الموضوع الرسمي Captain Tsubasa: Rise of New Champions | عاد إلى الكونسول من جديد!

[ميهارو]

اللعبة Overall جيدة

خلصت حلقة تسوباسا وحوالي 7 مباريات من البطل الجديد ، أحد يعرف كم مباراة تجلس لين أخلص Episode of New champion?

الإنطباعات:

+ الحوارات عاطية للقصة عمق واول مرة اشوف يهتمون لقصة اللعبة كذا ومخلنها ممتعة واقتباس رهيب ممتاز للجزء الثاني من الانمي استمتعت فيه أكثر من الانمي بنفسه ، ولو إنه في سلبية إنه الحوارات طويلة واجد لو اسوي لهم سكيب أظن ماراح تطول معي اللعبة.

+ الجيم بلي ممتع

+ الترجمة متعوب عليها ورهيبة.

السلبيات:

- ال AI حق الاعداء غبي .. أكثر من مرة تصير اغلاط تقنية باللعبة وخصوصا لما تكون بالزاوية يقطعها من عندك وتطلع برى المرمى ولما يجي يمرر خصمك يروح يمررها بعيد ويطلعها برا المرمى من جديد ، وتمر عليك الكورة ولا تقدر تاخدها.

- اللعبة تعتمد بشكل كبير على التوقيت الازرار الكتفية والتوقيت مش دقيق وماراح تقدر تضبطه طول الوقت ، والي يقهر اكثر شي لما تبدل اللاعب مايستجيب الكنترولر وبعدين يسدد الخصم عليك هدف بهالسبب.. طبعاً لما تضغط دائرة عشان تاخذ الكورة برجلك هذه احتمالية كبيرة انها 99% يعدي منها فاعتمد بشكل كبير انه تاخذها بيدك " R1 "

- تسديد الاهداف كل شخصية لها مشهد سينمائي بس مع الوقت يصير ملل ومشكلة ماتقدر تسوي سكيب للمشهد مستحيل تقدر تجيب هدف بضربة عادية الا اذا كان عداد الحارس الخصم منهلك ، والضربات ماتشق الشبك زي جزء سكند سترايكر بالعائلة.

- نسخة البيسي يصير لها كراش فجاة وفيها Bugs بالخلفية

- لازم تعتمد على لاعبين او لاعب واحد فقط طول اللعب وهو الكبتن لانه تكون حركاته اوفربورد ، ومافي طريقة ثانية تجيب اهداف يا تملي العداد كامل وتشوت بالكبتن او تمرر الكورة وانت بالزاوية ويدخلها هدف ، وماتقدر تعدي من الحارس.

- الجيم بلي مع الوقت يصير روتيني ومكرر حتى بالاونلاين تصير ماتقهر لما تمشي على استراتيجية لما يجي احد يبي يسدد هدف تضغط R1 وتقطع عليه الضربة.

- الاوستات مكررة

ايش افضل جزء ps2 ولا هذا الجزء
واذا لعبت ابطال الكرة على الوي كيف تقارنها بهذا الجزء من كابتن ماجد لان اللعب قريب نوعا ما ايهما افضل

 

[Hekari]

ايش افضل جزء ps2 ولا هذا الجزء
واذا لعبت ابطال الكرة على الوي كيف تقارنها بهذا الجزء من كابتن ماجد لان اللعب قريب نوعا ما ايهما افضل

مالعبت الجزئين الي ذكرتهم فماقدر افيدك ، يمكن احد غيري راح يفيدك

 

[Omni-Doom]

ايش افضل جزء ps2 ولا هذا الجزء
واذا لعبت ابطال الكرة على الوي كيف تقارنها بهذا الجزء من كابتن ماجد لان اللعب قريب نوعا ما ايهما افضل

هذا أفضل من جزء البس٢ بالراحة، أما أبطال الكرة عالوي ما جربته للأمانة.

 

[bits]

أخذت اللعبة وخلصت مباريات كابتن تسوباسا. بعد كم مباراه صارت اللعبة مجرد ضغط r1+x لأخذ الكرة من الخصم ومناولة تسوباسا وبعدها اعدي من الخصم مرتين بإستخدام r2 لأنه r1 عمره ما ضبط معاي وسط المباراة وبعدها تسديد الكرة وهلم جرا. الجيم بلاي تعيس والتحكم معوق والذكاء الصناعي معدوم. للأسف لعبة سيئة جدا.

