C++ مساعدة

[pacino]

السلام عليكم ورحمة الله وبركاتة


اخواني لو ما عليكم امر احد يعرف برنامج مجاني اقدر من خلالة احرر اكواد C++
نزلت برنامج Microsoft.Visual C++ 2010 express
لكن كل ما اسوي debugging للكود ما تطلع لي صفحة الoutput السوداء.(تطلع لثانية وتختفي)

 

[Fatal Error]

http://www.codeblocks.org/downloads/26
جيد وفي كمان dev-C++.

بالنسبة للكونسول قيد برمجت قبل كذا ولا المشكلة جديدة؟

 

[Mansoury]

حط هذا الامر
system ("pause");
قبل
return 0;
و بتزبط ان شاء الله

 

[Mody works]

هذا مب خطأ من الكومبايلر حقك ^_^ الموضوع ببساطة إن البرنامج أول ما يشتغل يفضل شغال ويوصل مباشرة لـ

return 0;

وهذا أمر بالخروج من البرنامج بإعادة 0 لقيمة إستدعاء دالة الـmain
وطبيعي جداً لما يقراه يخرج من البرنامج ، وهذا شئ يحصل في أي كومبايلر، في الواقع من تجربتي يحصل في كل اللغات اللي اعرفها ، فحتى لو غيرت الكومبايلر المشكلة ما بتنحل
هي أساساً مب مشكلة =P طبيعي لما تدرس الكونسول في البداية ما بيكون عندك طريقة لمنع الخروج ، في البرامج المتقدمة يستخدمون أنواع خاصة من اللوبز ، وأول ما تدرس الـInput بإذن الله بتنحل مشكلتك
على العموم كحل مؤقت تقدر تستخدم إما

system("pause");

اللي حطها الأخ Mansoury
لكنها مكلفة جداً على ذاكرة البرنامج ( تستدعي أوامر نظام التشغيل نفسه ، بعدين تمر على كل أمر فيهم وتستدعي pause)
ممكن تستخدم هذي قبل الـreturn 0 ..وظيفتها ادخال سطر input فارغ

cin.get()

وكنصيحة أخيرة ، لو تشتغل على ويندوز ومب ناوي تستهدف أنظمة ثانية لاحقاً مثل الماك/لينكس ، فأنصحك تستمر على الفيجوال سي++ لإنه بيريحك كثير بعدين مقارنة بحتى الكود بلوكس و الديف سي++

لكن يمكن الفرق الوحيد إن الـVisual Studio يعمل كومبايل لأنظمة مايكروسوفت فقط بشكل أساسي (ويندوز / Zune / Windows phone ..وممكن حتى الـXbox360 ) وفيه مدمج معاه حزمة الـWin32 اللي تسمح لك تبرمج برامج بشكل سهل على الرغم إني ما افضلها xP
لو بتستخدم Code::blocks بتضطر تستخدم QT مثلاً أو wxWidget ، أصعب بكثير (في برامج الويندوز)

لكن أي واحد منهم يقدر يفيدك لو بتتعلم مثلاً عشان الجامعة في تطبيق برامج الكونسول (هذا تقريباً الشئ الوحيد اللي يعلموه p: )
لكن لو مهتم تتعلم اللغة نفسها فاختار اللي يناسبك..
وآسف على الرد الطويل ، لإني أعرف ألم إنك تكون تبي تتعلم لغة وفي نفس الوقت ما تدري أي كومبايلر تستخدم
..ناوي على صناعة الألعاب بإذن الله؟ =P

 

[Painkiller Q8]

وع .. ذكرتني ايام الكليه الدراسه !!!!

بالتوفيق !

