الحركات الي تستخدمها و كيف تقدر تمزجهم مع بعض.

حبيب قلبي. انت جالس تعاتب لعبة خطية على محدودية حريتها! مرة ثانية، اللعبة مش آر بي جي ولا فيه احد قال انها في عالم مفتوح عشان تعاتبها على "المحدودية" اللي تعتبر حرية كبيرة للعبة خطية.. آه.. عموما، رأيك وانت حر. سلام.

 

[Sea.roOock]

مشكلتك يا سعود جالس تناقشني في اشياء انا وانت متفقين عليها.

انا ماذكرت في المراجعة كل الاعداء الي توك معددهم لي؟ طيب وين اختلفنا؟ في إنهم غير منوعين؟ انا وانت عارفين إن هالكلام صحيح. التال بوي طالع لي في شابترين بس و نفس الشي مع الاعداء الي عندهم قوى خارقة. طول اللعبة جالس اذبح العالم من من الخلف و حرفيا مافي إلا تشابتر واحد سببت فيه إزعاج و كان على أخره ولا كل اللعبة جالس اعديهم وانا جالس اضحك. إذا مستوى لعبي يتفوق عليك هنا المفروض ما نتناقش. و يا سبحان الله، قبل دقايق كلكم تسبون تقايم المواقع. و الآن تستخدمون كلامهم و تقيماتهم ضدي؟ وين راح كرهكم و عدم مصداقيتهم الي صجيتونا فيها في كل المواضيع؟

بما إنك تقولي إن العالم وسيع وفي حركة وراهم رابطين لك السايد كويست مع المين كويست؟ العالم مش مهيء إنه يكون وسيع، هو فعلا وسيع لكنه مش للتنقل، هو وسيع عشان تاخذ راحتك بالقتل.

تفاوت العالم معناته و كنت حتفهمه لو انك قاري المراجعة وهو : تشابترات اللفل دزاين فيها رائع و رهيب، و بعضهم خايس جدا. هذا الي يسمونه تفاوت. و التفاوت في اللعبة تفاوت سيء مش كويس زي ماتقول.

مشاكل المهام هذا شيء مش لازم اقعد اقوله لكم لأنه جليتش في اللعبة، والي ما مر فيه مش مشكلتي. انا مو قاعد اخترع لكم عذر عشان اخسف في تقيم اللعبة زي ما انتم محسبين.

 

[Sea.roOock]

ه.. عموما، رأيك وانت حر. سلام.

نهاية كل نقاش كالعادة. حسافة تضييع وقت معك.

 

[Sea.roOock]

@_________________@
وش الي قاعد اقرأه انا؟!
تدري إنّ هالشيء هو احد اساليب اللعبة؟ لدرجة إن فيه نهايتين باللعبة، واحدة تجيك لو انت High Chaos أو Low Chaos !! يعني هذا مش سلبية ولا سهولة عشان تتكلم عنه هذا اسلوب تقدر تلعب فيه .. والي هو إنك تخلص المنطقة بدون ماحد يدري عنك وهذا جزء من التجسس.. فـ بصراحة انا متفاجئ من الي شايفه!!!

التجسس من اساليب اللعبة ما اختلفنا، الي قاعد اقوله انا ان التجسس سهل. سهههههههههههههههههل هذا قصدي، مو قاعد اقول التجسس عيب. انا فرحان ان اللعبة فيها تجسس.


بس التجسسسس سهل. ياخي العاب ثانية من كثر صعوبة التجسس تحس إنه غش، و فيه تحدي و يخليك تلطم لين ماتعدي مرحلة من دون ماتنشاف بشكل كامل.


انا عادتا ما اناقش احد فيما يخص التقيمات لأن هذا جزء من سياستنا و طريقة العمل. لكن إحتراما لكم انا ارد و برضو عشان اللعبة رهيبة و ماتتفوت و لكن يبدو إن النقاش مع البعض مايودي ولا يجيب دام إنهم بادينه وفي بالهم إن كلامي غلط.

كلامي ينتهي هنا، الي مش عاجبه التقيم معليش هارد لك. انتظر مراجعتي الجاية ولا لا تقرأ لي ابد.