 

[Bo7mood89]

والله يا شباب قاعد الاحظ ان الانطباعات السلبية اكثر من الايجابية.
انا ودي فيها عشان العب فيها local مع ربعي و اهلي.
اللي جربها بهالمود، هل فيها متعة و حماس و تحدي قوي نفس فيفا و بيس؟ ولا ما تسوى؟

 

[dro]

ايش افضل جزء ps2 ولا هذا الجز

اتوقع في اسوء حالاتها راح تكون افضل من جزء PS2.. المفروض السؤال يكون أيش افضل جزء PS1 ولا هذا الجزء ؟

 

[Dark Phantom]

والله يا شباب قاعد الاحظ ان الانطباعات السلبية اكثر من الايجابية.
انا ودي فيها عشان العب فيها local مع ربعي و اهلي.
اللي جربها بهالمود، هل فيها متعة و حماس و تحدي قوي نفس فيفا و بيس؟ ولا ما تسوى؟

اذا بتاخذون الوضع جدي ومنافسه وتحدي اجزملك بالعشره لا تأخذها يتندم ندم شديد اما اذا بتاخذونها وناسه وطقطقه. تغيير جو عالخفيف فنعم خذها مع العلم ايضا خلال فتره قصيره بتحسوون بملل وتشبع من القيمبلاي المكرر

 

[ميهارو]

تم تجربة اللعبه عند واحد من اخواني على pc
بعيد عن كل السلبيات والايجابيات
لكن فكرة احراز الهدف بعد انهاك الحارس من كثرة التسديد مملة جدا وتاخذ وقت
اللعبة تاخذها للمتعه فقط لو يصححون نظام الحارس والتسديد يكون تمام
كابتن ماجد ps1 كان يمديك تجيب اهداف بالتسديد العادي عيبها انعدام التوازن بين اللاعبين والفرق
كابتن ماجد ps2 طرق الاهداف على الحارس اكثر سواء تسديد عادي او من جانب المرمى ترفع كرة عرضية او تتحدى الحارس
كابتن ماجد للاجهزة الذكية اشوفها ممتعه تذكرنا بايام سابقة لكنها غير موجهة للجميع
مازلت اشوف ابطال الكرة انوزوما اليفين wii افضل من كابتن ماجد

 

[Hekari]

اخر اجيام لعبت فيهم مع اخويي تمنيت لو صورت فيديو
جلتشات مضحكة وغير منطقية

كنت بالزاوية بكبتن ماجد وسددت الكورة وجى بنفس الوقت اخويي يعرقلني المهم الكورة ضربت بالعارضة وطلعت برا المرمى مع ذلك انحسب Goal

وكنت بوسط الملعب وعديت من عرقلة اخوي فجاة اشوف اللاعب بتحرك بدون اي انميشن لبرا الملعب صنم يتحرك.. يااني ضحكت ضحك هستيري

جربت بقية الفرق ايطاليا اظن دفاعهم اوفربورد وماتقدر تدخل اي هدف على حارسهم

المانيا لسة مافتحته ولا البرازيل

الوحيد الممتاز فيهم هو فريق الكبتن ماجد او اليابان.

 

[bits]

يبدو اني تسرعت شوي في الحكم على اللعبة. المحتوى الرئيسي كله في طور new hero. رأيي في اللعب نفسه ما تغير لكن طور new hero اجمل ما في اللعبة ومستمتع فيه. لكن فيه سوأل لازم نعرف اجابته. كم كانت نتيجة السعودية ضد الارجنتين؟

 

[Hekari]

يبدو اني تسرعت شوي في الحكم على اللعبة. المحتوى الرئيسي كله في طور new hero. رأيي في اللعب نفسه ما تغير لكن طور new hero اجمل ما في اللعبة ومستمتع فيه. لكن فيه سوأل لازم نعرف اجابته. كم كانت نتيجة السعودية ضد الارجنتين؟

بحثت بجوجل مالقيت اي معلومة شكله اول جزء يحطوا فيه السعودية ضد الارجنتين

وخسارة تمنيت ولو لقطة وحدة اشوف تصاميم شخصيات السعودية خصوصا مارك عويران ، لو زي بالمانجا بطلع شي مضحك ورهيب

 

[Omni-Doom]

صرعني المقطع :

 

[سيفروس سنيب]

صرعني المقطع :

ههه والتعليق 完全無敵 = الذي لا يقهر

 

[Omni-Doom]

ههه والتعليق 完全無敵 = الذي لا يقهر

تصدق دائمآ أنسى إنك تفهم ياباني XD، الله يجزاك خير عالترجمة.