 

[Burn]

او حط في اخر الكود قبل الreturn 0

حط cin>>a; او اي متغير هذا الي كنت اسويه

 

[pacino]

مشكورين شباب .ضبط معاي الكود

هذا مب خطأ من الكومبايلر حقك ^_^ الموضوع ببساطة إن البرنامج أول ما يشتغل يفضل شغال ويوصل مباشرة لـ

return 0;

وهذا أمر بالخروج من البرنامج بإعادة 0 لقيمة إستدعاء دالة الـmain
وطبيعي جداً لما يقراه يخرج من البرنامج ، وهذا شئ يحصل في أي كومبايلر، في الواقع من تجربتي يحصل في كل اللغات اللي اعرفها ، فحتى لو غيرت الكومبايلر المشكلة ما بتنحل
هي أساساً مب مشكلة =P طبيعي لما تدرس الكونسول في البداية ما بيكون عندك طريقة لمنع الخروج ، في البرامج المتقدمة يستخدمون أنواع خاصة من اللوبز ، وأول ما تدرس الـInput بإذن الله بتنحل مشكلتك
على العموم كحل مؤقت تقدر تستخدم إما

system("pause");

اللي حطها الأخ Mansoury
لكنها مكلفة جداً على ذاكرة البرنامج ( تستدعي أوامر نظام التشغيل نفسه ، بعدين تمر على كل أمر فيهم وتستدعي pause)
ممكن تستخدم هذي قبل الـreturn 0 ..وظيفتها ادخال سطر input فارغ

cin.get()

وكنصيحة أخيرة ، لو تشتغل على ويندوز ومب ناوي تستهدف أنظمة ثانية لاحقاً مثل الماك/لينكس ، فأنصحك تستمر على الفيجوال سي++ لإنه بيريحك كثير بعدين مقارنة بحتى الكود بلوكس و الديف سي++

لكن يمكن الفرق الوحيد إن الـVisual Studio يعمل كومبايل لأنظمة مايكروسوفت فقط بشكل أساسي (ويندوز / Zune / Windows phone ..وممكن حتى الـXbox360 ) وفيه مدمج معاه حزمة الـWin32 اللي تسمح لك تبرمج برامج بشكل سهل على الرغم إني ما افضلها xP
لو بتستخدم Code::blocks بتضطر تستخدم QT مثلاً أو wxWidget ، أصعب بكثير (في برامج الويندوز)

لكن أي واحد منهم يقدر يفيدك لو بتتعلم مثلاً عشان الجامعة في تطبيق برامج الكونسول (هذا تقريباً الشئ الوحيد اللي يعلموه p: )
لكن لو مهتم تتعلم اللغة نفسها فاختار اللي يناسبك..
وآسف على الرد الطويل ، لإني أعرف ألم إنك تكون تبي تتعلم لغة وفي نفس الوقت ما تدري أي كومبايلر تستخدم
..ناوي على صناعة الألعاب بإذن الله؟ =P

ألف شكر اخوي عالرد المفصل والجميل.انا اخذت مادة السي بلس بلس قبل سنتين وبصراحة لحد الحين استفيد منها .بما اني ادرس هندسة بترول .في مسائل واجد تواجهني يتطلب حلها iteration او trail and error
فكنت احول المسألة لكود معين واخلي الكمبيوتر يحلها (while loop ,for loop) اكثر شي استخدمهم.

استخدامي للغة سطحي ولا يتعدي الهوامش.ودي من زمان اطور نفسي فيها بس ما حصلت الوقت الى الآن.

 

[Fatal Error]

للي حاب يتعلم C++ في واحد رهيب في يوتيوب يشرحها بشكل ممتاز وعنده فيديوهات ثانية لل الجافا والاوبجكتيف سي والاندرويد والايفون وunreal development kit وغيرها، صراحة شي رهيب.

C++: [video]http://www.youtube.com/playlist?list=PLB1D6D3D322FAC6A6[/video]

وهذا موقعه http://www.thenewboston.com

 

[Hironobu Sakaguchi]

^^
اتحسف لما اخش ذي المواقع والاقي نفسي حاطها بالمفضلة او مسويلها سبسكرايب من زمان لكن ما تفرغت لها
لازم احسن وضعي بالسي++ والجافا @_@