 

[Al Pacino]

ماحد قال انك تخترع سلبيات عشان تخفس، لكن "المفروض" اذا شي "غير منطقي إطلاقًا" مثل هالشيء صار لك تعيد المهمة وتتأكد.. تسأل الشباب هنا وتناقشهم عنها، أو على أقل تقدير تذكرها بشكل سريع بين سطور المراجعه. ماتعتمدها مباشرة كـسلبية باللعبة كلها! أخاف تاخذها بنفسك بالنهاية وتحسبني أعلمك شغلك بس هذا الي أشوفها أنا بصراحة.

انا ماذكرت في المراجعة كل الاعداء الي توك معددهم لي؟ طيب وين اختلفنا؟ في إنهم غير منوعين؟ انا وانت عارفين إن هالكلام صحيح. التال بوي طالع لي في شابترين بس و نفس الشي مع الاعداء الي عندهم قوى خارقة. طول اللعبة جالس اذبح العالم من من الخلف و حرفيا مافي إلا تشابتر واحد سببت فيه إزعاج و كان على أخره ولا كل اللعبة جالس اعديهم وانا جالس اضحك. إذا مستوى لعبي يتفوق عليك هنا المفروض ما نتناقش. و يا سبحان الله، قبل دقايق كلكم تسبون تقايم المواقع. و الآن تستخدمون كلامهم و تقيماتهم ضدي؟ وين راح كرهكم و عدم مصداقيتهم الي صجيتونا فيها في كل المواضيع؟

انا ذكرت لك اياهم من باب التذكير فقط، ولا اللعبة أصلًا ماتحتاج تنويع بالأعداء! هيتمان, ديوس اكس لعبتهم؟ ماذكر كان فيهم تنويع وتشكيل بين الاعداء، هذي لعبة تجسسية بالنهاية وهالشيء مو مطلب رئيسي وفقدانه لايكون سلبية. ولا تربط ردك لي بردك على الناس، انا ماجبت طاري المواقع الثانية.

بما إنك تقولي إن العالم وسيع وفي حركة وراهم رابطين لك السايد كويست مع المين كويست؟العالم مش مهيء إنه يكون وسيع، هو فعلا وسيع لكنه مش للتنقل، هو وسيع عشان تاخذ راحتك بالقتل.

أوه واو أنت بالفعل ماخذها كـ لعبة ار بي جي بعالم مفتوح! اللعبة أبدًا مو كذا عشان تقدم لك "عالم" وسيع عشان "تتنقل" فيه وتنجز مهمات جانبية على كيفك. آسف لكن انت فعلًا قاعد تحاسب اللعبة على شيء مش ملزومه فيه.

تفاوت العالم معناته و كنت حتفهمه لو انك قاري المراجعة وهو : تشابترات اللفل دزاين فيها رائع و رهيب، و بعضهم خايس جدا. هذا الي يسمونه تفاوت. و التفاوت في اللعبة تفاوت سيء مش كويس زي ماتقول.

لا أنا فاهمه وهذا كان مقصدي.. كلما تقدمت باللعبة تصميم الليفل ديزاين يتطور، وماذكر متى بالضبط وصل لمرحلة الخايس جدًا.. عمومًا هذا رأيك بس كنت بوضح أني كنت فاهم مقصدك ولا أتفق معه.

 

[CODE-X]

بس التجسسسس سهل. ياخي العاب ثانية من كثر صعوبة التجسس تحس إنه غش، و فيه تحدي و يخليك تلطم لين ماتعدي مرحلة من دون ماتنشاف بشكل كامل.

اذا اسلوبك في التجسس هو انك تقتلهم من ورا واحد واحد على كذا ترى مجس اسهل لعبة ستيلث في المجرة ! ركب المسدس ابو كاتم و عطهم هيدز واحد واحد و تعدي اللعبة كلها بدون ما تنكشف ! اللعب لعبة سثيلث كستيلث بالأول علشان تقول سهل او صعب !!

و يا سبحان الله، قبل دقايق كلكم تسبون تقايم المواقع. و الآن تستخدمون كلامهم و تقيماتهم ضدي؟ وين راح كرهكم و عدم مصداقيتهم الي صجيتونا فيها في كل المواضيع؟

نسب بعض المواقع على نفخ لعبة البقية ذموها و اللي باين انها منفوخة ، هاللعبة من E3 و الجميع شغال في مدحها و حتى المراجعات كلها +9 و مرشحة للجوتي و هي ترقص !

