الموضوع الرسمي Dead Island اثارة , رعب , تشويق

[TH3 PHENOMENA]

@kInGsIzE
موجوده بالعليا امس ماخذها انا

 

[hemo memo]

طيب فيه ناس حملوا الباتش لنسخة الـPS3 وانحذف عندهم التخزين. حجمه 30MP رقمه 1.01. النسخه الاستراليه. ياخوفي على باقي النسخ.

 

[Primal]

التثبيت حجمه صغير
+ هيمو كلامك من جد يخوف
انا حملته لكن ما لعبت على طول طفيت اللعبة
يارب ما ينحذف تخزيني :sadwalk:

 

[TIDUS_FFX]

اللعبه فيها split Screen?

 

[hemo memo]

^
انا الحين حملته بشيك بشوف شيصير.

تعديل: شيكت التخزين موجود بس التشالنجز راحت كلها. اهمشي التخزين ماراح هذا المهم.

 

[RE-load]

انت الحين خليت كل كلامي وكلام الناس الي لعبوها صح .. وكل المواقع الي عطوها 8+ وخلصوا اللعبه ... وجيت على رد شخص لعبها لمجرد Checking ولا حتى خلص 10% اللعبه وقيمها 5/10 !!!! مادري شلون اللعبه تتقيم والاعب ماخلص حتى 10% منها

عموما عطها فرصه .. اللعبه من اروع العاب الجيل , اترك عنك الناس الي تتصيد للGlitches لانهم مايلعبون اللعبه لجوهر المتعه .. بل للتصيك والنظر من الجانب التقني وينسون المتعه !

بصراحه اللعبه تزيد حلاوتها كل ماتتقدم فيها !

خالد انا ما فرقت معي القلتشات ولا اي شي ثاني وبالعكس جدا متحمس من انطباعات الشباب وانطباعاتك
لكن انا اثق بذوق sora diersly
لانه هو يحب بوردرلاندز وانا احبها
في المقابل انا اشوف ذي اللعبة قريبة من بوردرلاند ومع ذلك كرهها
اذا بما انه سورا ما عجبته اللعبة = انا ما حتعجبني اللعبة
ان شاء الله تكون وضحت المعادلة
واكيد ان شاء الله بجربها لانه فيها زومبي :inlove:

 

[Painkiller Q8]

^
براحتك .. بس بما انت تحب بوردرلاند .. هذي راح تعجبك .. بس الفرق بينها وبين بوردرلاند ان بوردرلاند من أول لحظه يبين معاك حلاوه اللعبه .. اما ديد آيلاند يبيلها حبتين لعب علشان تكتشف انها رهيبه وادمانيه !

 

[Revolver]

اللعبه كل ما تقدمت تصير افضل و اصعب، تنوع المناطق و الجرافيكس عاجبيني، اذا فيه شي مزعجني فهو الميلي مرات يصير حيل غثيث مع الستامينا. :|
انا الحين اعتقد وصلت نهاية الاكت الثاني، السايدكويستس واجد.

 

[Fahad Al-Shareef]

من جد ، فيه شباب ماكملوا على الاقل ساعتين من اللعبه .. العب بشكل متواصل وراح تشوف الادمان .. يكفيك انها الوحيده من نوعها ( ايه ، اللعبه فيها اختلافات كثيره عن بوردرلاندز ) .

 

[Painkiller Q8]

اللعبه كل ما تقدمت تصير افضل و اصعب، تنوع المناطق و الجرافيكس عاجبيني، اذا فيه شي مزعجني فهو الميلي مرات يصير حيل غثيث مع الستامينا. :|
انا الحين اعتقد وصلت نهاية الاكت الثاني، السايدكويستس واجد.

