الموضوع الرسمي BAYONETTA | جميلة انتي ... كالفراشة !!

[hussien-11]

انا فوق الـ60 ساعة لعب و لسة اتعلم كومبوهات جديدة ؟؟ هذه لعبة احلامي يا رجل !!

لول اللعبة تعطيك كثير و كثير و كثييييييير ، مادري كم بلاي ثرو تحتاج حتى تشوف كل شي فيها

بخصوص الأوست نسيت أقول انه اللعبة جابت ثيم جديد ممكن يكون أحسن بوس فايت ثيم من أيام ون وينجد انجل ! ( أتكلم جد ) you may call me father ، صدقا عمل إعجازي التراك هذا .
​

 

[D1rk-Knight]

لول اللعبة تعطيك كثير و كثير و كثييييييير ، مادري كم بلاي ثرو تحتاج حتى تشوف كل شي فيها

بخصوص الأوست نسيت أقول انه اللعبة جابت ثيم جديد ممكن يكون أحسن بوس فايت ثيم من أيام ون وينجد انجل ! ( أتكلم جد ) you may call me father ، صدقا عمل إعجازي التراك هذا .
​

فكرت حالي الوحيد اللي معجب جدًا بهذا التراك. :wow:
اللي عاجبني فيه إنه يدخلك جو بأنك في معركة كبيرة، معركة حياة أو موت، معركة لحماية شرفك وشرف الكلان تبعك. :

 

[SCREAMING_RAGE]

::::


اليوم المفروض اللعبه تجيني عن طريق البريد .......................... لكن للأسف, البريطانين كلهم ما استلموا نسخهم لا من بايوناتا ولا حتى داركسايدرز .

و السبب العاصفه الثلجيه اللي خلت الانجليز المعفنين يخافون على حياتهم بسبب كم نقطتين ثلج, ياخي الله يقلع ابو الشخص اللي حط في بالهم فكرة الـ " health and safety " >_>*

كنسلت ابو الـ pre-order حقي, و شكلي الليلة بأروح نصف الليل عند ASDA علشان اشتريها بأي سعر........................ ياخي قسماً بالله يا زين محلات الرياض بس :inlove:, الالعاب توصل عندهم وانت ما تدري عنها .

الفضول حول هذه اللعبه بيقتلني, لازم اشغل نفسي بأي شئ الين ما تنزل اللعبه في السوق الليلة.

 

[DEMON]

ok انا الآن موصل الشابتر الثالث وكل الي اقدر اقوله omg :surprised:
الost خووورااافييي لدرجة عجيبية موشمومكوناوية :rockon:
القيمبلاي عميييق للمحترفيت وبعض الاحيان اسوي كومبو اخربط فيه يطلع كومبو جديد كليا و الخ.....
انا dmc فان بس بعد بايونتا( go to hell devil may cry):rockon:
اي واحد يحس نفسه ((محترف action games)) وما لعب بايونيتا الجميلة اقدر اقله انت
(((انت الى الآن مالعبت اكشن ))) :
انا رايح اكمل

 

[BioMario]

ok انا الآن موصل الشابتر الثالث وكل الي اقدر اقوله omg :surprised:

بعدك ما شفت شي صدقني

 

[Jonas]

أمس اخذتها و بعد شوي بأبدأ فيها :inlove:

أسلحة + كمبوهات + زعماء كل واحد عبارة عن تحفة فريدة + طريقة تقل الزعماء + الموسيقى إلى تخلي الواحد يتفجر من الحماس

أنا عمري ما شفت قتال زعماء اروع و اكثر تحدي من الي في نينجا جايدن 1
إن شاء الله بايونيتا ما رح تخيب ظني بهالشيء لآني اموت بشي اسمه Boss Fight

 

[hussien-11]

ننجا جايدن أصعب من ناحية قتال الزعماء

بس الاتموسفير في بايونيتا أحسن بكثير
​

 

[D1rk-Knight]

ننجا جايدن أصعب من ناحية قتال الزعماء

بس الاتموسفير في بايونيتا أحسن بكثير
​

الصعب في زعماء نينجا جايدن إنك ما تقدر تهجم عليهم في أي وقت بل في لحظة معينة على عكس DMC & Bayo اللي تقدر تهاجم طول الوقت مع تفادي هجماتهم في نفس الوقت.