 

[voxpai]

لا زلت متردد معها حقيقة...
-هل اللعبة طاغي فيها جانب الواقعية؟ (لا أريد نسخة كربونية من فيفا/بيس)
-الأخطاء التقنية منفرة عن اللعب؟ لأن لا أريدها تجتمع مع نظام لعب ناقص -حسب ما سمعت-

أحتاج لعبة كرة غير واقعية ممتعة @@

 

[Omni-Doom]

لا زلت متردد معها حقيقة...
-هل اللعبة طاغي فيها جانب الواقعية؟ (لا أريد نسخة كربونية من فيفا/بيس)
-الأخطاء التقنية منفرة عن اللعب؟ لأن لا أريدها تجتمع مع نظام لعب ناقص -حسب ما سمعت-

أحتاج لعبة كرة غير واقعية ممتعة @@

اللعبة غير واقعية أبدآ، للأمانة ما وجهت أخطاء تقنية و اللي أشوفهم جلتشات نادر حدوثها، ناوي تأخذها على أية جهاز؟

 

[voxpai]

اللعبة غير واقعية أبدآ، للأمانة ما وجهت أخطاء تقنية و اللي أشوفهم جلتشات نادر حدوثها، ناوي تأخذها على أية جهاز؟

بالغالب على السويتش

 

[Omni-Doom]

بالغالب على السويتش

نسخة السويتش مافيها شيء، بس الفريمات ٣٠ وقت اللعب و تهبط وقت الكتسينز أتوقع، انتظر لها تخفيض.

 

[Bo7mood89]

لا زلت متردد معها حقيقة...
-هل اللعبة طاغي فيها جانب الواقعية؟ (لا أريد نسخة كربونية من فيفا/بيس)
-الأخطاء التقنية منفرة عن اللعب؟ لأن لا أريدها تجتمع مع نظام لعب ناقص -حسب ما سمعت-

أحتاج لعبة كرة غير واقعية ممتعة @@

نفسك
ابي اخذها و بنفس الوقت مو بذاك الحماس بسبب كثرة الانطباعات السلبية، مع الاخذ بالاعتبار موضوع السعر ٦٠ دولار بالعادة احطه على لعبة ضخمة و اكون متأكد اني بستمتع فيها، و هي انا ابيها كلعبة جماعية اكثر من فردية فا شكله الأفضل انتظر تخفيض عليها

 

[voxpai]

نسخة السويتش مافيها شيء، بس الفريمات ٣٠ وقت اللعب و تهبط وقت الكتسينز أتوقع، انتظر لها تخفيض.

نفسك
ابي اخذها و بنفس الوقت مو بذاك الحماس بسبب كثرة الانطباعات السلبية، مع الاخذ بالاعتبار موضوع السعر ٦٠ دولار بالعادة احطه على لعبة ضخمة و اكون متأكد اني بستمتع فيها، و هي انا ابيها كلعبة جماعية اكثر من فردية فا شكله الأفضل انتظر تخفيض عليها

أبداً مب ناويها بستين دولار، بالتخفيض ومتردد فيها

 

[Omni-Doom]

أبداً مب ناويها بستين دولار، بالتخفيض ومتردد فيها

مادام بالتخفيض فلا تتردد، اللعبة ممتازة و مافي مثلها بالسوق، لا نزلت عن ٤٠ دولار خذها و انت مغمض.

 

[bits]

أبداً مب ناويها بستين دولار، بالتخفيض ومتردد فيها

سعر النسخة العادية 50 دولار

 

[voxpai]

سعر النسخة العادية 50 دولار

بمتجر البلاستيشن السعودي فعلاً، بس على السويتش بـ٦٠$

 

[Omni-Doom]

اللعبة وصلت شحناتها لنصف مليون، تستاهل الصراحة.

 

[Bo7mood89]

شريتها و جربتها امس مع صاحبي، اللعبة ممتعة جداً رغم بعض الملاحظات، للحين ما جربت اطوار القصة و هدفي الأساسي من الشراء هو اللعب الجماعي بما اني ما احب فيفا.
الحين عندي جم سؤال لأصحاب الخبرة :

١ بطور اللعب الجماعي طالع لي عدد قليل جداً من الفرق، شلون افتح الكل؟
٢ الضربات القاضية عندي شوي لخبطة فيهم، هل تنفيذهم يعتمد دايماً على عداد طاقة اللاعب؟ و هل كل مهاجم و لاعب وسط عنده ضربة قاضية؟ ولا لاعبين معينين؟
٣ اذا في نصايح تخلي اللعب افضل ياريت تنصحوني

اهم شي ان الفرق كلها تفتح بالطور الجماعي لأن هو اللي شاري اللعبة عشانه، و اكيد بدخل بالفردي ان شاء الله.