عاد فيه Achievement/Trophy انك تقتل 150 زومبي بالــ انالوج melee , يعني اذا تبي تضرب لازم تمسك الـ LT وتحرك الـستك اليمين من جهه لي جهه وكأنك تضرب بشكل واقعي * قمه الصعوبه *

لعب فتره بالانالوج كنترول وكان صعب جدا .. او ماحصلت على الأشيفمنت رجعت على الكنترول الديجيتال وحسيت ان اللعبه سهله بس في المدينه اللعبه *صعبه + تنرفز*

 

[Sora Diersly]

انا بجرب اللعبة بعد تحديث الغليتشات اليوم

 

[Primal]

احس الجرافيك صاير افتح
لون الجرافيك اسحه افتح شوي
يمكن اتخيل
ما لاحظ تالشىء هذا الا بعد التحديث

 

[Al Pacino]

وصلت Act III باللعبة .. بأول اكت كنت اسوي بعض المهام الجانبية .. بس ابتداءا من الاكت الثاني صرت ألتزم بالقصة فقط .. صراحة المهام الجانبية كثيرة بشكل مبالغ فيه و"مالها قيمة" .. خاصة وان اللعبة تعتمد على "قتل الزومبيز" فقط مما يعني أني بأمل منها مع الوقت فـ قررت اركز على المهمة الرئيسية .. ومستمتع الى الان.

 

[Fahad Al-Shareef]

^

اما شاريها .. كان علمتنا نكوب معاك

انا قريب بطب في Act III ..

 

[Al Pacino]

العبها عالـPC >.>

 

[ryo hazuki]

احس ان اللعبة يبغيلها تعديل ،، احيانا السهم الي في الخريطة ما يقولي وين لازم اروح ، مع اني مختار السايد كويست المطلوب

اللعبة عليها طلب كبير في المحلات و اغلب النسخ تخلص ، play asia باع كل الدفعه الاولى الي عندة ، يا ان الشحنة ماكانت كافية او ان الطلب كبير

 

[Painkiller Q8]

ادمان اللعبه مشكله >.<

كنت "فقط" ابي اسوي مهمه وحده تاخذ بالكثير 20 دقيقه .. وبديت الساعه 10:30 ... وانصدمت اني طفيت الإكس بوكس الساعه 1:30 !!!

بكره دوام الساعه 7 T____T

 

[SilentxS3ud]

انا بعد بين كيلر غالبا ابي العب نصف ساعة وما ادري الا انا لاعب 3 ساعات وكل شوي خلاص خلاص اخرر مهمة واوقف خخخ

 

[Akilla]

العبها عالـPC >.>

نسخة البي سي مكسورة -_- العبها على تشابترات متقدمة وبتفهم قصدي.

 

[Painkiller Q8]

Dead Island 'Bloodbath Arena' DLC coming later this month

http://www.shacknews.com/article/70105/dead-island-bloodbath-arena-dlc-coming-later-this-month

هههههههه .. DLC!!! اللعبه يبيلها 30+ ساعه علشان تحللها

 

[Sora Diersly]

اللحين ليش ماشفت اي ابديت صار اول ماشغلت اللعبة؟؟ هل معناتها ان التحديث built-in ؟؟ شكل التحميل صار وقت اغلاق الجهاز (اوتوماتيك ابديت) ماني فاهم التغييرات. بديت شخصية جديدة, السمراء اللي مفروض معاها اسلحة نارية, أول 6 ساعات كلها نفس السيناريو الثاني بالضبط. كل الشخصيات تاخذ نفس الأسلحة لكن تصير اقوى على حسب تخصصها. اكره المهمات الفرعية, مملة جدا. من اليوم شغال ترفيس في الزومبي ومحافظ على مستوى تحمّل الحديد والعصيان اللي معاي. لكن اللعبة لحد اللحين ماتغيرت ابدا, ماني شايف شي غير.......