هذا بحسب لعبي فيهم. :whistle:

 

[Grand]

باخذها بعد الامتحانات اهم شيء اللعبة تقدم تحدي؟؟؟ خلنا من الساوندتراكس و الاجواء هل كان في رئيس صعب؟؟

كم مرة خسرت من رئيس

هذا اهم شيء عندي اللعبة الي تقدملي تحدي

 

[hussien-11]

اللعبة على مستوى نورمال فيها تحدي "متوسط" ، و للمتمرسين بألعاب الأكشن اللعبة سهلة نوعا ما

بس فيه مستويين صعوبة زيادة بيقدموا تحدي رائع جدا لقدرات اللاعب .
​

 

[zeldaway]

بعدك ما شفت شي صدقني

من جد
حدك للشابتر الخامس وراح تنسى العاب الاكشن كلها

 

[Zero]

شخصيا أشوفها سهلة على النورمال ، في فرق بين صعوبة سخيفة وتحدي تقدر تتغلب عليه .. وصعوبة بايونتتا من النوع اللي تقدر تتغلب عليه مع الانتباه وهذا راجع لمرونة اللعب الكبيرة في المشي وتنفيذ الكومبوات والقفز وكل شيء ( تتفادى وتناقز وتنتبه بدلا من اللعب بشكل عشوائي بدون ما تدري ويش صاير على الشاشة ).

 

[zeldaway]

باخذها بعد الامتحانات اهم شيء اللعبة تقدم تحدي؟؟؟ خلنا من الساوندتراكس و الاجواء هل كان في رئيس صعب؟؟

كم مرة خسرت من رئيس

هذا اهم شيء عندي اللعبة الي تقدملي تحدي

اذا بتلعب العبه كااي لعبه اكشن راح تتعب كثير لكن لو لعبت بحترافيه احتمال تكون متوسطه الي صعب

 

[DEMON]

بعدك ما شفت شي صدقني

:rockon: حماس حماس

من جد
حدك للشابتر الخامس وراح تنسى العاب الاكشن كلها

مين قلك اصلا العاب الاكشن ناسيها من زمااااااااااااااان خلاص حمستوني زيادة بانفجر

محتوى مخفي

شباب في حركة ما ادري ايش اسمها ((المشي على الجدران اذا ظهر القمر )) انا اول ما شفتها صرت زي كذا :xd: حركة الييييييمة

 

[hussien-11]

الي خلى بايونيتا لعبة أسهل هو الـwitch time ، بس هذا ما يعني انها لعبة سهلة بزيادة ، يبقى مستوى النورمال موزون و ما ننسى انه مو كل الناس محترفين أكشن ، محترفي الأكشن بتبدأ بايونيتا معهم بس يخلصوا النورمال و يبدوا بالمستويات الأصعب P:

على فكرة كثير أشوف ناس توصف بايونيتا انها لعبة button mashing ، اشوف انه هذا كلام ناس مو متمرسين في اللعبة كويس، ممكن الشي هذا ينفع على النورمال مع التوقيت السليم لتفادي ضربات الأعداء و تفعيل الويتش تايم ، بس على مستويات الصعوبة الأعلى .. انسى ، لازم تكون عارف ايش قاعد تسوي بالزبط و لا بتواجه مشاكل كثيرة
​

 

[Justice]

اكثر شئ زعجني في نسخة الPS3 هو الloading -ـــ-! يعني حتى وانت تضغط start يعطيك loading شيئ
مزعج لكن بشكل عام اللعبة بنسبة لي ارهب لعبة اكشن لعبتها بعد ٩سنوات اي من بعد صدور ديفيل ماي كراي الاول.
الOST شيئ خراااااااااااااااااااااااااااااااااااافة اذاني تعبو من كثر مااسمعهم لوول

 

[DEMON]

صراحة كنت اتمنى اني ابدا بصعوبة اكبر من النورمل بس ايش اسوي هذا الموجود
الالـwitch time تسهل اللعبة بس اتوقع ان بالمستويات الاصعب بتفيد
اتقف معاك حسين بمعظم كلامك

 

[JOE]

مين إفتكر الحان فف 8 مع تراك The Heavies في بايونيتتا ؟ الاداة إلي في الخلفية اسطورية .

 

[JOE]

اروع تراك في اللعبة بإسم Bayonetta Image Song Prototype B و للاسف ما لقيتها في يوتيوب قبل فترة ، إلي إشترى / حمل الـOST الكامل حيسمعه ...... بالإضافة لما ذكر هنا .