 

[bits]

شريتها و جربتها امس مع صاحبي، اللعبة ممتعة جداً رغم بعض الملاحظات، للحين ما جربت اطوار القصة و هدفي الأساسي من الشراء هو اللعب الجماعي بما اني ما احب فيفا.
الحين عندي جم سؤال لأصحاب الخبرة :

١ بطور اللعب الجماعي طالع لي عدد قليل جداً من الفرق، شلون افتح الكل؟
٢ الضربات القاضية عندي شوي لخبطة فيهم، هل تنفيذهم يعتمد دايماً على عداد طاقة اللاعب؟ و هل كل مهاجم و لاعب وسط عنده ضربة قاضية؟ ولا لاعبين معينين؟
٣ اذا في نصايح تخلي اللعب افضل ياريت تنصحوني

اهم شي ان الفرق كلها تفتح بالطور الجماعي لأن هو اللي شاري اللعبة عشانه، و اكيد بدخل بالفردي ان شاء الله.

١- تخلص طور القصة الخاص بكابتن تسوباسا للفرق وتخلص طور new hero لاغلب المنتخبات. منتخب ألمانيا هو المنتخب الافتراضي لانهاء اللعبة ولفتح الامريكي والبرازيلي لازم ترفع صداقة لاعب امريكا رقم ١٠ (ماني فاكر اسمه) و تختار محادثات محددة لجعل خصمك في النهائي المنتخب الامريكي. المنتخب البرازيلي نفس النظام لكن بترفع الصداقه للاعب البرازيل كارلوس. اعتقد مستوى الصداقة B كافي.

٢- الكثير من اللاعبين لا يمتلكون ضربات خاصة و نعم اللياقة العامل الرئيسي لتنفيذها. من أفضل الطرق لعملها تخطي لاعبين متتاليين بيعبي الطاقة و يسرع شحن الضربات. ايضا تفعيل ال v zones يسرع الشحن ويقوي الفريق. بتحتاج الشحن السريع لانه فيه ضربات super اقوى من العادية بتفتح معاك لما تخلص اطوار اللعبة. فيه ضربات لازم تنفذ مهمات في مباريات معينة لفتحها.

٣- لعبت كم مباراة اونلاين. اللعب معوق وغير ممتع ابدا مع لاعبين حقيقين.

 

[Bo7mood89]

١- تخلص طور القصة الخاص بكابتن تسوباسا للفرق وتخلص طور new hero لاغلب المنتخبات. منتخب ألمانيا هو المنتخب الافتراضي لانهاء اللعبة ولفتح الامريكي والبرازيلي لازم ترفع صداقة لاعب امريكا رقم ١٠ (ماني فاكر اسمه) و تختار محادثات محددة لجعل خصمك في النهائي المنتخب الامريكي. المنتخب البرازيلي نفس النظام لكن بترفع الصداقه للاعب البرازيل كارلوس. اعتقد مستوى الصداقة B كافي.

٢- الكثير من اللاعبين لا يمتلكون ضربات خاصة و نعم اللياقة العامل الرئيسي لتنفيذها. من أفضل الطرق لعملها تخطي لاعبين متتاليين بيعبي الطاقة و يسرع شحن الضربات. ايضا تفعيل ال v zones يسرع الشحن ويقوي الفريق. بتحتاج الشحن السريع لانه فيه ضربات super اقوى من العادية بتفتح معاك لما تخلص اطوار اللعبة. فيه ضربات لازم تنفذ مهمات في مباريات معينة لفتحها.

٣- لعبت كم مباراة اونلاين. اللعب معوق وغير ممتع ابدا مع لاعبين حقيقين.

مشكور على المعلومات ما قصرت.
اطوار القصة تاخذ اوقات طويلة؟ و الصعوبة فيهم متوازنة ولا مكسورة؟
يعني ممكن بعدد جلسات بسيط اخلصهم ولا بيطولون معاي؟

 

[bits]

مشكور على المعلومات ما قصرت.
اطوار القصة تاخذ اوقات طويلة؟ و الصعوبة فيهم متوازنة ولا مكسورة؟
يعني ممكن بعدد جلسات بسيط اخلصهم ولا بيطولون معاي؟

قصيرة في جلستين او ثلاثة بتخلصها. طور كابتن ماجد قصير جدا وطور new hero اعتقد سبع مباريات او ثمانية. الي بيطوله الكلام فيه كثير وطويل والمقاطع كثيرة وبين كل مقطع ومقطع loading. الصعوبة متفاوتة من مباراة لمباراة وتعتمد على تطويرك للفريق واللاعب الي بتعمله لكن اجمالا انا ما عانيت مع الصعوبة إلا في النهائي ضد امريكا. اعتقد المباراه الوحيدة الي انهزمت فيها.

 

[Bo7mood89]

يا شباب شلون اعرف كل فريق منو اللاعبين اللي عندهم ضربات خاصة؟

 

[bits]

يا شباب شلون اعرف كل فريق منو اللاعبين اللي عندهم ضربات خاصة؟

على البلاي ستيشن من شاشة اختيار اللاعبين في friendship اذا ضغط مربع بتشوف الحركات الي يمتلكها كل لاعب.