Dammit .. كنت ابغاها تصبيرة لهيتمان

عالعموم , ارجع لنقطتي القصة ..
-هل القصة بشكل عام قوية و حلوة ..؟ ولا نفس قصص الجواسيس الـTypical ..؟
-العالم و الشخصيات .. هل معطينهم باك-قرواند (حتى لو سطحي) ؟
- الشخصية اللي تلعب بها , تتكلم ؟ تعطي رايها باللي حاصل ؟ ولابس امشي واقتل؟ (امشي وحل الالغاز بلعبة اخرى الله يستر عليها)

لاني حاليا ما عندي اي لعبة كونسول العبها (بوردلاندز 2 سيكول , و تكن تاق وقتها مو الحين) و شفت الصور و مقاطع الفيديو واعجبتني مقدما ..
فاللي ختم اللعبة كاملة حبذا يجاوب على اسئلتي , او اسحبوا عليها :]

ابختضرلك بهالشكل : اذا لعبة اي من بايوشوك ، هالف لايف ، فول اوت 3 و عجبتك فاللعبة مست بالنسبة لك ، لا تتوقع تلقى شي مثل لعبة TP لان الاثنين من جنرا مختلف لكن اذا تحب تتفنن في القتل او التسلل برضوا هاللعبة مست لك .

 

[iPeace]

حصلت شيشة في اللعبة :laugh::

 

[Life-Saver]

حصلت شيشة في اللعبة :laugh::

لاحظت في مرحلة في أكثر من شيشة في الغرف .. تفصيل يفطس ضحك .. الحين بريطانيا مليانة شيش بس ما أعتقد كان الوضع بهذا الشكل سنة 1660 حين تدور أحداث اللعبة

 

[CODE-X]

^
هي من فين جاتنا اصلاً ؟!

 

[Life-Saver]

^
هي من فين جاتنا اصلاً ؟!

الكلمة أصلها فارسي .. حيث أن الشيشة العادية كانت في رأس زجاجي (كلمة شيشة يعني زجاج بالفارسي) .. والشيشة الفخمة كان الرأس عبارة عن ثمرة جوز هند (نارجيلة بالفارسي)

أما من اخترعها .. فسمعت كلام مختلف .. اللي يقول الفرس واللي يقول الأتراك .. بل حتى قالوا الصينيين ..

 

[i7asan]

استأجرت اللعبة وخلصتها امس .. اخذت مني اربعة ايام تقريباً مع لعب متقطع
.. اجواء اللعبة رهيبة تذكرني بهاف لايف 2 ، استمتعت فيها جداً ومن افضل العاب هذا الجيل من ناحية الأجواء وفكرة الجيم بلاي
8/10

 

[Super Shadow]

الحين إذا كان في تنويع في الاماكن صار عادي مايتنوعون الأعداء؟ هذا حرفيا اغبى عذر سمعته.

أسامة اللعبة تراها لعبة ستيلث ، طبيعي الأعداء كلهم بشر

شوف ألعاب التجسس الأخرى أمثال ميتل جير و سبلنتر سيل و بتلاقيهم نفس الحكاية

صعب ينوعون في الأعداء في لعبة ستيلث

 

[PS]

خلصة 3 مهمات رئيسية في اللعبة,المتعة الي تقدمها اللعبة كبيرة و القدراة و طرق أستخدامها تخلي اللعب يصير أحلى و أحلى.

من أكثر الالعاب الي أستمتعت فيها.

 

[Life-Saver]

خلصت اللعبة اليوم .. لعبة رائعة استمتعت بكل لحظة فيها .. من زمان ما شفنا شيء يشغل المخ بدون أن يكون مملا أو مستعصيا ..

الحين أقدر أرجع الدوام بكرة وضميري مرتاح

 

[Bane902]

خلصت اللعبة امس , لعبة ممتازة ولعبة السنة الى الأن بالنسبة لي (الا لو والكينق ديد في الحلقة الخامسة لها كلام ثاني ) , من الألعاب اللي تستمع في كل لحظة فيها .

 

[النسر الأسود]

بدأت في اللعبة اليوم ومبسوط جداً من يلي شفته

لكن عندي سؤال لمن أنهى اللعبة، إيش هي الطريقة الأمتع للعب؟ حالياً أنا أتبع أسلوب إني ما أقتل أي شخص لكن حاسس برغبة شديدة بذبح الجميع لول

 

[Life-Saver]

يعتمد على شخصيتك ونفسبتك .. نفسية مريضة مثلي لا بمكن أمشي إلا بمجازر كل مكان ..