 

[Solay]

انهيت اللعبه من كم يوم وماحبيت احط انطباعاتي الين اطلع الأسلحه اللي اقدر اطلعها وطلعتها,ابحط انطباعاتي على شكل ايجابيات وسلبيات واي حاجه انساها اعتبروها ايجابيه:

+الكومبوز رهييبه بس لي تعليق بسيط عندها بالسلبيات
+اتموسفير رائع ومتنوع
+البنت الصغيره كيوت
+اعداء كثيرين وتصميم رهيب,بالنسبه لي اكثر واحد اعجبني كتصميم FEARLESS
+موسيقى خورافيه وفيه كم كم تراك اعتبرهم من افضل ماسمعت هالجيلLets get danc أولهم
+قتال زعماء رهيب
+الويتش تايم
+االإستدعاءات باللعبه رهيبه
+تلميحات كاميا لألعابه الثانيه وأولها JOE أعجبتني
+جرافيكس متواضع
+

محتوى مخفي

اللقطه اللي تحكمت فيها بالطلقة عند

الزعيم القبل الأخير كانت ايبك
+التحكم

محتوى مخفي

بالذئب

أعجبني ويختصر مسافات طويله
+اللعبه قابله للإعادة مرات كثيير
+رقصة النهايه

فيه اشياء كثيرة موب لازم اكتبها لأني مثل ماقلت اي شي انساه اعتبروه ايجابيه,بالنسبه للسلبيات:

-الكومبوات كثيرة بس للأمانه ماحسيت فيه فرق بين الكومبوات وكل ماانوع مااحس اني من جد سويت شي جديد,طبعا استثني الحركات اللي اخذها من رودين لو اعتبرناهم كومبوز..
-شخصيات ترفع الضغط لآخر درجة -__-
-قصه موش ذاك الزود ابدا وممله مع انها كلعبة أكشن المفروض مااركز على القصه
-النوع الثاني من حكاية القصه اللي كأنه كوميكس نظام ماكان له اي داعي وكانوا يقدرون يبدلونه بالكت سينز العاديه بدال الملل هذا
-شخصية بايونيتا ترفع الضغط أكثر من الشخصيات كلها واستعراضها الزايد عن اللزوم اكثر شي يرفع الضغط فيها(أجل تضحي بحياتها عشان حلاو مصاص؟!!!)
-الميني بوسس كانوا رهيبين بأول ظهور لهم بعدين الصراحه زودوها بزيادة وكل تشابتر يطلعون أكثر من ثلاث مرات
-تصميم الزعماء(موب قتالهم)من ناحيتي اشوفه بايخ وملامحهم باهته مع شوية استثناءات
-تكرار الزعماء بالنهايه حاجه مااعجبتني مع ان البعض يمكن يعتبرها ايجابيه بس من ناحيتي استمتعت بالزعيم من اول قتال له وشوله يوم ترجعونه لي مرة ثانيه!!
-تشابتر

محتوى مخفي

الدباب

أكثر تشابتر بايخ باللعبه مع ان اول دقيقة منه كانت ممتعه بس هم زودوها
-تشابتر

محتوى مخفي

الصاروخ

كان ممل بعد وزودوه بزيادة بس موب اسوء من

محتوى مخفي

الدباب

-حركة الحصول على الأسلحه ومااعجبتني وكنت افضل لو اني آخذ سلاح بعد كل زعيم او اغلب الزعماء اللي اقتلهم
-مع ان الأسلحه كثيرة بس من ناحيتي مااعجبتني وماحسيت فيه فارق كبير بينهم من ناحية التأثير
-المقطع البسيط اللي يجي قبل كل مرة ادخل للرودين ماكان له أي داعي وبعض المرات اتعيجز لو كنت ابشيك على حاجه بسرعه
-الكاميرا تغث ببعض الأحيان

بالنهايه تقييم اللعبه :9,0 ويمكن تحت شوي واللعبه من ناحيتي بعيدة عن البيرفكت,ولو قارنتها بألعاب الأكشن الآخرى تتفوق على بعضها والبعض لا..

ولازال رأيي بأنه ديفل ماي كراي 3 افضل لعبة أكشن ثابت ويمكن اللعبه الوحيدة اللي بتغيره ديفل 1 اللي ابلعبها بعد كم يوم.