 

[Painkiller Q8]

اللحين ليش ماشفت اي ابديت صار اول ماشغلت اللعبة؟؟ هل معناتها ان التحديث built-in ؟؟ شكل التحميل صار وقت اغلاق الجهاز (اوتوماتيك ابديت) ماني فاهم التغييرات. بديت شخصية جديدة, السمراء اللي مفروض معاها اسلحة نارية, أول 6 ساعات كلها نفس السيناريو الثاني بالضبط. كل الشخصيات تاخذ نفس الأسلحة لكن تصير اقوى على حسب تخصصها. اكره المهمات الفرعية, مملة جدا. من اليوم شغال ترفيس في الزومبي ومحافظ على مستوى تحمّل الحديد والعصيان اللي معاي. لكن اللعبة لحد اللحين ماتغيرت ابدا, ماني شايف شي غير.......

اللعبه ماتصلح لك , شوف لك شي ثاني تلعبه.

تعديل: آخر 40% من اللعبه المهمات كلها تعتمد على (الرمايه) أسلحه بالهبل وانواع مختلفه وطلقات كثيره جدا !

 

[Utx]

الين الحين لعبت تقريباً ثلاثين ساعة
اللعبة ادمانية و ممتعة جداً بالكو-أب, بس ما اتخيل العبها بنفسي لأني أحس حأمل منها
طبعاً أنا جالس ألعب المهام الجانبية أول ماتطلع في الخريطة و تقريباً خلصت كل المهام الجانبية, أنا الحين على نهاية اللعبة
عدم تنويع المهمات يعتبر عيب في اللعبة, لأنك لو جالس تلعب كل المهمات الموجودة حتلقى تفسك جالس تكرر السيناريو ( روح جيب ...., روح أقتل .... )
ممكن السبب الرئيسي الي يخليني العبها كلها هو الـXP و تجميع الفلوس .

ياليت لو كل نهاية آكت او شابتر يتواجد زعيم

عموماً اللعبة تحسها تقنياً متأخرة كأنها نازلة من عام 2008
بس الكو-أب في اللعبة يشفع لها و يخليك تدمنها

 

[Painkiller Q8]

^
ماشاءالله عليك ، واخيرا في واحد قاعد يحللها غيري !!
بس ياخوي التنويع الي في Act III ماعجبك؟ :sarcastic: .. انا ماودي اطلع من الــJungle من التونوع الي في المهمات !

بخصوص الكو-اوب , انا كنت افضل العبها Solo لان ماحب احد يزعجني في المهمه او اناديه ويطنش واحيانا يستنجد وانا مشغول..الخ :laugh::

لكن Act II والـCity صعبه جدا وحاليا العابها Co-op لان فعلا صعبه في الــPolice Station والمدينه بشكل عام مزعجه !

 

[Al Pacino]

نسخة البي سي مكسورة -_- العبها على تشابترات متقدمة وبتفهم قصدي.

جتني مشكلة بأحد العروض .. كان طالع بشكل سقييم جدا .. بعض الاشياء مختفية وفيه زي التبلور طالع جمب الشخصيات وبلاوي .. بس بهذاك العرض .. باقي المشاكل احسها موجوده بباقي النسخ وماأثرت كثير علي ..

تعديل: طيب وش رايك بمظهر اللعبة؟ صراحة أنا واقع بحبها من هالناحية .. الطبيعية والاضاءة ومظهر المويه شي رهيييب!

 

[Sora Diersly]

اللعبة علقت البلاي3 كله 4 مرات اليوم. طلعتني عن طوري... >_<

فعلا خالد اللعبة واضح انها مهيب لي.

 

[Al Pacino]

وخلصنا اللعبة:

