Avatar: the last airbender

[ZiZ]

الأنميشن رخيص؟!!!

الأنميشن رخيص؟!!!!!

المسلسل كله رسمه جودته عالية مب زي بعض الأنميات تجيك مطاقة كاملة عبارة عن فريمين كل شوي يكررونها: (اعذروني على الموسيقى)

[YOUTUBE]Gd5b01KrOQ0[/YOUTUBE]

vs

كان ودي أحط لقطة من المعركة الأخيرة بس خفت أخرب على اللي بيشوفون
[YOUTUBE]dj8VlvEZ5jk[/YOUTUBE]

المسلسل نزلت له عدة الألعاب فيديو وفي لعبة MMORPG قادمة له هذا غير فلم الـ Live Action من M. Night Shamalamaman مدري وش اسمه...

 

[Majeed]

معليش على الرفع، بس توي مخلص الموسم الأول وحبيت أحط انطباعاتي .. لكن قبل كذا أحب أشكر زيز جدًا على كتابته للموضوع الي من دونه ما كنت بأعرف عن الأنمي .. الي ذكرني فيه مؤخراً وحمسني من جديد هو تريلر الفلم اللايف أكشن ..

القصة والشخصيات :

القصة مب رهيبة وفيها تويستات أليمة لحد الآن، بل واضحة وبسيطة وتيبيكال .. دولة تبي تسيطر على العالم والبطل هو الشخص الوحيد الي يقدر يوقفهم .. لكن هالشي مب عيب ولا يزعج أبد، لأن الأحداث وتصرفات الشخصيات تغطي على هالشي .. حوارات الأنمي رهيبة جدًا وإذا قلبت كوميدية فهي أسطورة في الضحك .. ما أذكر أني ضحكت زي كذا غير في ون بيس .. الشخصيات متقنة والتمثيل الصوتي خرافي وضابط على كل شخصية .. خصوصًا ساكا الرهيب :laugh:: أحد أفضل شخصيات الأنمي على الإطلاق الي يتم تعذيبها طول الوقت :laugh:: .. طبعًا فيه مواقف غبية قليلة لما أحد الشخصيات يزعل على الثاني لسبب بايخ أو زي كذا .. لكن هالشي قليل وما يأثر ومحد بيحس فيه إلا الي يدقق زيي P:

باختصار بتستمتع بكوميديا ودراما القصة وأفعال الشخصيات ..

الرسم والأنميشن :

زي ما قال عبد العزيز فوق .. الأنميشن جودته عالية ومستواه ثابت بشكل ممتاز .. والرسم أفضل من أنميات كثيير وبرضو ثابت في المستوى .. والدمج بين الرسم الثنائي والثلاثي الأبعاد جاي بشكل مضبوط جدًا .. ماراح تعاني أبد وأنت تشوف، أو حتى تجيك لقطة بمستوى أقل من الباقي .. عشرة على عشرة ..

الصوت :

زي ما ذكرت فوق، التمثيل الصوتي ممتاز جداً لكل الشخصيات بلا استثناء حتى الثانوية منها، وهالشي ما توقعته أبد كون الأنمي بأصوات أمريكية فقط .. لكن فعلًا الشغل المبذول على الأصوات مب هين ..
الساوندتراك رهيب وفيه كذا تراك يعلق في الذاكرة .. مب ذاك الأوست الخرافي لكنه ممتاز بدون كلام ..


ما أبي أكثر كلام .. لكن الأنمي فعلًا شي لا يفوت .. لو بس القصة أعمق كان صار عندي رقم واحد بالراحة ..

إلى الموسم الثاني :rockon:

 

[squall leonhart]

انا شفت اول 24 حلقة على نيكلودين لعربية ... الاصوات كانت رهيبة جدا و الكوميديا ممتازة خاصة ساكا .. هم بعدين ما جابو حلقات جديده فوقفت المشاهده ..

عبدالمجيد جربت hitman reborn ..؟؟انا متاكد انه بيعجبك

 

[Majeed]

لا يفوتك فيصل لازم تشوفه كامل .. الأنمي أرقى من كثيير من الي نشوفه حاليًا ..

هيتمان ناوي عليه من زمان .. واحد موصيني أشوفه بشدة بس للحين ما تحمست وشفته .. احتمال بعد ما أخلص أفاتار ..

 

[squall leonhart]

هو كم حلقة؟؟ .. الي اعرفه انه 3 مواسم بس ما ادري كم مجموع الحلقات

 

[Majeed]

أول موسمين عشرين حلقة لكل واحد .. الموسم الثالث واحد وعشرين ..

 

[M.D.L]

وصلت الموسم الثالث ، و لحتى الآن اشوفه احسن موسم

كلما اتوقع شئ يصير شئ ثاني و اخيس من الي اتوقعه xD

 

[! S A R]

ياحبكم للمقارنات -_- .!!

عموماً الموضوع فيه ترولنج كثيير .!! وحبيبي صاحب الموضوع لا تعب نفسك شايفك ماشاء الله تحاول تنقنع بس مافي امل .!!

خذها في بالك اذا واحد مو عاجبته فكرة شيء و شافه بس كذا مارح يعجبه العمل ابداً مثل صاحبنا الي فوق .!!

يعني هو مو مقتنع بالعمل من البداية عشان كذا ما عجبه .!!

عن نفسي الكرتون افاتار جداً جداً رهيب و مستواه جداً عالي

و تقولون يقلد الأنمي الياباني ؟؟؟ WTH ؟؟

اولاً مافيه اي شيء ياباني ثانياً بعض الشخصيات ملابسها صينية .!! وليست يابانية .!!

الكارتون امريكي 100% و مو يعني انه قتالي يعني مقتبس من الياباني >> خيير .!!

ترا باتمان وسوبرمان والقطة هذي من قبل اي انمي شونين .!!

عندهم اعمالهم الخاصة مو شرط يروحون يقلدون عمل ياباني :\

المشكلة حتى الفكرة ما تشبه اي انمي :\ .!! يعني عمل مميز وفريد .!!

وعن نفسي مره حبيته واستمتعت فيه و كان جو جميل أني اشوف شيء بهذي القوة باللغة الأنجليزية

على غير العادة , على العموم انصح محبيين انميات الشونين يتابعوا هذا بدون اي مقارنة لا هنتم :]

لأنه بجد شيء يستاهل خصوصاً السلسلة الجديدة Avatar The Legend of Korra .!! هذي بعد تستاهل المشاهدة .!!