 

[zeldaway]

فعلا The Heavies
ذكرتني بفاينل 8 وخاصه خلفيه الساوند تحسها نفسها

 

[Zero]

سليمان من جدك ما تحس بذاك الفرق بين الكومبوات؟ هذا ينطبق على ألعاب الأكشن الثانية بالنسبة لي وليس بايونتتا اللي أحس فيها بفرق ملحوظ ونفس الكلام بالنسبة للأسلحة.

تبغى الصراحة؟ هالشيء من الممكن أن أقوله عن أي لعبة أكشن من هالنوع بس لما أتذكر حركات معينة أقول: لا ، إلا بايونتتا الوحيدة اللي ما حسستني بهذا الشيء أبدا للآن.

 

[Vorg Zangief]

بخصوص الأوست نسيت أقول انه اللعبة جابت ثيم جديد ممكن يكون أحسن بوس فايت ثيم من أيام ون وينجد انجل ! ( أتكلم جد ) you may call me father ، صدقا عمل إعجازي التراك هذا .

انا بالنسبة لي
Fly Me To The Moon
أفضل تراك أسمعه من فترة طوييييييييلة :rockon:
-- -- --
شيء يرسخ في العقل

 

[ryo hazuki]

يعطيكم اللف عافية على الموضوع المش طبيعي

انا الحين استنى النسخة الليميتيد تصدر عندنا ياريت يكون بتارخ 8 هذا الشهر مثل ماهو مكتوب في موقع xbox الامارات

مااريد اشتري النسخة العادية

 

[Gon freeces]

انا بالنسبة لي
Fly Me To The Moon
أفضل تراك أسمعه من فترة طوييييييييلة :rockon:
-- -- --
شيء يرسخ في العقل

ترااها أغنية سيناترا

FYI

 

[Photon]

اليوم قعدت أسمع كم تراك من بايونيتا على السريع .. إيبك قليلة فيها .

اللعبة لازلت تستحق العلامة الكاملة عندي للآن .. ما أدري هل هو شي غلط فيني ؟ ..

 

[D1rk-Knight]

اليوم قعدت أسمع كم تراك من بايونيتا على السريع .. إيبك قليلة فيها .

اللعبة لازلت تستحق العلامة الكاملة عندي للآن .. ما أدري هل هو شي غلط فيني ؟ ..

لا، لأن لكل واحد ذوقه والأشياء اللي ممكن يتقبلها على عكس غيره.

 

[Khalid]

اليوم قعدت أسمع كم تراك من بايونيتا على السريع .. إيبك قليلة فيها .

اللعبة لازلت تستحق العلامة الكاملة عندي للآن .. ما أدري هل هو شي غلط فيني ؟ ..

انا معاك .. تقدر تقول انه اللعبه قريبة من البيرفيكت

 

[Colorization]

على فكرة كثير أشوف ناس توصف بايونيتا انها لعبة button mashing ، اشوف انه هذا كلام ناس مو متمرسين في اللعبة كويس، ممكن الشي هذا ينفع على النورمال مع التوقيت السليم لتفادي ضربات الأعداء و تفعيل الويتش تايم ، بس على مستويات الصعوبة الأعلى .. انسى ، لازم تكون عارف ايش قاعد تسوي بالزبط و لا بتواجه مشاكل كثيرة
​

همم، شلون ألعب عدل؟ هل الأمر يقتصر على حفظ الكومبوهات؟ لأني مش فان لحفظ كومبوهات طويلة بسبب إني أنسى بسرعة. لما لعبتها ياني نفس شعور ديفل ماي كراي، حاس إني مو قاعد ألعب عدل بس ماعرف شسوي.

 

[Photon]

لا، لأن لكل واحد ذوقه والأشياء اللي ممكن يتقبلها على عكس غيره.

انا معاك .. تقدر تقول انه اللعبه قريبة من البيرفيكت

لا ما فهمتم علي لول ..

أنا لما أقيم لعبة ما أمشي ذوقي عليها .. بمعنى أقيمها بعيد عن أي عاطفة تجاهها حتى لو كانت لعبة زيلدا .

اللي أقصده رغم إني شايف عيوب اللعبة و لسا بعد هذا كله لازلت أشوفها بيرفكت هذه غريبة صراحة ..

يمكن لأنه عيوبها تصغر و تتضاءل قدام بحر إيجابياتها ؟! .. ما أعرف بصراحة .