Dead Island


ممتعة! حماسي للعبة كان متفاوت وكنت أنتظر مراجعاتها بحذر وللاسف المراجعات زادتني حيرة عن مستواها، أول شي لازم أذكره هو مظهر اللعبة!
رهييييييب جدا و "منعش!" منظر الطبيعة والمويه والإضاءة (البيئة بشكل عام) جدا جدا رائعة، ممكن لان تجربتي للعبة كان عالـPC عشان كذا شفت
مظهر افضل من أغلب الي لعبوها، لكن في المقابل مظهر الأسلحة وبعض تفاصيل اللعبة من أسوء مايكون! خاصة مظهر الدم على السلاح سيء
لأبعد درجة. اللعبة دموية بشكل كبير وحماسي! شعور رهيب يجيني وانا أقطّع وأبطش بالزومبيز، لكن في المقابل التصويب كان يحتاج lock on
عشان يحسّن الجيم بلاي .. صحيح فيها aim assist لكن نهائيًا ماكان كافي، المهمات الجانبية كثييييرة جدا جدا وبتعطي عمر طويل للعبة لكن في
المقابل أغلبها اذا ماكان كلها عديم القيمة ومُمل .. ولهالسبب قررت اترك المهام الجانبية لأن متعة اللعبة بقتل الزومبيز والي أكيد أني راح أمل منه
مع الوقت فقلت أستثمر متعتي باللعبة في المهمة الرئيسية لانها بتقدم لي أسلحة-مناطق-أعداء جدد مع الوقت وماندمت صراحة. اللعبة فيها حس
الـsurvival وهالشي يعود لصعوبتها .. ورغم أن الجزيرة كانت مشرقة طوال الوقت هالشي ماكان سبب لـقتل جو الرعب من حولك (زي ماصار مع رزدنت 5).
طبعا مايحتاج أذكر أن اي شخص يبحث عن قصة/شخصيات/أحداث ماراح يلقى هالشي في ديد ايلند لكن على الأقل راح تلقى قصة ضعيفة تمشيك الى
نهايتها. ذكرت جملة "لكن في المقابل" اكثر من مرة بهالمراجعة وهالشي يذكرني بمراجعة Destructoid للعبة والكومنت الاخير فيها:

“إنها ملهمة، ولكن معطوبة. مبهرة، ولكن معيبة. ممتعة، ولكن تثير الغصب. مثل الزومبيز تماما فإن Dead Island متناقضة من البداية حتى النهاية. مع ذلك، أشعر بأنك في حاجة لـلعبها، لانه وعلى الرغم من أنها تقتبس الكثير من العاب مصقولة أكثر منها، فإنه لايوجد مماثل لها بالسوق. هذا بحد ذاته تناقض مُحير. Dead Island لعبة فوضوية وهنا يكمن جمالها.”

تماما مثل رأيي باللعبة! فيها تناقض عجيب لكن مع ذلك هي تجربة جديدة ويُفضل تجربتها لهالسبب .. بالنسبة لي أعجبتني وقدمت لي المتعة المطلوبة
وأنصح بها لكن بعد التأكد أنها مناسبة لك لأنها من النوع الي ياتحبه أو تكرهه.





8

 

[Saudi pro]

اللعبه مليانه عيوب و مشاكل و قرارات مطورين مريضه .. انا ما ادري ليش مخلين الاسلحه تخرب و الـ Stamina البايخه و قلة الذخيرة و الاسلحه .. لحد يقولي فيه Mod يسويلك رصاص والله ادري بس مستحيل تسويه كل شوي لازم تجيب الادوات المطلوبه

لو اذكر المشاكل والعيوب ما اتوقع رد واحد بيكفي عموما الجيمبلاي يعتبر جيد .. صراحه ندمت اني شريتها (( انا و الي لعبوا معي Co-op :laugh:: )) لكن بتغصبها هاليومين وصلت 60% تقريبا .. بخلصها و ببيعها .

 

[Raziel]

عموماً اللعبة تحسها تقنياً متأخرة كأنها نازلة من عام 2008
بس الكو-أب في اللعبة يشفع لها و يخليك تدمنها

اللعبة أصلاً مفترض تنزل في 2008 بس صار لها تأخير: http://www.relyonhorror.com/latest-news/dead-island-2008-vs-2011-graphical-comparison/
علشان كذا تحس إنها متخلفة تقنياً ..

 

[Al Pacino]

[video=youtube;hoLadZotBuE]http://www.youtube.com/watch?v=hoLadZotBuE[/video]

:laugh::